GUMIL UNP, nabukel manen

Nabukel manen ti Gunglo Dagiti Mannurat nga Ilokano iti University of Northern Philippines (GUMIL UNP) iti Vigan City kalpasan ti orientation ken re-organizational meeting a naangay idi Marso 11, 2015 babaen ti panangikalikagum ti Center for Ilokano Studies (CIS) nga idauluan ni Dr. Remigio L. Obrero ken iti suporta ni Dr. Gilbert R. Arce, UNP President.

Dagiti napili nga opisial ti gunglo: Wendelyn Castaneda, president; Noli Bajet, bise-presidente; Ely Jean Rosales, sekretaria; Kerrwin Cabaya, tesorero; RR Foronda, public relations officer; Norvie Pang-oden ken Jamaica Mabilog, business managers; Reymark Semana, auditor. Kameng ti board of directors da Bernadeth Ramirez, Maricris Reoliquio ken Shiela Rodillas.

Agpaay met a mammagbaga da Dr. Santiago Reolalas, propesor iti Department of  Linguistics and Humanities ken Alma Campos-Somera, propesor iti Department of Social Science and Philosophy (DSSP).

Nagsarita iti orientation ti sumagmamano a mannurat iti Ilocos Sur, da Danilo Bautista, kaunaan a Pangulo ti GUMIL UNP (1979), Ben Pacris, PIA Manager ti Ilocos Sur; Joe S. Somera, Editor ti Vigan Chronicle; ken Eliseo Contillo, Information Officer ti Narvacan, I.S. ken kameng ti Board of Directors ti GUMIL Filipinas.

(Naipablaak iti Bannawag, Marso 23, 2015 a bilang.)