Rambakan ti Saint Francis Academy ti Villa, Santa Teresita, Cagayan ti 50th Founding Anniversary daytoy itoy Oktubre 4, 2019 babaen ti tema nga “Overcoming Challenges, Building Resilience, Sustaining Excellence.”
Mainaig iti daytoy, maigiddan a maangay ti Grand Alumni Homecoming ti nasao a pagadalan babaen ti tema a “Coming Home at SFA with Gratitude of God’s Fidelity @ 50.” Para iti dadduma pay a detalye mainaig iti homecoming, makiuman laeng ken ni Jovymar P. Tactac iti 0966-379-1520.
Malaksid kadagiti pabuya iti SFA Gymnasium, ken motorcade a lumasat kadagiti ili ti Santa Teresita, Buguey ken Gonzaga, tampok kadagiti nasao a pasken ti pannakaimula dagiti kayo kadagiti nasao nga ili.
Imatmatonan iti agdama dagiti Franciscan Apostolic Sisters, maysa ti nasao a pagadalan kadagiti binangon dagiti misionero a kameng ti Order of Friars Minor (wenno Franciscans) a nangisaknap iti pammati a Romano Katoliko iti Amianan a Daya a Cagayan. (Jovymar P. Tactac)
(Naipablaak iti Septiembre 16-30, 2019 a bilang ti Bannawag. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment