KINIMARNAN, GAYYEM! Madama nga agay-ayam iti sungka dagiti agad-adal iti Claveria Rural and Vocational School ditoy Claveria, Cagayan bayat ti panangrambak ti pagadalan iti maika-47 nga Anibersario ti Pannakabuangayna ken iti panangangayna iti Intramurals 2019. Malaksid iti sungka, nagay-ayam pay dagiti estudiante iti patintero, palo sebo, ginnuyodan iti tali, ken lumba iti kadangkadang. Panggep ti nasao a pagadalan nga isubli dagiti nakaisigudan nga ay-ayam dagiti ubbing a nailuoden iti selpon. Nalatak nga ay-ayam ti sungka iti Southeast Asia. Maaw-awagan iti congka wenno congklak iti Indonesia, ken congkak iti Malaysia ken Brunei. (RAQUELITO B. CENAL)
(Naipablaak iti Oktubre 1-15, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment