May 24, 2019

Umak-akikid a Bangkag



UMAK-AKIKID A BANGKAG. Gapu iti agsasaruno a bayakabak a nangrugi itay primero ti Mayo, ginundawayan daytoy a mannalon ti Baduang, Pagudpud, Ilocos Norte nga inarado daytoy bangkagna. Umak-akikiden dagiti bangkag a pagmulaan iti nateng ta mapatpatakderan metten dagitoy iti balay ken establisimiento. (HILARIO A. ESPIRITU, JR.)


(Naipablaak iti Mayo 27, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Agtarakenkayo iti kalding, kuna ti DA kadagiti mannalon

Gapu iti kinalaka daytoy a malako, ginutigot ni Demetrio Tang, manedier iti Department of Agriculture-Cagayan Breeding Station (DA-CBS) iti Solana, Cagayan, dagiti mannalon iti nasao a probinsia nga agtarakenda koma iti kalding.

Kinuna ni Tang a mangididiaya ti nasao a breeding station iti programa iti panagutang tapno matulongan dagiti agtartaraken iti kalding a mangpasayaat iti puli dagiti kalding a tartaraknenda.

Kinuna nga iti agdama, addaan ti breeding station iti 107 a Boer ken 61 a Kalahari Red buck a breeder a naangkat manipud iti Australia. Addan nasurok a 400 a buck a breeder a naiwaras kadagiti kualipikado nga agtartaraken iti kalding. 

Dinakamat ni Tang a ti napasayaat a puli ti kalding, mailako iti P6,000 agingga iti P8,000 kas maibatay iti agdama a presio iti merkado. Kayatna a sawen, dakkel a banag daytoy para kadagiti mannalon.

Segun met ken ni Dr. Bryan Sibayan, maysa a beterinario, ti aplikante iti nasao a programa iti panagutang, masapul nga addaan kadagiti kasapulan a rekisito a tapno masigurado ti panagtultuloy ti programa, karaman ditoy ti maysa agingga iti dua nga ektaria a pagpastoran, pannakapatakder ti balay dagiti kalding, ken 10 agingga iti 20 a nakasagana a gagangay a pangganakan wenno kabayan a kalding.


(Naipablaak iti Mayo 27, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

May 19, 2019

MAYO 27, 2019



SARITA
4 The Walking Dead
    Virgilio S. Naungayan
12 Agpaw-itak Man
     Benjamin L. Viernes

NOBELA
8 Awis ti Sierra (10)
    Virginia A. Duldulao
10 Pan de Amor (32)
    Cris J. Dacuycoy

DANIW
5 Sakbay ti Anaraar
    Mikael R. Gallego
13 Intayab Dagiti Kali
     Eliseo B. Contillo
39 Daniw a Para Ubbing
    Leizel A. Quitola

SALAYSAY
16 Makakayaw ti Initao
     Remedios S. Tabelisma-Aguillon
34 Naimas a Kape ti Kinirog a Bukel ti Kumpitis
    Reynaldo E. Andres

KOMIKS
20 Miks & Tiks
22 Sweet Jazmine (141)
25 Don Clavio de Ylocos (144)

KOLUM
 6 No Adda Sigsigloten, Adda Met Warwaren
 9 Saludsodem ken ni Apo Hues
14 Biag ni Ilokano
15 Kastoy, Kapid, Ditoy Hawaii
18 Siled ti Kararag
19 Dear Doc
28 Okeyka, Apong
31 Ading Kosinera
32 Padasem Daytoy, Kailian
38 Tips

PAGLINGLINGAYAN
36 Showbiz
39 Agkatawa ti Mayat
40 Sinniriban
40 Sapukas-2
40 Sudoku

DADDUMA PAY
2 Tao, Lugar, Pasamak
11 Netizone
29 Idi Un-unana a Panawen
30 Panangimaton iti Pagtaengan
33 Sika ken ti Tarakenmo
35 Ammuem Pay Dagitoy
37 Ti Gasatmo Ita a Lawas


(Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

May 13, 2019

Agsapsapulkayo iti Trabaho?



AGSAPSAPULKAYO ITI TRABAHO? Adu a trabaho ti agur-uray kadagiti Ilokano, iti man bukodda a lugar wenno kadagiti ganggannaet a pagilian, kas paneknekan ti Summer Job Fair 2019 a naangay idi Mayo 1 nga Aldaw Dagiti Mangmangged (Labor Day). Naangay ti job fair iti Robinsons Mall, San Nicolas, Ilocos Norte a nakipartisiparan ti agarup 60 a kompania agraman dagiti nadumaduma nga ahensia ti gobierno. Kaaduan ketdi a sapsapulen dagiti kompania dagiti skilled workers a kas kadagiti mason, karpintero, ken dadduma pay a trabahador iti impraestruktura a kas iti panagaramid kadagiti kalsada, rangtay, ken pasdek. (LEILANIE G. ADRIANO)


(Naipablaak iti Mayo 20, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

May 10, 2019

Innem a libro nga Ilokano, nayalnag



Innem a libro nga Ilokano ti nayalnag idi Abril 26, 2019 bayat ti umuna nga aldaw ti Dap-ayan 2019, ti Maika-51 a Nailian a Kombension Dagiti Mannurat nga Ilokano a naangay iti Apayao Agro-Tourism & Sports Complex, Luna, Apayao.

Dagiti libro a nayalnag: Burayok, Antolohia Dagiti Sarita Dagiti Mannurat nga Ilokano iti Cagayan nga inedit da Roy V. Aragon, Johmar R. Alvarez, Ariel S. Tabag ken Freddie P. Masuli; Panaglantip, Antolohia Dagiti Sarita da Dionisio S. Bulong ken Eden Cachola-Bulong; Sangarakem a Dawa, Koleksion Dagiti Sarita, Salaysay ken Daniw ni Arnold Pascual Jose; Anglem, Koleksion Dagiti Premiado ken Napili a Daniw ni Daniel L. Nesperos; Bannuar, Koleksion Dagiti Fiksion ni Roy Vadil Aragon; ken Linguistika Ilokana 101 ni Joel B. Manuel.

Kadagiti interesado a maaddaan nadakamat a kadagiti libro a nadakamat, mabalin ti gumatang kadagiti umuna nga uppat a libro ken ni Ariel S. Tabag (0917 697 8854), iti Bannuar ken ni Roy V. Aragon (0927 794 2327), ken iti Linguistika Ilokana 101 ken ni Joel B. Manuel (0917 158 1969).


(Naipablaak iti Mayo 20, 2019 a bilang ti Bannawag. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

May 9, 2019

MAYO 20, 2019



SARITA
4 Titulo
   Jovito F. Amorin
12 Panagsapul iti Pagtaengan
    Jeremias Calixto

NOBELA
8 Awis ti Sierra (9)
    Virginia A. Duldulao
10 Pan de Amor (31)
    Cris J. Dacuycoy

DANIW
5 Balangat ti Kinaina
   Arnold P. Jose
13 PedXing
     Ria Rebolledo
39 Daniw a Para Ubbing
    Jennielou G. Pigao

SALAYSAY
16 Agpayso a Napintas ti Batanes!
     Villamor C. Visaya, Jr.
34 Tapno Maliklikan ti Panagleppes Dagiti Bunubon
    Reynaldo E. Andres

KOMIKS
20 Miks & Tiks
22 Sweet Jazmine (140)
25 Don Clavio de Ylocos (143)

KOLUM
 6 No Adda Sigsigloten, Adda Met Warwaren
 9 Saludsodem ken ni Apo Hues
14 Biag ni Ilokano
15 Kastoy, Kapid, Ditoy Hawaii
18 Siled ti Kararag
19 Okeyka, Apong
28 Dear Doc
31 Ading Kosinera
32 Padasem Daytoy, Kailian
38 Tips

PAGLINGLINGAYAN
36 Showbiz
39 Agkatawa ti Mayat
40 Sinniriban
40 Sapukas-2
40 Sudoku

DADDUMA PAY
2 Tao, Lugar, Pasamak
3 Ti Makunami
11 Netizone
29 Idi Un-unana a Panawen
30 Panangimaton iti Pagtaengan
33 Sika ken ti Tarakenmo
35 Ammuem Pay Dagitoy
37 Ti Gasatmo Ita a Lawas


(Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

May 8, 2019

Bunga ti Amiling



BUNGA TI AMILING. Maragragsakan daytoy nga ubing nga agburburas iti bunga ti amiling (maaw-awagan pay iti pariat’ bakir, balang a paria wenno simmaron) a mula ni apongna nga Ana P. Baddo ti Brgy. San Francisco, Luna, Apayao. Pagaayat ngamin ni Lola Ana ti mapakbet nga amiling nga idi ket saan a malaklako. Ita, pagaayaten dagiti aggatang ta pudno man met a naimas a masida. No kanginana, umabot pay iti P80 ti sangakilo.  Saan metten a kas idi a kadagiti kabakiran laeng ti pakakitaan daytoy a klase ti paria ta mabalin met a paaduen iti arubayan. (JOBERT M. PACNIS)


(Naipablaak iti Mayo 13, 2019 a bilang ti Bannawag. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

May 6, 2019

Salip iti Daniw ti 2nd Gabriela Prize, naluktan

Naluktan ti Maikadua a Gabriela Prize (Premio Gabriela) babaen ti Salip iti Daniw iti panggep a mangtakuat iti kabarbaro wenno naiduma a daniw iti Ilokano.

Pagalagadan ti Salip:

1. Silulukat ti salip kadagiti amin nga agsursurat iti daniw nga Ilokano. Narugian ti salip idi Abril 2, 2019 ken maigibus inton Agosto 30, 2019 (aldaw ti pannakaipakaammo iti publiko kadagiti nangabak ken pannakaited dagiti premioda). Tarawidwidan daytoy ti Imnas & Iway Publications, maysa nga independiente nga small press nga agipabpablaak iti zines, chapbooks, ken libro nga Ilokano.

2. Maysa a daniw laeng ti pakisalip. Nawaya ti mannaniw iti kayatna a tema, porma, ken kaatiddog wenno kaababa ti isalipna a daniw. Maisingasing ti panagtakuat kadagiti sabali pay a porma ken linaon ti daniw. Mabalin ti agidatag kadagiti experimental a daniw.

3. Orihinal ken bukod a putar ti mannurat ti daniwna. Masapul a di pay naipablaak wenno di pay naiposte a publiko iti web ken social media, ti pakisalip. Ti matakuatan a nagsakar (no nangabak), maibabawi ti premiona ket dinton mapalubosan a makisalip iti Gabriela Prize ken iti ania man a pasalip nga iwayat ti Imnas & Iway Publications.

4. Deadline ti panagidatag iti pakisalip: Hulio 15, 2019. Ipatulod kas file attachment (MS Word wenno PDF) iti gabriela.prize@gmail.com iti subject a “2nd Gabriela Prize.” Saan nga ilanad ti nagan wenno parbo a nagan iti pakisalip. Mangipakuyog iti text file a nakailanadan ti pudno ken kompleto a nagan, numero ti selpon, email address, link ti FB account, adres ti pagtaengan/opisina, ken bionote.

5. Dagiti gunggona: Umuna a Premio: PhP1,500; Maikadua: PhP1,000; ken Maikatlo: PhP500; ken sertipiko. Mapadayawanto met iti Hall of Fame ti mannurat a mangabak iti lima nga Umuna a Premio. Mabalin a makissayan wenno manayonan dagiti magunggonaan no ikeddeng dagiti hurado. Saan met a mabaliwan ti pangngeddeng dagiti hurado malaksid no adda nangabak a naglabsing.

6. Maipakaammo iti publiko ti kinaasino dagiti nangabak inton Agosto 30, 2019. Virtual ti awarding ngem maipatulodto ti gunggona dagiti nangabak babaen ti courier.

Para iti dadduma pay nga impormasion, agsurat iti gabriela.prize@gmail.com wenno ag-PM iti FB page ti Imnas & Iway Publications iti fb.com/ImnasIwayPublications.


(Naipablaak iti Mayo 13, 2019 a bilang ti Bannawag. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

May 4, 2019

MAYO 13, 2019



SARITA
4 Kasilpo ti Nalulem a Malem
    Boni A. Mendoza
12 Isuda Idi, Data Metten
     David D. Campanano

NOBELA
8 Awis ti Sierra (8)
    Virginia A. Duldulao
10 Pan de Amor (30)
    Cris J. Dacuycoy

DANIW
5 Canary Islands
   Mar A. Sevilleja
13 Anniniwan
   Amado I. Yoro
17 Pamigat
     Roda Tajon
39 Daniw a Para Ubbing
    Alma Jane C. Calaramo


SALAYSAY
16 Ni Nalen, Maysa nga Ina
     Remedios S. Tabelisma-Aguillon
34 Wen, Naimas ti Mula a Papait
    Reynaldo E. Andres

KOMIKS
20 Miks & Tiks
22 Sweet Jazmine (138)
25 Don Clavio de Ylocos (141)

KOLUM
 6 No Adda Sigsigloten, Adda Met Warwaren
 9 Saludsodem ken ni Apo Hues
14 Biag ni Ilokano
15 Kastoy, Kapid, Ditoy Hawaii
18 Siled ti Kararag
19 Okeyka, Apong
29 Dear Doc
31 Ading Kosinera
32 Padasem Daytoy, Kailian
38 Tips

PAGLINGLINGAYAN
36 Showbiz
39 Agkatawa ti Mayat
40 Sinniriban
40 Sapukas-2
40 Sudoku

DADDUMA PAY
2 Tao, Lugar, Pasamak
11 Netizone
28 Idi Un-unana a Panawen
30 Panangimaton iti Pagtaengan
33 Sika ken ti Tarakenmo
35 Ammuem Pay Dagitoy
37 Ti Gasatmo Ita a Lawas


(Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)