June 30, 2016

GUMIL Oahu, agpabuya inton Agosto 6 iti Waipahu

Agpabuya manen ti GUMIL Oahu nga idauluan ni Rizal O. Fernandez iti August Ahrens Elem. School, Waipahu, Hawaii inton Agosto 6 (Sabado), iti alas sais agingga iti alas nuebe iti sardam.

Maiparangh dagiti sala, kinnantaran, daniw ken bukanegan iti nasao a pabuya a kas pangselebrar ti maika-20 nga anibersario ti nasao a gunglo dagiti mannurat nga Ilokano a kaaduanna ti agindeg iti estado ti Hawaii.

Panggibus a pabuya ti Sarsuela Ilokana a napauluan iti “Biag ni Hawayano” a sinurat ni Ric Agnes, premiado a mannurat ken kolumnista ti Bannawag (“Kastoy, Kapid, Ditoy Hawaii”). Nangyalat iti umuna a premio iti Salip iti Panagsurat iti Drama nga inesponsoran ti GUMIL Greece idi 1997, ti nasao a sarsuela ket pakasaritaan ti tallo nga agkakapurokan a rinekrut ti Hawaii Sugarcane Planters Association iti Kailokuan nga immay nakitegged iti kaunasan iti Hawaii. Manipud Puerto ti Salomague, Cabugao, Ilocos Sur, nagrubuatda a naglugan iti SS Maunauili idi Abril 11, 1946. Makapakatawa, makapasangit ken makapasegga dagiti eksena a naibasar iti rigat, ragsak ken nam-ay a naglasatan dagiti tallo.

Iti met Agosto 7, maisayangkat ti “Seminar iti Panagsurat,” manipud alas nuebe iti bigat, agingga iti alas tres iti malem. Manamnama ti itatabuno ti sumagmamano a mannurat nga Ilokano a kameng ti GUMIL Filipinas.

Daytoy a panagpabuya ket pangparnuay iti pondo a mangitultuloy iti programa ti GUMIL Oahu nga “School in the Barrios,” a mangtulong kadagiti nakurapay a pagadalan iti Kailokuan. Addan sangapulo ket walo nga eskuela a natulongan ti GO.

Silulukat dagiti nasao a programa ken seminar kadagiti Ilokano iti Hawaii. (Avelino Beronilla Felicitas, Jr.)

(Naipablaak iti Bannawag, Hulio 11, 2016 a bilang.)

HULIO 11, 2016



SARITA
4 Kapipintasan
   Danilo B. Antalan

NOBELA
8 Ni Anti Maring ken ni Triple M
     Estela A. Bisquera-Guerrero
12 Ti Bastardo
     Norberto D. Bumanglag, Jr.

DANIW
6 Panagballasiw
    Mighty C. Rasing
22 Maipasngayda Amin a Daniw
     Remy N. Albano
47 Daniw a Para Ubbing
     Jimmy R. Agustin

SALAYSAY
14 Ania ti Akem ti Social Media 2016?
      Neyo Mario E. Valdez
18 Agpayso a Makaagas ti Uring
      Remedios S. Tabelisma-Aguillon
26 Adda Kuarta iti Asparagus
     Reynaldo E. Andres

KOMIKS
35 Lam-ang
38 Kimar
41 Miks & Tiks

KOLUM
10 Saludsodem ken ni Apo Hues
17 Dear Doc
23 Haytek!
24 Padasem Daytoy, Kailian
28 Okeyka, Apong
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
9 Netizone
16 Biag ni Ilokano
20 Siled ti Kararag
21 Kaano a Digosen ti Aso?
29 Idi Un-unana a Panawen
32 Ammuem Pay Dagitoy
34 Kaaduan iti Mikrobio?
43 Ti Gasatmo Ita a Lawas
46 Dagiti Pabula ni Aesop

June 26, 2016

Maymayat ti Tangguyob ta Libre Puyot



MAYMAYAT TI TANGGUYOB TA LIBRE PUYOT. Puypuyoten daytoy maysa a panglakayen nga Agta iti Sitio Pureg, Callungan, Sanchez Mira, Cagayan a komunidad dagiti Agta ti tangguyob a naaramid manipud iti sara ti nuang. Iti laksid ti pannakaammodan nga agusar iti selpon ken adun kadakuada ti addaanen iti selpon (adda payen solar panel-da nga indonar ti maysa nga NGO), us-usarenda pay laeng daytoy a wagas ti komunikasion a pangayab kadagiti kalugaranda. (Dexter M. Fabito)


(Naipablaak iti Bannawag, Hulio 4, 2016 a bilang.)

Panagiggem iti kuarta, maisuro iti SHS--DepEd

Mairamanen a masursuro dagiti agad-adal nga adda iti Senior High School ti financial education wenno umisu a panangiggem wenno panangimanehar iti kuarta, kas impakaammo ti Departamento ti Edukasion (DepEd).

Kuna ti DepEd a nasken a masapa a masursuruan dagiti ubbing nga agbalin a financial literate wenno adda ammoda no kasano a mapadakkelda ti adda a maiggemanda a kuarta babaen ti umno a panangimanehar wenno panangusar iti daytoy a kas puonan.

Kas kuna ni DepEd Undersecretary for Curriculum and Instruction Dina Ocampo a direkta a mabenepisiaran iti baro nga asignatura dagiti estudiante a mangikeddeng a mangirugi iti bukodda a negosio kalpasan ti panagturposda iti hayskul.

Maibatay ti financial education curriculum ti DepEd iti Organization for Economic Co-operation and Development’s Program for International Student Assessment financial literacy assessment framework, ken mairaman kadagiti asignatura iti Kto12 a mangisuro kadagiti kanaig a competency, kas iti Edukasyon Pantahanan at Pangkabuhayan ken Technology and Livelihood Education.


(Naipablaak iti Bannawag, Hulio 4, 2016 a bilang.)

June 24, 2016

Pannangan iti tsitsiria, pakadanagan dagiti eksperto iti salun-at

Madanaganen dagiti eksperto iti salun-at gapu iti kinalaing dagiti Filipino a mangan iti junk food wenno tsitsiria.

Kuna ni Philippine College of Physicians (PCP) Foundation President Tony Leachon iti maysa nga innuman a kumarkaro ti pannangan dagiti tao iti junk food saan laeng nga iti Filipinas no di pay ket iti sangalubongan gapu iti panagbaliw ti kababalin iti pannangan ken wagas ti panagbiag gapu met laeng iti urbanisasion ken globalisasion.

Kas kuna ni Leachon, mabalin a makaipaay iti sakit ti sobra a pannangan iti junk food, kas koma iti chips ken sopdrink.

Segun iti panagadal dagiti eksperto iti medisina, kadawyan a sakit gapu iti sobra a pannangan iti junk food ti obesity, diabetes, hypertension, gall bladder stones, fatty liver ken dadduma pay a sakit a mainaig iti puso.

Gapu iti daytoy, sinuportaran ni Leachon ti plano ni nabotosan a Presidente Rodrigo Duterte a nayonanna ti buis dagiti junk food.

Maipalagip a sinuportaran met ni agtugaw a Finance Secretary Carlos Dominguez ti plano ni Dutete a manayonan ti buis ti tsitsiria.


(Naipablaak iti Bannawag, Hulio 4, 2016 a bilang.)

June 23, 2016

HULIO 4, 2016



SARITA
4 Lakay Moses
   Arnold Pascual Jose

NOBELA
12 Ti Bastardo
     Norberto D. Bumanglag, Jr.
14 Ni Anti Maring ken ni Triple M
     Estela Bisquera-Guerrero

DANIW
6 Istoria
   Roy V. Aragon
18 2 a Soneto
     Honor Blanco Cabie
28 Agkapeta Manen
      Jobert M. Pacnis
47 Daniw a Para Ubbing
     Dexter M. Fabito

SALAYSAY
26 Manayonan ti Apit No Pagsagibuen ti Naggapasan iti Pagay
     Reynaldo E. Andres

KOMIKS
35 Lam-ang
38 Kimar
41 Miks & Tiks

KOLUM
 9 Saludsodem ken ni Apo Hues
17 Okeyka, Apong
21 Dear Doc
23 Haytek!
24 Padasem Daytoy, Kailian
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
10 Tao, Lugar, Pasamak
16 Agdigostayo iti Nagangran iti Bulong ti Dangla
19 Netizone
20 Siled ti Kararag
22 Agtrangkaso Met ti Pusa
29 Idi Un-unana a Panawen
32 Ammuem Pay Dagitoy
34 Panagdalus Kalpasan ti Layus
43 Ti Gasatmo Ita a Lawas
46 Dagiti Pabula ni Aesop

June 20, 2016

Attak



ATTAK. Inassiwan ken bitbit ni Dante Sia dagiti uppat a pulo nga attakna, maysa a pagkalap iti rasa, malaksid iti sellem, tapno mapanna ipakat iti karayan iti Sitio Muru iti Barangay Siguiran, Abulug, Cagayan. Agarup kagudua nga igid ti karayan ti katataan wenno kanipaan. Gagangay nga iti kabigatanna a masangat dagiti naipakat nga attak. Segun ken ni Dante, mapan a tallo agingga iti uppat a kilo ti masansan a maala dagiti attak. Mailako met iti dua gasut a pisos ti sangakilo a dadakkel a rasa. (Dexter M. Fabito)


(Naipablaak iti Hunio 26, 2016 a bilang.)

June 18, 2016

Dikay gumatgatang kadagitoy a kosmetiko, imballaag ti FDA

Imballaag ti Food and Drug Administration (FDA) ti saan koma a panaggatang dagiti umili iti 26 nga ‘unnotified’ a produkto a kosmetiko (pagpapintas).

Kuna ti FDA a saan a naidatag dagitoy a kosmetiko iti FDA tapno maamiris no natalgedda met laeng iti salun-at.

Dagiti kosmetiko:

D&R Beauty Essentials Natural Cello-Shine Semi Permanent Henna Wax Color Treatment;

D&R Beauty Essentials Oxidizing Cream Developer 6%;

D&R Beauty Essentials Low Ammonia Hair Color 66/0 Intense Dark Brown;

Chromastix Hair Mascara;

G2 Professional 1 Pre-Treatment Clarifying Shampoo Brazilian Blow Out Health Straight;

G2 Professional 2 Treatment Keratin Blow Out Brazilian Blow Out Health Straight;

G2 Professional 3 After Treatment Conditioning Cream Brazilian Blow Out Health Straight;

Brazilian Blow Out Kerabond Clarifying Shampoo A Sulfate-Free,

Brazilian Blow Out Kerabond Keratin Blow Out & Straightening Treatment, ken

Brazilian Blow Out Kerabond Conditioning Cream C After Treatment.

Imballaag pay ti FDA ti saan koma a panagusar ti publiko kadagitoy:

BSICA Perfume Charming Hand Washing Gel Rose;

BSICA Perfume Charming Handwashing Gel Tulips;

BSICA Moisturizing Hand Washing Gel Aloe;

BSICA Moisturizing Hand Washing Gel Jasmine;

BSICA Moisturizing Hand Washing Gel Green Tea;

BSICA Body Lotion Rose;

BSICA Antibacterial Hand Sanitizer Lavender;

BSICA Antibacterial Hand Sanitizer Aloe;

BSICA Hair Gel BS;

NYX HD Studio Photogenic Foundation HDF 102 Soft Beige;

E.L.F. Lipstick 7702 Classy;

DEXE Hair Color Shampoo Chestnut Brown;

DEXE Black Hair Shampoo; ken

DEXE Permanent Hair Color Cream 1.00 Black Brown.


(Naipablaak iti Bannawag, Hunio 26, 2016 a bilang.)

Kargamento nga Agpa-Maconacon, Isabela



KARGAMENTO NGA AGPA-MACONACON, ISABELA. Makumikom nga agikarkarga dagiti pahinante ti lampitaw nga agbibiahe nga agpa-Maconacon, Isabela, kadagiti galba ken dadduma pay a kargamento. Iti pantalan ti San Vicente, Sta. Ana, Cagayan, a paggapuan ti nasao a lampitaw, ti pagidappatan dagiti taga-Maconacon kadagiti produktoda ken iti daytoy metten nga ili ti paggatanganda kadagiti masapsapulda. (Raquelito B. Cenal)


(Naipablaak iti Bannawag, Hunio 26, 2016 a bilang.)

PDEA hotline, nasamay – Lacson

Mamati ni nabotosan a Senador Panfilo Lacson nga agbalin a nasamay ti telephone hotline ti baro a hepe ti Philippine Drug Enforcement Agency (PDEA) iti pannakarisut ti problema iti illegal a droga iti pagilian.

Kuna ni Lacson nga agbalin nga aktibo ti akem dagiti umili iti pannakaikabassit ti suplay ti droga babaen ti panagitedda iti tips iti PDEA maipapan kadagiti suplayer ken iti pannakatulong dagiti nailuod iti droga.

Dagiti hotline a mabalin a pagipulongan dagiti umili: 0999-888-7332, 0925-573-7332 ken 0927-915-0616.


(Naipablaak iti Bannawag, Hunio 26, 2016 a bilang.)

7 education agenda ti administrasion ni Duterte

Kagiddan ti panaglukat dagiti klase itay Hunio 13, imbaskag dagiti nadumaduma a grupo, iti panangidaulo ti Philippine Business for Education, ti pito a reform agenda iti babaen ti administrasion ni nabotosan a Presidente Rodrigo Duterte.

Nailista dagiti pito a panagbalbaliw a manamnama a maipatungpal iti Departamento ti Edukasion a kas: pannakaisayangkat ti nabukel a development plan, pannakapataud ti good governance, panagkaykaysa dagiti amin a sektor tapno maiwayat dagiti polisia, pannakaingato ti investment, pannakapapigsa ti alternative learning, pannakayayon ti napartak a panagbalbaliw gapu iti moderno a lubong, ken pannakaitandudo dagiti proyekto iti impraestruktura ken program a kas iti teachers traning ken ti pannakipartisipar dagiti nadumaduma a sektor iti pannakabalabala kadagiti pagalagadan ken pagannurotan.


(Naipablaak iti Hunio 27, 2016 a bilang.)

HUNIO 27, 2016



SARITA
4 Ni Naranghado, ni Barbie ken ni Imee Danica
   Daniel L. Nesperos

NOBELA
8 Ti Bastardo
     Norberto D. Bumanglag, Jr.
12 Ni Anti Maring ken ni Triple M
     Estela Bisquera-Guerrero

DANIW
6 Angaw
    Sonja Chan
20 Sinamar
    Ronnie E. Aguinaldo
22 Basang
     Cles B. Rambaud
47 Daniw a Para Ubbing
    Levita B. Baclig

SALAYSAY
14 Ania Kadi ti Acupuncture?
      Virginia A. Duldulao, Ph.D.
18 Ni Tatang ken Siak
      Prospero C. Tabangcura, Jr.
26 Nasamay nga Abono ti Ambuligan
     Reynaldo E. Andres

KOMIKS
35 Kimar
38 Gayang ni Lamang
41 Miks & Tiks

KOLUM
10 Saludsodem ken ni Apo Hues
17 Dear Doc
23 Haytek!
24 Padasem Daytoy, Kailian
28 Okeyka, Apong
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
9 Netizone
16 Biag ni Ilokano
19 Siled ti Kararag
21 Ammom Kadi No Ania ti Isaganam a Kanen ti Asom?
29 Idi Un-unana a Panawen
32 Ammuem Pay Dagitoy
34 No Kapilitan a Mangan iti Ruar
43 Ti Gasatmo Ita a Lawas
46 Dagiti Pabula ni Aesop

June 13, 2016

Piat, Cagayan



PIAT, CAGAYAN. Paglalasinen dagitoy nga agkakaarruba iti maysa a barangay iti Piat, Cagayan dagiti dadakkel, kalalainganna ti kadakkel, babassit, ken rutrot a kagatgatud a bulong ti tabako. Kalpasanna, madawis wenno matudok dagitoy a bulong sa maibilag iti init.  Malaksid iti unas ken pagay, tabako pay ti kangrunaan nga imulmula dagiti agindeg iti Piat. (Dexter M. Fabito)

(Naipablaak iti Bannawag, Hunio 20, 2016 a bilang.)

June 12, 2016

Filipinas, maikatlo a kaaduan iti plastik a basura iti baybay

Kadagupan dagiti pagilian iti lubong, ti Filipinas ti maikatlo a kaaduan iti plastik nga ibasbasurana iti baybayna; umuna ti China idinto a maikadua ti Indonesia, kas naammuan iti Journal Science.

Iti rekord ti Journal Science, umabot iti 4.8-milion agingga iti 12.7-milion a tonelada metrika dagiti basura iti baybay.

Iti pannakarambak ti World Ocean Day itay lawasna, kinuna ni Sen. Loren Legarda a madiddidigra dagiti nabiag iti baybay gapu iti basura, iti napartak a panagdakkel iti populasion, iti di umno nga aramid a kas iti sobra a panagkalap, panagipaanud iti lana iti baybay, ken dadduma pay.

Kuna ni Legarda, Chair ti Senate Committee on Climate Change, a doble ti maipaay a didigra dagiti plastik a basura kadagiti kinabaknang iti baybay gapu ta makan dagitoy dagiti ikan ken makadadael kadagiti kadilian.

Innayon daytoy a masapul nga epektibo ti pannakaisayangkat ti Ecological Solid Waste Management (ESWM) tapno masalbar dagiti kinabaknang iti baybay.


(Naipablaak iti Bannawag, Hunio 20, 2016 a bilang.)



Banna, Ilocos Norte



BANNA, ILOCOS NORTE. Klasklasien da Angkel Noel, Nanang Leony ken Tatang Boyet ti Brgy. #5, Nagpatayan, Banna, Ilocos Norte dagiti naluom ken lumlumdag a kamatis a mapandanto ilako kadagiti komersiante kadagiti aldaw ti tienda iti ilida iti Martes, Huebes ken Domingo . Isursorda met kadagiti kabalbalayan babaen ti kurongkurong dagiti saan unay a dadakkel a mabalin a pagpinakbet wenno pagkamatis iti kinelnat a masida. (Ryan A. Dulig)


(Naipablaak iti Bannawag, Hunio 20, 2016 a bilang.)

June 9, 2016

Pannakaangay ti Dap-ayan 2017 GF, mapagsasaritaan iti miting

Ti pannakaangay ti Dap-ayan 2017 wenno ti kombension nasional ti GUMIL Filipinas, ti gunglo dagiti mannurat iti Filipinas ken iti ballasiw-taaw, ti kangrunaan a mapagsasaritaan iti maika-5 a board meeting ti GF, kas impakaammo ni GF President Arthur P. Urata, Sr.

Maangay ti board meeting inton Hunio 26, 2016 iti SP Kiosk, Capitol Compound, Tuguegarao City, Cagayan iti panangsangaili ni Cagayan Board Member Vilmer V. Viloria.

Mainaig itoy, makiddaw ti yaatendar dagiti amin a presidente dagiti chapter ti GUMIL Filipinas wenno pannakabagida, nangruna dagiti maki-bid iti pannakasangaili ti nasao a nailian a kombension.

Malaksid iti daytoy, agsagsagana metten ti GUMIL Filipinas iti pannakaiwayat ti 2nd Ilokano Book Fair ken ti Pasnaan 7.

Para iti detalye ti miting ken maipapan kadagiti programa ti GUMIL, makiuman iti 0921-6021-938 (GF SecGen Ariel S. Tabag) idinto a no maipapan iti venue, makiuman iti 0915-984-2149 (VVV). (NME Valdez)

(Naipablaak iti Bannawag, Hunio 20, 2016 a bilang.)


HUNIO 20, 2016



SARITA
4 Ama Olding Dos
   Eden C. Bulong

NOBELA
8 Ti Bastardo
     Norberto D. Bumanglag, Jr.
12 Ni Anti Maring ken ni Triple M
     Estela Bisquera-Guerrero

DANIW
6 Angrem Latta Dagiti Bulong ti Dangla
   Dexter M. Fabito
47 Daniw a Para Ubbing
    Diana Sagario-Macalos

SALAYSAY
14 Asino ti Mabuteng iti Curfew?
      Neyo Mario E. Valdez
26 Maikabassitmo ti Sumngaw a Methane Gas iti Pinagayan
     Reynaldo E. Andres

KOMIKS
35 Kimar
38 Gayang ni Lamang
41 Miks & Tiks

KOLUM
17 Saludsodem ken ni Apo Hues
19 Dear Doc
23 Haytek!
24 Padasem Daytoy, Kailian
28 Okeyka, Apong
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
9 Netizone
10 Tao, Lugar, Pasamak
16 Biag ni Ilokano
18 Siled ti Kararag
20 Wen, Nakasaganatayon iti K to 12!
21 Panangisagana iti Taraon Dagiti Tumatayab
22 Padasem Man Met ti “5P”
29 Idi Un-unana a Panawen
32 Ammuem Pay Dagitoy
34 Idetalye Dagiti Aramiden Dagiti Ubbing
43 Ti Gasatmo Ita a Lawas
46 Dagiti Pabula ni Aesop

June 5, 2016

Irik Manipud iti Isla



IRIK MANIPUD ITI ISLA. Saggaysa nga ibabbaba dagiti tripulante ti lampitaw dagiti sinako nga irik a naibiahe manipud pay iti isla ti Camiguin iti sangladan ti lampitaw iti Aparri, Cagayan. No kastoy a kalgaw ken no nalpasen ti panagagapas iti isla, masansan nga iti ili ti Aparri ti paglakuan wenno pagpakiluan dagiti residente iti isla nga aduan iti apit wenno dagiti mismo nga aggatgatang iti irik sadiay. Mapletean ti irik ti P3 iti kada kilo. Ti isla ti Camiguin ket paset ti ili ti Calayan, Cagayan— a paset met ti Babuyan Islands. (Roselyn C. Campano)


(Naipablaak iti Hunio 13, 2016 a bilang.)

June 3, 2016

Eleksion ti barangay, SK ken Con-Con, mapaggigiddan koma – Comelec chair

Insingasing ni Commission on Elections (Comelec) Chairman Andres Bautista a maisanud ti eleksion ti Barangay ken Sangguniang Kabataan (SK) tapno maigiddanto laengen iti eleksion dagiti kameng ti maisingsingasing a Constitutional Convention (Con-Con).

Nupay kasta, kinuna ni Bautista a dagiti met laeng ketdi agpampanday-linteg ti mabalin a makaikeddeng no maisanud wenno saan ti eleksion ti Barangay ken SK nangruna ket sakbayna, kinuna ni nabotosan a Presidente Rodrigo Duterte a saan a pabor iti pannakaisanud dagiti dua a naagapad nga eleksion.

Maibatay iti paglintegan, ti Akta Republika Blng. 9164, a maangay ti eleksion ti barangay iti maudi a Lunes ti Oktubre, sa kalpasanna, maangay iti tunggal tallo a tawen. Insanud met ti Akta Republika Blng. 10656 ti eleksion ti SK iti 2013 tapno maigiddan iti eleksion ti barangay iti maudi a Lunes ti Oktubre 2016.

Impeksa ni Comelec Chairman Bautista ti kapanunotanna maipanggep iti panaggigiddan la koman dagiti eleksion gapu ta mabalin nga ibunga ti sabali manen nga eleksion ti “pannakabannog dagiti tattao iti eleksion” kalpasan ti nabiit pay nga eleksion nasional idi Mayo 9. Malaksid iti daytoy, kinunana a nagastos ti manual nga eleksion a para iti nasurok a 42,000 a barangay.

Sakbayna, kinuna ni Duterte a panggepna ti mangpaangay iti Kombension Konstitusional a mangisingasing kadagiti enmienda ti Konstitusion, agraman ti pannakabaliw ti sistema ti gobierno tapno agbalin a pederal.


(Naipablaak iti Bannawag, Hunio 13, 2016 a bilang.)

Nasustansia a Makan Manipud Kadagiti Ruot ti Baybay



NASUSTANSIA A MAKAN MANIPUD KADAGITI RUOT TI BAYBAY. Ipakpakita ni Delia Rebucal ti Barangay Quiling Sur, Siudad ti Batac, dagiti nadumaduma a produkto manipud iti seaweeds (ruot ti baybay) a napartuat babaen ti kinamanagsukisok dagiti inna iti Ilocos Norte ken babaen ti tulong ti Mariano Marcos State University-Extension Directorate. Gapu iti panagraira dagiti ready-to-eat products wenno junk foods nga addaan kadagiti kemikal a mangpabayag iti pannakadadaelda, napanunot ti MMSU ti agaramid kadagiti nasustansia a produkto manipud iti seaweeds. Karaman ditoy ti seaweed sticks, miki ken canton noodles, seaweed embutido ken dadduma pay a nasustansia a produkto a nalaka laeng nga aramiden ken nalag-an iti bolsa. (Leilanie G. Adriano)


(Naipablaak iti Bannawag, Hunio 13, 2016 a bilang.)

June 2, 2016

HUNIO 13, 2016



SARITA
4 Rody Tacrot, Sikyu
   Rolando A. Seguro, Jr.
14 Maysa a Karit
      Pedro L. Limos

NOBELA
8 Ni Anti Maring ken ni Triple M (12)
     Estela Bisquera-Guerrero
12 Ti Bastardo (13)
     Norberto D. Bumanglag, Jr.

DANIW
6 3 a Soneto
    Honor Blanco Cabie
47 Daniw a Para Ubbing
     Jobert M. Pacnis

SALAYSAY
18 Natalged ti Agpasiar iti Batanes
     Virginia A. Duldulao, Ph.D.
26 Adda Nalaka ken Nasamay a Pangpaksiat iti Stemborer
     Reynaldo E. Andres

KOMIKS
35 Kimar
38 Gayang ni Lamang
41 Miks & Tiks

KOLUM
10 Saludsodem ken ni Apo Hues
17 Okeyka, Apong
21 Dear Doc
23 Haytek!
24 Padasem Daytoy, Kailian
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
9 Netizone
16 Biag ni Ilokano
20 Siled ti Kararag
22 Kasano ti Kaadu ti Ipakan iti Pusa iti Agmalem?
28 Maitultuloy Koma ti K to 12 Program
29 Idi Un-unana a Panawen
32 Ammuem Pay Dagitoy
34 Ipakadawyan iti Ubing ti Kinamanagur-urnos
43 Ti Gasatmo Ita a Lawas
46 Dagiti Pabula ni Aesop