Binilin
ni Department of Agriculture (DA) Secretary Proceso Alcala dagiti regional ken
provincial offices ti departamento nga igetanda ti mangbantay kadagiti amin a
pagmulaan iti pagay iti pagilian, nangruna itoy a tiempo ti bagyo tapno
masigurado a matulongan dagiti mannalon a maapektaran iti kalamidad.
Kuna ni
Alcala a masapul a masigurado a masalakniban dagiti amin a pinagayan iti
pagilian tapno manamnama ti nabun-as nga apit iti pagilian.
Kuna ti
Sekretario a mabalin dagiti nabagyo a mannalon ti makiuman kadagiti kaasitgan
nga opisina ti DA tapno agkiddawda iti tulong. Kuna daytoy a mangipapaay ti
departamento iti libre a bin-i ken dadduma pay a ramit para kadagiti nabiktima
ti kalamidad tapno dagus a makalung-aw dagitoy iti pannakalugida.
(Naipablaak
iti Bannawag, Agosto 13, 2012 a bilang.)
No comments:
Post a Comment