Maipatungpalen ti napasayaat a kurikulum ti Alternative Learning System (ALS) para kadagiti katutubo wenno kadagiti kameng dagiti indigenous cultural community tapno ad-adda a masungbatan dagiti pakaseknanda.
Kinuna ni Sekretario Armin Luistro ti Departamento ti Edukasion a daytoy nga addang ti DepEd ti mangipakita a nainget ti departamento a mangipatungpal iti panggep nga “Education for All (EFA)”.
Naipaulog babaen ti DepEd No. 101 s. 2010, naaramid ti ALS Curriculum for Indigenous Peoples (IPs) Education iti pannakitinnulong ti National Commission on Indigenous Peoples (NCIP) ken inaprobaran dagiti pangulo dagiti nadumaduma a komunidad dagiti katutubo.
Naibasar ti kurikulum iti Indigenous Peoples Act (IPRA) wenno Akta Republika 8371, kinuna ni Luistro a maibagay ti maadal dagiti katutubo kadagiti pakaseknanda iti inaldaw-aldaw a panagbiagda, kangrunaan ditoy ti biag ti kaamaan, ken dagiti nadumaduma nga akem dagiti katutubo a mainaig iti dakdakkel a komunidad.
Mausar met iti panagisuro ti nariingan a lengguhe dagiti katutubo ta, kas kuna ni Luistro, “Adun a panagadal ti mangipaneknek nga iti damo a pannakaisuro dagiti agad-adal, ti panagusar iti lengguahe a maar-aramat iti pagtaenganda, agresulta iti ad-adu a maadal dagiti estudiante.”
(Naipablaak iti Bannawag, Bannawag Hulio 25, 2011.)
July 13, 2011
Miting ti GF: Hulio 24
Maipakaammo kadagiti amin nga opisial ti GUMIL Filipinas a maangay ti umuna a regular a board meeting ti gunglo iti babaen ti liderato ni kolumnista iti Bannawag Vivencio S. Baclig, retirado a hues iti Regional Trial Court, itoy a Hulio 24 iti U.P. Cooperative Restaurant, U.P. Diliman, Q.C. (12 iti tengnga ti aldaw-5 iti malem) iti panangsangaili ni dati a Managing Editor ti Bannawag Juan S.P. Hidalgo, Jr.
Mapagsasaritaan iti miting dagiti programa ken proyekto nga ipatungpal ti GF iti uneg ti dua a tawen a panagtakem dagiti baro nga opisial ti gunglo a nabutosan bayat ti Dap-ayan 2011 wenno ti Maika-43 a Nailian a Kombension ti GUMIL Filipinas a naangay iti Ponce del Mar Beach Resort, Cabugao, I.S. idi Abril 15-17, 2011.
Para iti dadduma nga impormasion, sarungkaran ti Facebook account ti Bannawag Magazine.
(Naipablaak iti Bannawag, Hulio 25, 2011.)
July 8, 2011
Ubbing nga agad-adal, saandan a mapakan iti noodles – DepEd
Saanen a maipakan kadagiti ubbing nga agad-adal ti fortified instant noodles; ketdi, dagiti nasusustansia a taraon ti maidaya kadagiti feeding program ti gobierno, kas impakaammo ti Departamento ti Edukasion (DepEd) itay nabiit.
Impaganetget ti DepEd a dagiti nateng nga apit dagiti umili iti lokalidad ti agbalin a kangrunaan a ramen ti taraon dagiti estudiante iti pre-school agingga iti Grade 3 tapno mapasayaat ti salun-atda ket maliklikanda ti panaglanganda (gapu iti sakit) ken lumaingda iti klase.
Tapno maisakad daytoy, ginutigot ni Sekretario Luistro dagiti opisial dagiti pagadalan ken dagiti nagannak nga agmulada iti nateng iti arubayan dagiti pagadalan ken pagtaengan.
Kuna pay ti Sekretario a panggep ti DepEd ti mangipasdek iti mataginayon a vegetable garden kadagiti amin a pagadalan iti elementaria ken sekundaria iti sibubukel a pagilian.
Innayonna pay a mismo a ti Central Office ti departamento ket addaan iti “Gulayan sa Paaralan”.
Bannawag, Hulio 18, 2011
Impaganetget ti DepEd a dagiti nateng nga apit dagiti umili iti lokalidad ti agbalin a kangrunaan a ramen ti taraon dagiti estudiante iti pre-school agingga iti Grade 3 tapno mapasayaat ti salun-atda ket maliklikanda ti panaglanganda (gapu iti sakit) ken lumaingda iti klase.
Tapno maisakad daytoy, ginutigot ni Sekretario Luistro dagiti opisial dagiti pagadalan ken dagiti nagannak nga agmulada iti nateng iti arubayan dagiti pagadalan ken pagtaengan.
Kuna pay ti Sekretario a panggep ti DepEd ti mangipasdek iti mataginayon a vegetable garden kadagiti amin a pagadalan iti elementaria ken sekundaria iti sibubukel a pagilian.
Innayonna pay a mismo a ti Central Office ti departamento ket addaan iti “Gulayan sa Paaralan”.
Bannawag, Hulio 18, 2011
July 7, 2011
Soy sauce nga awan ti markana, annadan
Imballaag ti Food and Drug Administration (FDA) kadagiti umili ti dida koma panagus-usar iti soy sauce a naipalaon iti awan markana a botelia wenno container ta posible nga adda ramen dagitoy a sauce sause a makadangran iti salun-at, kas koma iti panangparnuayda iti sakit a kanser.
Mainaig met laeng daytoy a ballaag ti FDA iti report ti Department of Health a ti 3-MCPD (3-Monochloropapane-1,2 diol) a mapapataud iti soy sauce a maar-aramid met manipud iti hydrolized vegetable protein ket natakuatan a makapataud iti kanser, kas maibatay iti panagadal nga inrugida pay idi 1990. Nupay kasta, adda met naituding a kaadu ti 3-MCPD a mabalin a laonen ti soy sauce tapno maibaga a natalged iti salun-at-- naikeddeng daytoy a 1 PPM (1 part per million).
Iti agdama, gagangay nga addaan dagiti rehistrado a soy sauce iti Filipinas iti ramen a 3-MCPD ngem 0.16 PPM laeng, amang a nababbaba ngem iti maipalpalubos a 1 PPM. Nupay kasta, natakuatan a dagiti saan a rehistrado a soy sauce, addaan iti 3 PPM a 3-MCPD.
Bannawag, Hulio 18, 2011 a bilang
Mainaig met laeng daytoy a ballaag ti FDA iti report ti Department of Health a ti 3-MCPD (3-Monochloropapane-1,2 diol) a mapapataud iti soy sauce a maar-aramid met manipud iti hydrolized vegetable protein ket natakuatan a makapataud iti kanser, kas maibatay iti panagadal nga inrugida pay idi 1990. Nupay kasta, adda met naituding a kaadu ti 3-MCPD a mabalin a laonen ti soy sauce tapno maibaga a natalged iti salun-at-- naikeddeng daytoy a 1 PPM (1 part per million).
Iti agdama, gagangay nga addaan dagiti rehistrado a soy sauce iti Filipinas iti ramen a 3-MCPD ngem 0.16 PPM laeng, amang a nababbaba ngem iti maipalpalubos a 1 PPM. Nupay kasta, natakuatan a dagiti saan a rehistrado a soy sauce, addaan iti 3 PPM a 3-MCPD.
Bannawag, Hulio 18, 2011 a bilang
July 6, 2011
Kwento-Lit 2011: Kwentong Bulilit, Ito ang Malupit! Kwento-Lit 2011
Kadagiti interesado, makiuman kadagiti nailanad a kontak, wenno ag-email iti arieltabag@yahoo.com ta ipatulodko ti dakdakkel a bersion daytoy a file ken dadduma pay a papeles mainaig iti nasao a salip.--AST
Pannakaidalimanek dagiti basura, nasken nga ipatungpal ti LGU
Impaganetget ni Sen. Loren Leagrda ti naiget a pannakaipatungpal ti Solid Waste Management (SWM) dagiti LocaL Government Units (LGUs) tapno maliklikan ti nakaro ken nasaknap a layus gapu kadagiti basura kas iti napasamak itay napan a bulan.
Segun ken ni Legarda, dakkel ti maitulong dagiti LGU iti pannakaipatungpal ti SWM.
Kuna ni Legarda a saan a rebbengna nga agdadanag dagiti umili tunggal agtudo iti napigsa ken saan a rebbengna nga ibakuit dagiti umili tunggal adda bagyo.
Innayonna a mapaspasamak dagiti nakaro a layus gapu iti di pannakarisut ti kangrunan a parikut nga isu dagiti barado a kanal, estero ken dadduma pay a pagnaan ti danum. Ngarud, nasken a maipatungpal ti Solid Waste Management Act (RA 9003).
Kuna pay ti senadora a nasken a maammuan ti tunggal umili ti maipanggep iti pannakaipakat ti SWM kas iti pannakadasig dagiti agrupsa ken di agrupsa a basura ken ti umno a pannakaibelleng dagitoy.
Nangipila metten ni Sen. Legarda iti gakat nga agpanggep a mangiparit iti pannakaaramat dagiti di agrupsa a plastik a bag kadagiti supermarket, groseria, restauran, department store ken dadduma pay a komersial nga establisimiento.
Kinuna ni Legarda a nalaklaka nga amang ti pananglapped ti layus—nga isu ti naurnos a pannakaidalimanek dagiti basura— ngem ti panagibakuit ken naynay a panangted iti rasion wenno relief goods.
Bannawag, Hulio 11, 2011
Segun ken ni Legarda, dakkel ti maitulong dagiti LGU iti pannakaipatungpal ti SWM.
Kuna ni Legarda a saan a rebbengna nga agdadanag dagiti umili tunggal agtudo iti napigsa ken saan a rebbengna nga ibakuit dagiti umili tunggal adda bagyo.
Innayonna a mapaspasamak dagiti nakaro a layus gapu iti di pannakarisut ti kangrunan a parikut nga isu dagiti barado a kanal, estero ken dadduma pay a pagnaan ti danum. Ngarud, nasken a maipatungpal ti Solid Waste Management Act (RA 9003).
Kuna pay ti senadora a nasken a maammuan ti tunggal umili ti maipanggep iti pannakaipakat ti SWM kas iti pannakadasig dagiti agrupsa ken di agrupsa a basura ken ti umno a pannakaibelleng dagitoy.
Nangipila metten ni Sen. Legarda iti gakat nga agpanggep a mangiparit iti pannakaaramat dagiti di agrupsa a plastik a bag kadagiti supermarket, groseria, restauran, department store ken dadduma pay a komersial nga establisimiento.
Kinuna ni Legarda a nalaklaka nga amang ti pananglapped ti layus—nga isu ti naurnos a pannakaidalimanek dagiti basura— ngem ti panagibakuit ken naynay a panangted iti rasion wenno relief goods.
Bannawag, Hulio 11, 2011
Water lily, adda usarna-- TESDA
Imbes nga ibilang a pakaisagmakan gapu iti masansan a panangbangenna kadagiti pagayusan ti danum, adu ti pakaaramaatan dagiti water lily.
Segun ken ni Technical Education and Skills Development Authority Director General Joel Villanueva, mangiwayatda kadagiti panagsanay tapno maaramid a pakairanudan a produkto ti water lily, a mabalin a maaramid a bag, sinelas, sapatos wenno placemat.
Bannawag, Hulio 11, 2011
Segun ken ni Technical Education and Skills Development Authority Director General Joel Villanueva, mangiwayatda kadagiti panagsanay tapno maaramid a pakairanudan a produkto ti water lily, a mabalin a maaramid a bag, sinelas, sapatos wenno placemat.
Bannawag, Hulio 11, 2011
Subscribe to:
Posts (Atom)