October 15, 2018

Panagtitinnulong iti Camiguin



PANAGTITINNULONG ITI CAMIGUIN. Pagtitinnulongan dagitoy nga agtutubo nga ipaigid ti maysa a pagkalap a lampitaw (barangay) iti igid ti baybay ti Balatubat iti Camiguin, maysa kadagiti puro a mangbukel iti ili ti Calayan, Cagayan. Tunggal adda obra dagiti mangngalap iti Camiguin, kas iti panangipaigid kadagiti dadakkel a lampitawda, boluntario a tumulong ti amin nangruna dagiti adda iti asideg a kaarruba wenno nairana nga adda iti aplaya. (ROY V. ARAGON)


(Naipablaak iti Oktubre 22, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Kabarbaro a rehistrado a botante, nagutigot nga agbotos

Binagbagaan ni Senador Leila De Lima dagiti kabarbaro a rehistrado a botante nga agbotos dagitoy iti umay nga eleksion tapno pilienda dagiti maikari a mangidaulo iti pagilian.

Segun ken ni De Lima, napateg a banag ti nakapusta iti panagbalin a botante ta agpannuray ditoy ti dayaw ken panangmuli iti maysa a gimong a mangbigbig iti karbengan dagiti tattao.

Indatag ni De Lima ti Senate Bill No. 2025 tapno maikkan iti bileg ti Commission on Elections (Comelec) a makagatang ken mangipasdek iti bukod daytoy nga opisina a naisina iti pasdek dagiti Local Government Units (LGUs).


(Naipablaak iti Oktubre 22, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Nangabak iti Palanca



NANGABAK ITI PALANCA 2018. Iti Maika-68 a Palanca Awards iti kategoria a Maikling Kuwento, Ilokano, inyalat da (agpakanawan) Ariel Sotelo Tabag ti Umuna a Gunggona babaen ti saritana a “Gasanggasat,” Dr. Paul Blanco Zafaralla ti Maikadua a Gunggona babaen ti saritana a “Sarming,” ken Jaime M. Agpalo, Jr. (imbagian ni Susan Castillo) ti Maikatlo a Gunggona  babaen ti saritana a “Nakakidem-a-Simumulagat.” K inagiddanda dagiti dadduma pay a nangabak iti nadumaduma a kategoria ti pasalip, inawat dagitoy a mannurat ti premio a kuarta, sertipiko ken medalion (para iti umuna a gunggona) iti naangay a rabii ti pammadayaw idi Oktubre 5, 2018 iti The Manila Peninsula, Makati City.


(Naipablaak iti Oktubre 22, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Presio dagiti magatgatang a para iti Noche Buena, bassit laeng ti nguminaanna

Saan unay nga apektaran ti nangato nga inflation rate (panagsuek ti balor ti pisos) ti presio dagiti magatgatang a para iti Noche Buena, kas kuna ti Department of Trade and Industry (DTI).

Segun ken ni DTI Undersecretary Ruth Castelo, adda laeng iti 3-8% ti epekto ti implasion iti presio dagiti nasao a produkto. Iti nalawag a pannao, katukad laeng daytoy ti 20 a sentabo agingga iti maysa a pisos ti nginaanna.

Innayon daytoy a saan met a ngumina amin a produkto.

Maipalagip nga immabot iti 6.7% ti inflation rate iti pagilian itay Septiembre, kangatuan iti napalabas a siam a tawen.

Manamnama nga iruar ti DTI ti baro a suggested retail price (SRP) wenno pagbasaran a presio dagiti maimenudo (retail) a produkto iti daytoy Nobiembre 15 a tiempo met ti panaggagatang dagiti managsapsapa a para iti tiempo ti Paskua.

Mainaig pay iti daytoy, mangnamnama ti Bangko Sentral ng Pilipinas (BSP) nga agsubli iti normal ti inflation rate ti pagilian iti iseserrek ti 2019.


(Naipablaak iti Oktubre 22, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

October 12, 2018

OKTUBRE 22, 2018



SARITA
 4 Bernie
    Feliciano U. Galimba, Jr.
8 Bulbulong
   Cristino I. Inay

NOBELA
10 Pan de Amor (1)
     Cris J. Dacuycoy
12 Kudeta (32)
    Norberto D. Bumanglag, Jr.

DANIW
9 Iti Kabambantayan
   Derick A. Tong-alan
20 Addaak Sadiay
    Elizabeth M. Raquel
47 Daniw a Para Ubbing

SALAYSAY
16 Ingget Libnos Latta ti Itogon
     Estela A. Bisquera-Guerrero
40 Wen, Kaka, Napateg ti Pondo nga Abono
     Reynaldo E. Andres
42 Panguartaanen ni Adolfo Dagiti Papayana
      Virgilio D. Domaloy


KOMIKS
24 Miks & Tiks
26 Sweet Jazmine (110)
29 Don Clavio de Ylocos (113)

KOLUM
6 No Adda Sigsigloten, Adda Met Warwaren
14 Biag ni Ilokano
15 Kastoy, Kapid, Ditoy Hawaii
19 Saludsodem ken ni Apo Hues
21 Dear Doc
22 Okeyka, Apong
33 Ading Kosinera
35 Tips
38 Padasem Daytoy, Kailian

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Balikros
48 Sudoku

DADDUMA PAY
2 Tao, Lugar, Pasamak
11 Netizone
18 Siled ti Kararag
23 Idi Un-unana a Panawen
32 Panangimaton iti Pagtaengan
34 Ti Tarakenmo ken Sika
36 Ammuem Pay Dagitoy
37 Haytek!
46 Ti Gasatmo Ita a Lawas

October 6, 2018

Saan nga agkurkurang ti bagas, kuna ti Palasio

Kinuna ti Malakanyang, babaen ken ni Presidential Spokesperson Harry Roque, a saan a pudno ti damag nga agkurkurang ti bagas iti pagilian; nga adda umdas a suplay ti bagas agingga a dumteng ti naangkat a bagas iti arinunos daytoy a tawen.

Kinuna ni Roque nga adda dagiti negosiante ti bagas a mangar-aramid iti artipisial a panagkurkurang iti bagas tapno adda rason a ngumina ti bagas.

Mainaig iti daytoy, imbilin ni Presidente Duterte iti Philippine National Police a sukimatenda dagiti bodega dagiti maatap a rice hoarder.

Agtultuloy ita ti pannakitinnulong ti Philippine National Police (PNP) kadagiti nadumaduma nga ahensia ti gobierno iti kampania daytoy kontra kadagiti maatap a rice hoarder wenno agiduldulin iti adu a bagas.

Kinuna ni PNP chief Director General Oscar Albayalde a katinnakunaynay ti PNP iti DTI (Department of Trade and Industry) ken iti DA (Department of Agriculture) ken NFA (National Food Authority).

Inlawlawag met ni Presidential Spokesperson Harry Roque a saan laeng a para iti PNP ti nasao a bilin no di pay ket ken iti Department of the Interior and Local Government (DILG) iti babaen ni Secretary Eduardo Año.


(Naipablaak iti Bannawag iti Oktubre 15, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Para iti Pamilia



PARA ITI PAMILIA. Nagbalinen a paset ti biag ni Mang Melanio Abo, 54, ti Batangan, Gonzaga, Cagayan ti panagkalap. Maysa kadagiti pagkalap nga us-usarenna ti sigay a madama nga ay-ayumaenna. Usarenna daytoy a pagkalap iti kadilian nga asideg laeng iti batogda. Malaga, purong, bakulaw, tarakitok ti maal-alana. Makatulong ti paglakuanna tapno masustentuanna ti pamiliana ken ti panangpabasana kadagiti annakna. (ROSELYN C. CAMPANO)


(Naipablaak iti Bannawag iti Oktubre 15, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)