Imbalakad ti Malakanyang itay pay laeng apagtapog ti Oktubre ti panangpabakuna koma dagiti nagannak kadagiti ubbing pay nga annakda para iti kamuras kalpasan a napattapatta ti mabalin a panagraira ti kamuras iti 2021.
Tinungday met ni Presidential Spokesperson Harry Roque dagiti panagdadanag kontra iti kampania ti gobierno para iti panagpabakuna iti panangibagana a ti bakuna para iti kamuras ti maysa kadagiti kaunaan a bakuna a maus-usar iti sangalubongan a napaneknekanen ti kinasamay ken kinatalgedna.
Innayon ni Roque a no di mabakunaan ti maysa nga ubing, mabalin nga agrisgo ti salun-at daytoy.
Iti apagtapog ti napalabas a bulan, dinakamat ti Department of Health (DOH) a mangiwayat iti nailian a kampania iti imunisasion (panagbakuna) tapno mapengdan ti mapattapatta a panagraira ti kamuras iti umay a tawen.
Iti sabali a bangir, kiniddaw ni Roque ti panagan-anus dagiti umili agingga nga addan maaprobaran a bakuna kontra iti coronavirus disease 2019 (COVID-19).
(Kadagiti kayatna ti ag-subscribe iti e-Edition, mapan iti ania man kadagitoy a link:
Press Reader: https://bit.ly/2GjO1fK
Magzter: https://bit.ly/2HuG4EO
Magzter: https://bit.ly/2HuG4EO
Para iti naimaldit a kopia, kauman ni Boy Balanag iti CP Number 09258835244.
Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment