May 28, 2013

HUNIO 10 2013



SARITA
26 Ti Para Isuno
   Avelino B. Felicitas, Jr.

NOBELA
6 Ay, ni Reberen! (3)
Ariel S. Tabag
32 Galiera Queen (14)
  Dionisio S. Bulong

DANIW
4 Daniwtanto iti Agnanayon
  Francisco T. Ponce
30 Hunio
    Cecilia Pacis-Aribuabo
48 Dandaniw a Para Ubbing
     Cles B. Rambaud

SALAYSAY
8 Gapu Ta Daytoy ti Linteg (92)
    Hues Joven F. Costales (Ret.)
12 Ne, Apay Ta Karinggor Metten ti Taiwan ti Filipinas?
     Neyo Mario E. Valdez
40 Agannad Koma ni Mannalon iti Daytoy Nalimed a Kabusorna
     Reynaldo E. Andres

KOMIKS
17 Tres Muchos (108)
20 Aritosan (32)
22 Miks & Tiks

KOLUM
14 Okeyka, Apong!
16 Dear Doc
34 TIPS
37 Kastoy, Kapid, Ditoy Hawaii
38 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Starbuhoks, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
15 Tao, Lugar, Pasamak
24 Makapnek ti Dumar-ay iti Tam-awan Festival
28 Siled ti Kararag
29 Natalged Kadi Kadagiti Ubbing ti Selpon?
31 Maikaritayo Kadi Met Laeng a Maawagan iti Mangisursuro?
33 Txtm8
35 Ti Gasatmo Ita a Lawas
36 Ammuem Pay Dagitoy
39 Tapno Naragsak Dagiti Ubbing nga Agbiahe

May 27, 2013

Mabalinen, Lakay!



MABALINEN, LAKAY! Burburasen daytoy nga ina ti bunga ti mulada a guayabano (gaybana) iti asideg ti pagtaenganda iti Brgy. Ammubuan, Ballesteros, Cagayan. Nasustansia daytoy a prutas ken maibatay iti maysa a panagadal, addaan daytoy iti talugading a makapaksiat kadagiti selula ti kanser. Mailaklako iti P60-P70 ti kada kilo ti guayabano iti merkado ti Ballesteros. (Jobert M. Pacnis)


(Naipablaak iti Bannawag, Hunio 3, 2013 a bilang.)

“K-to-12,” maysan a linteg

Pinirmaan ni Presidente Aquino itay lawasna tapno agbalinen a naan-anay a linteg ti Enhanced Basic Education Act of 2013 a mangibilbilin iti pannakaiwayat ti kurikulum a Kindergarten ken 12-a-tawen a basic education (pamuonan nga adal), banag a mamagbalinen a permanente kadagiti adu a reporma nga idi pay iwaywayat ti Departament ti Edukasion (DepEd).

Pagbalinen ti nasao a linteg nga inkapilitan ti kindergarten para kadagiti aglima-ti-tawenna nga ubbing ken nayonanna iti dua a tawen ti basic education curriculum.

Ti baro a 12-a-tawen a pamuonan nga adal ket buklen ti innem a tawen a panagbasa iti elementaria (Grado 1 agingga iti 6), uppat a tawen a junior high school (Grado 7 agingga iti 10) ken nainayon a dua a tawen a senior high school (Grado 11 ken 12).

“Panggep ti mainayon a 2 a tawen kalpasan ti maikapat a tawen iti hayskul ti ad-adda pay a pannakaasa ti kabaelan dagiti estudiante iti napilida a tay-ak ti adal wenno kurso iti arts ken sports, tehnical vocational, entrepreneurship wenno tertiary education,” kas kinuna ni DepEd Secretary Armin Luistro.

Kas kangrunaan met nga autor ti linteg (Senate version), kinuna ni Sen. Ralph Recto (LP), nga iti napapaut a panagadal dagiti ubbing, manamnama a magun-od ti kasapulan a kalidad ti edukasion ken ipadana ti Filipinas iti kalidad ti edukasion kadagiti sabsabali a pagilian.

Maysa pay kadagiti kangrunaan a dinakamatna ti panangiramanna iti linteg ti pannakausar ti “mother tongue” wenno nakayanakan a pagsasao a kas lengguahe a pangisuro manipud iti pre-school (kindergarten) agingga iti Grado 6 tapno mapadaras ti panagsursuro dagiti ubbing.

Kunana a maibatay kadagiti kaudian a panagadal iti sangalubongan, napaneknekan a nadardaras ti panagsursuro dagiti agad-adal no mausar ti nakayanakan a pagsasao.

Maipakat ti kurikulum para iti Grado 2 ken Grado 8 iti umay a panagseserrek 2013-2014 agingga iti naan-anay a mayimplementar ti K-to-12 iti 2016, kas kinuna ni Sekretario Luistro.


(Naipablaak iti Bannawag, Hunio 3, 2013 a bilang.)

Kabaknangan a senador ni Villar

Iti gatad ti sanikua daytoy nga agpateg iti P1.45 a bilion, nagtalinaed ni Sen. Manny Villar a kabaknangan kadagiti senador ti Filipinas. Iti sabali a bangir, nagbalin met ni Sen. Francis “Chiz” Escudero a kapanglawan iti kinabaknangna nga aggatad iti nasurok a P4-milion.

Naibatay ti kinabaknang dagiti senador iti indatagda nga Statement of Assets, Liabilities, and Net Worth (SALN) iti daytoy a tawen.

Dagiti dadduma pay a senador, kas panagsasaganadda, ken ti kinabaknangda:

2. Sen. Ralph Recto, P468.47-milion;
3. Sen. Ferdinand “Bongbong” Marcos, Jr., P437.24-milion;
4. Sen. Jose “Jinggoy” Estrada, P193.58-milion;
5. Sen. Ramon “Bong” Revilla, Jr., P169.14-milion;
6. Sen. Edgardo Angara, P159.09-milion;
7. Sen. Juan Ponce Enrile, P118.63-milion;
8. Sen. Sergio OsmeƱa, P111.78-milion;
9. Sen. Miriam Defensor Santiago, P77.69-milion;
10. Sen. Pia Cayetano, P72.96-milion;
11. Sen. Vicente “Tito” Sotto III, P62.22-milion;
12. Sen. Franklin Drilon, P51.74-milion;
13. Sen. Loren Legarda, P45.96-milion;
14. Sen. Teofisto Guingona, P43.50-milion;
15. Sen. Panfilo Lacson, P29.96-milion;
16. Sen. Manuel Lapid, P26-milion;
17. Sen. Allan Peter Cayetano, P23.30-milion;
18. Sen. Gregorio “Gringo” Honasan, P21.08-milion;
19. Sen. Aquilino “Koko” Pimentel III, P16.99-milion;
20. Sen. Francis Pangilinan, P14.37-milion;
21. Sen. Joker Arroyo, P11.05-milion;
22. Sen. Joker Arroyo, P11.05-milion; ken
23. Sen. Antonio Trillanes IV, P4.43-milion.


(Naipablaak iti Bannawag, Hunio 3, 2013 a bilang.)

Maysa a kuarto, 35 nga estudiante, kuna ni Sek. Luistro

Iti daytoy umay a panagseserrek, saanen a mapusek dagiti siled-pagadalan uray kadagiti nasulinek a lugar, kas kinuna ni DepEd Secretary Armin Luistro.

Innayonna a mapan laengen a 35 nga estudiante ti agyan iti maysa a kuarto.

Kinuna pay ti Sekretario a narisutdan ti 66,800 a pagkurkurangan a siled-pagadalan— karaman metten dagiti pagkurkurangan a tugaw ken libro—ken mangisursuro.


(Naipablaak iti Bannawag, Hunio 3, 2013 a bilang.)

May 22, 2013

HUNIO 3, 2013



SARITA
26 Maysa a Matutudo nga Aldaw iti Biag ni Shiela
  Neyo Mario E. Valdez

NOBELA
6 Ay, ni Reberen! (2)
   Ariel S. Tabag
32 Galiera Queen (13)
    Dionisio S. Bulong

DANIW
4 Daton iti Maysa a Sadiri
   Linda T. Lingbaoan
29 Ditoy Abayko
    Corazon F. Quiamas
30 Nabayagen a Nagun-odmo
        Jobert M. Pacnis
48 Dandaniw a Para Ubbing
     Adoracion Salantes/ Rolando A. Seguro, Jr.

SALAYSAY
8 Gapu Ta Daytoy ti Linteg (90)
    Hues Joven F. Costales (Ret.)
12 Resulta ti Eleksion 2013: Ania Ngarud ti Namnamaentayo?
    Neyo Mario E. Valdez
40 Ammom a Karkuluen ti Iganaganmo iti Talonmo?
     Reynaldo E. Andres

KOMIKS
17 Tres Muchos (107)
20 Aritosan (31)
22 Miks & Tiks

KOLUM
14 Okeyka, Apong!
16 Dear Doc
34 TIPS
37 Kastoy, Kapid, Ditoy Hawaii
38 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Emergency Exists, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
10 Agkamengka Man Met iti YMCA
15 Tao, Lugar, Pasamak
24 Namnamsek iti Kaipapanan ti Gakit Festival ti Angadanan
28 Siled ti Kararag
31 Nasken nga Adda Lugar a Pagbasaan ti Ubing iti Uneg ti Pagtaengan
33 Txtm8
35 Ti Gasatmo Ita a Lawas
36 Ammuem Pay Dagitoy
39 Kanayon Kadi nga Agul-ulbod ti Anakmo?

May 16, 2013

Panagkakaras!




PANAGKAKARAS! Daldalusan  daytoy nga ama iti Brgy. Ammubuan, Ballesteros, Cagayan dagiti nakarasanna a lames iti ramana iti buyon iti abagatan ti pagtaenganda. Nagdadakkelan a dalag, gurami, tilapia, ar-aro ken paltat dagiti naalana. Nagiinnagawan a ginatang dagiti parokianoda iti merkado idi impanda inlako dagitoy ta am-ammodan a nataba ken di naagub dagiti lamesda. (Jobert M. Pacnis)


(Naipablaak iti Bannawag, Mayo 27, 2013 a bilang.)

Naballigi nga eleksion, padur-asenna ti Filipinas


Patien dagiti negosiante iti Filipinas a ti naballigi a midterm election a naangay itay Mayo 13, ad-adda pay a pabilegenna ti ekonomia ti pagilian.

Kinuna ni Atty. Miguel Varela, Presidente ti Philippine Chamber of Commerce and Industry, nga iti pakabuklanna, natalinaay ken naurnos ti kallabes nga eleksion iti laksid ti panagbulok ti dadduma a PCOS machine.

Kinuna pay ni Varela a mangnamnama a ti sumaruno a Kongreso, agaramid kadagiti adding tapno ad-adda pay a maawis dagiti ganggannaet a negosiante a mangibaut iti puonanda iti Filipinas.

Kinuna met ni Melito S. Salazar, presidente ti Management Association of the Philippines a ti “nadalus nga eleksion, ipanamnamana kadagiti imbestor a natalged ti agnegosio iti pagilian.”


(Naipablaak iti Bannawag, Mayo 27, 2013 a bilang.)

Rosario, Lana, ken Imahen... Gumatangkayon!



ROSARIO, LANA, KEN IMAHEN... GUMATANGKAYON! Maysa daytoy baket kadagiti naalisto nga aglaklako iti rosario, lana, imahen, kandela, pulseras ken dadduma pay kadagiti agsangpet a debosianado manipud kadagiti nadumaduma nga ili iti Cagayan ken iti pagilian a sumuknal iti agdindinamag nga Apo Baket ken iti nadaeg a Simbaan ti Piat iti Piat, Cagayan. (Dexter Marin Fabito)


(Naipablaak iti Bannawag, Mayo 27, 2013 a bilang.)


May 15, 2013

MAYO 27, 2013




SARITA
6 Dagiti Banti
  Federico T. Ilac, Jr.

NOBELA
26 Ay, ni Reberen! (1)
     Ariel S. Tabag
32 Galiera Queen (12)
     Dionisio S. Bulong

DANIW
4 Ken ni Liwliwa
   Arnold C. Baxa
29 Daniw ken ni L
    Rosalie V. Calpito
30 Ti Burayok iti Pinsal
         Neyo Mario E. Valdez
48 Dandaniw a Para Ubbing
     Edelaine U. Duyor/Jobert M. Pacnis

SALAYSAY
8 Gapu Ta Daytoy ti Linteg (89)
    Hues Joven F. Costales (Ret.)
12 Ania, Adda Manen Nakalibas a Balud?
    Neyo Mario E. Valdez
40 Nadumaduma a Wagas ti Direkta a Panagmula
     Reynaldo E. Andres

KOMIKS
17 Tres Muchos (106)
20 Aritosan (30)
22 Miks & Tiks

KOLUM
14 Okeyka, Apong!
16 Dear Doc
34 TIPS
37 Kastoy, Kapid, Ditoy Hawaii
38 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Pork & Spoon, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
10 Sabali nga Ili, Sabali nga Ugali
15 Tao, Lugar, Pasamak
24 Dap-ayan 2013: Maika-45 a Kombension Nasional ken Literary Seminar ti GUMIL Filipinas: “Agkaykaysa, Pumigpigsa” (3)
28 Siled ti Kararag
31 Ammom Met Laeng ti Agdengngeg?
33 Txtm8
35 Ti Gasatmo Ita a Lawas
36 Ammuem Pay Dagitoy
39 Wen, Sabali Itan ti Kindergarten!

4th Pasnaan: Mayo 29-31


Maangay ti 4th Pasnaan itoy a Mayo 29-31-26, 2013 (saan a Mayo 24-26 kas immunan a naipakaammo) iti DoƱa Josefa Edralin Marcos Elementary School, Currimao, Ilocos Norte. Pagtitinnulongan daytoy nga iwayat ti GUMIL Filipinas, NCCA, Bannawag, GUMIL Ilocos Norte ken DepEd Ilocos Norte-Currimao District, ken dadduma pay a mannurat nga Ilokano.

Sangapulo nga agdadamo a mannurat nga Ilokano ti napili a Fellow iti Maikapat a Pasnaan, ti workshop a para kadagiti mannurat nga Ilokano.

Dagiti Fellow: Alain Fontanilla Razalan (para iti Sarita a Para Ubbing), Io M. Jularbal (iti Sarita), Sheila Mae Ricarze (Sarita), Gorgonia B. Serrano (Sarita), Rosario A. Bingayen (Daniw a Para Ubbing), Mercy Vergara Yabes (Daniw), Rhea Rose D. Berroy (Daniw), Florenda Limog Pedro (Daniw), Roselyn Carillo Campano (Daniw), ken Romnick Mahor Asuncion (Daniw)

Addan iti maikapat a tawenna, ti Pasnaan ti agserbi a “pangmulian” iti pluma dagiti agdadamo a mannurat nga Ilokano tapno agballigi dagitoy a sumarsaruno a mangtagiben ken mangitandudo iti Literatura ken Lengguahe ni Ilokano. Agpaay met a panelist dagiti mabigbigbig a mannurat nga Ilokano a pakairamanan dagiti editor ti Bannawag.

May 10, 2013

Pudtol, Apayao



PUDTOL, APAYAO. Siaagawa dagiti agibilbilag iti daytoy a pribado a pagibilagan (paved dryer) iti irik, mais ken dadduma pay a bukbukel tapno maakas a dagus dagiti imbilagda a mais mais sakbay nga umay ti tudo. No tiempo ngamin ti panagaapit iti Abril ken Mayo iti Apayao, pasaray nainit ti bigat sa itudona iti malem. (Leilanie G. Adriano)


(Naipablaak iti Bannawag, Mayo 20, 2013 a bilang.)

Baro a gakat iti imigrasion iti US, pabor kadagiti Pinoy


Daytoy ti pammati dagiti eksperto iti imigrasion maipanggep iti maysa a probision ti maad-adal ita a baro nga Immigration Bill iti US Congress.

Sagudayen ti nasao a probision, maikkan iti preperensia a maikkan iti visa ken makapagnaed iti Estados Unidos dagiti nakaadal ken manamnama a makatulong iti idudur-as ti nasao a pagilian.

Panggep ti nasao a probision a baliwan ti aglimapulo a tawenen a probision ti linteg iti imigrasion a mangited iti preperensia iti “family ties” wenno iti panagtitipon dagiti kameng ti maysa a pamilia.

Kuna dagiti eksperto iti imigrasion a no bilang maaprobaran ti nasao a singasing a “merit system,” mapaboran, kangrunaanna dagiti agnaed iti Asia, kas koma iti Filipinas, India ken China nga adu kadagiti umilina ti nakaadal ken addaan iti laing iti inhenieria ken teknolohia.

Kangrunaan met a mapukawan dagiti Mehikano ken dagiti Central American, kas kuna dagiti mangam-amiris iti singasing a  probision.


(Naipablaak iti Bannawag, Mayo 20, 2013 a bilang.)

Utong!



UTONG! Repreppeten dagitoy nga agapo ti Brgy. Ammubuan, Ballesteros, Cagayan dagiti kaburburasda a bunga ti utong kadagiti tambak ti piskeria iti abagatan ti pagtaenganda. Kangina ti utong kadagitoy a panawen ta manmano ti suplay. Panaraten dagiti bangkag itoy a deppaar ket di makapagbiag dagiti utong no kastoy a kalgaw isu a bentahe dagitoy nga agapo ta adda nadam-eg a tambak dagiti piskeria a pagmulmulaanda. Makita pay ti sangkabassit a bunga ti kalamansi a naburasda iti arubayanda. (Jobert M. Pacnis)


(Naipablaak iti Bannawag, Mayo 20, 2013 a bilang.)

May 9, 2013

Panagsapata ken umuna a regular meeting ti GF Board: Mayo19


Agsapata dagiti baro nga opisial ti GUMIL Filipinas, ti gunglo dagiti mannurat nga Ilokano iti Filipians ken ballasiw-taaw, iti Hotel Carmelita, Diversion Road, Pengue Ruyu, Tuguegarao City itoy a Mayo 19, 2013, 10 a,m. Ni PNP Regional Director Atty. Rodrigo P. De Gracia ti mangannong iti nasao a panagsapata.

Maaangay met ti umuna a regular a miting dagiti opisial ken kameng ti hunta direktiba ti gunglo kalpasan ti panagsapata tapno mapagsasaritaan dagiti proyekto ti liderato para iti panagtakemda iti dua a tawen (2013-2015). Mabukel met dagiti nadumaduma a komite a mangrienda kadagiti pakaseknan ti gunglo.

Ipaganetget ni Arthur P. Urata, Sr., baro a presidente ti gunglo, ti itatabuno dagiti amin a napili nga opisial: Mario Tejada (bise-presidente), Roy V. Aragon (sekretario-heneral,  Eden C. Bulong (tesorera), Estela Bisquera-Guerrero (auditor), Benjamin P. Pacris (business manager), Reynaldo E. Andres (PRO), ken dagiti kameng ti hunta direktiba a da Sherma E. Benosa, Emy Amad Z. Bucaneg, Eliseo B. Contillo, Freddie P. Masuli, Aileen R. Rambaud, Martin T. Rochina, Ariel S. Tabag ken Vilmer V. Viloria.

Maigunamgunam pay ti idadar-ay dagiti presidente dagiti sanga ti GF: Villamor Visaya (Isabela), Elizabeth M. Raquel (Ilocos Norte), Edilberto H. Angco (Ilocos Sur), Djuna R. Alcantara (La Union), Marianito Machacon (Pangasinan), Retired RTC Judge Vivencio Baclig (Metro Manila) ken Joey Guzman (Abra).
Manamnama met ti pannakiuman ti liderato kadagiti sanga ti GF iti ballasiw-taaw a kas kada Arnold Baxa (Maui), Rizal Fernandez (Oahu) ken Nexon D. Agcaoili (Hong Kong),

Mainaig iti daytoy, mapagpapatangan pay iti nasao a miting ti kasasaad dagiti saanen nga aktibo wenno adda parikutna a  gunglo a kas iti Hawaii, Guam, California, Greece, Nueva Vizcaya ken Baguio-Benguet tapno marisut amin a pakaseknan dagitoy iti kabiitan a panawen. (Reynaldo E. Andres)


(Naipablaak iti Bannawag, Mayo 20, 2013 a bilang.)

MAYO 20, 2013




SARITA
6 Sashimi
  Linda T. Lingbaoan

NOBELA
28 Galiera Queen (11)
     Dionisio S. Bulong
32 Saan a Rosas Amin Nga Ayat, Maria Emmanuelle (14)
     Reynaldo A. Duque

DANIW
4 Sika ken ti Bullalayaw
   Amado I. Yoro
30 Flora
    Djuna R. Alcantara
48 Dandaniw a Para Ubbing
    Leonora R. Melchor/Nick Harold R. Gajonera

SALAYSAY
10 Gapu Ta Daytoy ti Linteg (88)
    Hues Joven F. Costales (Ret.)
12 Apay nga iti Mayo ti Eleksion?
    Neyo Mario E. Valdez
40 Doble ti Maganansiam iti Haybrid a Karabasa
     Reynaldo E. Andres

KOMIKS
17 Tres Muchos (105)
20 Aritosan (29)
22 Miks & Tiks

KOLUM
14 Okeyka, Apong!
16 Dear Doc
34 TIPS
37 Kastoy, Kapid, Ditoy Hawaii
38 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Sobeneer, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
15 Tao, Lugar, Pasamak
24 Dap-ayan 2013: Maika-45 a Kombension Nasional ken Literary Seminar ti GUMIL Filipinas: “Agkaykaysa, Pumigpigsa” (2)
26 Agkikitatayonto Idiay Pudtol!
27 Nalaing nga Agdayamudom ti Anakmo?
29 Txtm8
31 Ania Dagiti Rumbeng a Maammuan ni Ma’am Maipanggep iti Anakmo?
33 Siled ti Kararag
35 Ti Gasatmo Ita a Lawas
36 Ammuem Pay Dagitoy
39 Kasano a Mapagtalinaed ti Kinasalun-at Dagiti Annaktayo?

May 4, 2013

Panagmamangga Manen




PANAGMAMANGGA MANEN. No kastoy a kapudot ti tiempo, di maliklikan ti itataud dagiti nadumaduma a sakit ti mangga kas iti panagtaud ti ngisit (anthracnose)  ken panaglungsot (stem-end-rot) kalpasan a maburas dagitoy sa mailako iti merkado. Ngem babaen ti partuat ti Mariano Marcos State University-College of Engineering  nga Automated Hot Water Treatment (AHWT) para iti mangga, bimmaba iti 30 porsiento wenno nakurang a maysa a porsiento laengen ti dadael dagiti mapaluom a mangga babaen ti nasao a kabaruanan a teknolohia a pinonduan ti Department of Science and Technology. Kas ken ni Apo Ricardo “Carding” Tolentino (adda iti ladawan), presidente ti Ilocos Norte Mango Stakeholders Association, Inc. ken cooperator ti nasao a teknolohia, ad-adda nga immadu ti ganansiana gapu iti panangaramatna iti daytoy a teknolohia a bimmassit dagiti maperdi (reject) sakbay a may-export dagitoy iti Hong Kong, China ken Japan a kangrunaan a gumatgatang kadagiti mangga manipud iti Ilokos ken Cagayan. Kadua ni Mang Carding iti ladawan dagiti sumagmamano nga opisial ti DOST a da Dr. Paulina Nebrida (S&T Promotions Center Manager, DOST I), Jonathan Viernes (Provincial Director ti DOST-Ilocos Norte),  Engr. Thomas Ubińa ti MMSU-COE ken project team leader ti nasao a teknolohia, ken dadduma pay a cooperators ti DOST. (Leilanie G. Adriano)


(Naipablaak iti Bannawag, Mayo 13, 2013 a bilang.)

Agkurkurang ti PH iti pharmacist –FDA


Impeksa ti Food and Drug Administration (FDA) ti panagparparikutda iti panagkurkurang ti Filipinas kadagiti parmasiutika/o, maysa a problema a manglaplapped iti pannakaipaay kadagiti umili kadagiti natalged ken nalaka ti bayadna nga agas.

Kinuna ti FDA nga adda 32,443 a paglakuan iti agas (retail outlets) iti Filipinas iti agdama idinto nga agarup 20,000 laeng dagiti rehistrado a pharmacist.

Kuna ti FDA a tunggal drug oulet, masapul nga imatonan koma ti rehistrado a pharmacist, kas sagudayen ti Republic Act 5921 wenno ti The Pharmacy Law.

Kuna ti FDA a saan pay a nairaman iti listaan dagiti 525 a retail outlets a para kadagiti non-prescription drugs ken 332 a Chinese drugstores, 302 a drug manufaturers, 45 a medical device manufaturers, 412 a drug traders ken 6,044 a drug distributors a nasken koma met nga addaan kadagiti kabukbukodan a pharmacist.


(Naipablaak iti Bannawag, Mayo 13, 2013 a bilang.)

61,000 a baro a titser, panggep nga alaen ti Dept. of Education


Impakaammo ti Departamento ti Edukasion itay lawasna ti panggepna a mangala iti 61,000 a baro a mangisursuro tapno marisut ti panagkurkurang dagiti mangisursuro iti pagilian.
Naireport nga iti napalabas a tawen, agkurkurangen ti DepEd iti 47,000 a mangisursuro.
Babaen dagiti nayon a mangisursuro, marisut metten ti kaadu unay dagiti ubbing iti maysa a klase nga iggem ti maysa a mangisursuro.


(Naipablaak iti Bannawag, Mayo 13, 2013 a bilang.)

Burnokam, Tatang, Burnokam!




BURNOKAM, TATANG, BURNOKAM! Kasla kastoy man ti yir-iriag daytoy anak iti amana bayat ti panangbulos daytoy naud-udi iti ullaw iti kataltalonan iti Barangay Nagpatayan, Banna, Ilocos Norte. Daytoy panagullaw ti paglinglingayan dagiti ubbing bayat ti kangitingitan ti kalgaw nangnruna no kasta a naangin. (Ryan Dulig)


(Naipablaak iti Bannawag, Mayo 13, 2013 a bilang.)

Maika-50 nga Anibersario ti GUMIL Ilocos Sur, maplano

Rugian ti GUMIL Ilocos Sur (GIS) a planuen ti pannakarambak ti Nabalitokan nga Anibersariona inton 2014 iti maysa nga special meeting dagiti opisialna a maangay inton Mayo 5, 2013 iti pagtaengan da agkaingungot a Rudy Llanes ken Mercedes Tabbada-Llanes iti Brgy. Anonang Mayor, Caoayan, Ilocos Sur.

Ni Mrs. Llanes ti agdama a tesorera ti GUMIL Ilocos Sur ken maysa kadagiti nakipagbangon a kameng ti gunglo idi 1964.

Maipamaysa a mataming iti miting ti pannakabuangay dagiti nadumaduma a komite a makipagsayangkatto itoy naindaklan a pasken ti GIS a binangon daydi Dios-ti-aluadna a Pelagio A. Alcantara idi Oktubre 4, 1964.


(Naipablaak iti Bannawag, Mayo 13, 2013 a bilang.)

May 1, 2013

MAYO 13, 2013




SARITA
6 Ti Ubing nga Agnagan iti Shalala
   Ronelyn B. Ramones

NOBELA
26 Galiera Queen (10)
     Dionisio S. Bulong
30 Saan a Rosas Amin Nga Ayat, Maria Emmanuelle (13)
     Reynaldo A. Duque
34 Apo Baboy Partylist (29)
     Jose A. Bragado

DANIW
4 Bayakabak iti Mayo
   Jobert M. Pacnis
8 Makitak ti Rabii iti Aldaw
    Robert R. Alicias
32 Kalawakaw
    Jake F. Ilac
48 Dandaniw a Para Ubbing
     Gregorio T. Amano

SALAYSAY
10 Gapu Ta Daytoy ti Linteg (87)
    Hues Joven F. Costales (Ret.)
12 Agal-aluadka, Adda Mangsipsiput Kenka!
    Neyo Mario E. Valdez

KOMIKS
17 Tres Muchos (104)
20 Aritosan (28)
22 Miks & Tiks

KOLUM
14 Okeyka, Apong!
16 Dear Doc
36 TIPS
39 Kastoy, Kapid, Ditoy Hawaii
40 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Breast Fast, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
15 Tao, Lugar, Pasamak
24 Dap-ayan 2013: Maika-45 a Kombension Nasional ken Literary Seminar ti GUMIL Filipinas: “Agkaykaysa, Pumigpigsa”
28 Siled ti Kararag
29 “Dios ti Agngina”
33 Isaganam ti Anakmo a Mapan Agbasa
35 Txtm8
37 Ti Gasatmo Ita a Lawas
38 Ammuem Pay Dagitoy
41 Nakasagana Kadi ti Anakmo a Mapan Makikamping?