Agatendar ditoy dagiti information officer ken pannakabagi ti barangay manipud kadagiti nadumaduma nga ili ken siudad ti Isabela.
Kas kuna ni Remy N. Albano, presidente ti GUMIL Filipinas, panggep ti serye dagiti lektiur ti yaasideg ti GF kadagiti komunidad tapno mayadal ti umisu nga spelling ken grammar ti lengguahe nga Ilokano, a saan laeng kadagiti pagadalan ti pakaisursuruanna.
Mangtedto iti mensahe da Gob. Rodolfo T. Albano ken Bise-Gob. Faustino Dy III ti Isabela. Naawis met nga aglektiur da Bannawag Editor Cles B. Rambaud ken Joel B. Manuel, mannurat ken agdama a prinsipal ti Cadaratan National High School, Bacarra, Ilocos Norte.
Maangayto met ti maikadua a Regular Meeting dagiti opisial ti GUMIL iti nasao a lugar ken aldaw.
(Naipablaak iti Septiembre 1-15, 2019 a bilang ti Bannawag. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
apo! umayak koma man? ngem daytoy ti kapintasan nga addang ti GF ken ni mannurat iti Iluko iti karit KWF. Saludo kadakayo amin a kameng ti GF ken amin a mangay-ayat iti dila ni Ilokano- nangnangruna kada cbr ken jbm! Agbiagkayo!
ReplyDeleteapo! umayak koma met? ngem daytoy ti kapintasan nga addang ti GF ken ni mannurat iti Iluko iti karit ti KWF. Saludo kadakayo amin a kameng ti GF ken amin a mangay-ayat iti dila ni Ilokano- nangnangruna kada cbr ken jbm. Agbiagkayo!
ReplyDelete