August 29, 2014

SEPTIEMBRE 8, 2014



SARITA
6 Ekuals Tri Damilig, Ma'am!
   Dexter M. Fabito
16 Gingginammol
   Ernesto L. Bisquera

NOBELA
26 Bantay a Bato (23)
     Virginia A. Duldulao
30 Mission: Black Ops (46)
     Norberto D. Bumanglag, Jr.

DANIW
 9 Septiembre iti Santa Praxedes
    Ronnie E. Aguinaldo
33 Kaykayatko Latta Ngamin a Sika
    Romel A. Pascua
48 Dandaniw a Para Ubbing
     Jobert M. Pacnis/ Charmaine Joy P. Sebastian

SALAYSAY
12 Wen, Maawatantayo Koma Dagiti Kas ken ni Robin Williams
    Neyo Mario E. Valdez
40 Adda Manen Tallo a Barayti ti Unas
     Reynaldo E. Andres

KOMIKS
19 Gayang ni Lam-ang (49)
22 Aritosan (99)
24 Miks & Tiks

KOLUM
14 Saludsodem ken ni Apo Hues
18 Dear Doc
32 Okeyka Apong
34 TIPS
37 Kastoy, Kapid, Ditoy Hawaii
38 Kosina Ilokana
42 Padasem Daytoy, Kailian
46 Haytek!

PAGLINGLINGAYAN
44 Showbiz
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
 4 Tao, Lugar, Pasamak
10 Kastan, Baag?
15 Maysa a Sermon iti Kasipngetan
27 Txtm8
28 Siled ti Kararag
29 Ania, Aya, ti Umno a Panagkawkawes?
35 Ti Gasatmo Ita a Lawas
36 Ammuem Pay Dagitoy
39 Kastoy ti Agbalin a Nalaing nga Estudiante


August 26, 2014

Haytek a Pagtaraknan iti Manok



HAYTEK A PAGTARAKNAN ITI MANOK. Kasingin ti panagdur-as ti panangarakup kadagiti kabaruanan a teknolohia a maibagay iti agdama a tiempo. Daytoy de-aircon a pagtaraknan iti manok a masarakan iti sakaanan dagiti sand dunes iti Barangay Nagbacalan, Paoay, Ilocos Norte ti daydaywen ita dagiti mayat a mangipatakder iti poultry farm gapu iti kinadalus ken kinatalgedna iti salun-at agraman iti aglawlaw. Segun iti farm manager a ni Bency Ariem, modelo daytoy a pagtaraknan iti manok iti Ilocos Norte a kukua ni Eliseo Acdal a maysa a negosiante a taga-Paoay met laeng. Babaen ti contract growing, addaan daytoy iti agarup 30,000 a manok a sidadaan a mailako iti tunggal bulan iti maysa a dakkel a kompania nga aglaklako iti dekalidad a produkto iti manok sa maiwaras kadagiti nadumaduma a pagtagilakuan. Automatiko nga agwangwang no nabara unay ti tiempo, addaan pay iti CCTV monitor tapno makita met laeng dagiti manok iti uneg ti nakubong a bodega. Pati dagiti rugit a maurnong, awan masayang ta ar-aramidenda a ganagan. (Leilanie G. Adriano)


(Naipablaak iti Bannawag, Septiembre 1, 2014 a bilang.)

Nayon nga alawans dagiti soldado ken polis, manamnama

Manamnama ti pannakaipaay ti nayon nga alawans dagiti soldado, polis ken bombero kalpasan ti pannakaaprobar iti maikatlo ken maudi a pannakaibasa ti Senate Joint Resolution No. 2 wenno iti resolusion nga agpanggep a mangipaay iti nayon a subsistence allowance kadagiti naagapad nga empleado ti gobierno.

Ti laengen pannakaaprobar ti umasping a resolusion ti Kamara ti maur-uray tapno maipatungpal ti nasao a panggep.

Kinuna ni Senador Antonio Trillanes IV, kangrunaan nga autor ti resolusion, a ti pannakaipaay ti “sangkabassit a nayon” ti subsistence allowance dagiti unipormado nga empleado ti gobierno, pangingato met iti moral dagitoy ken kas pagyaman iti sakripisioda iti pagilian.

Sagudayen ti resolusion, maingato ti subsistence allowance dagiti soldado, polis ken bombero manipud iti P90 iti inaldaw iti P150 ken marugian daytoy iti Enero 2015.


(Naipablaak iti Bannawag, Septiembre 1, 2014 a bilang.)

Filipino, ‘ganggannaet’ iti adu nga estudiante a Pinoy

Iti laksid ti pannakaramrambak ti Buwan ng Wika iti tunggal Agosto iti tinawen, nagtalinaed a ‘ganggannaet’ ti lengguahe a Filipino saan laeng a kadagiti estudiante kadagiti probinsia no di pay ket iti Kamanilaan.

Kuna ti Departamento ti Edukasion nga adu kadagiti estudiante nga agnaed iti ruar ti Manila ti saan nga agsasao iti Filipino, addada man iti pagtaengan wenno iti eskuelada ket adu pay kadagiti pribado a pagadalan a gagangay nga Ingles ti maus-usar ditoy ti mangibilang iti Filipino a kas ganggannaet a lengguahe.

“Filipino-tayo amin ngem saantayo nga amin ket agsasao iti Filipino gapu ta agbibiagtayo iti maysa a multi-lingual a pagilian,” kinuna ni DepEd Curriculum Development Division OIC Dr. Rosalina Villaneza.

Innayonna nga iti kinapudnona, idi pay nga ar-aramaten ti adu a mangisursuro ti nakayanakan a pagsasao (mother tongue) nga isu ti us-usaren dagiti ubbing iti pagtaenganda tapno laeng maipaagsepda ti kayatda nga isuro kadagiti ubbing. No saan, agtalinaed a nakamulengleng dagiti ubbing.

Iti pannakaipakat ti Mother Tongue Based-Multilingual Education, nagbalinen nga opisial ti pannakaaramat ti tawid a lengguahe (ti mother tongue) iti pannakaisuro dagiti ubbing manipud iti Kinder agingga iti Grado Tres.


(Naipablaak iti Bannawag, Septiembre 1, 2014 a bilang.)

Pannakaipangato ti buis ti sopdrink, okey iti DOH

Anamongan ti Departamento ti Salun-at (DOH) ti panggep a pannakaipangato ti buis ti sopdrink ken aminen a ‘sweetened beverages.’

Kinuna ni Dr. Ma. Elizabeth Caluag, hepe ti Lifestyle Disease Prevention Bureau ti DOH, a suportaran ti DOH ti gakat ni Dip. Estrellita Suansing ti Nueva Ecija nga agpanggep a mangipangato iti buis dagitoy a mainum tapno matellay ti sobra a panagin-inum dagiti tattao kadagiti sopdrink ken kaaspingna a mainum.

Kinuna ni Suansing, autor ti House Bill 3365 a makadangran iti salun-at dagiti ramen nga aspartame ken caramel coloring kadagiti sopdrink ken ti corn syrup a maar-aramat kadagiti sabsabali pay a ‘sweetened beverages.’

Babaen met ti nasao a gakat, kuna ni Finance Secretary Emilia Soledad Cruz a makaurnong ti gobierno iti nayon a P10.77-bilion a buis iti tinawen iti singasing a pannakaipataw ti 10 a porsiento nga ad valorem tax kadagitoy a mainum.


(Naipablaak iti Bannawag, Septiembre 1, 2014 a bilang.)

August 21, 2014

SEPTIEMBRE 1, 2014



SARITA
6 Ti Palali
    Ronnie E. Aguinaldo
16 Umaykan, Gasat…
    Dionisio S. Bulong

NOBELA
26 Bantay a Bato (22)
     Virginia A. Duldulao
30 Mission: Black Ops (45)
     Norberto D. Bumanglag, Jr.

DANIW
 9 Kilabban
   Perlas A. Dacuag
33 Vigan
   Benjamin P. Pacris
48 Dandaniw a Para Ubbing
     Leonora R. Melchor/Ti Kapotek

SALAYSAY
12 Isunto Manen ti Presidentetayo?
     Neyo Mario E. Valdez
40 Tubbog ti Mula a Pangpaksiat iti Sakit ti Bawang
     Reynaldo E. Andres

KOMIKS
19 Gayang ni Lam-ang (48)
22 Aritosan (98)
23 Miks & Tiks

KOLUM
14 Saludsodem ken ni Apo Hues
18 Dear Doc
32 Okeyka Apong
34 TIPS
37 Kastoy, Kapid, Ditoy Hawaii
38 Kosina Ilokana
42 Padasem Daytoy, Kailian
46 Haytek!

PAGLINGLINGAYAN
44 Showbiz
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
 4 Tao, Lugar, Pasamak
10 Tapno Saan Laeng a ti Tabako ti Pagbiaganda
15 “Idi Un-unana a Panawen…”
27 Txtm8
28 Siled ti Kararag
29 Dagiti Nagannak ti Kangrunaan a Titser Dagiti Ubbing
35 Ti Gasatmo Ita a Lawas
36 Ammuem Pay Dagitoy
39 Ilaga ti Teknolohia iti Panagisuro

August 16, 2014

Agpalista, saan nga aglemmeng

Nakiddaw kadagiti ‘undocumented’ a Filipino a simrek iti America idi ubbingda pay ti pananggundawayda iti kinamanangngaasi ti administrasion ni Presidente Obama kadakuada.

Kuna ti Department of Foreign Affairs (DFA) nga imbes nga aglemlemmeng dagitoy a Filipino, agaplayda koma para iti Deferred Action on Childhood Arrivals (DACA).

Kinuna ni Philippine Embassy in Washington, DC Consul Arlene Magno a ti panagbutbuteng dagitoy agraman ti pamiliada iti mabalin a mapasamak kadakuada no rummuarda ti manglaplapped kadagitoy a manggundaway iti panagaplayda.

Iti naudi a quarterly report-na a rimmuar idi Marso, impakaammo ti US Citizenship and Immigration Service nga addan 4,041 a Filipino a nagaplay para iti DACA ket adda metten 3,644 a naaprobaran ti panagbalinda a makipagili iti America. Kuna ti Migration Policy Institute nga iti agdama, adda 20,000 a Filipino a rumbeng koma nga agaplayda para iti DACA.

Inlawlawag ni Tatyana Delgado ti Catholic Legal Immigration Network, Inc. a ti DACA ket saan a nairanta a pangtiliw kadagiti illegal nga imigrante malaksid no kabusor ti estado dagitoy.

Innayonna a no saan a maaprobaran ti aplikasionna, awan met ti ania a maaramid kontra iti illegal nga imigrante a simrek iti America idi ubing pay.


(Naipablaak iti Bannawag, Agosto 25, 2014 a bilang.)

Sumagmamano Kadagiti Editor Dagiti Magasin nga Ipabpablaak ti Manila Bulletin



SUMAGMAMANO kadagiti editor dagiti magasin nga ipabpablaak ti Manila Bulletin, da (agpakanawan) Bannawag Managing Editor Cles B. Rambaud, Bisaya Literary Editor Richel Dorotan, Hiligaynon Associate Editor Ner Jedeliz, Jr., Agriculture Editor Zac B. Sarian, Bisaya Associate Editor Edgar S. Godin (medio nalingdan) ken Liwayway Staff Member Wilson Fernandez a dumdumngeg iti panangilawlawag ni Buqo Marketing Officer Gabriel Valmonte no kasano ti gumatang iti digital copy dagiti magasin nga imatmatonanda. (Rinetrato ni Jim Guiao Punzalan)


(Naipablaak iti Bannawag, Agosto 25, 2014 a bilang.)

Ti Bannawag a kas E-Magazine



TI BANNAWAG A KAS E-MAGAZINE. Iti pannakayalnag ti Bannawag a kas e-magazine, kaduana dagiti dadduma pay a magasin nga ipabpablaak ti Manila Bulletin Publishing Corp., babaen ti Buqo, ti Digital Bookstore App ti Ookbee Philippines, Inc. iti Edsa Shangri-la Hotel iti Siudad ti Mandaluyong idi Agosto 5. Iti ladawan, makita ni Chad Rosario, Deputy General Manager ti Ookbee, bayat ti panangilawlawagna iti pagsayaatan ti kaadda ti digital edition ti Bannawag ken dagiti kakabsatna a magasin. Ti Ookbee Philippines, Inc. ti mangilako iti Bannawag, Liwayway, Bisaya, Hiligaynon, Agriculture, Cruising, Animal Scene, Sense & Style ken Sports a magasin ti Manila Bulletin a kas e-magazine. (Rinetrato ni Jim Guiao Punzalan)


(Naipablaak iti Bannawag, Agosto 25, 2014 a bilang.)

Asino ti mangsangaili iti GF Convention 2015?

Silulukaten ti panag-bid dagiti probinsial a sanga ti GUMIL Filipinas nga interesado a mangsangaili iti sumaruno a kombension nasional ti GF a maangay inton Kalgaw 2015.

Daytoy ti napagnunumuan iti kaudian a regular board meeting ti gunglo a naangay iti Siudad ti Laoag. Maipalagip a nagsaruno a sinangaili ti GUMIL Cagayan ti kombension, idi 2013 (Gonzaga) ken 2014 (Claveria).

Iti sabali a bangir, maangay ti maika-6 a regular board meeting ti GF inton Agosto 31, 2014 iti Tuding, Itogon, Benguet iti panangsangaili da GF Auditor Estela Bisquera-Guerrero ken kaingungotna a Rey Guerrero.

Kangrunaan a mataming iti miting ti bidding nga idatag/indatag dagiti interesado a provincial chapters a mang-host iti sumaruno a kombension nasional. Mainaig itoy, maibalakad kadagiti presidente (wenno pannakabagida) ti chapter a nag-bid ti nasken nga idadar-ayda tapno mapagsasaritaaan a nalaing dagiti proposalda a mangsangaili iti kombension.

Ipaganetget ni Presidente Arthur P. Urata Sr., ti idadar-ay amin nga opisial: Mario Tejada (bise-presidente), Eden C. Bulong (treasurer), Benjamin P. Pacris (business manager), Reynaldo E. Andres (PRO); ken dagiti direktor: Sherma E. Benosa, Emy Amad Z. Bucaneg, Eliseo B. Contillo, Freddie P. Masuli, Aileen R. Rambaud, Martin T. Rochina, Ariel S. Tabag ken Vilmer V. Viloria.

Manamnama pay ti kaaddanto dagiti mamagbaga ti gunglo: Juan S.P. Hidalgo Jr., Jose A. Bragado, Manuel S. Diaz, Baldovino A. Valdez, ken Cles B. Rambaud.

Maigunamgunam met ti itatabuno dagiti chapter president: Villamor Visaya (Isabela), Elizabeth M. Raquel (Ilocos Norte), Edilberto H. Angco (Ilocos Sur), Djuna R. Alcantara (La Union), Fernando B. Sanchez (Pangasinan), ken Joey Guzman (Abra).

Indawat met ni GF Auditor Estela B. Guerrero ti idadar-ay koma dagiti amin a mannurat nga interesado nga agkameng iti mabuagay a GUMIL Benguet a kas kada Prof. Junley L. Lazaga ti UP Baguio, Dumay Solinggay, Io Jularbal, Perlas A. Dacuag, Rosalie V. Calpito, ken dadduma pay.

Para iti dadduma pay nga impormasion, kontaken dagitoy a numero ti selpon: 0927-7927913 (APU), 0918-9632254 (EBG), wenno ag-e-mail iti rvaragon@gmail.com, wenno ag-send iti message iti Facebook iti rvaragon@facebook.com.


(Naipablaak iti Bannawag, Agosto 25, 2014 a bilang.)

AGOSTO 25, 2014



SARITA
6 Bituen
    Marichel E. Suguitan

NOBELA
26 Bantay a Bato (21)
     Virginia A. Duldulao
30 Mission: Black Ops (44)
     Norberto D. Bumanglag, Jr.

DANIW
 9 A Kas Man iti Tudo iti Agosto
    Arnold C. Baxa
33 Ina ken ti Maipasngay nga Anakna
      Rhea Rose D. Berroy
48 Dandaniw a Para Ubbing
     Roselyn C. Campano/ Ronelyn B. Ramones

SALAYSAY
12 Maipariten ti Agkeddel iti Ubing?
     Neyo Mario E. Valdez
40 Baro a Teknik iti Panagidulin iti Kamatis
     Reynaldo E. Andres

KOMIKS
17 Gayang ni Lam-ang (47)
20 Aritosan (97)
22 Miks & Tiks

KOLUM
10 Dear Doc
14 Saludsodem ken ni Apo Hues
32 Okeyka Apong
34 TIPS
37 Kastoy, Kapid, Ditoy Hawaii
38 Kosina Ilokana
42 Padasem Daytoy, Kailian
46 Haytek!

PAGLINGLINGAYAN
44 Showbiz
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
 4 Tao, Lugar, Pasamak
15 Uray An-anuenna: Awanto Met Laeng ti Sumrek iti Ulona?
16 “Namit, Gid!”
24 Naidumduma ti “Dragon Fruit Picking Festival” ti Ilocos Norte
27 Txtm8
28 Siled ti Kararag
29 Kastoy ti aramidem: Tapno Daras a Malpasmo ti Assignment
35 Ti Gasatmo Ita a Lawas
36 Ammuem Pay Dagitoy
39 Apay nga Agusarda iti Maiparit nga Agas?

August 10, 2014

Nagatiddogen!



NAGATIDDOGEN! Inarakup ti ubing ti nakaat-atiddog a bulig ti saba iti Barangay San Miguel iti Calasiao, Pangasinan. Kas kuna ni Apo Zac Sarian (“Padasem Daytoy, Kalian”), maysa a klase ti ornamental a saba daytoy. (Liezle Basa Iñigo)


(Naipablaak iti Bannawag, Agosto 18, 2014 a bilang.)

August 8, 2014

Kastoykami Ditoy Ilocos Norte




KASTOYKAMI DITOY ILOCOS NORTE. Managsakbay dagitoy nga empleado ken volunteers ti Provincial Social Welfare and Development Office (PSWDO) ti Ilocos Norte. Sakbay a dumteng ti mapadpadaanan a bagyo iti probinsia (kas ken ni limmabasen a Bagyo Jose), agisupotdan kadagiti ayuda a maipaay kadagiti posible a didigraen ti bagyo. Babaen ti nabukel a Provincial Resiliency Task Force, naiget ti panagsagsagana dagiti gobierno lokal ken dagiti nagduduma pay nga ahensia ti gobierno kadagiti ania man a kalamidad tapno malapdan ti pannakapukaw iti biag ken pagbiagan a kas iti nakurang a panagsagana dagiti lumugar iti di napakpakadaan a panangbasnot ti bagyo a Yolanda iti Kabisaayan itay napan a tawen. (Leilanie G. Adriano)


(Naipablaak iti Bannawag, Agosto 18, 2014 a bilang.)

Ebola, diyo pakadanagan, kuna ti Malakanyang

Awan ti nasken a pagdanagan dagiti umili mainaig iti panagramaram ti Ebola virus a nakatayanen ti agarup 1,000 a tattao iti West Africa.

Dinepdep ti Malakanyang ti panagamak dagiti Filipino, kagiddaan ti pakaammo a nainget ita ti panangsipsiput ti gobierno mainaig iti nasao a bayrus, nangruna ti Department of Health (DoH).

Segun ken ni Deputy Presidential Spokesperson Abigail Valte, addaan iti umdas a kabaelan ti DoH a mangamiris kadagiti aggapu iti Africa tapno manamnama nga awan ti addaan iti imet nga Ebola virus a makastrek iti pagilian.

Innayon ni Valte a naiget ti pannakabantay dagiti eropuerto tapno mapengdan ti panagwaras Ebola virus a kas met iti ar-aramiden ita dagiti dadduma a pagilian iti lubong.

Adda metten iti Alert Level 2 dagiti pagilian a nagwarasan ti virus, a kayatna a sawen a napakaammuan metten dagiti Filipino nga adda kadagitoy a pagilian tapno agan-annadda ken tapno dida agbiahe a mapan kadagiti pagilian nga apektado iti virus a kas iti Guinea, Sierra Leone ken Liberia.

Addaan metten kadagiti thermal scanner dagiti eropuerto iti pagilian tapno makita dagiti pasahero nga addaan iti simtoma ti Ebola a kas iti gurigor, panagpadara, panagsarua, ken panagsakit ti bagbagi tapno ma-quarantine dagitoy ken maamiris no positiboda iti nasao a sakit.


(Naipablaak iti Bannawag, Agosto 18, 2014 a bilang.)

August 5, 2014

AGOSTO 18, 2014



SARITA
6 Ti Tali Manipud iti Langit
    Joel B. Manuel
16 Kasaor ti Dalemdem
      Samuel F. Corpuz

NOBELA
26 Bantay a Bato (20)
     Virginia A. Duldulao
30 Mission: Black Ops (43)
     Norberto D. Bumanglag, Jr.

DANIW
 9 Huebes Ditoy Cervantes
   Dumay Solinggay
18 Alia
    Robert R. Alicias
29 Kas iti Linnaaw
     Delfin P. Dumayas
33 Ramen iti Naalunapet nga Angin
     Romel A. Pascua
48 Dandaniw a Para Ubbing
    Charmaine Joy P. Sebastian/Rolando A. Seguro, Jr.

SALAYSAY
12 Apay Koma a Madusa ti Balo a Babai No Makiasawa a Dagus?
     Neyo Mario E. Valdez
40 Nasken Met nga Aginana ti Talon
     Reynaldo E. Andres

KOMIKS
19 Gayang ni Lam-ang (46)
22 Aritosan (96)
24 Miks & Tiks

KOLUM
10 Dear Doc
14 Saludsodem ken ni Apo Hues
32 Okeyka Apong
34 TIPS
37 Kastoy, Kapid, Ditoy Hawaii
38 Kosina Ilokana
42 Padasem Daytoy, Kailian
46 Haytek!

PAGLINGLINGAYAN
44 Showbiz
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
 4 Tao, Lugar, Pasamak
15 Kasano, Aya, a Maipamaysa ti Panagrebiu?
27 Txtm8
28 Siled ti Kararag
35 Ti Gasatmo Ita a Lawas
36 Ammuem Pay Dagitoy
39 Kasanon No Adda “Pidpidut” nga Adalan?

August 3, 2014

Agmulatayo Latta iti Kayo



AGMULATAYO LATTA ITI KAYO. Nakaparparagsit dagitoy nga agad-adal iti Batac National High School iti Payao Campus bayat ti panagbunagda kadagiti grafted a mangga nga imulada kadagiti bakante a lugar iti likud ti pagadalanda. Malaksid iti panangisuro kadagiti ubbing ti pannakatagiben iti aglawlaw, nagbalin metten a paset ti tinawen nga aktibidadda ti panagmula kadagiti nadumaduma a klase ti kayo aglalo kadagiti agbunga a kas iti mangga, rambutan ken dadduma pay a mabalinto met nga apiten dagiti sumarsaruno kadakuada. Kas iti Siudad ti Batac, napinget ti panangipatpatungpal ti gobierno lokal ti panagmula iti kayo a kas paset iti programa a “Save the Quiaoit River, Mountains and Watersheds” tapno malapdan iti panaglayus uray bassit laeng ti tudo. Sipud pay idi 2009 a nairugi ti nasao a proyekto ket addan namulaan a nasurok a 4,000 nga ektaria kadagiti asideg ti ubbog ken kadagiti agkalbon a bambantay a naiget a supsuporatan dagiti amin a lumugar, ubbing ken nataengan. (Leilanie G. Adriano)


(Naipablaak iti Bannawag, Agosto 11, 2014 a bilang.)

Ayuyo wenno Ballasi!



AYUYO WENNO BALLASI! Siaanus dagitoy nga inna iti Sitio Bacong, Brgy. Caggaman, Aparri, Cagayan a mangisursursor kadagiti tagilakoda nga ayuyo wenno ballasi a naala dagiti lallakayda kadagiti katataan iti barioda. Mailako iti P70 lima a bukel nga ayuyo no kasta a kapulada, P50 met no saan. Maluto ti ayuyo a kas iti luto ti rasa, dariway, pasayan wenno tarukoy. Malaksid iti Brgy. Caggaman, maala pay ti ayuyo kadagiti kadarapatna a barangay ti Linao, Bisagu ken Nabbagan— agpapada a barangay ti Aparri iti lauden ti sabangan. (Jobert M. Pacnis)


(Naipablaak iti Bannawag, Agosto 11, 2014 a bilang.)

Pilien ti barayti tapno dakkel ti maapit—PhilRice

Tapno makapataudtayo iti nasaysayaat ti kalidadna a bagas, masapul nga ammo dagiti mannalon a pilien ti barayti, ti umno a talon a pangiraepanda, ken ammoda a taripatuen ti mulada a pagay.

Balakad daytoy ti Philippine Rice Institute (PhilRice) bayat ti pannakaigibus ti 2014 National Science and Technology Week itay lawasna.

Maysa nga ahensia ti gobierno ti PhilRice a naikappeng iti Department of Agriculture a nabuangay babaen ti Executive Order 1061 idi Nobiembre 5, 1985 (kas naamendaran) tapno mangpataud kadagiti barayti ti pagay a makaited iti dakkel nga apit ken teknolohia a mangikabassit iti gastos dagiti mannalon; iti kasta, makapataudda iti naan-anay a bagas a para iti pagilian.


(Naipablaak iti Bannawag, Agosto 11, 2014 a bilang.)

Bassit a botante nga agparehistro, dinillaw ti Comelec

Saan a maragsakan ti Commission on Elections (Comelec) iti bilang dagiti nagparehistro a botante iti umuna a dua a bulan ti panagparehistro a para iti eleksion inton Mayo 2016.

Kinuna ni Chairman Sixto Brillantes, Jr. a mapan a 500,000 a botante laeng iti sibubukel a pagilian ti nakapagparehistro idinto nga adda 9 a milion a botante a nasken a baliwanda ti panagparehistroda gapu ta awanan dagitoy iti biometrics.

Iti datos ti biometrics, automatiko a maammuan ti kinaasino ti maysa a tao, kangrunaanna babaen ti retrato, fingerprint, ken pirmana ta nakarekord dagitoyen iti kompiuter.

Sagudayen ti Republic Act 10367 wenno ti Mandatory Biometrics Registration Act of 2013, asino man a botante nga awanan iti biometrics, maikkat ti naganna iti listaan dagiti botante ket saanto a makabotos iti eleksion inton Mayo 2016.

Nangrugi ti panagparehistro dagiti botante idi Mayo 6, 2014 ket aggibus daytoy iti Oktubre 31, 2015.


(Naipablaak iti Bannawag, Agosto 11, 2014 a bilang.)

“Tungtongan 1” ti GMM: Agosto 24

Angayen ti GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna, ti “Tungtongan 1,” umuna a serye ti lektiur iti lengguahe ken literatura inton Agosto 24, 2014, 9 A.M. iti Child Jesus College, Caloocan City, kas impakaammo ni GMM President Ariel S. Tabag.

Aglektiur ni Bannawag Editor Cles B. Rambaud maipanggep iti Ortograpia ken Gramatika ti lengguahe nga Ilokano; panagsurat met iti nobela ken sarita ti tamingen da dati a Bannawag Editor Dionisio S. Bulong ken dati a Bannawag Literary Editor Jose A. Bragado, kas panagsaganadda.

Mayalnagto pay ti online a bersion ti Saluyot, ti opisial a pagiwarnak ti GMM. Marugian met ti serye ti “Pa-Bingo ti GUMIL Metro” a pagur-or iti pondo ti gunglo.

Kadagiti interesado nga agatendar, kauman ni GMM Sec. Aileen B. Serrano (0927-5617827).

Iti sabali a bangir, maisagsagana metten ti libro dagiti dandaniw ni ayat nga ipablaak ti GMM iti pannakitinnulong ti GUMIL Filipinas. (Mighty C. Rasing)


(Naipablaak iti Bannawag, Agosto 11, 2014 a bilang.)

National Commission for Culture and the Arts: Agawaten iti Project Proposal Para iti Competitive Grants

Maysa kadagiti maipapaayan iti grant wenno tulong pinansial dagiti piesta ti komunidad, kas iti piesta dagiti  T’boli.


AGAWATEN ti National Commission for Culture and the Arts (NCCA), ti kangrunaan a  government agency a mangitantandudo iti  arte ken kultura, nga ipanguluan ni Felipe de Leon, Jr., kadagiti project proposal para iti NCAA Competitive Grants Program daytoy iti 2015.

Maiturong daytoy a pakaammo kadagiti cultural and art groups, academic institutions,  local arts organizations, non-government organizations a maseknan iti kultura ken arte, ken dadduma pay a grupo.
Aggibus ti panangidatag inton Agusto 31, 2014.

Dagiti maipangpangruna a proyekto iti 2015 ket nayetnag babaen dagiti 19 a national committees iti babaen ti uppat a subcomission, nga isu dagiti sumaganad: National Committee on Architecture and Allied Arts, National Committee on Cinema, National Committee on Dance, National Committee on Dramatic Arts, National Committee on Literary Arts, National Committee on Music, and National Committee on Visual Arts of the Subcommission on the Arts; Northern, Central and Southern Cultural Communities of the Subcommission on Cultural Communities and Traditional Arts;  National Committees on Archives, Art Galleries, Libraries and Information Services, Historical Research, Monuments and Sites, Museums under the Subcommission on Cultural Heritage; and under the Subcomission on Cultural Dissemination,  the National Committees on Cultural Education, Communication, ken Language and Translation.

Manipud iti 2013 agingga iti 2016, tinawen a yetnag ti NCCA Board of Commissioners, iti pannakikammayet dagiti uppat a subcommissions, dagiti kangrunaan a proyekto a kas maibatay kadagiti sumaganad a kangrunaan a programa: Program for Cultural Education, Program for Cultural Diplomacy, Program for Conservation of Cultural Heritage, Program for Culture and Development, ken Program for Artistic Excellence and Creativity.

Masapul a maidatag dagiti project proposal ken ni Marichu G. Tellano, Chief of Policy, Plan Formulation and Programming Division (PPFPD), 5th Floor, National Commission for Culture and the Arts (NCCA), 633 General Luna St., Intramuros, Manila, telepono bilang (63-2) 527-2192, fax numbers: (63-2) 527-2198 ken 522-2084, ken iti emails: info@ncca.gov.ph and pmd@ncca.gov.ph.

Nasken a maawat ken mamarkaan (stamped received) ti Policy/Plan Formulation and Programming Division ti NCCA dagiti proposal sakbay wenno iti Agosto 31, 2014. Mabalin ti mangala iti kopia ti porma ti project proposal iti PPFPD office wenno i-download iti www.ncca.gov.ph (mapan iti Grants Program).  (LSF)


(Naipablaak iti Bannawag, Agosto 11, 2014 a bilang.)