Nabalangatan ni Donna Faith Cabero a “Saniata ti Ilocos Sur” iti kaiwaywayat a Kannawidan Festival a naangay idi Pebrero 2, 2021 iti Siudad ti Vigan a kas pinangrambak ti Ilocos Sur iti anibersario ti panagbalin daytoy a probinsia.
Anak da Donato ken Lolita Cabero ti Brgy. San Pedro, Narvacan, Ilocos Sur, adu ti nangdayaw iti naikawes a a kinapintas ken kinasirib ni Donna Faith banag a nangabakanna iti “brains and beauty” contest a nakapilianna pay a Miss Articulate.
Kas premiona, inawatna ti P100,000 a cash prize manipud iti gobierno probinsial nga idauluan ni Gob. Ryan Singson.
Iti panangyawidna iti balligi, indauluan da Mayor Luis “Chavit” Singson, Bise Mayor Pablito Sanidad, Municipal Administrator Pablo Sanidad II ken dagiti amin nga opisial ti LGU Narvacan dagiti umili ti panangkablaawda ken ni Donna Faith.
Nagturpos ni Donna Faith, nabalangatan pay a Miss Narvacan 2018, iti Bachelor of Science in Accountancy iti University of Manila idi 2019. Agtrabaho iti agdama a kas External Auditor iti maysa nga accounting firm iti Siudad ti Makati. (Eliseo B. Contillo)
(Naipablaak iti Marso 1-15, 2021 a bilang. Kadagiti kayatna ti ag-subscribe iti e-Edition, mapan iti ania man kadagitoy a link:
Press Reader: https://bit.ly/2GjO1fK
Magzter: https://bit.ly/2HuG4EO
Magzter: https://bit.ly/2HuG4EO
Para iti naimaldit a kopia, kauman ni Boy Balanag iti CP Number 0916 269 2390
Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment