March 25, 2013

ABRIL 8, 2013




SARITA
6 Dayyeng
  Daniel L. Nesperos

NOBELA
26 Saan a Rosas Amin Nga Ayat, Maria Emmanuelle (8)
     Reynaldo A. Duque
30 Galiera Queen (5)
     Dionisio S. Bulong
34 Apo Baboy Partylist (23)
     Jose A. Bragado

DANIW
4 Panangarit ti Lawag
   Jake F. Ilac
8 Sallapingaw
   Derick Marcel F. Yabes
32 Ahedres
    Neyo Mario E. Valdez
48 Dandaniw a Para Ubbing

SALAYSAY
10 Gapu Ta Daytoy ti Linteg (82)
    Hues Joven F. Costales (Ret.)
12 Edukasion: Saan Laeng Koma a Para Kadagiti Adda Kuartana
    Neyo Mario E. Valdez
17 Sta. Teresita, Cagayan: Ili ti 13 a Kueba ken Maysa a Dan-aw
   Dionisio S. Bulong, Vilmer V. Viloria ken Edison B. Tobias

KOMIKS
19 Tres Muchos (99)
22 Aritosan (23)
24 Miks & Tiks

KOLUM
14 Okeyka, Apong!
16 Dear Doc
36 TIPS
39 Kastoy, Kapid, Ditoy Hawaii
40 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Accident Porn Area, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
15 Tao, Lugar, Pasamak
28 Siled ti Kararag
29 Hay, Nagpudoten!
33 Ania, Asaynment, Manen?
35 Txtm8
37 Ti Gasatmo Ita a Lawas
38 Ammuem Pay Dagitoy
41 “Motor Skills,” Ania Dayta?

March 20, 2013

'Toy Sipapait, Ubog



'TOY SIPAPAIT, UBOG. Maysa a kaamaan, iti maysa a Domingo, aldaw ti dapon iti merkado publiko ti Gonzaga, Cagayan, ken dagiti tagilakoda a bukel ti kardis ken patani, uggot ti am-amsi, uggot ti aba, ken ubog ti way. Nareppet iti sagpapat a pedaso nga agpateg iti PhP100, naala iti kabakiran ti Brgy. Cabiraoan ti nasao nga ili ti ubog a nupay napait, naimas a maituno sa mabugguongan ken magalipan iti kamatis ken lasona; naimas pay a madengdeng a malaokan iti naganus a bukbukel ken alukon sa masagpawan iti naipamaga a kuros. Nupay kasta, nasken koma a makontrol ti panagala iti ubog ta ad-adu met laeng ti maganar iti natangkenan a way a kas iti pannakakontrol ti panagala iti rabong iti Ilokos ta ad-adu ti maganar iti natangkenan a kawayan. (Roy V. Aragon)


(Naipablaak iti Bannawag, Abril 1, 2013 a bilang.)

RH, pinaisardeng ti Korte Suprema ti pannakaipakatna


Nangipaulog ti Korte Suprema itay lawasna iti status quo ante order (SQAO) a mangisardeng iti uppat a bulan iti pannakaipakat ti Responsible Parenthood and Reproductive Health Act of 2012 iti babaen ti Akta Republika Blng. 10354.

Iti full court session, inkeddeng ti Korte Suprema ti panangangayna iti oral arguments inton Hunio 18 kadagiti sumagmamano a petision a nangkuestionar iti konstitusionalidad ti baro a linteg.

Naipaulog ti SQAO babaen ti 10-5 a butos ti 15-ti-kamengna a Korte Suprema.

Dagiti nangpabor iti pannakaipaulog ti SQAO: Justices Presbitero J. Velasco, Jr., Teresita J. Leonardo de Castro, Arturo D. Brion, Diosdado M. Peralta, Lucas P. Bersamin, Roberto A. Abad, Martin S. Villarama, Jr., Jose Portugal Perez, Jose Catral Mendoza, ken Bienvenido L. Reyes.

Dagiti nangkontra: Chief Justice Maria Lourdes P.A. Sereno, Senior Justice Antonio T. Carpio, ken Justices Mariano C. del Castillo, Estela M. Perlas Bernabe, ken Marvic Mario Victor F. Leonen.


(Naipablaak iti Bannawag, Abril 1, 2013 a bilang.)

Libro iti dandaniw, mayalnag


Mayalnag ti Sinamar, koleksion dagiti daniw ni Imelda Duque Toledo, mannurat iti Bannawag, inton Marso 31, 2013 iti pagtaengan ti autor, iti Purok 2, Bugallon Norte, Ramon, Isabela.

Tampok iti nasao nga alnag ti pannakaibasa dagiti daniw a nairaman iti libro babaen dagiti mannaniw iti Bannawag.

Nangrugi a nagsurat iti dandaniw ni Toledo idi agtawen iti sangapulo ket uppat ngem naisardengna gapu iti pannakumikomna iti panagbasana ken panangpadakkelna kadagiti annakna. Iti kaaddana iti Canada, nasumokna manen ti agsurat iti daniw babaen ti panangidarirag met laeng dagiti pagayamna a mannurat.

Agpuskol iti 100-panid, linaon ti nasao a libro dagiti dandaniw maipanggep iti bukod a pannakigasanggasat ni Toledo iti tay-ak ni ayat, trabaho, pannakipagayam, biag iti ganggannaet a daga, ken kangrunaanna, ti panagbalinnna nga ina.


(Naipablaak iti Bannawag, Abril 1, 2013 a bilang.)

3 ti Nangabak iti 2013 Cabie PINILI; Special Prize, ipaay ti 2013 Alviya


Awan ti nangabak iti Umuna ken Maikadua a Gunggona iti Salip iti Daniw a Para Ubbing ti 2013 Prof. Honor Blanco Cabie Premio Iti Naisurat Iti Literatura Ilokana:

Adtoy dagiti nangabak: Maikatlo a Gunggona, Herman S. Cardenas, empleado iti munisipio ti Gonzaga, Cagayan; Honorable Mention da Jesusa Leticia  Lagda, retirado a maestra a taga-Suba, Paoay, Ilocos Norte, ken Efren Inocencio, mangisursuro iti Quiling, Siudad ti Batac.

Dagiti naghurado: Hues Vivencio S. Baclig (chairman); Martin T. Rochina ti Magsingal, Ilocos Sur; ken Ariel S. Tabag ti Sta. Teresita, Cagayan (agpada a kameng).

Nairusat ti Cabie PINILI idi Oktubre 2008 tapno maikkan dagiti Ilokano nga agsursurat iti pagsasaoda iti gundaway, iti pannakitinnulong ti GUMIL Metro Manila, a tumulong a mangpasantak iti Literatura Ilokana ken kultura dagiti taga-Amianan.

Naipanagan ti pasalip ken ni Cabie, premiado a mannurat, ken dati a Presidente ti GUMIL Filipinas (1995-1999) ken agdama a Chairman ti GUMIL Filipinas Election Committee. (Cabie Pinili Secretariat)

*     *     *

Awan met ti nangyalat kadagiti kangrunaan a gunggona iti 2013 Pasalip Alviya iti Sarita ket inkeddeng laengen dagiti hurado nga ipaayan iti Special Prize ti maysa kadagiti naisalip a sarita, kas impakaammo ni Dr. Freddie Pa. Masuli, mangimatmaton iti pasalip.

Ti maipaayan iti Special Prize: ti “Ti Bituen nga Arapaap ni Lilang Utiang” a sarita ni Jobert M. Pacnis, maysa nga Electronics Communications Engineer ken propesional a mangisursuro a tubo iti Ballesteros, Cagayan.
Dagiti naghurado: Bannawag Editor Cles B. Rambaud, Dionisio S. Bulong, ken Joel B. Manuel.

Tinawen a proyekto nga is-isponsoran ni Alex V. Yadao ti New York, U.S.A. ti Pasalip Alviya iti Sarita iti panggep a mangparegta kadagiti mannurat iti Ilokano tapno tumulongda a mangitag-ay iti kalidad ti sarita iti Ilokano.

Mayawat ti premio dagiti nangabak iti 2013 Cabie PINILI ken iti 2013 Alviya Salip iti Sarita iti umuna a rabii ti 45th GUMIL Filipinas Convention & Literary Seminar a maangay inton Abril 19-21 iti Gonzaga, Cagayan.


(Naipablaak iti Bannawag, Abril 1, 2013 a bilang.) 

ABRIL 1, 2013




SARITA
6 Ti Ganggannaet
  Juan Al. Asuncion

NOBELA
24 Saan a Rosas Amin Nga Ayat, Maria Emmanuelle (7)
     Reynaldo A. Duque
28 Galiera Queen (4)
     Dionisio S. Bulong
32 Apo Baboy Partylist (22)
     Jose A. Bragado

DANIW
4 Kaano Pay a Ngimmina ti Aldaw?
    Vicente R. Raras
30 Iti Murdong ti Dilak Nakumelkumel Dagiti Arasaas
      Roy V. Aragon
48 Dandaniw a Para Ubbing

SALAYSAY
8 Habemus Papam!
    Neyo Mario E. Valdez
9 Addan Papatayo!
   Fr. Danny R. Laeda
12 Gapu Ta Daytoy ti Linteg (81)
    Hues Joven F. Costales (Ret.)
40 Wen, Dadakkel Dagiti Hawaiian a Laya ni William
     Reynaldo E. Andres

KOMIKS
17 Tres Muchos (98)
20 Aritosan (22)
22 Miks & Tiks

KOLUM
14 Okeyka, Apong!
16 Dear Doc
34 TIPS
37 Kastoy, Kapid, Ditoy Hawaii
38 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Hourse Raiding, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
10 Maika-6 a Kangatuan ni Rhojoesa!
15 Tao, Lugar, Pasamak
26 Siled ti Kararag
27 Ket No Nagadut’ Trabahomi, Ma’am!
31 STEM-Friendly Kadi ti Eskuela ti Anakmo?
33 Txtm8
35 Ti Gasatmo Ita a Lawas
36 Ammuem Pay Dagitoy
39 Nasalun-at a Bagi, Nasalun-at a Panunot


March 14, 2013

Sangatrak a Pagpamurdong




SANGATRAK A PAGPAMURDONG. Naidagas iti Gattaran, Cagayan daytoy a trak a napno iti tagilako a bawang ken lasona a naggapu pay iti Sinait, Ilocos Sur. Kapades ita ti panagapit iti bawang ken lasona iti Kailokuan, nangruna kadagiti ili ti Sinait, ken iti Badoc, Pinili ken Pasuquin iti Ilocos Norte. (Roy V. Aragon)


(Naipablaak iti Bannawag, Marso 25, 2013 a bilang.)

“Animation” ken “game development,” napintas a panguartaan


Napintas a damag kadagiti interesado iti tay-ak ti “animation” ken “game development.”

Kas maibatay iti panagsukisok ti international research firm a MarketsandMarkets, manamnama a dumakkel ti pateg daytoy nga industria manipud iti $122.20-bilion iti 2010 iti $242.93-bilion iti 2016.

Iti agdama, ti India ti mangdomdominar iti merkado iti iggemna a 40 a porsiento iti nasurok a $122.20-bilion ti pategna nga industria. Sumaruno ti Korea (15 a porsiento), maikatlo ti Filipinas (10-porsiento).

Kinuna ni Grace Dimaranan, presidente ti Animation Council of the Philippines, Inc. (ACPI) a narimat ti masakbayan ti Filipinas iti sektor ti “animation” ken “game development” isu a nasken a masanay dagiti aginteres kadagitoy a tay-ak.

Itay laeng nabiit, nakikadua ti Information Technology and Business Process Association of the Philippines (IBPAP) ken ti Technical Education and Skills Development Authority (TESDA) iti gobierno ti Korea tapno masanay dagiti animator ken game developer a Filipino.


(Naipablaak iti Bannawag, Marso 25, 2013 a bilang.)

Grand Centennial Alumni Homecoming ti ISPSC: Abril 1-2


Rambakan ti Ilocos Sur Polytechnic State College (ISPSC), dati nga Ilocos Sur Agricultural College (ISAC), Santa Maria, Ilocos Sur ti maika-100 a tawenna inton Abril 1-2, 2013. Ti tema ti Grand Centennial Alumni Homecoming: "Panagsubli iti Ingungotentayo a Pagadalan - Pagsayaatan, Panagrang-ayna, Pagtititinnulongan."

Manamnama ti idadar-ay amin a nagturpos iti daytoy a pagadalan iti hayskul ken kolehio, ditoy ken iti ballasiw taaw. Paset ti programa ti pannakaited ti pammigbig kadagiti nagturpos a nangted iti pammadayaw iti nasao a pagadalan.

Idauluan ni Dr. William D. Dar, dati a Secretary of Agriculture idi panawen ni Presidente Fidel Ramos dagiti nagturpos a mapadayawan.

Addanto pay maangay a misa ken motorcade iti ili ti Santa Maria. Makipagragragsakto met dagiti alumni iti maaramid a piesta ti Santa Maria iti rabii ti Abril 2 iti panangangaili kadakuada dagiti opisial ti ili nga ipanguluan ni Dr. Edgar C. Florendo, agdama a Mayor. (Jovito F. Amorin)


(Naipablaak iti Bannawag, Marso 25, 2013 a bilang.)

55 a sarita ken daniw iti 11th RFAAFIL



Agdagup iti 55 nga entry (21 a sarita a para ubbing ken 34 a daniw) ti naisalip iti 11th Reynald F. Antonio Awards for Iluko Literature (RFAAFIL), kas impakaammo ti RFAAFIL Secretariat.

Dagiti Sarita a Para Ubbing: “Dagiti Aggayyem a Kuton” ni Fren; “Bin-i” ni I Nib; “Ni Bentong ken Dagiti Sidingna a Singin”  ni Gabon; “Da Meow ken Grr” ni Endangered Specie; “Amy” ni Tres Marias;

“Ti Dusa ti Kayo a Palali” ni Rene; “Karayan Amburayan” ni Biag Ti Away; “Ni Janjan ken Dagiti Kaay-ayamna” ni Napateg A. Linglingay; “Ni Bzzz Bzzz, Ni Mehehek ken Ni Almo”  ni Mehk Mehk;

“Ti Sagutko ken Tatang” ni Pilita Con; “Dagiti Karton ni Balong” ni Cariton; “Ti Pamiliami” ni Luther Furr; “Ti Nasukir nga Ubing” ni Vaughn Axl; “Ti Ari” ni Rizalino Lyndon Tresvalles; “Ni Bi-o-bi-o, ni Cory, ni Erap ken ni Marcos” ni RC;

“Ket Nagitlog ni Henya” ni Sadia; “Once a Funny Time” ni EriKeiraCheska; “Ni Maestra Matilda” ni Tit Sir; “Ni Pagong, ni Suso ken ni Kuneho” ni Alas Tres; “Tata Armando” ni Anak T. Amianan; ken “Ti Wayawaya ni Tweetie” ni Angry Bird.

Dagiti Daniw a Para Ubbing: “Eskrim” ni Sol B. Tero; “Ti Lapis ni Ambo” ni Sadiri T. Amianan; “Ti Perperroka” ni Mammal Sit; “Burburtia Dagiti Animal” ni Ding Nguen T. Bantay; “Anak, Ammom Dagitoy?” ni Ayat Nagpaiduma; “Nateng Ken Prutas” ni Vita Mina; “Agpilika!” ni Ayat Nagpaiduma; “Dakkelakon, Tatang” ni Vaughn Axl; “Ayat ken Arapaap ti Ubing” ni Yang Polaris; “Kulalanti, Kulalanti” ni Sagibo;

“Idol” ni Jan Onyx; “Siak ken Ni Bespren” ni Polaris Lee; “Ni Tatang ken Ni Nanang” ni Rene; “Ti Arapaap” ni Gelay; “Bullalayaw” ni Rea; “Lapis ken Papel” ni Ali Kuteg; “Siak ni Linglingay” ni Awanparbo A. Naganna; “Tinnarayan” ni Bal Lusong; “Sapata” ni Napateg A. Linglingay; “Dagiti Agaramid iti Balay”  ni Al Laoage; “Ti Ubing a Dina Kayat ti Agikuko” ni Nap A. Nawan; “Dagiti Agserserbi iti Kagimongan” ni Dim Maniw;

“Adda Alkansiak” ni Rizalina Linda Dosvalles; “Pidut” ni Baimbain; “Buyag” ni Musang; “Bituen” ni Bituen T. Rabii; “Ti Ubing a Dina Kayat ti Ageskuela” ni Rizalino Lyndon Tresvalles; “Sakbay a Sumrekka iti Eskuela” ni Martin Martin; “Kas Ken ni Snow White” ni Kisiang; “Da Tatang ken Nanang” ni Retson Menseros; “A Ba Ka Da” ni Agbasbasa; “Ti Balaymi” ni Ho Laurel; “Dagiti Naanus” ni Paz I. Ente; ken “Papel” ni Papel de Banko.

Mapadayawanto dagiti mangabak iti Kombension Nasional ti GUMIL Filipinas, wenno iti lugar nga iwaragawag ti RFAAFIL a pakaangayan ti awarding, itoy a  Kalgaw 2013.


(Naipablaak iti Bannawag, Marso 25, 2013 a bilang.)

“Tungtongan iti GMM,” Marso 24

Maangay ti maikatlo nga edision ti “Tungtongan iti GUMIL Metro Manila,” ti gunglo dagiti mannurat nga Ilokano iti Kamanilaan, itoy a Marso 24, 2013 iti 14 Juan Luna St., Area 2, UP Campus, Diliman, Quezon City iti ala una agingga iti alas singko iti malem iti panagsangaili da agkaingungot a Juan S.P. Hidalgo, Jr ken Namnama Hidalgo.

Serye ti binulan a workshop ti “Tungtongan iti GMM” para kadagiti kameng ti GUMIL Metro Manila, nga agpatingga iti Nobiembre 2013. Silulukat met daytoy kadagiti saan a kameng ti GUMIL no la ketdi ta maisapsapa ti panagpakaammo ti asino man a dumar-ay.

Maipaayan iti Sertipiko ti Idadar-ay ti mannurat a nakadar-ay iti naituding a bilang ti edision ti “Tungtongan iti GMM 2013.”

Para iti dadduma pay nga impormasion, ag-text iti 0918-682-6330.

Iti sabali a bangir, maangay ti general membership meeting ti GUMIL Metro Manila inton Marso 31 iti 1632 Burbank Ave., Brookside Hills Subdivision, Cainta, Rizal iti panagsangaili ti agkaingungot a Honor ken Ma. Rose Cabie, kas impakaammo ni (Ret.) Judge Vivencio S. Baclig, presidente ti gunglo.

Para iti detalye, agteks iti 0916-499-7218.


(Naipablaak iti Bannawag, Marso 25, 2013 a bilang.)

MARSO 25, 2013




SARITA
6 Angkel Enrico, Embahador
     Joel B. Manuel

NOBELA
26 Galiera Queen (3)
     Dionisio S. Bulong
30 Saan a Rosas Amin Nga Ayat, Maria Emmanuelle (6)
     Reynaldo A. Duque
34 Apo Baboy Partylist (21)
     Jose A. Bragado

DANIW
 4 Mailansaak Met Koma
      Jobert M. Pacnis
17 Dagiti Aluten
     Fernando B. Sanchez
28 Naidumduma ti Marisna
    Imelda Duque Toledo
32 Padeppa
    Ridel T. Cabulisan
48 Dandaniw a Para Ubbing

SALAYSAY
 8 Gapu Ta Daytoy ti Linteg (80)
    Hues Joven F. Costales (Ret.)
 9 Ket Pinarmek ni Apo Jesus ti Patay
    Fr. Danny R. Laeda
12 Team Patay Vs. Team Buhay
    Neyo Mario E. Valdez

KOMIKS
19 Tres Muchos (97)
22 Aritosan (21)
24 Miks & Tiks

KOLUM
14 Okeyka, Apong!
18 Dear Doc
36 TIPS
39 Kastoy, Kapid, Ditoy Hawaii
40 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Hirkat, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
15 Tao, Lugar, Pasamak
16 Siled ti Kararag
29 Ania ti Napatpateg, IQ Wenno EQ?
33 Kasano a Maawis ti Interes Dagiti Ubbing iti Matematika?
35 Txtm8
37 Ti Gasatmo Ita a Lawas
38 Ammuem Pay Dagitoy
41 Kas Met Laeng iti Droga

March 10, 2013

Nakayanakan a Saramsam



NAKANAYAKAN A SARAMSAM. Makapatubbog iti ngiwat dagitoy a saramsam a naartem iti suka (suka ti Ilokos) a mailaklako iti sidiran ti merkado publiko ti Siudad ti Laoag: nagayat a naata a balayang (bukelan a saba a maawagan pay iti saba ti sunggo), nabuksilan a bua ti sunggo (atap a bua a maala iti bakir), nagayat a naata a mabolo, karamay, ken mangga a Hawaiian. (Roy V. Aragon)


(Naipablaak iti Bannawag, Marso 18, 2013 a bilang.)


11 a bilionario a Filipino, nainaganan

Nagtalinaed ni Henry Sy, akinkukua iti SM, a numero uno iti listaan dagiti bilionario iti Filipinas, kas kuna ti magasin a Forbes itay lawasna.

Innayon ti Forbes nga immadu metten ti bilionario a Filipino, nga agingga iti maudi a listaanna, nagbalindan a 11 manipud iti 6 itay napan a tawen.

Kas kuna ti Forbes, addaan ni Sy iti kinabaknang nga agpateg iti $13.2-bilion (P538.6-bilion). Isu met ti maika-68 iti listaan dagiti kababaknangan iti lubong.

Iti agdama, agdagup laeng iti 1,426 a tattao iti sibubukel a lubong ti addaan iti kinabaknang nga agdagup iti $1-bilion wenno ad-adu pay a mangig-iggem iti $5.4-trilion a kinabaknang ti sibubukel a lubong.

Sumaruno ken ni Sy iti listaan ni negosiante Lucio Tan, $5-bilion (P204-bilion), adda iti maika-248 a puesto iti lubong;

Maika-3 a kabaknangan iti Filipinas ni port ken casino giant Enrique Razon, Jr., $4.9-bilion (P200-bilion), maika-258 a kabaknangan iti lubong;

Maika-4, Andrew Tan, $3.95-bilion ($164-bilion), maika-345 iti lubong;
Dadduma pay a bilionario a Filipino:

Negosiante Roberto Ongpin, $1.5-bilion (P61.2-bilion), maika-1,175 iti lubong; kapadana nga adda iti maika-1,175 a puesto ni real estate magnate Andrew Gotianun ken pamiliana (baro iti listaan).

Kadua ni Gotianun nga “agdadamo iti listaan” dagiti bilionario a dakdakkel pay ti kinabaknangda, kas kada: construction giant David Consunji ken pamiliana, $2.8-bilion (P114.3-bilion), rank 503; banking tycoon George Ty ken pamiliana, $2.6-bilion (P106.1-bilion), rank 554;

Da akinkukua iti Puregold a da Lucio ken Susan Co, $2-bilion (P81.5-bilion), rank 736; negosiante Roberto Coyiuto, Jr., $1.6-bilion (P65.2-bilion), rank 931, akinkukua iti Jollibee a ni Tony Tan Caktiong ken pamiliana, $1.4-bilion (P57.1-bilion), rank 1031.

Naawan metten iti listaan ni negosiante Eduardo "Danding" Cojuangco, a maysa kadagiti innem a bilionario a Filipino nga inlista ti Forbes itay napan a tawen.

Iti sangalubongan, adda iti tuktok ti listaan ni Mexican telecommunications tycoon Carlos Slim ($73-bilion), sumaruno ni Microsoft founder Bill Gates ($67-bilion).

Maikatlo ti akinkukua iti Spanish fashion retailer a Zara, ni Amancio Ortega ($57-bilion), inagawna ti nasao a puesto ken ni Warren Buffet ($53.5-bilion).

Innayon ti Forbes a ni Brazilian Eike Batista ti kadakkelan iti pukaw iti daytoy a tawen. Agdagup iti $19.4-bilion ti pukawna, wenno nasurok a $50-milion iti inaldaw ti naikissay iti kinabaknangna.

Adda ni Batista iti maika-100 a puesto ita a tawen, maika-7 iti 2012.


(Naipablaak iti Bannawag, Marso 18, 2013 a bilang.)

23 a sarita, naisalip iti 15th AMMAFLA

Duapulo ket tallo a sarita ti naisalip iti Salip iti Sarita a Para Kadagiti Agdadamo a Mannurat ti 15th AMMA Foundation Literary Awards (AMMAFLA), kas impakaammo ti AMMAFLA Secretariat.

Dagiti sarita a naisalip:
“Bay-am ti Dios a Mangngeddeng” ni Jessica Mirasol, “Desdes” ni Ka Rene, “Lupes” ni Barack Coh, “Tawid” ni Tata Pua Gaw, “Ti Motor a Darepdep ni Ador” ni Perlas ni Ilonga;

“Ti Adigi” ni Sagibo, “Ti Paraisuno” ni Jack Ma. Namnama, “Ti Tangatangko” ni Polaris Lee, “Ina” ni Mona Lisa, “Ti Waig” ni Jong Ga Len;

“Selpon” ni Buenaventura Siriban, “Dalag” ni Lovely Rose T. Arba, “Ni Maestra Baling” ni Manong JayPee; “Ti Tawid” ni Redentor Dela Cruz; “Adda Dana ti Tunggal Panagballigi” ni Flora T. Mayo;

“Ni Ankel Sising” ni Mightypen; “Barrairong” ni Candi Datu; “Balitok Dagiti Kur-it” ni SMC; “Senior Citizen” ni Oliva Lou; “Amangaw” ni Wilmer M. Laaguen; ken “Kulibangbang” ni Kuniang Hero, “Ti Pangngeddeng” ni Awanparbo a Naganna, ken “Roberto” ni Ricky Manalac.

Naggibus ti salip itay Peb. 28.

Dagiti mangimaton ken isponsor ti salip: Amado ken Gloria Yoro, Francisco ken Aurora Ponce, ken Alfredo ken Cherry Quibol (agpapada nga agindegen iti Hawaii).

Mapakaammuanto dagiti mangabak no kaano ken sadino ti pakapadayawanda,


(Naipablaak iti Bannawag, Marso 18, 2013 a bilang.)

GUMIL Filipinas Convention iti Abril 19-21, agenda iti miting ti GF Board iti Marso 17

Kangrunaan a mapagsasaritaan iti maudi a regular board meeting ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw nga idauluan ni Judge Vivencio S. Baclig (Ret.), ti pannakaangay ti GF convention ken literary-seminar workshop.

Maangay ti board meeting itoy a Marso 17 iti Gonzaga, Cagayan iti panangsangaili ni Mayor Carlito Pentecostes, Jr.ti Gonzaga, LGU Gonzaga ken ti GUMIL Gonzaga.

Maangay ti GF convention inton Abril 19-21 itoy a tawen iti panangsangaili ti GUMIL Cagayan nga idauluan ni Arthur P. Urata.

Mainaig itoy, makiddaw kadagiti amin a provincial chapter ti panangkontakda iti GUMIL Cagayan para iti akomodasion ken dadduma pay a detalye iti 09489864481, 09159842149 ken 09277927913 wenno ag-e-mail iti salacnib@yahoo.com. (Freddie Pa. Masuli)


(Naipablaak iti Bannawag, Marso 18, 2013 a bilang.)





March 6, 2013

MARSO 18, 2013




SARITA
6 Ti Lubong ni Efrenita
   Manuel S. Diaz

NOBELA
24 Galiera Queen (2)
     Dionisio S. Bulong
28 Saan a Rosas Amin Nga Ayat, Maria Emmanuelle (5)
     Reynaldo A. Duque
32 Apo Baboy Partylist (20)
     Jose A. Bragado

DANIW
 4 Kayatko a Dagiti Matam Ibagnosdak nga Agpa-Teppang
    Arnold C. Baxa
 8 Murmuray
    Jonathan B. Torricer
26 Duayya
     Linda T. Lingbaoan
48 Dandaniw a Para Ubbing

SALAYSAY
10 Gapu Ta Daytoy ti Linteg (79)
    Hues Joven F. Costales (Ret.)
12 Umisu Kadi ti Panagpili Dagiti Botante iti Ibotosda?
    Neyo Mario E. Valdez
40 Padasem Dagitoy a Mani ita a Kalgaw
     Reynaldo E. Andres

KOMIKS
17 Tres Muchos (96)
20 Aritosan (20)
22 Miks & Tiks

KOLUM
14 Okeyka, Apong!
16 Dear Doc
34 TIPS
37 Kastoy, Kapid, Ditoy Hawaii
38 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Bobong Hardware, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
 9 “Komporme iti Kayat a Panagdisso, A!”
15 Tao, Lugar, Pasamak
27 Amangan No Ab-abusuem ti Anakmo a Dimo Ammo
30 Siled ti Kararag
31 Ania, Imbatim ti Anakmo nga Agmaymaysa iti Balayyo?
33 Txtm8
35 Ti Gasatmo Ita a Lawas
36 Ammuem Pay Dagitoy
39 Aniat’ Aramidem Tapno Natarus ti Panagbasa ti Anakmo?

March 3, 2013

Kalamansi


KALAMANSI! Klasklasien daytoy nga ina dagiti naburasda a bunga ti kalamansi iti bangkagda iti Ammubuan, Ballesteros, Cagayan pangur-urayanna kadagiti negosiante a mangkompra kadagitoy. Agduma ti presio dagiti naluom, lumlumdag ken natayengteng ti langtona. Maibiahe iti probinsia ti Ilocos Norte dagitoy. (Jobert M. Pacnis)


(Naipablaak iti Bannawag, Marso 11, 2013 a bilang.)