Maipakaammo kadagiti amin nga opisial ti GUMIL Filipinas a maangay ti umuna a regular a board meeting ti gunglo iti babaen ti liderato ni kolumnista iti Bannawag Vivencio S. Baclig, retirado a hues iti Regional Trial Court, itoy a Hulio 24 iti U.P. Cooperative Restaurant, U.P. Diliman, Q.C. (12 iti tengnga ti aldaw-5 iti malem) iti panangsangaili ni dati a Managing Editor ti Bannawag Juan S.P. Hidalgo, Jr.
Mapagsasaritaan iti miting dagiti programa ken proyekto nga ipatungpal ti GF iti uneg ti dua a tawen a panagtakem dagiti baro nga opisial ti gunglo a nabutosan bayat ti Dap-ayan 2011 wenno ti Maika-43 a Nailian a Kombension ti GUMIL Filipinas a naangay iti Ponce del Mar Beach Resort, Cabugao, I.S. idi Abril 15-17, 2011.
Para iti dadduma nga impormasion, sarungkaran ti Facebook account ti Bannawag Magazine.
(Naipablaak iti Bannawag, Hulio 25, 2011.)
No comments:
Post a Comment