May 30, 2017

Petision kontra kadagiti adu ti rirona a libro, nairusat



Nairusat ti maysa a petision iti internet a mangpaspasardeng iti pannakailako dagiti maatap a napunno-iti-riro a libro nga Ilokano a maus-usar iti Mother Tongue-Based Multilingual Education (MTB-MLE) a paset ti programa a K-12 ti Department of Education (DepEd).

Manipud pay idi 2014, madildillawen dagitoy napumpunno-iti-riro a libro a mailaklako kadagiti lokal ken nailian a book store ken kadagiti nadumaduma nga eskuela kadagiti probinsia a pakaar-aramatan ti lengguahe nga Ilokano a kas pangisuro kadagiti agad-adal iti elementaria.

Indauluan ti GUMIL Ilocos Norte, ti gunglo dagiti mannurat nga Ilokano iti Ilocos Norte, babaen ti presidente daytoy a ni Joel B. Manuel, mannurat ti Bannawag, ti nasao a petision a naiturong ken ni DepEd Secretary Leonor Briones itay Mayo 21.

Kakadua ti GUMIL Ilocos Norte dagiti nadumaduma a gunglo a mangitantandudo iti lengguahe nga Ilokano, inawaganda ti tignayda a kas Committee for the Protection of the Ilokano Language and the Ilokano MTB-MLE.

Segun iti petision, nadakamat a ti pannakailako dagiti libro a para iti Grade 1 agingga iti 3 nga addaan kadagiti di maitutop a linaon ken riro iti gramatika, nangparnuay kadagiti parikut iti kalidad ti edukasion dagiti ubbing nga Ilokano.

Nadakamat pay a dagitoy addaan-iti-riro a libro nga agpada nga inruar ti gobierno ken pribado a sektor, saan a mayayon iti establisadon nga ortograpia ti lengguahe nga Ilokano.

Innayon ti petision a maikari dagiti Ilokano nga ubbing iti nasaysayaat a kalidad ti libro.

Daytoy a tignay ti GUMIL Ilocos Norte, sinuportaran dagiti mannurat, edukador, ken dadduma pay a mangipatpateg iti lengguahe. (Leilanie G. Adriano)

Ladawan: Ti Alpabeto Ilokano, maysa kadagiti mairekreklamo a libro.


(Naipablaak iti Bannawag, Hunio 5, 2017 a bilang.)

Industria ti tabako, mapukawan iti kampania kontra iti panagsigarilio

Madanagan ti Associated Labor Unions (ALU) nga adu dagiti maawanan iti panggedan dagiti adda iti industria ti tabakoken maksayan ti oras ti panagtrabaho dagiti adda kadagiti pabrika ti sigarilio kalpasan ti panangirusat ti Department of Health (DoH) iti naig-iget a kampania kontra iti panagsigarilio iti pagilian.

Kas kuna ti National Tobacco Administration (NTA), adda 44,000 a mannalon iti tabako ken 1.56-milion a mangmangged a mangnamnama iti industria ti tabako.

Kuna ni Alan Tanjusay a pannakangiwat ti ALU, nangrugin dagiti employer iti industria ti tabako ti agkissay iti oras dagiti mangmangged ken agikkat kadagiti trabahador a saan a kameng ti union.

Innayonna a mabalin nga agtultuloy ti kastoy a kasasaad iti masakbayan.

Ginutigot ngarud ni Tanjusay ti gobierno a mangiwayat koma iti dialogo iti nagbaetan ti gobierno, agpupuonan ken mangmangged tapno mabalabala ti maysa a mekanismo a mangalaw kadagiti naagapad a trabaho.


(Naipablaak iti Bannawag, Hunio 5, 2017 a bilang.)

Maikapito a Pasalip ALVIYA iti Sarita

Para kadagiti amin a mannurat

Ipakaammo ti Secretariat ti ALVIYA Literary Foundation a silulukaten ti Maikapito a Pasalip ALVIYA (2017-2018); ngarud, agawaten kadagiti sarita a maisalip. Tinawen nga is-isponsoran daytoy ni Alex V. Yadao, maysa a patron ti Literatura Ilokana a tubo iti Libertad, Abulug, Cagayan ngem agdama nga agnanaed iti Siudad ti New York iti Estados Unidos. Imatonan met daytoy ni Dr. Freddie Pa. Masuli ti Cagayan State University ken iti pannakitinnulong ti GUMIL Cagayan.

Dagiti pagalagadan:

1. Agpatingga ti panagawat ti Secretariat kadagiti maisalip a sarita iti Enero 31, 2018.

2. Silulukat ti salip kadagiti amin nga agsursurat iti sarita nga Ilokano.

3. Nawaya ti makisalip a mangpili iti tema a kayatna a suraten.

4. Agatiddog ti pakisalip iti 15-25 a panid iti short bond paper, nai-computer (agusar iti Times New Roman, Font Size 12) iti doble espasio ken addaan iti maysa a pulgada a margin iti amin nga igid ti bondpaper.

5. Maysa laeng a sarita ti maipalubos nga isalip ti tunggal makisalip a mannurat.

6. Nasken a bukod a putar ti autor ti maisalip, saan pay a naipablaak iti ania man a magasin, ken saan a patarus manipud iti ania man a lengguahe.

7. Ti laeng parbo a nagan ti autor ti agparang iti manuskrito a maisalip. Mapakuyogan ketdi ti opisial nga entry iti maysa pay a dokumento a nakailanadan dagitoy: paulo ti sarita, parbo ken pudno a nagan ken kabibiag ti autor agraman numero a pakakontakan kenkuana.

8. Ipatulod dagiti dua a dokumento (sarita ken ti impormasion maipanggep iti autor) babaen ti electroniko a wagas (email) iti daytoy nga email account: freddie.padua.masuli@gmail.com.   Saanen a masapul pay ti nakaprinta a kopia.

9. Nasken a maipatulod iti Secretariat dagiti dua a dokumento iti saan a naladladaw ngem alas-11:59 ti Enero 31, 2018 (oras iti Filipinas).

10. Saan a mabaliwan ti pangngeddeng dagiti hurado malaksid no maduktalan a nasalungasing ti Pagannurotan Bilang 6. Dinto metten mapalubosan ti autor a makisalip pay kadagiti sumarsaruno a pasalip ti ALVIYA.

11. Makipagtagikua ti ALVIYA Literary Foundation kadagiti mangabak a sarita nupay adda karbengan ti autor iti copyright daytoy. Maaddaan pay ti agpasalip iti karbengan a mangipablaak kadagitoy mangabak a sarita iti ania man a wagas a kayatna karamanen iti elektroniko ken tradisional a wagas ti panagipablaak.

12. Dagiti Gungona : First Prize: P15,000.00; Second Prize: P10,000.00, Third Prize: P5,000.00; ken dua a panglinglingay a premio a sag-P2,000.00. Maipaayanto met dagiti mangabak iti sertipiko ti pammigbig.

13. Maiwaragawag dagiti mangabak a sarita iti di naladladaw ngem iti umuna a lawas ti Abril 2018 ken mayawatto dagiti premio bayat ti tinawen a Nailian a Kombension ti GUMIL Filipinas.


(Naipablaak iti Hunio 5, 2017 a bilang.)

May 26, 2017

HUNIO 5, 2017



SARITA
4 Katataan
   Johmar R. Alvarez
12 Iti Naminsan a Panagaani
    Hermogenes F. Belen

NOBELA
8 Oplan Maharlika (21)
    Norberto D. Bumanglag, Jr.
10 Kalinawa (23)
     Linda T. Lingbaoan

DANIW
18 Nakulbet Piman
     Daniel L. Nesperos
47 Daniw a Para Ubbing
     Mario T. Tejada

SALAYSAY
16 Kail-iliwko ti Koronadal
     Remedios S. Tabelisma-Aguillon
26 No Mabalin iti Tao, Mabalin Met iti Ayup
     Reynaldo E. Andres

KOMIKS
35 Sweet Jazmine (38)
38 Don Clavio de Ylocos (40)
41 Miks & Tiks

KOLUM
15 Kastoy, Kapid, Ditoy Hawaii
19 Saludsodem ken ni Apo Hues
21 Dear Doc
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
11 Netizone
14 Biag ni Ilokano
22 Siled ti Kararag
23 Ti Tarakenmo ken Sika
29 Idi Un-unana a Panawen
32 Ammuem Pay Dagitoy
33 Haytek!
34 Panangimaton iti Pagtaengan
43 Ti Gasatmo Ita a Lawas
46 Dagiti Pabula ni Aesop

May 22, 2017

“Drug test” kadagiti mannursuro kadagiti eskuela publika, maiwayat

Makipartisipar metten ti Department of Education iti “war on drugs” ni Presidente Duterte babaen ti panangiwayat ti departamento iti “drug test” kadagiti amin a mannursuro kadagiti eskuela publika mangrugi iti ania man nga aldaw manipud iti panaglukat ti klase inton Hunio 5, kas impasingked ni Sekretaria ti Edukasion Dr. Leonor M. Briones.

“Masapul a dagiti mannursuro ti umuna iti daytoy nga addang ta isuda ti adda iti sektor ti edukasion a pakamulian dagiti ubbing,” kinuna ni Dr. Briones.

Impaganetgetna pay a di koma agkitakit dagitoy a mannursuro; ketdi, ipakitada nga isuda ti pagwadan dagiti adalanda.

Mainaig iti daytoy, iwayat ti DepEd ti programa a maawagan iti “Brigada Kontra Droga,” kas mayannatup iti agdama a programa ti departamento a “Brigada Eskwela.”

Segun ken ni Briones, maipaayan dagiti maduktalan a positibo iti panagaramat iti maiparit nga agas iti maikadua a gundaway tapno maberipikar a nasayaat ti resulta ti drug test. No maduktalan a positibo latta dagitoy, maipatulod dagitoy iti rehabilitation center ken mapatawanda iti maikanatad a pannusa.


(Naipablaak iti Bannawag, Mayo 29, 2017 a bilang.)

Haytek Dagitoy a Mannalon



HAYTEK DAGITOY A MANNALON. Manipud iti kadawyan a nuang ken arado a ramit, ti Zanjera San Cristobal Irrigation Service Area iti Piddig, Ilocos Norte ti kaunaan a grupo iti Ilokandia a nangadaptar iti makuna a farm consolidation ken mechanization program. Napagtitipon dagiti babassit a kinelleng dagiti mannalon, a kayatna met a sawen, nagtitipon ti puersa dagiti mannalon tapno adda bilegda a makitulag kadagiti dadakkel a kompania ti agrikultura. Babaen daytoy nga inaramidda, aggigiddanen dagiti mannalon nga agtalon, maymaysa a klase ti bin-i nga usarenda ken aggigiddanda met laeng nga agani ken aglako. Babaen ti tulong ti gobierno a mabalinda a pagkiddawan iti ayuda a kas koma iti daytoy a moderno a rice harvester, amang nga ad-adu ti maapit ken bumassit ti post harvest losses iti agarup dua a porsiento no maidilig iti manomano laeng a panagapit a mapan a 20-30 porsiento ti mapukaw. (Leilanie G. Adriano)


(Naipablaak iti Bannawag, Mayo 29, 2017 a bilang.)

Viloria, kdp., agsapata a kas lider dagiti mannurat nga Ilokano

Agsapata dagiti opisial ti GUMIL Filipinas, gunglo dagiti mannurat nga Ilokano iti Filipinas ken iti ballasiw-taaw, nga idauluan ti baro a presidente, ni Vilmer V. Vilora, inton Hunio 11, 2017 iti Virsal Resort, Matucay, Allacapan, Cagayan, babaen ti panangsangaili ni Mayor Harry L. Florida ti Allacapan.

Manamnama a ni Dip. Baby Aline Vargas-Alfonso ti Segundo Distrito ti Cagayan ti mamagsapata kadagiti opisial.

Kakadua ni Viloria nga agsapata para iti dua-a-tawen a termino da Remy N. Albano, bise-presidente; Neyo Mario E. Valdez, sekretario-heneral; Anna Liza M. Gaspar, tesorera; Estela Bisquera-Guerrero, auditor; Joel B. Manuel, business manager; Freddie G. Lazaro, PRO; ken dagiti direktor: Freddie P. Masuli, Eddy A. Almodovar, Eliseo B. Contillo, Ben Pacris, Avelina Fe C. Camacho, Ferdinand N. Cortez, Mario S. Ascueta, ken Mario T. Tejada.

Ni Arthur P. Urata, Sr. ti ex-officio a kameng ti hunta direktiba.

Nabotosan dagiti baro nga opisial iti naangay nga eleksion iti Maika-49 a Nailian a Kombension ti GF iti Union Christian College iti Siudad ti San Fernando, iti La Union, idi Abril 23.

Maiwayat met ti Umuna a Regular a miting ti Board of Directors and Officers kalpasan ti panagsapata tapno mapagsasaritaan dagiti addang, gannuat, proyekto, ken plano ti liderato para iti panagtakemda iti dua a tawen, nangnangruna ti pannakaisagana ti maika-50 nga anibersario iti gunglo. Mabukel met dagiti nadumaduma a komite a mangrienda kadagiti pakaseknan ti gunglo. (Freddie G. Lazaro)


(Naipablaak iti Bannawag, Mayo 29, 2017 a bilang.)


May 18, 2017

MAYO 29, 2017



SARITA
4 Ni Pari Kulas
   Juan Al. Asuncion
12 Simmarungkar
     Benjamin M. Pascual

NOBELA
8 Oplan Maharlika (20)
    Norberto D. Bumanglag, Jr.
10 Kalinawa (22)
     Linda T. Lingbaoan

DANIW
9 Pangta
   Roy V. Aragon
28 Panagkasangay
     Lora Noreen Domingo
47 Daniw a Para Ubbing
     Emy Llapitan-Ines

SALAYSAY
14 Ania Kadi ti Senior Citizen?
     Virginia A. Duldulao, Ph.D.
26 Wen, Agkurkurang ti Kakaw iti Pagilian
     Reynaldo E. Andres

KOMIKS
35 Sweet Jazmine (37)
38 Don Clavio de Ylocos (39)
41 Miks & Tiks

KOLUM
17 Kastoy, Kapid, Ditoy Hawaii
20 Saludsodem ken ni Apo Hues
21 Dear Doc
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
11 Netizone
16 Biag ni Ilokano
18 Ket Naangay ti Saribitniw Festival 2017!
22 Siled ti Kararag
23 Sika ken ti Tarakenmo
29 Idi Un-unana a Panawen
32 Ammuem Pay Dagitoy
33 Haytek!
34 Panangimaton iti Pagtaengan
43 Ti Gasatmo Ita a Lawas
46 Dagiti Pabula ni Aesop

May 15, 2017

Dinaklisan Festival



DINAKLISAN FESTIVAL. Naangay ti “Tuno Fiesta” a kas paset ti pannakarambak ti tinawen a Dinaklisan Festival ti Currimao, Ilocos Norte. Ti panagkalap ti maysa kadagiti kangrunaan a pagsapulan dagiti umili iti nasao nga ili. Kas pagyamanda iti Dios iti adu a parabur ti baybay kadakuada, maaramid ti panagdaklis ken panagtuno bayat ti “Tuno Fiesta.” Tunggal barangay, adda naisangrat a pagtunuanna kadagiti ikan. Maawis amin a mayat a makipagsida kadagiti matuno nga ikan. Iti ladawan, balballikiden ni Ned Quitoriano, utility worker ti Josefa Edralin Memorial Elementary School, dagiti tuntunuenna nga ikan nga ididiayana met kadagiti aglabas iti pagtuntunuanna. (Aileen R. Rambaud)

(Naipablaak iti Mayo 22, 2017 a bilang.)

Pannakaiparit ti kontraseptibo, in-inut a patpatayenna dagiti Filipina, kuna ti taga-DOH

Ti bilin ti Korte Suprema a mangipawil iti pannakaiserrek dagiti kontraseptibo iti merkado ti “in-inut a mangpatpatay” kadagiti Filipina, gapu ta iti 2020, awanton ti magatang a kontraseptibo, kas kuna ni Junice Melgar, maysa a direktor iti Department of Health (DoH).

Kuna ni Melgar a dandanin ag-expire dagiti kontraseptibo nga adda iti pagilian ket inton 2020, awanton ti mailako a kontraseptibo kadagiti agkasapulan.

Napanday ti Reproductive Health Law idi 2012 a manggarantia iti pannakaidiaya ti edukasion maipapan iti seks ken pannakataripato dagiti inna, kasta metten ti unmo a pannakusar dagiti kontraseptibo ken pannakakontrol ti panagsikog. Nupay kasta, imbilin ti Korte Suprema idi 2015 ti pannakaisardeng ti programa ti DOH a pannakaiwaras ken pannakailako dagiti kontraseptibo.

Segun ken ni Dip. Pia Cayetano, agpeggad ti salun-at ken biag dagiti minilion a Filipina gapu iti panagkurang ti kontraseptibo.


(Naipablaak iti Bannawag, Mayo 22, 2017 a bilang.)

Maika-4 a Salip iti Daniw ti Saniata Prize

Salip daytoy iti panagsurat iti daniw iti lengguahe nga Ilokano, panggep ti Saniata Prize ti agbalin a maysa kadagiti paratignay dagiti mannaniw nga Ilokano nga agparnuay kadagiti baro a langa ti daniw nga Ilokano kabayatan met ti panagbigbigda kadagiti kannawidan a porma ti daniw nga Ilokano.

Narugian iti 2015, tinawen daytoy a pasalip ti Saniata Prize. Maipaayan iti pammadayaw a Hall of Fame ti makayalat iti tallo nga Umuna a Gunggona.

Dagiti Pagalagadan:

1. Maysa laeng a daniw ti idatag. Saan a makedngan ti tema, porma wenno kaatiddog ti isalip.

2. Masapul nga orihinal, di pay naipablaak, wenno saan a naipatarus manipud iti sabali a lengguahe ti isalip a daniw. No matakuatan a nabalusingsing daytoy a pagannurotan, maibabawi ti gunggona ket maparitanto metten a makisalip ti autor iti ania man a pasalip ti Saniata Prize.

3. Deadline ti panagidatag: Disiembre 15, 2017. Ipatulod babaen ti e-mail ti pakisalip iti asseng.tabag@gmail.com iti subject a “4th Saniata Prize.”

4. Masapul nga agusar iti nagan iti pluma (pen name) ti mannaniw. Iraman ketdi iti e-mail ti kompleto a nagan, numero iti selpon, ken adres ti pagtaengan wenno opisina.

5. Dagiti premio: 1st Prize: Php2,500.00; 2nd Prize: Php 2,000; 3rd Prize: Php1,500.00.

6. Mapadayawan dagiti mangabak bayat ti Dap-ayan 2018 ti GUMIL Filipinas wenno iti okasion nga angayen ti isponsor ti Saniata Prize.

7. Makipagtagikua ti Saniata Prize kadagiti mangabak a daniw ket awan sungsungbatanna kadagiti mannaniw no bilang usarenna dagitoy iti ania man a wagas a kas iti pannakaipabuya, pannakaipablaak iti magasin wenno libro, ken pannakaipaskil iti social media. Agtalinaed ketdi ti copyright iti autor wenno mannaniw.


(Naipablaak iti Bannawag, Mayo 22, 2017 a bilang.)

MAYO 22, 2017



SARITA
4 Iti Barangobong NHS
   Joel B. Manuel
12 Maudi a Sigarilio
    A. Ramel, Jr.

NOBELA
8 Oplan Maharlika (19)
    Norberto D. Bumanglag, Jr.
10 Kalinawa (21)
     Linda T. Lingbaoan

DANIW
9 Saan Latta Ngamin a Mailiwliwag ti Liday
   Romel A. Pascua
28 No La Koma
     Francisco T. Ponce
47 Daniw a Para Ubbing
    Elmer B. Gamulo

SALAYSAY
14 Naragsak Met Laeng Dagiti Dapanmo?
     Virginia A. Duldulao, Ph.D.
18 Idi Napankami Nakigumil
      Remy Albano
26 Ad-adu ti Sustansia ti Nangisit a Bawang
     Reynaldo E. Andres

KOMIKS
35 Sweet Jazmine (36)
38 Don Clavio de Ylocos (38)
41 Miks & Tiks

KOLUM
17 Kastoy, Kapid, Ditoy Hawaii
20 Saludsodem ken ni Apo Hues
21 Dear Doc
24 Padasem Daytoy, Kailian
30 Tips
31 Ading Kosinera
43 Okeyka, Apong

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
11 Netizone
16 Biag ni Ilokano
22 Sika ken ti Tarakenmo
23 Siled ti Kararag
29 Idi Un-unana a Panawen
32 Ammuem Pay Dagitoy
33 Haytek!
34 Panangimaton iti Pagtaengan
44 Ti Gasatmo Ita a Lawas
46 Dagiti Pabula ni Aesop

May 7, 2017

Carasi, Ilocos Norte



CARASI, ILOCOS NORTE. Ti Sabo Dam a masarakan iti daytoy nga ili a daydaywen ita dagiti turista ita a kalgaw tapno agpalamiisda. Nairanta daytoy a proyekto a kas flood control no tiempo ti tudo ken bagyo ngem kas makita iti ladawan, bassit laengen ti danum a tumpuak gapu iti makalkalbon a kabambantayan. (Leilanie G. Adriano)


(Naipablaak iti Mayo 15, 2017 a bilang.)

May 5, 2017

Landbank, nangilatang iti P1-B para iti e-jeepney

Iti panggep ti gobierno a mamagbalin kadagiti amin a para pasahero a dyip iti pagilian a pagandaren ti koriente, nangilatang ti Land Bank of the Philippines iti 1 bilion a pisos a pautang tapno adda usaren dagiti kooperatiba ken organisasion ti transportasion a mamagbalin a moderno kadagiti uggorda a para pasahero a dyip.

Paset daytoy ti katulagan a pinirmaan ti nasao a banko nga imbagian ti chairman daytoy a ni Carlos Dominguez ken ti gobierno babaen ken ni Department of Transportation Secretary Arthur Tugade.

Kinuna ni Dominguez a paset daytoy ti plano ti administrasion ni Presidente Duterte a mamagbalin a moderno kadagiti 220,000 a dyip a para publiko iti sibubukel a pagilian, kas paset ti gannuat ti gobierno a mangipaay iti nataltalged a sistema ti transportasion para kadagiti biahero bayat ti itutulong met ti gobierno a mangkontrol iti epekto ti climate change.


(Naipablaak iti Bannawag, Mayo 15, 2017 a bilang.)

Pannakaisalakan iti didigra, agbatay iti laing nga agsagana

Adda iti panagsagana ti tulbek ti pannakaisalakan kadagiti didigra, kinuna ni Science and Technology Undersecretary Renato Solidum mainaig iti mabalin a mapasamak no dumteng ti kunada a “Big One” wenno napigsa a ginggined.

Kinuna ni Solidum a ti panagsagana, agbunga met manipud iti panangsaludsod ti maysa a tao iti no ania ti mabalin a mapasamak no dumteng, kas pagarigan ti napigsa a ginggined, napigsa a bagyo, storm surge, wenno tsunami.

Nasken met a saludsoden ti maysa a tao iti bagina no ania dagiti rumbeng nga aramidenna no adda dumteng a didigra.

Kuna ni Solidum a no iladawan ti maysa a tao iti panunotna ti mabalin a mapasamak no adda didigra, ken iladawanna met ti bagina no kasano a sarangtenna ti didigra, saanton nga agmalmalanga inton dumtengen ti didigra.


(Naipablaak iti Bannawag, Mayo 15, 2017 a bilang.)

Buya iti Away



BUYA ITI AWAY. Maysa a gagangay a buya iti Brgy. San Francisco, Luna, Apayao bayat a kadua ti maysa nga ama (Romy P. Baddu) dagiti kakaanakan ken annakna iti ipapanda panagburas iti nateng iti kuman ni Romy iti asideg ti karayan. Maay-ayatan dagiti ubbing ta amang kano a naragragsak ti aglugan iti karison ngem ti aglugan iti van wenno tiubibo. (Jobert M. Pacnis)


(Naipablaak iti Bannawag, Mayo 15, 2017 a bilang.)

Para Kadagiti Agdadamo a Mannurat: Salip iti Sarita ti 20th AMMAFLA

Agawaten ti Secretariat ti AMMA Foundation Literary Awards (AMMAFLA) kadagiti entry para iti Salip iti Sarita ti Maika-20 nga AMMAFLA. Aggibus ti salip iti Enero 15, 2018.

Nairanta ti pasalip ti AMMAFLA kadagiti agdadamo a mannurat iti Ilokano a “kas pangaron iti reggetda a mangpatadem pay iti plumada.”

Kas kadagiti sarita a nangabaken iti pasalip ti AMMAFLA, mairamanto met a mailibro dagiti sarita a mangabak iti daytoy nga edision ti AMMAFLA, kas kinuna dagiti mangimaton iti AMMAFLA a da Amado ken Gloria Yoro, Francisco ken Aurora Ponce, ken Alfredo ken Cherry Quibol (agpapada nga agindegen iti Hawaii).

Inruar ti AMMAFLA ti librona a Dagiti Premiado a Sarita (1997-2014) iti kombension ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw, idi 2015. Naipalaon iti nasao nga antolohia dagiti nangabak a sarita iti AMMAFLA sipud narugian ti salip idi 1997 agingga iti 2014.

Dagiti pagannurotan ti maika-20 nga edision ti salip.

1. Aggibus ti salip iti Enero 15, 2017.

2. Agpaay laeng ti salip kadagiti agdadamo a mannurat iti Ilokano. Iti daytoy a salip, maibilang nga agdadamo ti mannurat no awan pay ti naipablaak a saritana iti Bannawag. No adda man, di koma nasursurok ngem tallo ti naipablaakna agingga iti Mayo 15, 2016 a bilang ti nasao a magasin.

3. Siwawayawaya ti autor a mangpili iti topiko ti isalipna a sarita.

4. Agatiddog ti sarita iti 10-15 a panid iti short bond paper, naimakinilia, wenno saan, naikompiuter iti doble espasio (Times Roman Medium 12 pts. iti computer), ken adda espasio wenno margin a maysa a pulgada iti amin nga igid ti papel.

5. Maysa laeng a sarita ti mabalin nga isalip ti tunggal autor.

6. Nasken nga orihinal, di pay naipablaak wenno naadaw iti ania man a sinurat ti isalip. Nasken met a saan a naipatarus ti pakisalip manipud iti sabali a lengguahe ken nasken a bukod a putar ti autor ti pakisalipna. Saan met a maawat ti sarita a naisalip idin iti AMMAFLA wenno iti sabsabali pay a salip iti panagsurat iti sarita ken ti sarita a naidatag pay a kas entry iti sabali pay a salip iti panawen a pannakaangay daytoy a salip ti AMMAFLA nga agpaut manipud iti pannakalukat daytoy a salip agingga iti pannakapadayaw dagiti mannurat a nangabak iti daytoy a salip.

7. Ti parbo a nagan ti autor ti agparang a naganna a kas autor ti sarita. Ipatulod ti pakisalip iti uppat a nadalus a kopia ken pakuyogan iti narikpan a sobre a naglaon iti pudno ken parbo a nagan ti autor, paulo ti pakisalip, kaudian a ladawan ken ababa a pakasaritaan ti biag ti autor, adres ti agdama a pagnaedan, agraman e-mail address ken numero ti selpon wenno telepono a mabalin a pakakontakan iti autor. Iti rabaw ti sobre, isurat ti paulo ti sarita ken parbo a nagan ti autor.

8. Ipatulod ti pakisalip babaen ti koreo wenno personal nga idatag iti daytoy nga adres: Short Story Writing Contest, 20th AMMAFLA, c/o Bannawag, Manila Bulletin Publishing Corp., Muralla corner Recoletos Sts., Intramuros, 1002 Manila. Nasken a maawat ti Bannawag ti pakisalip iti di naladladaw ngem iti Enero 15, 2018. Saan a mairaman iti salip ti entry a maawat kalpasan dayta a petsa.

9. Dagiti gunggona: Umuna a Gunggona, P10,000.00; Maikadua, P8,500.00; ken Maikatlo, P7,000.00. Maipaayan pay dagiti mangabak iti sertipiko ti pammadayaw. Adda met karbengan dagiti hurado a mangkissay iti bilang dagiti mangabak no awan ti makapatar iti bukodda a pagbatayan dagiti mangabak. Mabalinda met ti mangparnuay iti sabali wenno nayon a gunggona, no kasapulan.

10. Mapakaammuanto dagiti mangabak no kaano ken sadino ti pakapadayawanda. No met matakuatan a sinalungasing ti mangabak ti Pagannurotan Blng. 2 wenno ti Blng. 6, maibabawi ti premiona ken mapawilanton a makisalip iti ania man a pasalip ti AMMAFLA.


(Naipablaak iti Bannawag, Mayo 15, 2017 a bilang.)

May 3, 2017

MAYO 15, 2017



SARITA
4 Ti Ayag, ti Lungboy, Dagiti Kulalanti, ken ti Kampilan
   Derick Tong-alan
12 Kababalin
    Marcelino A. Foronda, Jr.

NOBELA
8 Oplan Maharlika (18)
    Norberto D. Bumanglag, Jr.
10 Kalinawa (20)
     Linda T. Lingbaoan

DANIW
9 Iti Law-ang ti Waiehu Heights
   Arnold C. Baxa
47 Daniw a Para Ubbing
     Villamor C. Visaya, Jr.

SALAYSAY
14 Maliklikam Met ti Atake ti Puso, Atanud

     Virginia A. Duldulao, Ph.D.
18 Napintas Gayam ti Thailand
      Remedios S. Tabelisma-Aguillon
26 Saan Laeng a Masida ti Samsamping
     Reynaldo E. Andres

KOMIKS
35 Sweet Jazmine (35)
38 Don Clavio de Ylocos (37)
41 Miks & Tiks

KOLUM
17 Kastoy, Kapid, Ditoy Hawaii
20 Saludsodem ken ni Apo Hues
21 Dear Doc
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
11 Netizone
16 Biag ni Ilokano
22 Kasano nga Agpanunot ti Aso?
23 Siled ti Kararag
29 Idi Un-unana a Panawen
32 Ammuem Pay Dagitoy
33 Haytek!
34 Kasano a Dalusan ti Tapesado a Muebles?
43 Ti Gasatmo Ita a Lawas
46 Dagiti Pabula ni Aesop

May 2, 2017

Dagiti Baro nga Opisial Dagiti Mannurat nga Ilokano



DAGITI baro nga opisial ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw, iti panangiproklamar kadakuada dagiti kameng ti GF Election Committee kalpasan ti eleksion ti gunglo iti maudi nga aldaw ti Dap-ayan 2017 ti GF a naangay iti Union Christian College, San Fernando City, La Union idi Abril 21-23. Manipud iti maikatlo iti kanawan, agpakanigid: Vilmer V. Viloria, presidente; Remy Albano, bise-presidente; Neyo Mario E. Valdez, sekretario-heneral; Anna Liza Madayag Gaspar, tresorera; Estela Bisquera-Guerrero, auditor; Joel B. Manuel, business manager; Freddie G. Lazaro, PRO; ken dagiti direktor: Freddie P. Masuli, Eddy Almodovar, Eliseo B. Contillo, Ben Pacris, Avelina Fe Camacho, Ferdinand Cortez, Mario Azcueta, ken Mario Tejada. Agtakem dagitoy baro nga opisial manipud iti 2017 agingga iti 2019. Nairaman iti ladawan dagiti nangbukel iti Election Committee, da Fernando B. Sanchez, pangulo (maikadua iti kanawan), Prescillano N. Bermudez, kameng (kakanigidan), ken Francisco dela Cruz, kameng (kakanawanan).


(Naipablaak iti Mayo 8, 2017 a bilang.)

Kaliente, Dinakdakan, Kdp.



KALIENTE, DINAKDAKAN, KDP. "Gumatangkayon, sir, kalluto, kattempla, nalukneng, naraman, sir, para pulotan wenno sida! Nalaka laeng, sir!" Dayta ti "sales talk" ni Manang Tindera a pangawisna kadagiti gumatang iti lakona a "luto iti balay” a magusgustuan dagiti kustomerna iti puestona iti uneg ti merkado publiko ti Bangued, Abra. Adda dinardaraan, adobo, kaldereta, dinaldalem (igado), ken dagiti best seller a para pulotan a dinakdakan (insarabasab, tinuno), ken kaliente (napalukneng a lalat ti baka). (Roy V. Aragon)


(Naipablaak iti Mayo 8, 2017 a bilang.)

Laban kontra kontraktualisasion, agtultuloy

Impanamnama ti Department of Labor and Employment (DoLE) nga agtultuloy ti kampania daytoy kontra iti ilegal a panagkontrata ken panag-sub-contract ken ti pannakaipasigurado nga ad-adu a mangmangged ti agbalin a regular iti trabahoda iti pannakaiwayat ti Department Order (DO) 174.

Daytoy ti impanamnama ni Labor Undersecretary Joel Maglunsod kalpasan a nakiuman kadagiti nadumaduma a grupo dagiti mangmangged.

Kinuna ni Maglunsod a dengdenggen ti DoLE dagiti pakaseknan dagiti mangmangged, idinto a kasapulan met ti departamento ti tulong dagitoy. Ginutigotna a makikaykaysa dagitoy iti pannakairupir dagiti karbenganda ken ireportda dagiti kompania ken employer nga abusado ken agtultuloy a mangyim-implementar iti ilegal a kontraktualisasion.

Innayon ni Maglunsod nga ikagkagumaanan ti DoLE ti mangsiput kadagiti nadumaduma a kompania iti pagilian tapno masigurado nga agtungtungpal dagitoy iti baro a department order.


(Naipablaak iti Mayo 8, 2017 a bilang.)

MAY 8, 2017



SARITA
4 Ayat ken Pammakawan
   Mark Anthony Ganotice
12 Ama Bantor
    Benjamin M. Pascual

NOBELA
8 Oplan Maharlika (17)
    Norberto D. Bumanglag, Jr.
10 Kalinawa (19)
     Linda T. Lingbaoan

DANIW
6 Linnaaw
    Ronnie E. Aguinaldo
47 Daniw a Para Ubbing
    Anna Liza Madayag Gaspar

SALAYSAY
14 Ania ti Ammom Maipanggep iti Puso
     Virginia A. Duldulao, Ph.D.
18 Napanak Met iti Isla ti Corregidor
      Aileen R. Rambaud
26 Nabunga Dagitoy a Pipino a Para iti Patad
     Reynaldo E. Andres

KOMIKS
35 Sweet Jazmine (34)
38 Don Clavio de Ylocos (36)
41 Miks & Tiks

KOLUM
17 Kastoy, Kapid, Ditoy Hawaii
20 Saludsodem ken ni Apo Hues
21 Dear Doc
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
11 Netizone
16 Biag ni Ilokano
22 Ti Aso, Saan a Tao
23 Siled ti Kararag
29 Idi Un-unana a Panawen
32 Ammuem Pay Dagitoy
33 Haytek!
34 Kasano ti Panangdalus iti Napinturaan a Diding?
43 Ti Gasatmo Ita a Lawas
46 Dagiti Pabula ni Aesop