Impaayan ti Siiigam a Buyot ti Filipinas babaen ken ni Heneral Gilbert Gapay iti pammigbig ti sumagmamano a yunit ti militar gapu iti naballigian a panangrebbekda kadagiti organisasion a mangipingpinget iti tignay komunista iti napalabas a tawen.
Nairaman kadagiti napadayawan ti 5th Infantry Division, 502nd Infantry Brigade ken ti 86th Infantry Battalion a nakaipaayan kadakuada ti campaign streamers.
Naipaay daytoy a pammadayaw a kas pammigbig ti Siiigam a Buyot iti panangidaulo dagitoy a yunit iti pannakawara ti Komiteng Larangang Gerilya Quirino-Nueva Vizcaya.
Maysa a laso ti pammadayaw ti campaign streamer a maidait wenno mayaspil iti wagayway ti yunit a kas met laeng iti maysa a medalia.
Kadagiti amin a batalion ti armada iti Tanap ti Cagayan ken Cordillera, ti 86th Infantry Battalion ti kakaisuna a nakaawat kadagiti campaign streamers.
Iti sabali a bangir, nabigbig met ti tulong ti 95th ken 17th Infantry Battallion, 5th Civil Military Operations ken Technical Operations Group tapno agballigi dagiti gannuat a mangdalupo iti komunista a tignay.
Napadayawan pay ti 7th Infantry Division, 702nd Infantry Brigade ken ti 81st Infantry Battalion a kangrunaan a nagidaulo iti pannakawara ti Komiteng Larangan Gerilya South Ilocos Sur.
Malaksid kadagitoy a yunit ti armada iti Amianan a Luzon, adda pay sumagmamno a yunit a napadayawan manipud iti Southern Luzon, Central, Eastern Mindanao, ken Western Mindanao Commands.
Dinakamat ni Gapay nga iti laksid ti pandemia nga agraraira iti pagilian iti agdama, naitultuloy latta dagiti kameng ti buyot a parukmaen dagiti agpanggep a mangrakrak iti seguridad ti pagilian.
Iti biang ti 86th Infantry Battalion, kinuna ni Commanding Officer Ali A. Alejo a maysa paratignay daytoy a pammigbig tapno ad-adda pay a maparegta dagiti kameng ti yunitna a mangipatungpal iti sinapataanda a pagrebbengan. (Jefferson M. Somera)
(Naipablaak iti Pebrero 16-28, 2021 a bilang. Kadagiti kayatna ti ag-subscribe iti e-Edition, mapan iti ania man kadagitoy a link:
Press Reader: https://bit.ly/2GjO1fK
Magzter: https://bit.ly/2HuG4EO
Para iti naimaldit a kopia, kauman ni Boy Balanag iti CP Number 0916 269 2390
Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
(Naipablaak iti Pebrero 16-28, 2021 a bilang. Kadagiti kayatna ti ag-subscribe iti e-Edition, mapan iti ania man kadagitoy a link:
Press Reader: https://bit.ly/2GjO1fK
Magzter: https://bit.ly/2HuG4EO
Para iti naimaldit a kopia, kauman ni Boy Balanag iti CP Number 0916 269 2390
Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment