October 4, 2012

Kidney transplant, sungbatan ti PhilHealth


Naimbag a damag kadagiti kameng ti Philippine Health Insurance Corp. (PhilHealth) nga adda iti maudi nga estado ti sakit iti bato a maipaayandan iti nayon a tulong iti kidney transplant.
Kuna ni PhilHealth President-CEO Dr. Eduaro Banzon a sungbatan ti ahensia ti P600,000 iti gastuen ti miembroda para iti kidney transplant.

Kasukat ti nasao a tulong dagiti premium contributions dagiti miembro a di nababbaba ngem P2,400 iti tunggal tawen, wenno kapada ti P7 iti tunggal aldaw iti iseserrek ti 2013.

Panggep ti PhilHealth nga ikkan iti namnama iti biag dagiti miembroda ken dependents nga agparparikut iti pagbayad iti operasion.

Segun iti datos ti National Renal Disease Registry, umabot iti 120,000 a Filipino ti agsagabai ti kidney failure iti tinawen, wenno 120 iti tunggal maysa million a tao.

(Naipablaak iti Bannawag, Oktubre 15, 2012 a bilang.)

No comments:

Post a Comment