BABAI, SIKAN! Tunggal bulan ti Marso, saan a palabsen dagiti rinibu a babbai iti Ilocos Norte ti makipagrambak iti International Women's Day a kas pammigbig ken panangipakita iti naisangsangayan a bileg dagiti babbai iti gimong. Ngem iti laksid daytoy, adu pay laeng a babbai ti maab-abuso ken dida ammo ti mangilaban iti karbenganda a kas babai. Ket tunggal madanonan ti Marso iti nasao a probinsia, aguummong amin dagitoy ket sangsangkamaysada a mangipaduyakduyak iti sangalubongan iti kinapategda iti gimong babaen ti pannakaangay ti Kinni-kinni Parade (maikapat a tawen itan). Naangay daytoy idiMarso 11 babaen ti liderato ni Gob. Imee Marcos ken dagiti dadduma pay a gunglo dagiti babbai iti probinsia. (Leilanie G. Adriano)
(Naipablaak iti Bannawag, Marso 30, 2015 a bilang.)
No comments:
Post a Comment