January 20, 2019

Nesperos, umuna iti 4th Saniata Prize

Inyalat ni Daniel L. Nesperos ti Umuna a Gunggona ti 4th Saniata Prize Salip iti Daniw babaen ti daniwna a “Ti Milagro.” Premiado a mannaniw ken piksionista ken tubo iti San Nicolas, Ilocos Norte, daytoy ti maikatlo nga umuna a gunggona a nayalat ni Nesperos manipud iti nasao a pasalip ket ngarud, maipaay pay kenkuana ti Hall of Fame a pammadayaw. Umawat daytoy iti medalion, sertipiko ti pammadayaw, ken kuarta a Php2,500.00; ken plake, kas Hall of Fame awardee.

Inyalat met ni Prodie Gar. Padios ti Maikadua a Gunggona babaen ti daniwna nga “An-annong.” Premiado a mannaniw ken piksionista, tubo iti Santa Teresita, Cagayan ni Padios ngem agnaeden ken ti pamiliana iti Red Deer, Alberta, Canada. Umawat daytoy iti sertipiko ti pammadayaw ken kuarta a Php 2,000.

Inyalat met ni Mighty C. Rasing ti Maikatlo a Gunggona babaen ti daniwna a “Tawid.” Premiado a mannaniw ken piksionista ken kolumnista iti Bannawag, tubo iti San Manuel, Isabela ni Rasing ngem agnaeden ken ti pamiliana iti Nashville, Tennessee iti Estados Unidos ti Amerika. Umawat daytoy iti sertipiko ti pammadayaw ken kuarta a Php1,500.00.

Nagserbi a hurado da Bannawag Editor Cles B. Rambaud (pangulo), UP Press Editor Linda T. Lingbaoan-Bulong (kameng), ken UP Baguio Professor Junley L. Lazaga (kameng).

Isponsoran ti Saniata Publications nga imatonan ti Pamilia Tabag, panggep ti Saniata Prize a tignayen dagiti mannaniw nga Ilokano nga agtultuloy a mangparnuay kadagiti napipintek a daniw a nasurat iti lengguahe nga Ilokano.


(Naipablaak iti Pebrero 4, 2019 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Baro a deadline ti aplikasion ti Pasnaan 9: Pebrero 22

Agawat pay laeng ti GUMIL Filipinas iti aplikasion para iti 9th Pasnaan Ilokano Writers’ Workshop (Pasnaan 9) agingga iti Pebrero 22, 2019.

Maiwayat ti Pasnaan inton Marso 15-17, 2019 iti Mariano Marcos State University iti Siudad ti Laoag.

Masapul a mangidatag ti tunggal aplikante babaen ti email iti grupo dagiti sinurat (portfolio) ania man kadagiti sumaganad: (a) uppat a daniw; (b) dua nga ababa a sarita, (c) uppat a daniw a para ubbing, (d) dua a sarita a para ubbing, (e) dua a personal a salaysay.

Masapul a nakasurat iti Ilokano dagiti nadakamat a sinurat ken addaan iti title page a nakailanadan ti nagan iti pluma ken linaonna (table of contents). Masapul a nakasurat ti nasao a portfolio iti Word format.

Malukonan dagiti manuskrito iti sabali a Word file a naglaon iti pudno a nagan ti autor, adres, pakakontakan a numero, email address, ababa a pakasaritaan ti biag (bionote) ken kabaruan nga ID picture, ken may-email iti gumil.filipinas@gmail.com; usaren ti paulo (subject) a “Pasnaan 9.”

Sangapulo a fellow ti mapili a maipaayanto iti libre nga akomodasion.

Para iti ad-adu pay nga impormasion, umawag wenno ag-text iti 0977 141 7901 (NME Valdez) wenno ag-email iti nmevaldez@gmail.com. (Pasnaan 9 Secretariat)


(Naipablaak iti Pebrero 4, 2019 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Siudad ti Laoag



SIUDAD TI LAOAG. Sipapannakkel dagiti babassit a negosiante ti Amianan a Luzon a mangipakpakita kadagiti bukodda a partuat a mabalinen a gatangen dagiti bisita wenno pasahero iti Departure Lounge iti Laoag International Airport. Babaen ti Department of Trade and Industry ken ti Civil Aviation Authority of the Philippines, naipaayan dagitoy iti lugar a mabalinda a paglakuan kadagiti produktoda. Ket gapu ta awan mabayadan a renta ken kabukbukodanda a partuat dagiti mailako,amang a nalaklaka ti presio dagiti magatang ditoy ngem iti ruar. (LEILANIE G. ADRIANO)


(Naipablaak iti Pebrero 4, 2019 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

PEBRERO 4, 2019



SARITA
4 Ni Solang
    Estela A. Bisquera-Guerrero
12 Iti Lubong Dagiti Ikan
     Firmo A. Estocapio

8 Pan de Amor (16)
   Cris J. Dacuycoy
10 Kudeta (47)
    Norberto D. Bumanglag, Jr.

DANIW
5 Ti Isem ni Inang
    Rene Boy Abiva
39 Daniw a Para Ubbing
    Adoracion B. Madarang

SALAYSAY
16 Makaadu ‘Tay Managsapsapa, Maudi ‘Tay Awan Kuartana
     Neyo Mario E. Valdez
34 Alawentayo ti Mula nga Ariwat
     Reynaldo E. Andres

KOMIKS
20 Miks & Tiks
22 Sweet Jazmine (125)
25 Don Clavio de Ylocos (128)

KOLUM
 6 No Adda Sigsigloten, Adda Met Warwaren
 9 Saludsodem ken ni Apo Hues
14 Biag ni Ilokano
15 Kastoy, Kapid, Ditoy Hawaii
19 Dear Doc
28 Okeyka, Apong
32 Padasem Daytoy, Kailian
33 Tips
38 Ading Kosinera

PAGLINGLINGAYAN
36 Showbiz
39 Agkatawa ti Mayat
40 Sinniriban
40 Sapukas-2
40 Sudoku

DADDUMA PAY
2 Tao, Lugar, Pasamak
11 Netizone
18 Siled ti Kararag
29 Idi Un-unana a Panawen
30 Sika ken ti Tarakenmo
31 Panangimaton iti Pagtaengan
35 Ammuem Pay Dagitoy
37 Ti Gasatmo Ita a Lawas


(Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

January 19, 2019

Dancing Fountain ti Villasis, Pangasinan



DANCING FOUNTAIN TI VILLASIS, PANGASINAN. Naluktan ken nagangtan ti tagtagiurayen dagiti umili ti Villasis ken kabangibangna nga ili ti probinsia ti  dancing fountain ti ili idi Disiembre 3 itay napan a tawen babaen ti panangidaulo ni Mayor Nonato S. Abrenica. Segun ken ni Mayor Nato, nagtaud daytoy iti gunggona ti ili a nakaragpat iti ebaluasion ti Seal of Good Local  Governance Awards iti 2017 sa napunnuan manipud iti pondo ti ili tapno maileppas daytoy a proyekto. (Rinetrato ni Dice Sales/ Teksto ni Marlyn Garcia-Del Rosario)


(Naipablaak iti Enero 28, 2019 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Sanchez, presidente ti GUMIL Pangasinan

Nagtalinaed a presidente ti GUMIL Pangasinan ni Fernando B. Sanchez ti San Nicolas, Pangasinan, premiado a mannurat ken trilingual writer, nagretiro a Public Schools District Supervisor (PSDS) ken agdama a bise-presidente ti Luna Colleges, Tayug, Pangasinan.

Iti naangay a reorganizational meeting ti gunglo idi Dis. 16, 2018 iti Brgy. Magallanes, Tayug, Pangasinan iti panangsangaili ni MTC Judge Plotinus T. Sanchez (inaunaan nga anak ni F.B. Sanchez), kadua ni F.B. Sanchez a napili nga agtakem da Virgilio D. Domaloy, bise-presidente; Marlyn Garcia-del Rosario, sekretaria; Eufemia L. Diaz, tesorera; Felix M. Eslava, Jr., auditor; Billy T. Antonio, PIO. Board of Directors da Prescillano N. Bermudez, Ernesto Bisquera, Alfredo Mabalot, Benny T. Sanchez, ken Simplicio Sansano.  Mammagbaga da Juan S.P. Hidalgo, Jr. ken Mariano Machacon.  Legal consultant met ni Judge Plotinus T. Sanchez.

Kabarbaro a kameng da Rev. Henry D. Roque, Amor Enrique P. Bermudez, ken Czarina Cristine A. Bermudez.

Agsapata dagiti opisial ken kameng ti gunglo ken ni Judge Plotinus T. Sanchez inton Enero 27, 2019 a sumaruno a miting ti GP iti met laeng Brgy. Magallanes, Tayug, Pangasinan a pangsangailianto met laeng ni Judge Sanchez kadakuada. Mangrugi iti alas dies ti bigat ti miting ti gunglo. Kadagiti taga-Pangasinan nga interesado nga agkameng iti GUMIL Pangasinan, maawisda a tumabuno. (VDD)


(Naipablaak iti Enero 28, 2019 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

January 15, 2019

ENERO 28, 2019



SARITA
4 Nayuged iti Dakulap
   Boni A. Mendoza
12 Maysa a Timek, Maysa a Sabong
   Francisco B. Quitasol

NOBELA
8 Kudeta (46)
    Norberto D. Bumanglag, Jr.
10 Pan de Amor (15)
   Cris J. Dacuycoy

DANIW
5 Lagip Laengen Dagitoy
   Arnold Pascual Jose
6 Urayenka
   Marichel E. Suguitan
39 Daniw a Para Ubbing
   Jasmin C. Garcia

SALAYSAY
16 Ay-ay Pay Dagiti Opisial ti Barangay
     Felix M. Eslava, Jr.
34 Ad-adu ti Maapit Kadagitoy a Barayti ti Mani
     Reynaldo E. Andres

KOMIKS
20 Miks & Tiks
22 Sweet Jazmine (124)
25 Don Clavio de Ylocos (127)

KOLUM
14 Biag ni Ilokano
15 Kastoy, Kapid, Ditoy Hawaii
17 Saludsodem ken ni Apo Hues
19 Dear Doc
28 Okeyka, Apong
32 Padasem Daytoy, Kailian
33 Tips
38 Ading Kosinera

PAGLINGLINGAYAN
36 Showbiz
39 Agkatawa ti Mayat
40 Sinniriban
40 Sapukas-2
40 Sudoku

DADDUMA PAY
2 Tao, Lugar, Pasamak
3 Ti Makunami
11 Netizone
18 Siled ti Kararag
29 Idi Un-unana a Panawen
30 Panangimaton iti Pagtaengan
31 Sika ken ti Tarakenmo
35 Ammuem Pay Dagitoy
37 Ti Gasatmo Ita a Lawas


(Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)