Inkabassit ti Home Development Mutual Fund (HDMF wenno Pag-IBIG)
ti tinawen nga interes daytoy para iti calamity loan iti 5.95 porsiento manipud
iti dati a 10.75 porsiento tapno matulongan dagiti pamilia a naapektaran
kadagiti bagyo ken dadduma pay a natural a kalamidad.
Kun ni Bise-Presidente ken Pag-IBIG board chairman Jejomar Binay a
panggepda nga idiaya ti kababaan nga interes a kabaelan nga ipaay ti Pag-IBIG a
di met maapektaran ti naannayas a pannakapataray daytoy.
Kuna ni Binay a panggeda a mapalag-an ti rigat a bakbaklayen
dagiti umili nga agnanaed kadagiti mabagbagyo a lugar ken dagiti dadduma pay a
dinalapus ti natural a kalamidad.
Segun pay ken ni Binay, mabalin a makautang dagiti kameng ti
Pag-IBIG iti katukad ti 80 porsiento iti dagup ti gangganaren daytoy.
(Naipablaak iti Bannawag, Agosto 13, 2012 a bilang.)
No comments:
Post a Comment