February 28, 2015

National Artist Almario, kangrunaan nga agsarita iti Dap-ayan 2015 dagiti mannurat nga Ilokano

Ni National Artist Virgilio S. Almario, agpapaay pay a pangulo ti Komisyon sa Wikang Filipino, ti kangrunaan nga agsarita iti Dap-ayan 2015, ti Maika-47 a Nailian a Kombension ti GUMIL Filipinas, ti kadakkelan a gunglo dagiti mannurat nga Ilokano iti Filipinas ken ballasiw-taaw, a maangay iti daytoy Abril 17-19, 2015 iti Sala A, Balay Expo Centro, Araneta Center, Cubao, Quezon City.

Babaen ti tema a “Ti Akem ni Gumiliano iti Kagimongan Dagiti Ilokano,” agsarita met ni Pedro Bucaneg awardee ken Gawad Pambansang Alagad ni Balagtas Juan S.P. Hidalgo, Jr.

Manamnama a dar-ayan ti sumurok-kumurang a 150 a delegado, tamingen dagiti napusgan nga agsarita a pannakabagi dagiti nadumaduma a chapter ti GUMIL dagiti akem ken gapuanan ti GUMIL ken dagiti mannurat nga Ilokano kadagiti probinsia iti Ilokandia ken kadagiti lugar iti ballasiw-taaw a nagdappatan ni Ilokano.

Tampok pay iti kombension ti pannakayawat ti gunggona dagiti mannurat a nangabak kadagiti pasalip iti panagsuratan, pannakapadayaw dagiti mannurat a nakaibinglay iti naisangsangayan a kontribusion iti Literatura dagiti Ilokano, ken pannakaiwayat ti eleksion ti gunglo.

Daytoy Dap-ayan 2015 wenno tinawen a kombension ti kangrunaan nga aktibidad ti GUMIL Filipinas a pangrambak iti Abril kas Bulan ti Literatura nga Ilokano kas sagudayen ti Proklamasion Bilang 26 nga indeklara ni dati a Presidente Gloria Macapagal Arroyo idi Abril 16, 2001.

Iti sabali a bangir, pinirmaan met ni Presidente Benigno S. Aquino III itay Pebrero 10, 2015 ti Proklamasion Bilang 968 a nangideklara iti bulan ti Abril a kas Nailian a Bulan ti Literatura (National Literature Month wenno Buwan ng Panitikang Filipino). (Mighty C. Rasing)


(Naipablaak iti Bannawag, Marso 9, 2015 a bilang.)

Palag nga Ugsa



PALAG NGA UGSA. Maysa kadagiti ar-aribungbongan dagiti tattao iti tiendaan ti Pudtol, Apayao iti Sabado nga aldaw ti tienda dagiti lako a palag nga ugsa. Naiw-iwa dagitoy iti naingpis. Kimriit iti pannakaibilagna. Nabang-i ti angotna. Segun iti daytoy nga aglaklako, alisto a madispatsana dagiti lakona a palag nga ugsa (sag-P150 ti sangaubon, 16 nga strips wenno iwa ti sangaubon) ta paggugusto dagiti dumaydayo nga aggapu pay kadagiti sabsabali nga ili ken probinsia. (Aileen R. Rambaud)


(Naipablaak iti Bannawag, Marso 9, 2015 a bilang.)

Marso 14: board meeting ti GUMIL Filipinas

Maangay ti maikawalo ken maudi a board meeting ti GUMIL Filipinas Board (2013-2015) iti daytoy a Marso 14, 2015, 6 P.M. iti panangsangaili ni Eliseo B. Contillo, direktor ti gunglo, iti Sapaw ni Mannurat, Quinarayan, Narvacan, Ilocos Sur.

Kinuna ni Arthur P. Urata, presidente, a kangrunaan a mapagsasaritaan iti miting ti maangay a Dap-ayan 2015, ti Maika-47 a Nailian a Kombension ti gunglo a sangailien ti GUMIL Metro Manila. (Roy V. Aragon)


(Naipablaak iti Bannawag, Marso 9, 2015 a bilang.)

GUMIL Hong Kong, mareorganisa

Maangay itoy a Marso 8, 2015, 3 P.M., ti pannakareorganisa ti GUMIL Hong Kong. Maangay ti miting iti Lambet Park, Central.

Nabuangay idi Hulio 2, 2012, naglumen ti GHK gapu iti pannakakumikom dagiti kameng kadagiti trabahoda. Ita ta mapasungadan ti Maika-47 a Nailian a Kombennsion ti GUMIL Filipinas, inkeddeng dagiti dadduma a dati a kameng a biagen manen daytoy babaen ti nasao a miting.

Mapagsasaritaan iti miting ti pannakapili dagiti interim officers nga agserbi bayat ti pannakaur-urnos ti GHK. (Analyn S. Domingo)


(Naipablaak iti Bannawag, Marso 9, 2015 a bilang.) 

Palagip iti Deadline: Salip iti Sarita ti 17th AMMAFLA

Maipalagip kadagiti agdadamo a mannurat nga interesado a makisalip iti 17th AMMA Foundation Literary Awards nga agpatingga ti salip iti Marso 15, 2015.

Adtoy ti kompleto a pagannurotan nasao a salip:

1. Aggibus ti salip iti Marso 15, 2015.

2. Agpaay laeng ti salip kadagiti agdadamo a mannurat iti Ilokano. Iti daytoy a pasalip, maibilang nga agdadamo ti mannurat no awan pay ti naipablaak a saritana iti Bannawag. No adda man, di koma nasursurok ngem tallo ti naipablaakna agingga iti Dis. 15, 2014 a bilang ti nasao a magasin.

3. Siwawayawaya ti autor a mangpili iti topiko ti isalipna a sarita.

4. Agatiddog ti sarita iti 10-15 a panid iti short bond paper, naimakinilia, wenno saan, naikompiuter iti doble espasio (Times Roman Medium 12 pts. iti computer), ken adda espasio wenno margin a maysa a pulgada iti amin nga igid ti papel.

5. Maysa laeng a sarita ti mabalin nga isalip ti tunggal autor.

6. Nasken nga orihinal, di pay naipablaak wenno naadaw iti ania man a sinurat ti isalip. Nasken met a saan a naipatarus ti pakisalip manipud iti sabali a lengguahe ken nasken a bukod a putar ti autor ti pakisalipna.

7. Ti parbo a nagan ti autor ti agparang a naganna a kas autor ti sarita. Ipatulod ti pakisalip iti uppat a nadalus a kopia ken pakuyogan iti narikpan a sobre a naglaon iti pudno ken parbo a nagan ti autor, paulo ti pakisalip, kaudian a ladawan ken ababa a pakasaritaan ti biag ti autor, adres ti agdama a pagnaedan, agraman e-mail address ken numero ti selpon wenno telepono a mabalin a pakakontakan iti autor. Iti rabaw ti sobre, isurat ti paulo ti sarita ken parbo a nagan ti autor.

8. Ipatulod ti pakisalip babaen ti koreo wenno personal nga idatag iti daytoy nga adres: Short Story Writing Contest, 17th AMMAFLA, c/o Bannawag, Manila Bulletin Publishing Corp., Muralla corner Recoletos Sts., Intramuros, 1002 Manila. Nasken a maawat ti Bannawag ti pakisalip iti di naladladaw ngem iti Marso 15, 2015. Saan a mairaman iti salip ti entry a maawat kalpasan dayta a petsa.

9. Dagiti gunggona: Umuna a Gunggona, P10,000.00; Maikadua, P8,500.00; ken Maikatlo, P7,000.00. Maipaayan pay dagiti mangabak iti sertipiko ti pammadayaw. Adda met karbengan dagiti hurado a mangkissay iti bilang dagiti mangabak no awan ti makapatar iti bukodda a pagbatayan dagiti mangabak. Mabalinda met ti mangparnuay iti sabali a gunggona, no kasapulan.

10. Mapakaammuanto dagiti mangabak no kaano ken sadino ti pakapadayawanda. No met matakuatan a sinalungasing ti mangabak ti Pagannurotan Blng. 2 ken/wenno 6, maibabawi ti premiona ken mapawilanton a makisalip iti ania man a pasalip ti AMMAFLA.

Imatonan da Amado ken Gloria Yoro, Francisco ken Aurora Ponce, ken Alfredo ken Cherry Quibol (agpapada nga agindegen iti Hawaii), panggep ti AMMFLA nga “aronan ti regget dagiti agdadamo a mannurat iti lengguahe nga Ilokano a mangpatadem pay iti plumada.”


(Naipablaak iti Bannawag, Marso 9, 2015 a bilang.)

February 26, 2015

MARSO 9 2015



SARITA
6 Panagsubli
   Maribel Y. Idica

NOBELA
12 Operation: Drop Venus (3)
     Norberto D. Bumanglag, Jr.
16 Upa ken Kawitan (16)
     Estela A. Bisquera-Guerrero

DANIW
8 Dalluyon
   Ronnie E. Aguinaldo
47 Dandaniw a Para Ubbing
     Roselyn C. Campano/Leonora R. Melchor

SALAYSAY
20 Ti Lay-ug ti Manabo
      Rhea D. Berroy
26 Ania ti Alaem a Kurso, Nakkong?
      Gregorio T. Amano
40 Al-alisto Itan ti Panagparupsa Dagiti Mannalon
     Reynaldo E. Andres

KOMIKS
27 Gayang ni Lam-ang (75)
30 Aritosan (125)
32 Miks & Tiks

KOLUM
14 Saludsodem ken ni Apo Hues
15 Dear Doc
22 Okeyka, Apong
34 TIPS
35 Haytek!
37 Kastoy, Kapid, Ditoy Hawaii
38 Kosina Ilokana
42 Padasem Daytoy, Kailian

PAGLINGLINGAYAN
44 Showbiz
48 Sinniriban
48 Sapukas
48 Sudoku
48 Agkatawa ti Mayat

DADDUMA PAY
 2 Ti Makunami
 4 Tao, Lugar, Pasamak
10 Dagiti Pagannurotan ti 17th AMMAFLA
17 Txtm8
18 Siled ti Kararag
19 Kasano ti Panangdalus iti Taraken a Pusa?
23 Wen, Saan a Sinsinan ti Kinabileg ti Musika
24 Naimulan ti “Bannawag @ 80 Tree” iti Siudad ti Vigan
36 Ammuem Pay Dagitoy
39 Kasano ti Panagipakni Kadagiti Wara?
45 Ti Gasatmo Ita a Lawas
46 Idi Un-unana a Panawen


February 21, 2015

Labba, Labbakayo Dita!



LABBA, LABBAKAYO DITA!  Ipaspasiar dagiti kakabsat nga Agta iti Sitio Pureg, Callungan, Sanchez Mira, Cagayan dagiti produktoda a labba no kasta a bumabada iti patag.  Naaramid dagiti labba manipud iti darimuka, nito ken way. Adu ti malakuanda no kasta nga agipasiarda kadagiti opisina ta nalaka la ngaruden, natibker pay dagitoy ta doble ti lagana. (Ridel T. Cabulisan)

(Naipablaak iti Bannawag, Marso 2, 2015 a bilang.)

Abril, improklama ni PNoy a Nailian a Bulan ti Literatura

Pinirmaan ni Presidente Benigno S. Aquino III itay Pebrero 10, 2015 ti Proklamasion Bilang 968 a nangideklara iti bulan ti Abril a kas Nailian a Bulan ti Literatura (National Literature Month wenno Buwan ng Panitikang Filipino).

Sagudayen ti nasao a proklamasion, kas mayannurot iti Konstitusion, itandudo ti gobierno ti pannakataginayon ken pannakaitandudo dagiti historikal ken kultural a tawid ken rekursos, kasta met dagiti artistiko a partuat. Gapu ta ti Literatura iti Filipinas, a nasurat kadagiti nadumaduma a lengguahe iti Filipinas, ket mainaig kadagiti historikal ken kultural a gameng, rebbengna laeng nga itandudo daytoy ti gobierno.

Nadakamat pay iti proklamasion a nasken laeng a tagibenen ti gobierno ti nailian a literature gapu ta dakkel ti akem ti daytoy iti pannakataginayon dagiti pagtitinnawidan a tagipatgen (values) dagiti Filipino.

Sagudayen pay ti nasao a proklamasion nga iti bulan ti Abril a mailagip ni Francisco “Balagtas” Baltazar, ken marambakan ti kasangay ken ipupusay dagiti adigi ti literatura ti pagilian a kas kada Emilio Jacinto, Paciano Rizal, Nick Joaquin, Edith Tiempo, Bienvenido Lumbera, kdp.; ken iti daytoy a bulan a maramrambakan ti International Children’s Book Day, International Day of the Book wenno World Book Day, ken ti World Intellectual Property Rights Day.

Nadakamat pay iti proklamasion nga idauluan ti National Commission for Culture and the Arts (NCCA) ken ti Komisyon sa Wikang Filipino (KWF) ken dagiti kangrunaan nga ahensia iti gobierno ti pannakaisagana ken pannakaiwayat dagiti aktibidad a mainaig iti pannakarambak ti Nailian a Bulan ti Literatura. Magutigot met dagiti amin a departamento, ahensia ti gobierno ken dagiti pribado a gunglo ken ahensia a tumulong iti NCCA ken KWF, ken iti pannakipartisiparda iti nasao a selebrasion.

Mainaig itoy, maipalagip nga idi Abril 16, 2001, babaen ti Proklamasion Bilang 26, indeklara ni dati a Presidente Gloria Macapagal Arroyo ti Abril a kas Bulan ti Literatura nga Ilokano a tinawen met a ramrambakan ti GUMIL Filipinas, ti gunglo dagiti mannurat nga Ilokano, ken dadduma pay a gunglo dagiti mannurat nga Ilokano.


(Naipablaak iti Bannawag, Marso 2, 2015 a bilang.)

Nabalbalor Ngem Kotse



NABALBALOR NGEM KOTSE. Kasla ordinario laeng a burnay dagitoy (nayabay laeng ti tayab iti kanawan para iti panangidasig) a naggapu iti China no kitkitaem ngem kadagiti Yapayao, nabalbalor pay daytoy ngem iti kabarbaro a kotse. Mabalin pay daytoy a sukat ti biag ti maysa a Yapayao idi un-unana a panawen a manmano pay laeng iti makaiggem iti peseta wenno binting. Ti kaadda dagiti nagkauna a “wanggi” wenno “putik” (earthen jars) ket simbolo ti estado ti panagbiag dagiti Yapayao, nga idi un-unana, mabigbigda dagitoy a “headhunters” wenno agputputol iti ulo. (Leilanie G. Adriano)


(Naipablaak iti Bannawag, Marso 2, 2015 a bilang.)

MARSO 2, 2015



SARITA
6 Ti Regalo ni Angelo
    Aileen R. Rambaud
12 Kaarngi ti Nasipnget a Rabii
     Jose A. Bragado

NOBELA
26 Operation: Drop Venus (2)
     Norberto D. Bumanglag, Jr.
32 Upa ken Kawitan (15)
     Estela A. Bisquera-Guerrero

DANIW
27 Rangkis
      Roy V. Aragon
47 Dandaniw a Para Ubbing
     Roselyn C. Campano/Rolando A. Seguro, Jr.

SALAYSAY
10 Agbiag ti Bisikleta!
     Virginia A. Duldulao, Ph.D.
38 Nakaramankan iti Sugar Cane Juice?
      Armando D. Diga
40 Simple a Panangpaksiat Kadagiti Peste ti Bitsuelas
     Reynaldo E. Andres

KOMIKS
17 Gayang ni Lam-ang (74)
20 Aritosan (124)
22 Miks & Tiks

KOLUM
14 Saludsodem ken ni Apo Hues
15 Okeyka, Apong
30 TIPS
31 Haytek!
34 Kosina Ilokana
37 Kastoy, Kapid, Ditoy Hawaii
42 Padasem Daytoy, Kailian

PAGLINGLINGAYAN
44 Showbiz
48 Sinniriban
48 Sapukas
48 Sudoku
48 Agkatawa ti Mayat

DADDUMA PAY
 2 Ti Makunami
 4 Tao, Lugar, Pasamak
16 Wen, Napateg ti Home Economics!
24 Ti Siudad ti Laoag, ti MMSU-CTE ken ti Bannawag
28 Siled ti Kararag
29 Kasano ti Panangdigos iti Taraken nga Aso?
33 Txtm8
35 Panagaramat iti Disposable a Lunglongan
36 Ammuem Pay Dagitoy
45 Ti Gasatmo Ita a Lawas
46 Idi Un-unana a Panawen

February 15, 2015

Ilocos Norte



ILOCOS NORTE. Nayalnag ti Police Community Assistance and Referral Team wenno C.AR.T. ti Ilocos Norte Philippine National Police idi Pebrero 4 babaen ken ni Gob. Imee Marcos ti Ilocos Norte bayat ti maika-24 nga anibersario ti pannakabuangay daytoy iti Camp Valentin Juan, Laoag City. Babaen ti Police C.AR.T., nalaklaka a maipatulod dagiti agpatrolia a polis kadagiti lugar a pagdudupudopan dagiti tao, kadagiti apar dagiti turista, ken kadagiti lugar a kasapulan ti kaadda dagiti kameng ti polisia. (Rinetrato ni Alaric A. Yanos)


(Naipablaak iti Bannawag, Pebrero 23, 2015 a bilang.)

Dap-ayan 2015 ti GF, sagsaganaan ti GMM

Agsagsaganan ti GUMIL Metro Manila (Gunglo Dagiti Mannurat nga Ilokano iti Kamanilaan) iti panangsangaili ti gunglo iti Dap-ayan 2015, ti Maika-47 a Nailian a Kombension ti GUMIL Filipinas (Gunglo Dagiti Mannurat nga Ilokano iti Filipinas ken iti Ballasiw-Taaw).

Mainaig itoy, maangay ti miting ti GUMIL Metro Manila, inton Pebrero 22, 2015, 9 A.M. ti panangsangaili ni mannurat ti Bannawag Rhea D. Berroy iti pagtaengan daytoy iti Maceda St. corner Loyola, Sampaloc, Manila para iti nasao a panggep.

Mainaig itoy, makiddaw kadagiti interesado a dumar-ay iti nasao a kombension a makiuman dagiti kameng ti GUMIL Filipinas wenno GUMIL chapters iti presidente ti pagkamenganda a chapter idinto a dagiti saan a kameng, makiumanda met ken ni Ariel S. Tabag, presidente ti GMM, iti asseng.tabag@gmail.com wenno 0921 602 1938.

Mainaig pay iti daytoy, ipakaammo ti GUMIL Filipinas Awards Committee nga agingga laeng iti Marso 15, 2015 ti panagawatda iti nominasion para iti Pedro Bucaneg Award, Leona Florentino Award, ken Don Cornelio Valdez Award. Ipaw-it ti nominasion iti rvaragon@gmail.com.


(Naipablaak iti Bannawag, Pebrero 23, 2015 a bilang.)


February 13, 2015

PEBRERO 23, 2015



SARITA
6 Tudo iti Kalgaw
   Herminiano C. Calica

NOBELA
24 Operation: Drop Venus (1)
     Norberto D. Bumanglag, Jr.
30 Upa ken Kawitan (14)
     Estela A. Bisquera-Guerrero

DANIW
27 Panagballasiw
      Jake F. Ilac
47 Dandaniw a Para Ubbing
     Jorge G. Placido/ Ryan A. Dulig

SALAYSAY
10 Elpidio Quirino: Umuna nga Ilokano a Presidente
     Gregorio T. Amano
12 Ti Ari a Nangtallikud iti Tronona Gapu ken ni Ayat
     Guillermo R. Andaya
16 Naisiding ken ni Emphraim ti Kinabannuar
      Fernando B. Sanchez
40 Salado Kadi ti Talonmo?
     Reynaldo E. Andres

KOMIKS
17 Gayang ni Lam-ang (73)
20 Aritosan (123)
22 Miks & Tiks

KOLUM
14 Saludsodem ken ni Apo Hues
15 Dear Doc
33 Okeyka, Apong
34 TIPS
35 Haytek!
37 Kastoy, Kapid, Ditoy Hawaii
38 Kosina Ilokana
42 Padasem Daytoy, Kailian

PAGLINGLINGAYAN
44 Showbiz
48 Sinniriban
48 Sapukas
48 Sudoku
48 Agkatawa ti Mayat

DADDUMA PAY
 2 Ti Makunami
 4 Tao, Lugar, Pasamak
26 Siled ti Kararag
28 Naimula ti “Bannawag @ 80 Tree” iti Dua Pay nga Eskuela iti Bacarra
31 Txtm8
32 Kayatmo ti Agtaraken iti Guinea Pig?
36 Ammuem Pay Dagitoy
39 Ammom Met Laeng ti Aginnaw?
45 Ti Gasatmo Ita a Lawas
46 Idi Un-unana a Panawen

February 7, 2015

Naingel a Suka



NAINGEL A SUKA. No naingel a suka, inka ken ni Nana Masing, kunada la ketdi no addaka idiay Pinili, Ilocos Norte, ket agsapsapulka iti puro a suka. Makita iti ladawan ni Nana Tomasa “Masing” Baitiong, 87, ti Brgy. Puritac, Pinili, Ilocos Norte ken ti sumagmamano laeng kadagiti adu a binurnay nga aramidna a suka. Inkakaubinganna ti agar-aramid iti suka, maibilang ni Nana Masing nga eksperto iti panagaramid iti suka babaen ti natural a wagas. Maibilang ti pamiliana kadagiti kaunaan nga agdapdapil ken addaan iti bukod a kaunasan iti nasao a barangay. (Aileen R. Rambaud)

(Naipablaak iti Bannawag, Pebrero 16, 2015 a bilang.)

Burgos, Ilocos Norte ken La Union, makipagrambak iti National Arts Month



Mairaman ti Burgos, Ilocos Norte ken La Union a makipagrambak ita a tawen iti National Arts Months, maysa a nailian a parambak nga itantandudo ti National Commission for Culture and the Arts (NCCA) nga ipanguluan da chairman Felipe M. de Leon Jr. ken OIC-executive director Adelina M. Suemith.

Tinawen a maangay daytoy a parambak ngem naidumduma ita ta naiwaras iti nadumaduma a paset ti pagilian. Ket mairaman kadagiti 12 a lugar a pakaangayanna ti ili ti Burgos ken ti probinsia ti La Union.

Iti Burgos, maisayangkat ti parambak, babaen ti tema a “Panagkaykaysa: Ti Umili, Ti Kultura, ken Sining,” manipud iti Pebrero 16 agingga iti Pebrero 21. Ditoy a maitandudo dagiti tradision, kultura ken arte dagiti taga-Burgos.

Maangay met iti Saint Louis College iti San Fernando, La Union ti “Tawid Taoid: Bridging Cultures” inton Pebrero 9, 10 ken 20. Ditoy, maipakita kadagiti estudiante dagiti nadumaduma a kultura ken arte ti La Union. Addanto met exhibit a pakaipakitaan dagiti aramid dagiti estudiante iti arte kangrunaan iti visual arts. Mangrugi daytoy kadagiti eskuela sa maipasiar dagitoy nga aramid iti arte tapno ad-adu a tao ti makakita.

Malaksid kadagiti dua a nadakamat nga aramid, maisayangkat met ti “Kultouravan: The Lyceum of the Philippines Cultural Caravan” iti Lyceum of the Philippines (LPU) iti Manila a pakipartisiparan dagiti estudiante ken dagiti nadumaduma nga artist. Nadumaduma met nga aktibidad nga adda pakainaiganna iti arte ken kultura ti maangay iti Intramuros ken Rizal Park iti Pebrero 2, 4, 9 ken 14.

Angayen met ti Liliw, Laguna ti “Sining Tsinelasan sa Liliw”; ti Ligao National High School ti Ligao City, Albay ti “Hablon: Habi ng Sining sa Paaralan at Komunidad”; ti panangbigbig ti Kanlaon Theatre Guild kadagiti naaramidan dagiti artist ken cultural groups iti probinsia ti Negros Occidental babaen ti “Ani: A Harvest of Traditional and Contemporary Artistic Expressions”; ken ti Xavier Sabali laeng dagiti maangayto met iti nadumaduma a paset ti Bulacan ken Bikol. (LSF)


(Naipablaak iti Bannawag, Pebrero 16, 2015 a bilang.

PEBRERO 16, 2015



SARITA
6 Sabong ti Kawayan
   Renato A. Paat

NOBELA
26 Dagiti Kulalanti ti Arapaap (Maudi a Paset)
     Juan S.P. Hidalgo, Jr.
30 Upa ken Kawitan (13)
     Estela A. Bisquera-Guerrero

DANIW
27 Itanemmo ‘Toy Pusok Idiay Cagayan
     Arnold C. Baxa
48 Dandaniw a Para Ubbing
     Leonora R. Melchor/Charmaine Joy P. Sebastian

SALAYSAY
10 Daytoy Panangsapul iti Kaayan-ayat…
     Fernando B. Sanchez
12 Maguindanao Massacre 2: Kadakkelanen a Karit iti Termino ni PNoy?
     Neyo Mario E. Valdez
13 Dida Madmadlaw Idi; Bannuar Itan
     Joel B. Manuel
40 Ti Kinapateg ti Sulpur iti Mula
     Reynaldo E. Andres

KOMIKS
17 Gayang ni Lam-ang (72)
20 Aritosan (122)
22 Miks & Tiks

KOLUM
14 Saludsodem ken ni Apo Hues
15 Dear Doc
32 Okeyka, Apong
34 TIPS
37 Kastoy, Kapid, Ditoy Hawaii
38 Kosina Ilokana
42 Padasem Daytoy, Kailian
46 Haytek!

PAGLINGLINGAYAN
44 Showbiz
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
 4 Tao, Lugar, Pasamak
16 Idi Un-unana a Panawen
24 Naimula Met ti “Bannawag @ 80 Tree” iti Piddig ken Carasi
28 Siled ti Kararag
29 Kastoy ti Pusa, No Agpadlaw
31 Txtm8
33 Wen, Adu ti Pakaaramatan ti Baraniw
35 Agtitinnulong Koma Dagiti Estudiante
36 Ammuem Pay Dagitoy
39 Nayon a Balakad, Saan Laeng a Kadagiti Inna iti Pagtaengan
45 Ti Gasatmo Ita a Lawas

February 2, 2015

Nalatak ti Empanada ti Siudad ti Batac



NALATAK ti empanada ti Siudad ti Batac a kas maysa kadagiti kaiimasan nga empanada iti Kailokuan. Daytoy ti gapuna nga ar-araken dagiti bisita. Mabungon dagiti ramenna iti napablad a balatong, nakuskos a papaya, itlog, longganisa wenno ania pay a ramen a mapanunot ti agluto, sa mawarakiwakan iti sangkabassit nga asin ken mailuto iti agburburek a manteka. Nananam ken nasustansia ti empanada iti Batac. Maan-angay payen ti Empanada Festival iti siudad kas pangbigbig kadagiti nalalaing nga aglutluto iti empanada iti siudad. (Aileen R. Rambaud)


(Naipablaak iti Bannawag, Pebrero 9, 2015 a bilang.)

"Inton Matayak..."



“INTON MATAYAK, kayatko a daytoy koma ti ipabalonda kaniak," kinuna ni Manang Marivic Tangilen, 50, tubo iti Cagubatan, Tadian, Mountain Province bayat ti panangipakpakitana iti tawidna a "pinagpagan," maysa a burial cloth wenno ules a para iti natay a Kankana-ey a maus-usar idi un-unana nga aldaw. Iti laksid ti kinamodernon ti panawen ken uray agindegen daytoy iti ili nga Adams, Ilocos Norte, imetna pay laeng daytoy a pammati ken kannawidan dagiti nagkauna a dadakkelna. Segun iti istoria dagiti nataengan, daytoy nga ules a saan a pulos a mabaloran iti kuarta ken addaan iti naidumduma a disenio a kas iti taotao ken matamata ken nagmaris iti nangisit, nalabaga ken puraw ket simbolo ti matay a Kankana-ey tapno al-alisto daytoy a dumanon iti nagkaysa a biag. Iti ababa a pannao, kasla pasaporte wenno ID-na daytoy nga ules tapno alisto a malasin dagiti natayen a partidona ket agdedennada met laeng uray iti lubong dagiti natay. (Leilanie G. Adriano)


(Naipablaak iti Bannawag, Pebrero 9, 2015 a bilang.)

Panagkurang ti koriente iti kalgaw, nakasaganan ti gobierno

Nakasaganan ti gobierno a mangipakat kadagiti addang tapno malapdan ti panagkurang ti suplay ti koriente iti daytoy a kalgaw idinto nga ur-urayen ti Malakanyang ti pananganamong ti Kongreso iti pannakaipaay dagiti “special powers” iti Presidente tapno marisutna daytoy posible a panagkurang ti suplay ti koriente.

Impanamanama daytoy ni Presidential Communications Operations Secretary Herminio Coloma, Jr., kas sungbat iti panagam-ammak ti dadduma a sektor iti posible a panagkurang ti suplay ti koriente iti Luzon itoy a kalgaw.

Idi pay Septiembre a kidkiddawen ni Presidente Aquino ti panangited kenkuana ti Kongreso iti bileg, iti babaen ti Electric Power Industry Reform Act (EPIRA), tapno sumrek iti kontrata kadagiti agpatpataud iti koriente; iti kasta, manamnama ti kaadda ti umdas a suplay ti koriente iti kalgaw ti 2015.

Iti biang ti Kongreso, ad-adalenna pay laeng ti kiddaw ti Malakanyang ta adda met dagiti agkuna a saan a pudno nga adda panagkurang ti suplay ti koriente itoy a kalgaw.


(Naipablaak iti Bannawag, Pebrero 9, 2015 a bilang.)

Nasapa a panagpalista dagiti ubbing nga agkinder, agpaut iti makabulan

Agpaut iti makabulan ti “early registration” wenno nasapa a panagpalista dagiti ubbing a sumrek iti Kindergarten iti School Year 2015-2016 kadagiti pagadalan a publiko.

Narugian itay Enero 24 (Sabado), agpaut ti nasapa a panagpalista agingga iti Pebrero 27 (Biernes).

Kinuna ni Sekretario ti Edukasion Bro. Armin Luistro a maipapaut ita a tawen ti panagparehistro, saan ket a maysa nga aldaw laeng a kas itay napan a tawen, tapno awan ti rason a di maipalista dagiti ubbing nga agtawen iti lima a sumrek iti Kinder uray pay agindegda kadagiti nasulinek a lugar.

Mayayon ti maipapaut a rehistrasion iti tema daytoy a “Makapag-aral ay Karapatan Mo, Magpalista.”

Itoy nasapa a panagpalista, masapul nga agtawen ti ubing iti di nakurkurang ngem lima iti umay a Hunio 1, 2015. Mangitugot laeng dagiti nagannak wenno mangay-aywan kadagiti ubbing iti birth certificate. No awan man pay ti maiparangda, maipaganetget a maitedto iti aldaw ti panagbabasa. (Aileen R. Rambaud)


(Naipablaak iti Bannawag, Pebrero 9, 2015 a bilang.)

Salip iti Sarita ti 17th AMMAFLA

Aggibus iti Marso 15, 2015

Ipalagip dagiti mangimaton iti AMMA Foundation Literary Awards (AMMAFLA) a da Amado ken Gloria Yoro, Francisco ken Aurora Ponce, ken Alfredo ken Cherry Quibol (agpapada nga agindegen iti Hawaii) nga aggibus ti Salip iti Sarita ti Maika-17 nga AMMAFLA iti Marso 15, 2015.

Adtoy ti kompleto a pagannurotan ti salip:

1. Aggibus ti salip iti Marso 15, 2015.

2. Agpaay laeng ti salip kadagiti agdadamo a mannurat iti Ilokano. Iti daytoy a pasalip, maibilang nga agdadamo ti mannurat no awan pay ti naipablaak a saritana iti Bannawag. No adda man, di koma nasursurok ngem tallo ti naipablaakna agingga iti Dis. 15, 2014 a bilang ti nasao a magasin.

3. Siwawayawaya ti autor a mangpili iti topiko ti isalipna a sarita.

4. Agatiddog ti sarita iti 10-15 a panid iti short bond paper, naimakinilia, wenno saan, naikompiuter iti doble espasio (Times Roman Medium 12 pts. iti computer), ken adda espasio wenno margin a maysa a pulgada iti amin nga igid ti papel.

5. Maysa laeng a sarita ti mabalin nga isalip ti tunggal autor.

6. Nasken nga orihinal, di pay naipablaak wenno naadaw iti ania man a sinurat ti isalip. Nasken met a saan a naipatarus ti pakisalip manipud iti sabali a lengguahe ken nasken a bukod a putar ti autor ti pakisalipna.

7. Ti parbo a nagan ti autor ti agparang a naganna a kas autor ti sarita. Ipatulod ti pakisalip iti uppat a nadalus a kopia ken pakuyogan iti narikpan a sobre a naglaon iti pudno ken parbo a nagan ti autor, paulo ti pakisalip, kaudian a ladawan ken ababa a pakasaritaan ti biag ti autor, adres ti agdama a pagnaedan, agraman e-mail address ken numero ti selpon wenno telepono a mabalin a pakakontakan iti autor. Iti rabaw ti sobre, isurat ti paulo ti sarita ken parbo a nagan ti autor.

8. Ipatulod ti pakisalip babaen ti koreo wenno personal nga idatag iti daytoy nga adres: Short Story Writing Contest, 17th AMMAFLA, c/o Bannawag, Manila Bulletin Publishing Corp., Muralla corner Recoletos Sts., Intramuros, 1002 Manila. Nasken a maawat ti Bannawag ti pakisalip iti di naladladaw ngem iti Marso 15, 2015. Saan a mairaman iti salip ti entry a maawat kalpasan dayta a petsa.

9. Dagiti gunggona: Umuna a Gunggona, P10,000.00; Maikadua, P8,500.00; ken Maikatlo, P7,000.00. Maipaayan pay dagiti mangabak iti sertipiko ti pammadayaw. Adda met karbengan dagiti hurado a mangkissay iti bilang dagiti mangabak no awan ti makapatar iti bukodda a pagbatayan dagiti mangabak. Mabalinda met ti mangparnuay iti sabali a gunggona, no kasapulan.

10. Mapakaammuanto dagiti mangabak no kaano ken sadino ti pakapadayawanda. No met matakuatan a sinalungasing ti mangabak ti Pagannurotan Blng. 2 ken/wenno 6, maibabawi ti premiona ken mapawilanton a makisalip iti ania man a pasalip ti AMMAFLA.


(Naipablaak iti Bannawag, Pebrero 9, 2015 a bilang.)

PEBRERO 9, 2015



SARITA
6 Ni Angkel
   Virginia A. Duldulao
12 Kappia
   Bienvenido C. Cabras

NOBELA
26 Dagiti Kulalanti ti Arapaap (20)
     Juan S.P. Hidalgo, Jr.
30 Upa ken Kawitan (12)
     Estela A. Bisquera-Guerrero

DANIW
27 Ubaya
     Vincent Cab. Beroy
33 Lapis
     Delfin P. Dumayas
48 Dandaniw a Para Ubbing
     Ronnie E. Aguinaldo/Rolando A. Seguro, Jr.

SALAYSAY
40 Kastoy, Abirat, ti Panagganagan Kadagiti Mula a Tarong iti Patad
   Reynaldo E. Andres

KOMIKS
17 Gayang ni Lam-ang (71)
20 Aritosan (121)
22 Miks & Tiks

KOLUM
14 Saludsodem ken ni Apo Hues
15 Dear Doc
32 Okeyka, Apong
34 TIPS
37 Kastoy, Kapid, Ditoy Hawaii
38 Kosina Ilokana
42 Padasem Daytoy, Kailian
46 Haytek!

PAGLINGLINGAYAN
44 Showbiz
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
 4 Tao, Lugar, Pasamak
10 Idi Un-unana a Panawen
16 Dagiti Pagannurotan ti 17th AMMAFLA
24 Nagmulada iti 80 a Kawayan a Kas “Bannawag @ 80 Tree”
28 Siled ti Kararag
29 Iti Lubong Dagiti Manok: Kakaasi Dagiti Nakapsut
31 Txtm8
35 Nagsubeg nga Ubbing Dagitoyen, Kunam?
36 Ammuem Pay Dagitoy
39 Adtoy ti 11 a Palagip ken ni Agtagibalay
45 Ti Gasatmo Ita a Lawas