September 25, 2016

Deadline iti aplikasion iti Pasnaan 7, nayalud-od iti Oktubre 10

Nayalud-od iti Oktubre 10, manipud iti Septiembre 15, ti deadline iti panagawat iti manuskrito para iti Pasnaan 7 (7th Pasnaan Ilokano Writers’ Workshop) a maangay inton Nobiembre 18-20 (saan nga Oktubre 21-23, kas immuna a naipadamag) iti maysa a pagadalan iti Urdaneta, Pangasinan.

Iwayat daytoy ti GUMIL Filipinas (GF), ti gunglo dagiti mannurat nga Ilokano iti Filipinas ken iti ballasiw-taaw,  iti panangsangaili ti GUMIL Pangasinan, DepEd Urdaneta Chapter nga idauluan ni Dr. Edmund A. Bisquera.

Masapul a mangidatag ti tunggal aplikante babaen ti e-mail iti portfolio ti ania man kadagiti sumaganad: (a) uppat a daniw; (b) dua nga ababa a sarita, (c) uppat a daniw a para ubbing, (d) dua a sarita a para ubbing, (e) dua a personal a salaysay, (f) storyline para iti nobela ken dua a chapter daytoy. Masapul a nakasurat iti Ilokano dagiti nadakamat a sinurat ken addaan iti title page a nakailanadan ti nagan iti pluma ken linaonna (table of contents). Masapul a nakasurat ti nasao a portfolio iti Word format.

Malukonan dagiti manuskrito iti sabali a Word file a naglaon iti pudno a nagan ti autor, adres, pakakontakan a numero, e-mail address, ababa a pakasaritaan ti biag (bionote) ken kabaruan nga ID picture, ken may-e-mail iti gumil.filipinas@gmail.com; usaren ti paulo (subject) a “Pasnaan 7.”

Sangapulo a fellow ti mapili a maipaayanto iti libre nga akomodasion.

Para iti ad-adu pay nga impormasion, umawag wenno ag-text iti 0921- 602-1938 (AST) wenno ag-e-mail iti gumil.filipinas@gmail.com. (Pasnaan 7 Secretariat)


(Naipablaak iti Oktubre 3, 2016 a bilang.)

Gubat kontra droga, agtultuloy – Duterte

Ladawan manipud iti file ti Manila Bulletin.
Agtultuloy ti pananggubat ti gobierno iti droga uray no adu ti mangkonkontra iti daytoy a kampania, kas kinuna ni Presidente Duterte.

Innayon ti Presidente a sisasagana a mangsalaknib iti pananggubatna iti droga manipud iti “dinadagmel a panirigan” dagiti lokal ken ganggannaet a kritiko a di mangikankano iti kinatalged dagiti Filipino kontra kadagiti drug lords ken aglaklako iti droga.

Impaganetget ni Duterte, iti laksid ti pammabalaw kenkuana manipud iti internasional a komunidad, a karbenganna ti “mangballaag a patayenna dagiti kriminal.”

“Awan bibiangko uray no mano ti maangay a panagdengngeg iti Kongreso iti panggep a mangimameg iti gubat kontra iti droga. Saakto la agsardeng inton naungawen ti maudi a pusher,” kinuna ni Duterte iti pannakiuman kenkuana dagiti agiwarwarnak iti Matina Enclaves, Davao.

Innayon ni Duterte nga adda karina kadagiti umili iti Filipinas a nangibotos kenkuana a Presidente ken nangited kenkuana iti 6 a milion a botos nga ad-adu ngem iti kaasitgan a kinalabanna.

“No diyo kayat a maungaw ti problema iti droga, ikararagyo ngarud a maikkatak iti puestok a kas Presidente,” kinunana.


(Naipablaak iti Bannawag, Oktubre 3, 2016 a bilang.)

September 22, 2016

OKTUBRE 3, 2016



SARITA
4 Pamulinawen
   Roy V. Aragon

NOBELA
12 Ti Bastardo (27)
    Norberto D. Bumanglag, Jr.
14 Baknangtan, Kayong! (12)
     D.S. Bulong

DANIW
6 Tudo ti Kurad
   Ria Rebolledo
8 Nagkaysa
    Ariel S. Tabag
18 Kawar
     Pearl Lovedyn A. Dacuag
47 Daniw a Para Ubbing
     Roselyn C. Campano

SALAYSAY
26 Napintas ti Agtaraken iti Paltat No Pagtutudo
     Reynaldo E. Andres

KOMIKS
35 Sweet Jazmine (4)
38 Don Clavio de Ylocos (6)
41 Miks & Tiks

KOLUM
10 Saludsodem ken ni Apo Hues
19 Dear Doc
24 Padasem Daytoy, Kailian
29 Okeyka, Apong
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
9 Netizone
16 Biag ni Ilokano
17 Siled ti Kararag
20 Panangwatwat iti Aso iti Uneg ti Pagtaengan
22 Haytek!
23 Casa San Antonio: Batonlagip ti Sistema ti Enkomienda ken Monopolia ti Tabako
28 Idi Un-unana a Panawen
32 Ammuem Pay Dagitoy
34 Wen, Mapalag-an Met Dagiti Aramid iti Agsapa
43 Ti Gasatmo Ita a Lawas
46 Dagiti Pabula ni Aesop

September 15, 2016

Buneng, Wasay, Sampilok, Tabas



BUNENG, WASAY, SAMPILOK, TABAS. Agpilpili daytoy a kustomer iti gatangenna a buneng iti maymaysa a puesto iti igid ti kalsada ti Carig Sur, Tuguegarao. Agpateg iti P250 ti maysa a buneng a naaramid manipud iti mulye ti lugan idinto a P350 met dagiti napanday manipud iti guide bar ti chainsaw. Malaksid kadagiti nagkaadu a buneng, adda pay wasay, sampilok, tabas, ken barreta a lako daytoy Ina Baket. (Dexter Marin Fabito)


(Naipablaak iti Bannawag, Septiembre 26, 2016 a bilang.)

Antolohia ti sarita dagiti babbai a mannurat, maisagsagana

Maisagsaganan ti antolohia dagiti ababa a sarita nga Ilokano dagiti babbai a mannurat babaen ti Tagnawa Series ti GUMIL Filipinas ken pagpaayan nga editor da Linda T. Lingbaoan-Bulong, Sherma E. Benosa ken Rhea Rose D. Berroy. Manamnama a mairuar inton 2017, daytoy ti kaunaan a libro a pakatiponan dagiti sarita dagiti babbai a mannurat. Daytoy met ti maikapat a libro iti serye ti proyekto a panagipablaak ti GF nga iwarwardas ti Editorial Committee ti gunglo.

Pagalagadan ti panagidatag:

1. Dua a sarita ti idatag. Nasaysayaat no di pay naipablaak ti idatag ngem mabalin met no naipablaaken iti magasin, wenno dadduma pay a babasaen wenno iti Internet. No naipablaaken, masapul nga adda notasion iti baba ti sinurat mainaig iti detalye ti pannakaipablaak daytoy. Maysa laeng ketdi a sarita ti mairaman iti antolohia, ken segun iti pangngeddeng dagiti editor. Karbengan dagiti editor ti di mangiraman kadagiti maidatag a sarita a di makapatar iti pagrukodanda.

2. Uray ania a sarita ti idatag, nawaya ti tema a suraten, ken iti tradisional man wenno eksperimental a wagas. Nupay kasta, maikkan iti importansia dagiti sarita a mangtaming iti pakaseknan dagiti babbai, gender issues a kas iti gender equality ken gender sensitivity, kdp.

3. Mapakuyogan dagiti sarita iti pakasaritaan ti biag ti autor, agraman ti contact information (adres, numero ti telepono/selpon, e-mail). Pakuyogan ti manurat ti sinuratna iti kaudian a retratona iti .jpeg a file format.

4. Ipatulod babaen ti e-mail dagiti sarita iti matronatres@yahoo.com, sherma.benosa@gmail.com, wenno rhearoseberroy@gmail.com. Mabalin pay nga ited babaen ti private message iti Facebook account dagiti editor.

5. Masapul a maawat dagiti sarita iti di naladladaw ngem iti Oktubre 31, 2016.

6. Mapakaammuan dagiti autor a mairaman iti libro makabulan kalpasan ti naituding a deadline.

7. Para iti dadduma pay a detalye, makiuman kadagiti editor babaen dagiti e-mail address iti ngato.


(Naipablaak iti Bannawag, Septiembre 26, 2016 a bilang.)

Cordillera Creative Writing Workshop 2016, agawat kadagiti aplikante agingga iti Septiembre 25

Maipakaammo kadagiti interesado a makipaset iti Maika-5 a Cordillera Creative Writing Workshop nga agawat pay laeng dagiti mangimaton iti aplikante agingga iti Septiembre 25.

Maangay ti workshop inton Oktubre 24-28, 2016 iti kampus ti University of the Philippines Baguio babaen ti panangiwayat ti University of the Philippines Baguio (UP Baguio) College of Arts and Communication (CAC) iti pannakitinnulong ti National Commission for Culture and the Arts (NCCA) a kas kangrunaan nga esponsor.

Kualipikado a mangidatag iti aplikasionda dagiti mannurat ken agngayangay nga agbalin a mannurat nga addaan iti putar iti ania man kadagiti pagsasao iti Cordillera a kas iti Ibaloy, Kankanaey, Ifugao languages, Kalinga languages, kdp., agraman iti Ilokano ken Pangasinan, ken uray pay iti Ingles ken Filipino.

Kas kinuna ni Dr. Elizabeth Calinawagan, Dekana ti CAC ti UP Baguio ken immuna a nangimaton iti CCWW, a silulukat pay ti CCWW para kadagiti agsursurat kadagiti dadduma pay a pagsasao iti pagilian.

Kadagiti napalabas a workshop a naangay, napili dagiti fellow babaen dagiti sinuratda kadagiti pagsasao nga Ibaloy, Kankanaey, Tuwali-Ifugao, Kalinga, Ilokano, Pangasinan, Ivatan, ken iti English ken Filipino.

Iti daytoy a workshop iti 2016, maawis pay nga agaplikar dagiti mannursuro, aglalo dagiti mannursuro iti elementaria iti Mother Tongue-Based Mutilingual Education (MTB-MLE).

Nakaangayen iti uppat a workshop iti napalabas a walo a tawen ti CCWW ti UP Baguio babaen ti tulong dagiti dadduma pay nga esponsor nangruna ti NCCA.

Naangay ti immuna a workshop idi 2007 iti kampus ti UP Baguio; idiay Saint Mary’s School of Sagada, Sagada, Mountain Province idi 2009; itit Supreme Hotel, Baguio City idi 2012; ken iti El Cielito Inn, Baguio City idi 2014.

Sangapulo ket lima a fellow ti mapili ken maikkan iti libre nga akomodasion iti UP Baguio Residence Hall bayat ti workshop. Silulukat ti aplikasion para iti amin nga interesado a saan a naub-ubing ngem 18 anios.

Masapul a mangidatag dagiti aplikante iti ania man kadagiti sumaganad nga orihinal ken di pay naipablaak a sinuratda: 3-5 a daniw wenno daniw a para ubbing, 2 nga ababa a sarita wenno sarita a para ubbing, wenno 2-3 a creative nonfiction.

Nasken pay a pakuyogan iti patarus iti Ingles wenno Filipino no saan nga orihinal a naisurat iti Ingles wenno Filipino dagiti piesa a maidatag.

Ipatulod dagiti manuskrito iti Microsoft Word document file a mapakuyogan iti resume ti autor, babaen ti email: cordilleracreativeww2016@gmail.com. Iti Septiembre 25, 2016 ti maudi nga aldaw ti panagawat kadagiti aplikasion.

Buklen ti workshop panel da Prof. Grace Celeste Subido, Dr. Victor Emmanuel Carmelo “Vim” Nadera Jr., Mr. Francis Macansantos, Mr. Frank Cimatu, ken Emeritus Prof. Delfin Tolentino, Jr.

Para kadagiti saludsod, makiuman iti direktor ti workshop, ni Junley Lazaga, iti e-mail iti jllazaga@up.edu.ph wenno iti secretariat iti email cordilleracreativeww2016@gmail.com wenno telefax (074) 444 8393. (JLL)


(Naipablaak iti Bannawag, Septiembre 26, 2016 a bilang.)

September 14, 2016

SEPTIEMBRE 26, 2016



SARITA
4 Ice Ice Baby
   Ariel S. Tabag
18 Sabong ken Linnaaw
   Juan S.P. Hidalgo, Jr.

NOBELA
8 Ti Bastardo (26)
    Norberto D. Bumanglag, Jr.
12 Baknangtan, Kayong! (11)
     D.S. Bulong

DANIW
6 Panagdalus
   Freddie Pa. Masuli
47 Daniw a Para Ubbing
   Diana Sagario-Macalos

SALAYSAY
14 Ania Kadi, Aya, ti Ragsak?
     Virginia A. Duldulao, Ph.D.
26 Dakkel ti Maganar iti Panagtaraken iti Pabo
     Reynaldo E. Andres

KOMIKS
35 Sweet Jazmine (3)
38 Don Clavio de Ylocos (5)
41 Miks & Tiks

KOLUM
10 Saludsodem ken ni Apo Hues
21 Dear Doc
24 Padasem Daytoy, Kailian
29 Okeyka, Apong
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
9 Netizone
16 Biag ni Ilokano
17 Siled ti Kararag
22 Watwaten Met Dayta Asom!
23 Selpon iti Pagadalan: Makasinga Wenno Kasapulan?
28 Idi Un-unana a Panawen
32 Ammuem Pay Dagitoy
34 Tapno Saan a Makarkarattot iti Tunggal Bigat
43 Ti Gasatmo Ita a Lawas
46 Dagiti Pabula ni Aesop

September 12, 2016

Mannalon ken Mangngalap



MANNALON... Nakaisem daytoy agkabannuag a mannalon iti Brgy. Panay, Magsingal, Ilocos Sur kalpasan a naisalpana iti kalsada ti sangakuribot a marapagay a ginapasna iti nagbabaetan dagiti aggipin a raepna. Malaksid a makatulong ti pannakaikkat dagiti marapagay iti panagbaludbod dagiti raep, agserbi metten dagitoy a pagpakan kadagiti tarakenna a baka ta awanen pagpastoran kalpasan a maraepan dagiti sinilong ken awan metten urnongda a garami gapu iti pannakausaren ti tiliar wenno “pugpugso” iti panawen ti panaggapas. Gagangay nga umanayen a kanen ti maysa a nataenganen a baka ti sangakuribot a ruot iti agmalem. (Freddie Pa. Masuli).


(Naipablaak iti Bannawag, Septiembre 19, 2016 a bilang.)





…KEN MANGNGALAP. Kabayatanna, iti Isla ti Calayan iti probinsia ti Cagayan, ur-urnosen met daytoy a mangngalap ti inusarna nga iket agraman ti boya ti kalapna. Dadakkel nga ikan ti kaaduan a maal-ala iti baybay a nanglawlaw iti isla ngem kuna ‘toy mangngalap a dagiti laeng babassit nga ikan a kas iti baraniti ti maala daytoy iketna. Iti dayta nga aldaw a panagkalapna, kunana a bassit ti nakalapanna. Ngem no kano met kaaduna, makakalap met iti agingga iti 50 a kilo a baraniti nga ilakona iti P100 ti sangakilo. (Roselyn C. Campano)


(Naipablaak iti Bannawag, Septiembre 19, 2016 a bilang.)

Eleksion ti SK ken barangay, mabalin a maisanud

Mabalin a maisanud ti pannakaangay ti eleksion ti barangay ken Sangguniang Kabataan manipud iti Oktubre 31, 2016 iti Oktubre 23, 2017 ken mapalubosan met dagiti punong barangay ken kagawad nga agserbi agingga iti awan mabotosan a sukatda.

Sakbayna, inaprobaran ti House committee on Suffrage and Electoral Reforms ti gakat (House Bill 3384) a mangpaisanud kadagiti nasao nga eleksion ket manamnama nga aprobaran daytoy ti Kamara agingga iti maikatlo ken maudi a pannakaibasana bayat met a maur-uray ti bersion ti Senado para iti nasao a panggep.

Kinuna ni Citizens Battle Against Corruption (CIBAC) Rep. Sherwin Tugna, chair ti komite, a no la ketdi agpada ti bersion ti Kamara ken Senado, awanton ti bicameral meeting ket mapagbalinton a linteg ti pormal a pannakaituding ti baro a petsa dagiti nadakamat nga eleksion.

Sagudayen ti HB 3384 nga indatag kangrunaanna ni House Speaker Pantaleon Alvarez, ti sumaruno a maangay nga eleksion ti barangay ken SK kalpasan ti 2017 ket inton 2020 ken saanto a makigiddan iti midterm election a maangay inton Mayo 2019, kas sagudayen ti Konstitusion iti 1987.


(Naipablaka iti Bannawag, Septiembre 19, 2016 a bilang.)

Bulong, baro a presidente ti GMM

Napili ni Eden Cachola-Bulong a baro a presidente ti GUMIL Metro Manila, ti sanga ti Gunglo Dagiti Mannurat nga Ilokano iti Filipinas (GF) iti Kamanilaan, iti eleksion ti gunglo a naangay itay Agosto 21 iti pagtaenganda iti Cadaing Village, Talipapa, Quezon City. Sinukatan ni Bulong ni Ariel S. Tabag a presidente ti gunglo iti 2014-2016.

Dadduma pay a napili: Neyo Mario E. Valdez, bise-presidente; Rhea Rose D. Berroy, sekretaria; Faye Q. Flores Melegrito, tesorera; Anna Liza M. Gaspar, auditor; Jake F. Ilac, business manager; Roy V. Aragon, press relations officer.

Dagiti direktor: Angelo “Eloy” Padua, Leonardo S. Fagaragan, Simeon C. Berroy, Juan Al. Asuncion, Ma. Rosa Atencio-Cabie, Michael S. Naidas, Mark Anthony Ganotice, Atty. Jessie Villamor Viloria II.

Ex-officio director ni Ariel S. Tabag idinto nga agpaay a mammagbaga da Dionisio S. Bulong, Juan S.P. Hidalgo, Jr., Jose A. Bragado, Cles B. Rambaud, Honor Blanco Cabie, Hermilinda Lingbaoan-Bulong, ken (Ret.) Vivencio S. Baclig.

Kas mayannurot iti sinkronisasion ti amin nga eleksion dagiti opisial dagiti chapter ti GUMIL, kas sagudayen ti kaam-amendar a Constitution and By-Laws ti GUMIL Filipinas, agtakem da Mrs. Bulong ken dagiti kakaduana a kas interim officers. Maangay ti eleksion dagiti amin a GUMIL chapter inton Abril 2017 a pannakasukat met ti agdama a liderato ti GF (2015-2017).

Kangrunaan met a pakaseknan ti baro a liderato ti GMM ti panagsagana iti pannakarambak ti Maika-50 nga Anibersario ti gunglo a maangay inton Disiembre 11, 2016. (RVA)


(Naipablaak iti Septiembre 19, 2016 a bilang.)

September 8, 2016

SEPTIEMBRE 19, 2016



SARITA
4 Naggasaten ni Dr. Calangacang!
   Joel B. Manuel

NOBELA
8 Baknangtan, Kayong! (10)
     D.S. Bulong
12 Ti Bastardo (25)
    Norberto D. Bumanglag, Jr.

DANIW
6 Agmaymaysaak, Nakapanawen ti Tumatayab
     Ariel S. Tabag
22 Maysaka Met a Daniw
     Francisco T. Ponce
47 Daniw a Para Ubbing
     Marlyn Garcia-Del Rosario

SALAYSAY
14 “State of Lawless Violence,” Ania Kadi, Aya, Daytoy?
     Neyo Mario E. Valdez
26 Napimpintas ti Sinta Ngem Dagiti Dadduma a Barayti ti Papaya
     Reynaldo E. Andres

KOMIKS
35 Sweet Jazmine (2)
38 Don Clavio de Ylocos (4)
41 Miks & Tiks

KOLUM
10 Saludsodem ken ni Apo Hues
19 Dear Doc
23 Haytek!
24 Padasem Daytoy, Kailian
29 Okeyka, Apong
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
9 Netizone
16 Biag ni Ilokano
17 Siled ti Kararag
20 Napateg ti Akem ti Komunidad iti Edukasion
21 Ammo Met Laeng ti Asom ti Makilangen iti Sabali?
28 Hay, Social Media!
32 Ammuem Pay Dagitoy
34 Tapno Di Unay Mabannog iti “Oras de Trumpo”
43 Ti Gasatmo Ita a Lawas
46 Dagiti Pabula ni Aesop

September 5, 2016

Ilokana daytoy RM Awardee



Mairamanen ni Ombudsman Conchita Carpio Morales iti listaan dagiti naipaayan iti mabigbig a Ramon Magsaysay Award, ti maibilang a Nobel Prize iti Asia, iti pannakapadayaw dagiti Ramon Magsaysay awardees itay Agosto 31.

Tubo iti Paoay, Ilocos Norte, nabigbig ni Ombudsman Morales, kaduana ti lima pay a sabali a napadayawan, a babaen ti bukodda a tay-ak a pagtakeman, siaayatda a tumultulong iti padada a tao nga awan ti panangnamnamada iti pammadayaw a maipaay kadakuada.

Dagiti lima pay nga awardees (dua nga indibidual, ken tallo nga organisasion): Bezwada Wilson  ti India (anti-manual scavenging activist), Thodur Madabushi Krishna ti India (emergent leadership awardee), ti Dompet Dhuafa ti Indonesia (para iti nasaysayaat pay a pannakaaramat ti sakat, maysa nga Islamic tax), ti Japan Overseas Cooperation Volunteers (a mangipapaay iti humanitarian services kadagiti rumangrang-ay a pagilian), ken ti Vientiane Rescue, maysa nga emergency rescue organization iti Laos.

Maibilang kadagiti malaglagip maipanggep ken ni Ombudsman Morales ti panamagsapatana, kas Supreme Court associate justice, ken ni Benigno S. Aquino III, a kas maika-15 a presidente ti Filipinas idi 2010, sa iti sumuno a tawen, nadutokan nga Ombudsman ti Filipinas a nangipila iti kaso kontra kadagiti nangangato nga opisial ti gobierno.

Iti panagtakemna a kas Ombudsman ti gapuna a pinadayawan ti Ramon Magsaysay Foundation ni Ombudsman Morales “gapu iti tured ti pakinakemna ken panangikomitna iti bagina iti panangsapul iti hustisia tapno marpuog ti panagkunniber a maysa kadagiti kadadakkelan a parikut ti pagilianna; panagbalinna a pagwadan ti kinadalus, kinaregget, sirmata ken panangidaulo iti kalidad a kangatuanen iti agpang ti serbisio publiko.”

Iti pannakapadayaw ni Morales, kaduanan ti 312 nga Asian laureates (a napadayawan sipud idi 1957) a natatakneng a lallaki ken babbai ken organisasion a gapu iti lideratoda, nakatulongda iti pannakaitag-ay ti kasasaad dagiti kakailianda ken namagbalin iti paggargarawanda a gimong a nasaysayaat ngem iti dati.


(Naipablaak iti Septiembre 12, 2016 a bilang.)

September 3, 2016

Deadline iti aplikasion iti Pasnaan 7, nayalud-od iti Oktubre 10

Nayalud-od iti Oktubre 10, manipud iti Septiembre 15, ti deadline iti panagawat iti manuskrito para iti Pasnaan 7 (7th Pasnaan Ilokano Writers’ Workshop) a maangay inton Nobiembre 18-20 iti maysa a pagadalan iti Urdaneta, Pangasinan.

Iwayat daytoy ti GUMIL Filipinas (GF), ti gunglo dagiti mannurat nga Ilokano iti Filipinas ken iti ballasiw-taaw,  iti panangsangaili ti GUMIL Pangasinan, DepEd Urdaneta Chapter.

Masapul a mangidatag ti tunggal aplikante babaen ti e-mail iti portfolio ti ania man kadagiti sumaganad: (a) uppat a daniw; (b) dua nga ababa a sarita, (c) uppat a daniw a para ubbing, (d) dua a sarita a para ubbing, (e) dua a personal a salaysay, (f) storyline para iti nobela ken dua a chapter daytoy. Masapul a nakasurat iti Ilokano dagiti nadakamat a sinurat ken addaan iti title page a nakailanadan ti nagan iti pluma ken linaonna (table of contents). Masapul a nakasurat ti nasao a portfolio iti Word format.

Malukonan dagiti manuskrito iti sabali a Word file a naglaon iti pudno a nagan ti autor, adres, pakakontakan a numero, e-mail address, ababa a pakasaritaan ti biag (bionote) ken kabaruan nga ID picture, ken may-e-mail iti gumil.filipinas@gmail.com; usaren ti paulo (subject) a “Pasnaan 7.”

Sangapulo a fellow ti mapili a maipaayanto iti libre nga akomodasion.

Para iti ad-adu pay nga impormasion, umawag wenno ag-text iti 0921-602-1938 (AST) wenno ag-e-mail iti gumil.filipinas@gmail.com. (Pasnaan 7 Secretariat)


(Naipablaak iti Septiembre 12, 2016 a bilang.)

September 1, 2016

SEPTIEMBRE 12, 2016



SARITA
4 Ti An-annayen ni Doktor Michael Naquidser
    Ariel S. Tabag

NOBELA
8 Ti Bastardo (24)
    Norberto D. Bumanglag, Jr.
12 Baknangtan, Kayong! (9)
     D.S. Bulong

DANIW
6 Ditoy Rektanggulo a Siled
   Jake F. Ilac
19 No Lumnek
    ‘Diay Init Eliseo B. Contillo
47 Daniw a Para Ubbing
      Jimmy R. Agustin

SALAYSAY
22 Sampagita ti Nangpabanglo iti Gasat ni Uliteg
     Rogelio E. Valdez, Jr.
26 Tapno Di Kapten ti Peste ti Rabanos
     Reynaldo E. Andres

KOMIKS
35 Sweet Jazmine (1)
38 Don Clavio de Ylocos (3)
41 Miks & Tiks

KOLUM
10 Saludsodem ken ni Apo Hues
14 Haytek!
15 Dear Doc
24 Padasem Daytoy, Kailian
29 Okeyka, Apong
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
9 Netizone
16 Biag ni Ilokano
17 Siled ti Kararag
20 Seminarda Met La a Seminaren, Kunam?
21 Dayta Kanem, Kanen Metten ti Asom?
28 Idi Un-unana a Panawen
32 Ammuem Pay Dagitoy
34 Sursuruam ti Anakmo nga Agwaywayas
43 Ti Gasatmo Ita a Lawas
46 Dagiti Pabula ni Aesop