Maipablaak dagiti libro babaen ti sistema a tagnawa.
Dagitoy ti maikatlo ken maikapat nga antolohia iti Tagnawa Series book project ti GUMIL Filipinas a narugian idi 2016 babaen ti pannakaipablaak ti Antolohia Dagiti Sarita nga Ilokano (Tagnawa Series 1) ken ti Antolohia Dagiti Daniw ni Ayat (Tagnawa Series 2).
Agpaay nga editor da Roy V. Aragon, Neyo E. Valdez, ken Joel B. Manuel para iti antolohia dagiti sarita; ken Roy V. Aragon, Neyo E. Valdez, ken Ariel S. Tabag para iti antolohia dagiti daniw.
Manamnama a mayalnag dagiti dua a libro iti Dap-ayan 2020 ti GUMIL Filipinas a maangay inton Abril 2020.
Mainaig itoy, maawis amin nga agsursurat iti Ilokano a makipaset kadagiti antolohia. Agpada a nawaya ti tema. Iti sarita, mangidatag iti dua a sarita. Maysa laeng a sarita ti mapili a maipablaak. Iti daniw, tallo agingga iti lima a daniw ti isumite. Piliento dagiti editor no mano a daniw ti maipablaak. Digital wenno softcopy ti idatag a manuskrito, encoded iti MS Word iti document a letter size, Times New Roman wenno Arial a font, 1 pulgada a margin iti amin nga igid. Doble espasio no sarita ken saan a nasursurok ngem 25 panid. Mabalin nga orihinal wenno naipablaaken dagiti idatag a sinurat. No naipablaaken, ilanad ti magasin a nakaipablaakanna ken ti petsa ti pannakaipablaakna, Mangipakuyog met iti ababa a pakasaritaan ti biag ti autor.
Ipatulod dagiti sarita ken daniw iti gumilfilipinastagnawaseries@gmail.com. Deadline ti panagipatulod: Oktubre 31, 2019.
Para iti dadduma pay nga impormasion, agsurat iti isu met laeng nga email address, wenno agmensahe iti Facebook page ti GUMIL Filipinas (facebook.com/GUMILFilipinasOfficialPage).
(Naipablaak iti Hunio 24, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment