Ti tema ti kombension: “Commitment. Action. Responsibility. Excellence (C.A.R.E).”
Panggep ti kombension ti agpaay a silulukat a pakatamingan dagiti isyu a pakaseknan dagiti kadaraan, pakatamingan ti pannakaiwayat dagiti nakaprograma a proyekto a pakairanudan dagiti kameng, agpaay a pakatubayan dagiti agtutubo ken agkabannuag tapno maisaganada ti bagida a kas dadaulo iti masakbayan, ken kangrunaanna, pakabotosan dagiti mangidaulo iti Konseho a pagkamengan dagiti aganay a 44 a unit organization iti Oahu a pakapilian ti 12 nga opisial manipud iti presidente agingga kadagiti kameng ti hunta dagiti direktor.
Para iti nayon nga impormasion, mabalin a kontaken ti asino man kada OFCC Convention Chair Jake Manegdeg iti 524-6993, OFCC President Jean Jeremiah iti 387-5481; ken Amado Yoro iti 699-9814. (AIY)
(Naipablaak iti Bannawag, Hunio 10, 2013 a bilang.)
Agyamanak la unay- good timing-Manamnama ti aganay a 175 a delegado a mangibagi kadagiti masnop a gungloda a kameng iti OFCC. Nupay saan pay a kompirmado, manamnama a Luncheon Speaker ni Dr. Erlinda Cachola, maysa a mabigbig a doktor ti medisina, natenneb a master toastmaster ken Filipino Chamber of Commerce Entrepreneur of the year ken Thomas Jefferson Awardee, kangatuan a pammadayaw nga it-ited ti American Institute in Public Service ken the Honolulu Advertiser - iti USA kadagiti Top Outstanding Volunteer of the Year.
ReplyDelete