PANAGTUTUDOK MANEN ITI TABAKO. Panawen manen ti panagtutudok iti bulong ti Birhinia, tabako a maimulmula iti Ilokos, ket dagiti agmulmula, kas itoy a sangapamilia iti Brgy. Puritac, Pinili, Ilocos Norte, siiinanamada a makaganansia iti dakkel iti laksid dagiti gakat a mangipangato iti masingir nga excise tax ti produkto ti tabako. Idi pay laeng rugrugi ti Marso a nangrugi dagiti mannalon iti probinsia nga aggatud ken agpugon. Segun iti Farm and Technology Services Department ti National Tobacco Administration, makaganansia dagiti agmulmula iti Pinili a kas met laeng dagiti mannalon iti Birhinia iti Rehion Uno iti mapan a P70,000 iti kada ektaria. (Teksto: Neyo Mario E. Valdez/ Ladawan: Arman Lacambra Pagdilao)
(Naipablaak iti Abril 22, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment