Palagip iti Salip iti Sarita ti Maika-15 nga AMMAFLA

Ipalagip ti Secretariat ti AMMA Foundation Literary Awards nga aggibus ti Salip iti Sarita ti Maika-15 nga AMMAFLA iti Pebrero 28, 2013. Imatonan ken isponsoran daytoy da Amado ken Gloria Yoro, Francisco ken Aurora Ponce, ken Alfredo ken Cherry Quibol (agpapada nga agindegen iti Hawaii) a nairanta nga agpaay kadagiti agdadamo a mannurat iti Ilokano a “kas pangaron iti reggetda a mangpatadem pay iti plumada”:

Ti kompleto a pagannurotan:

1. Aggibus ti salip iti Pebrero 28, 2013.

2. Agpaay laeng ti salip kadagiti agdadamo a mannurat iti Ilokano. Iti daytoy a pasalip, maibilang nga agdadamo ti mannurat no awan pay ti naipablaak a saritana iti Bannawag. No adda man, di koma nasursurok ngem tallo ti naipablaakna agingga iti Oktubre 15, 2012 a bilang ti nasao a magasin.

3. Siwawayawaya ti autor a mangpili iti topiko ti isalipna a sarita.

4. Agatiddog ti sarita iti 10-15 a panid iti short bond paper, naimakinilia, wenno saan, naikompiuter iti doble espasio (Times Roman Medium 12 pts. iti computer), ken adda espasio wenno margin a maysa a pulgada iti amin nga igid ti papel.

5. Maysa laeng a sarita ti mabalin nga isalip ti tunggal autor.

6. Nasken nga orihinal, di pay naipablaak wenno naadaw iti ania man a sinurat ti isalip. Nasken met a saan a naipatarus ti pakisalip manipud iti sabali a lengguahe ken nasken a bukod a putar ti autor ti pakisalipna.

7. Ti parbo a nagan ti autor ti agparang a naganna a kas autor ti sarita. Ipatulod ti pakisalip iti uppat a nadalus a kopia ken pakuyogan iti narikpan a sobre a naglaon iti pudno ken parbo a nagan ti autor, paulo ti pakisalip, kaudian a ladawan ken ababa a pakasaritaan ti biag ti autor, adres ti agdama a pagnaedan, agraman e-mail address ken numero ti selpon wenno telepono a mabalin a pakakontakan iti autor. Iti rabaw ti sobre, isurat ti paulo ti sarita ken parbo a nagan ti autor.

8. Ipatulod ti pakisalip babaen ti koreo wenno personal nga idatag iti daytoy nga adres: Short Story Writing Contest, 15th AMMAFLA, c/o Bannawag, Manila Bulletin Publishing Corp., Muralla corner Recoletos Sts., Intramuros, 1002 Manila. Nasken a maawat ti Bannawag ti pakisalip iti di naladladaw ngem iti Pebrero 28, 2013. Saan a mairaman iti salip ti entry a maawat kalpasan dayta a petsa.

9. Dagiti gunggona: Umuna a Gunggona, P10,000.00; Maikadua, P8,500.00; ken Maikatlo, P7,000.00. Maipaayan pay dagiti mangabak iti sertipiko ti pammadayaw. Adda met karbengan dagiti hurado a mangkissay iti bilang dagiti mangabak no awan ti makapatar iti bukodda a pagbatayan dagiti mangabak. Mabalinda met ti mangparnuay iti sabali a gunggona, no kasapulan.

10. Mapakaammuanto dagiti mangabak no kaano ken sadino ti pakapadayawanda. No met matakuatan a sinalungasing ti mangabak ti Pagannurotan Blng. 2 ken/wenno 6, maibabawi ti premiona ken mapawilanton a makisalip iti ania man a pasalip ti AMMAFLA.


(Naipablaak iti Bannawag, Enero 21, 2013 a bilang.)

Maika-2 a Pasalip ALVIYA iti Sarita

Ipakaammo ti Secretariat ti ALVIYA Literary Foundation nga agawaten kadagiti sarita para iti Maika-2 a Pasalip ALVIYA a naluktan bayat ti Nasional a Komperensia ti GUMIL Filipinas (Gunglo Dagiti Mannurat nga Ilokano iti Filipinas ken iti Ballasiw-Taaw) a naangay iti Bacnotan, La Union.

Dagiti pagannurotan:

1. Naluktan ti salip idi Abril 22, 2012 ket aggibus  iti Enero 31, 2013.

2. Silulukat ti salip kadagiti amin a mannurat nga Ilokano ken uray pay kadagiti saan nga Ilokano ngem makasurat iti pagsasao nga Ilokano (Iluko wenno Iloko).

3. Agrikus ti pasalip iti tema ti “diaspora” wenno iti panagkalkallautang wenno pannakigasanggasat ni Ilokano iti sabali a lugar/pagilian.

4. Agatiddog ti pakisalip iti 15-25 a panid iti short bond paper, nai-computer (agusar iti Times New Roman, Font Size 12) iti doble espasio ken addaan iti maysa a pulgada a kalawa iti amin nga igid ti bond paper.

5. Maysa laeng a sarita ti mapalubosan nga isalip ti kada mannurat a makisalip.

6. Nasken a bukod a putar ti autor ti maisalip, saan pay a naipablaak iti ania man a magasin, saan pay a nangabak iti ania man a kita ti pasalip, ken saan a naipatarus manipud iti ania man a lengguahe.

7. Ti laeng parbo a nagan ti autor ti agparang iti manuskrito a maisalip. Pakuyogan ketdi ti entry iti narikpan a sobre a nakailanadan dagitoy: paulo ti sarita, parbo ken pudno a nagan, ababa a kabibiag ti autor, ken cell phone number. Saanen nga ipatulod iti e-mail ti impormasion a mainaig iti autor (ti linaon ti narikpan a sobre).

8. Nasken a maipatulod ti sarita iti dua a porma: a.) hard copy (printed copy) iti uppat a nalawag a kopia a maipatulod iti daytoy nga adres: PASALIP ALVIYA, c/o Freddie P. Masuli, Cagayan State University, Sanchez Mira, 3518 Cagayan; ken b.) soft copy a maipatulod babaen ti e-mail iti daytoy nga e-mail account: alviya.foundation@gmail.com.

9. Nasken a maawat ti Secretariat dagiti dua a porma ti pakisalip (hard copy ken soft copy) iti di naladladaw ngem alas 11:59 ti rabii ti Enero31, 2013 (oras iti Filipinas).

10. Agtalinaed ti ania man a pangngeddeng dagiti hurado ken maisubli ti gunggona ti mangabak no maduktalan kalpasanna a sinalungasingna ti Pagannurotan Bilang 6. Awanto metten ti karbengan ti autor a makisalip kadagiti sabsabali pay a pasalip ti ALVIYA.

11. Agbalin a makipagtagikua ti ALVIYA Foundation kadagiti mangabak a sarita. Ngarud, kas iti autor, maaddaan ti agpasalip iti karbengan a mangipablaak kadagitoy mangabak a sarita iti ania man a wagas a kayatna karamanen ti elektroniko ken tradisional a wagas ti panagipablaak. Dagiti gunggona : First Prize, P15,000.00; Second Prize, P10,000.00 ken Third Prize, P8,000.00 ken tallo a pangliwliwa a gunggona a sag-P2,000.00.  Addanto met sertipiko dagiti amin a mangabak.

12. Maiwaragawag dagiti mangabak a sarita iti umuna a lawas ti Abril 2013 babaen ti Internet ken mayawat dagiti premio kadagiti autor bayat ti GUMIL Filipinas National Convention iti Kalgaw 2013.
Ni mannurat iti Bannawag Alex V. Yadao ti agpapaay a pangulo ti ALVIYA Foundation; ni met Freddie P. Masuli, mannurat met laeng iti Bannawag, ti Project Director ti Pasalip ALVIYA.

(Naipablaak iti Enero 14, 2013 a bilang ti Bannawag.)

Maika-2 a Pasalip ti ALVIYA iti Sarita

Ipakaammo ti Secretariat ti ALVIYA Literary Foundation nga agawaten kadagiti sarita para iti Maika-2 a Pasalip ALVIYA a naluktan bayat ti Nasional a Komperensia ti GUMIL Filipinas (Gunglo Dagiti Mannurat nga Ilokano iti Filipinas ken iti Ballasiw-Taaw) a naangay iti Bacnotan, La Union.

Dagiti pagannurotan:

1. Naluktan ti salip idi Abril 22, 2012 ket aggibus  iti Enero 31, 2013.

2. Silulukat ti salip kadagiti amin a mannurat nga Ilokano ken uray pay kadagiti saan nga Ilokano ngem makasurat iti pagsasao nga Ilokano (Iluko wenno Iloko).

3. Agrikus ti pasalip iti tema ti “diaspora” wenno iti panagkalkallautang wenno pannakigasanggasat ni Ilokano iti sabali a lugar/pagilian.

4. Agatiddog ti pakisalip iti 15-25 a panid iti short bond paper, nai-computer (agusar iti Times New Roman, Font Size 12) iti doble espasio ken addaan iti maysa a pulgada a kalawa iti amin nga igid ti bond paper.

5. Maysa laeng a sarita ti mapalubosan nga isalip ti kada mannurat a makisalip.

6. Nasken a bukod a putar ti autor ti maisalip, saan pay a naipablaak iti ania man a magasin, saan pay a nangabak iti ania man a kita ti pasalip, ken saan a naipatarus manipud iti ania man a lengguahe.

7. Ti laeng parbo a nagan ti autor ti agparang iti manuskrito a maisalip. Pakuyogan ketdi ti entry iti narikpan a sobre a nakailanadan dagitoy: paulo ti sarita, parbo ken pudno a nagan, ababa a kabibiag ti autor, ken cell phone number. Saanen nga ipatulod iti e-mail ti impormasion a mainaig iti autor (ti linaon ti narikpan a sobre).

8. Nasken a maipatulod ti sarita iti dua a porma: a.) hard copy (printed copy) iti uppat a nalawag a kopia a maipatulod iti daytoy nga adres: PASALIP ALVIYA, c/o Freddie P. Masuli, Cagayan State University, Sanchez Mira, 3518 Cagayan; ken b.) soft copy a maipatulod babaen ti e-mail iti daytoy nga e-mail account: alviya.foundation@gmail.com.

9. Nasken a maawat ti Secretariat dagiti dua a porma ti pakisalip (hard copy ken soft copy) iti di naladladaw ngem alas 11:59 ti rabii ti Enero31, 2013 (oras iti Filipinas).

10. Agtalinaed ti ania man a pangngeddeng dagiti hurado ken maisubli ti gunggona ti mangabak no maduktalan kalpasanna a sinalungasingna ti Pagannurotan Bilang 6. Awanto metten ti karbengan ti autor a makisalip kadagiti sabsabali pay a pasalip ti ALVIYA.

11. Agbalin a makipagtagikua ti ALVIYA Foundation kadagiti mangabak a sarita. Ngarud, kas iti autor, maaddaan ti agpasalip iti karbengan a mangipablaak kadagitoy mangabak a sarita iti ania man a wagas a kayatna karamanen ti elektroniko ken tradisional a wagas ti panagipablaak. Dagiti gunggona : First Prize, P15,000.00; Second Prize, P10,000.00 ken Third Prize, P8,000.00 ken tallo a pangliwliwa a gunggona a sag-P2,000.00.  Addanto met sertipiko dagiti amin a mangabak.

12. Maiwaragawag dagiti mangabak a sarita iti umuna a lawas ti Abril 2013 babaen ti Internet ken mayawat dagiti premio kadagiti autor bayat ti GUMIL Filipinas National Convention iti Kalgaw 2013.

Ni mannurat iti Bannawag Alex V. Yadao ti agpapaay a pangulo ti ALVIYA Foundation; ni met Freddie P. Masuli, mannurat met laeng iti Bannawag, ti Project Director ti Pasalip ALVIYA.

(Naipablaak iti Bannawag, Agosto 20, 2012 a bilang.)

82 a sarita ken daniw ti naisalip iti 10th RFAAFIL

Walopulo ket dua a sarita ken daniw ti naisalip iti 10^th Reynald F. Antonio Awards for Iluko Literature, kas impakaammo ti RFAAFIL Secretariat.

Kadagupan dagiti naisalip, 20 ti entry iti benneg ti makapasangit a sarita, 37 ti naisalip iti makapasangit a daniw, ken 25 ti naisalip iti daniw a mairuknoy iti RFAAFIL a naisayangkat iti RFAAFIL Pulse, ti Facebook ti RFAAFIL.

Dagiti naisalip a sarita:

“Sagubanit” ni Algie Brah, “Dika Urayen a Lumnek ti Init” ni Kimoy, “Maudi a Dung-aw iti Kariton” ni Pasion T. Agpatnag, “Ni Mama ken 'Ta Bileg ti Ayatmo” ni Esther Grace Emmanuel, “Kasano ti Agbalin a Napanglaw” ni Juan Dugong;

“Dagiti Nabukag a Duayya ken Dung-aw” ni Sisiit, “Ti Maudi a Bilin” ni John Reyes, “Namnama ni Segundo” ni Geogen, “Jimmy Boy” ni Jimmy A. Encarnacion, “Gumaygayebgeb a Gura” ni Nagsima A. Dila;

“Nanglangeb a Langit” ni Marial A. Del Bario, “Thelma” ni Mark Logan, “Apay a Nagmayyang ni Renang” ni Amor A. Consolacion, “Ariwanas” ni Prince Del Carmen, “Adda Met Panawen nga Agpanes ti Langit” ni Lorenzo Sacramento;

“Nasipnget a Lubong” ni Agusan del Norte, “Dagiti Basol ni Dolores” ni Dies Minudo, “Dagiti Naunday ken Natuok a Panagur-uray” ni Tata Asterio, “Dagiti Mawaw iti Kinasam-it ti Agek ti Linnaaw” ni Jong Ga. Len, ken “Pammakawan” ni Have Mercy.

Dagiti naisalip a daniw:

“Iti Dulang” ni San, “Nagallangogan, Nanangko, 'Toy Natbag nga Ikkis” ni Glee T. Lawag, “Reses” ni Lakayen, “Asug ti Dara” ni Saibbek Ken Lua, “Kultura't Pilipino” ni Awan Parbo a Naganna;

“Dung-aw ti German Dog” ni Jack I. Bagbaga, “Tatang” ni Rus Socoli, “Bugbugtong a Naitugkel a Kandela” ni Salacnib T. Nakaparsuaan, “Dung-aw ti Agmatuon iti Barukong ti Masalay” ni Saibbek;

“Maudi a Sakmol, Maudi a Dung-aw” ni In-inapet T. Bantay, “Ay, Nanangko, Aya!” ni Anak A. Lumlumdaang; “Sainnek Dagiti Nasugat nga Annanayo” ni Billy K. Galpong;

“Anakko, Dika Agsanud; Agtuloy Ka…” ni Awan Parbo a Naganna, “Mannalonak Laeng a Napanglaw” ni Awan Parbo a Naganna, “Ti Imbatim a Kalanglangko” ni Mr. Yus, “Sakbay a Masebseban ti Atong” ni Dani W.;

“Kas Man Tiempo iti Biag” ni Awan Parbo a Naganna, “Dagiti Bantay iti Bagani Ubbog” ni Eva Angel Leo, “Naranggas dagiti Anniniwan” ni Balligi, “Ina” ni Angelina;

“Kerubin” ni Geogen Ly, “Ti Dadaulo ni Kontra Demolision” ni Ria Bibz, “Naulimek a Dung-aw” ni Lulua A. Tumaredted, “Elehia Pammakada” ni Maudi A. Belen, “Batibat” ni Awanparbo A. Naganna;

“Elehia a Naikur-it Iti Uneg Kuarto Numero 320-B” ni Marilyn Espiritu, “Pammakada” ni Mr. Good Bye, “Sinukat” ni Kalya Lily, “Apo, Isuronak nga Aganus ken Agitured; Pabulodannak ti Pigsa ken Kired; Natibker a Pammati ken Panagtalek” ni Jesse T. Mayo;

“Tapno Sadiwaek Lagip Dagiti Naglabas a Kalman” ni Lorenzo N. Sacramento, “Narugit nga Eleksion” ni Josie Fernan, “Kenka, Patpatgen Mi nga Ama” ni Fina Rana, “Malem Dagiti Malem” ni Sally Dummay, “Dagiti Nagawan a Paset Biagko” ni Narcis Sone Oraza, “Laglagip” ni Pretty Boy, “Dagiti Umel a Sonata iti Kaunggan” ni Roma del Madrid, ken “Dung-aw” ni Magdalena Dolorosa.

Dagiti naisalip a “Daniw a Mairuknoy iti RFAAFIL”: “RFAAFIL” ni Ronnie ES. Aguinaldo; “A.N.A.K.” – ni Devoted Heart 14; “RFAAFIL” ni Illo Costi Apayao, “Kenka RFAAFIL” ni Florie G. Mangaoang, “Kenka, www.rfaafil.com” ni AB;

“Kararag: Maysa a Dekada” ni Daton, “Agbiagka, RFAAFIL!” ni Nepomuceno T. Benitez, Jr., “Rfaafil, naragsak a maika-10 a kasangaymo” ni Parbangon T. Apagsipasip,

“Kenka, RFAAFIL” ni Rolando Gamoso, “Rukbab ken Sagut kenka RFAAFIL Maika-10 a Desdes” ni Ed Britos, “RFAAFIL: Umuna a Dekada” ni Rolando Gamoso, “Silaw” ni Rolando A. Seguro, Jr., “RFAAFIL: Maysa a Dekada” ni Salacnib T. Amianan;

“RFAAFIL” ni Adam N. Eve; “RFAAFIL: Naganus nga Uggot” ni Jobert M. Pacnis, “Maysaka a Bituen” ni Alexander R. Barut, “Anaraar ti Baro nga Agsapa” ni Remy Espero Piano, “Maysaka a Datdatlag!” ni Saanen a Makisalip;

“Kenka, RFAAFIL” ni Jenny Julian Malabed. “Dita Saklangmo a Nabalitokan” ni Gorgonia Ventalina, “Ti Datdatlag nga Ima” ni Balasang T. Away, “Korona-Laurel” ni Laura Reyna, :Dakulapusip” ni Vi Duyan, “RFAAFIL” ni Xen Sach, ken “Maysaka a Bitamina” ni Derick Marcel F. Yabes.

Mapadayawanto dagiti mangabak iti “RAAFIL @ 10: Selebrasion ken Sagut iti Literatura Ilokana” a maangay inton Hulio 7-8, 2012 iti ITC, Consolacion, Agoo, La Union.

(Naipablaak iti Bannawag, Mayo 14, 2012 a bilang.)

37 a sarita, naisalip iti 1st ALVIYA

Tallopulo ket pito a sarita ti naawat ti ALVIYA Secretariat para iti Umuna a Pasalip ALVIYA iti Sarita nga esponsoran ni Alex Vicente Yadao ti New York, USA.

Dagiti sarita a naisalip agraman parbo a nagan dagiti autor:

Dagiti Giteb iti Barukong ni Pree T. Boy; Anak ti Marag ni Illong A. Manilenio; Gapu't Diablo nga Imbalatko, Ginunggonaannak Nagadu ti Apo ni Sagat M. Avalse; Leksion niToe Knee;

Edmund ni R. R. Castillo; Rangtay ni Charize Charleen; Sangol ni Agusan Del Norte; Saan Pay a Naladaw ti Amin ni Sweet_Mom; Inlaksid ti Bukod a Kadarana ni Ribera;

Daydi Bunga ni Celle; Ay Kabsatko ni God's Army; Essem ken Ayat ni Frances Jewel Rose; Gasat ni Tatang ni Eve; Karit ni Patay ni Neetsie; Biag Babaen ti Biag Iti maysa a Nawara a Pamilia ni Lheo_Xhan;

Naglunit a Silap ti Lua ni Arielle; Paset ti Biag ni Emma ni mx Pink 27; Diak Man Ninamnama ni Maria Therese Galicanao; Pannakaamiris ni AQR; Nagbaliwen ti Panawen ni Jackie Bagbaga; Bileg ta Ayatmo ni TM;

Suminan ni Manong ni Janaug; Kalpasan ti Panagsagaba ni Batzar, R.A.; Rangtay ni Arapaap; Dagiti Agkaskasera, Ti Kari ken Daton ni AllosBulosan, Jr.; Bayad ti Dayaw ni Angeleigh; Ti Pungdol iti Biag ni Baniaga Vida ni Vida Vera;

Iti Likudan ti Witiwit ni Camiguin Boy; Dagiti Nangabak ni Finish Line; Idi Agresidente ni Oppong iti White Plains Subd. ni Time bandit; Dagiti Sabong ni Reyna Padaya ni Anib T. Isaias; Parola ni AwanParbo A. Naganna; Ti Balediktorian ni Mina Bel; Ingel ti Dara ti Talunasan ni An-anabo T Ylokos; Zenaida ni Fred campos; Ti Pangngeddeng ni Tatang ni apagdarikmat nga. Anges; ken, Linas ti Adayo a Taeng ni Miles Away.

Manipud kadagiti naisalip, mapili ti tallo a kapipintasan a pakaipaayan ti P15,000.00 para iti Umuna a Gunggona, P12,000.00 iti Maika-2; ken P10,000.00 iti Maika-3. Yawatto a mismo ni ALVIYA President Alex V. Yadao dagiti premio kadagiti mangabak iti Dap-ayan 2012, ti tinawen a kombension ti GUMIL Filipinas a maangay inton Abril 20-22 sadiay DMMSU, Sapilang, Bacnotan, La Union. (Freddie Pa. Masuli)

(Naipablaak iti Bannawag, Marso 26, 2012 a bilang.)

35 a Sarita, naisalip iti 14th AMMAFLA

Tallopulo ket lima a sarita ti naisalip iti Salip iti Sarita ti Maika-14 nga AMMA Foundation Literary Awards, kas impakaammo ti AMMAFLA Secretariat.

Dagiti naisalip a sarita agraman parbo a nagan dagiti autor:

“Puso ti Maysa a Maestra” ni Dwayn Mien, “Agtutubo, Agmurmuraykan” ni Stranger, “Dengue” ni Lina Mhok, “Ni Angelo” ni Camiguin Boy, “Ti Panagrusing ni Ayat” ni Devoted Heart;

“Talon” ni Mannalon, “Legal Wife” ni Lee T. Victoria, “Ti Maudi a Sigit” ni Milwealth, “Imon” ni Roblen Ponce, “Ni Nana Solenn” ni ohyeskaljangwu;

“Dagiti Imbati ni Proceso L. Villanueva a Lagip” ni Napisang a Plaka, “Dagiti Agsalsala a Kulalanti” ni Namnama Castillo, “Borobor” ni Sir Mata, “Bileg ti Kararag: Naliklikak ni Patay Sadiay Myanmar” ni Molave M. Avalse, “Sugal” ni Angeleigh;

“Kanonto ti Sangpetmo, Apong Lakay?’ ni Flora T. Mayo, “Dagiti Balitokko” ni Ronelyn Ramones Castillo, “Rabak ti Biag” ni Dayag T. Ammianan, “Lunod” ni Summer Love, “Pirak ken Patay” ni Azirk Yam,
“Naglunit a Silap ti Lua” ni Sage, “Daydi Bunga” ni Rycelle, “Wen, Kabsat, Pudno” ni Trixie Jhayne, “Karit ni Patay” ni MJEA, “Pannakaamiris” ni ADZ;

“Biag Babaen ti Biag ti Maysa a Nawara a Familia” ni Txirk Xhann, “Darepdep ti Naglabas” ni Sweet Girl, “Pamilia, Tawid, Naglaksidan!” ni Senyora, “Nasudi nga Ayat” ni True Beauty, “Klaymeyt Tsej” ni Lysa;

“Diary” ni Rejul_27, “Sakripisyo ni Tatang, Ingkam Sukatan” ni Arkessa, “Suminan ni Manong” ni Janaug, “Kalpasan ti Panagsagaba” ni Baltzar, R.A., ken “Dagiti Pait ni Arapaap” ni Pink Devil.

Imatonan da Alfredo ken Cherry Quibol, Francisco ken Aurora Ponce, ken da Amado ken Gloria Yoro ti AMMAFLA. Agpaay ti pasalip kadagiti agdadamo a mannurat iti Iluko a “kas pangaron iti reggetda a mangpatadem pay iti plumada.”

Agdagup met iti P25,500.00 ti premio a pagbibingayan dagiti mangabak. Nangrugi ti salip idi Mayo 23, 2011 ken naggibus itay Enero 31, 2012. Mapadayawan dagiti mangabak bayat ti Komperensia Nasional ti GUMIL Filipinas a maangay iti DMMMS-North La Union Campus, Bacnotan, La Union inton Abril 20-22.

(Naipablaak iti Bannawag, Pebrero 27, 2012 a bilang.)

ALVIYA 2012

Palagip kadagiti amin a mannurat

Umuna a Pasalip ti ALVIYA iti Sarita, aggibus iti Peb. 29


Ipakaammo ti Secretariat ti ALVIYA Literary Foundation nga aggibus ti umuna a Pasalip ALVIYA iti Peb 29, 2012.

Esponsoran daytoy ni Alex V. Yadao, Founder/President ti ALVIYA Literary Foundation a tubo iti Libertad, Abulug, Cagayan nga agnanaed ita iti New York.

Imatonan met ni Freddie P. Masuli, iti pannakitinnulong ti GUMIL Cagayan, daytoy a salip.

Dagiti pagannurotan:

1. Naluktan ti salip idi Oktubre 29, 2011 a pannakayalnag ti ALVIYA Literary Foundation. Aggibus ti pasalip iti Pebrero 29, 2012.

2. Silulukat ti salip kadagiti amin a mannurat nga Ilokano ken uray pay kadagiti saan nga Ilokano ngem makasurat iti pagsasao nga Ilokano (Iluko wenno Iloko).

3. Nawaya ti makisalip a mangpili iti tema a kayatna a suraten ngem nasayaat unay no maipanggep iti panagkalkallautang wenno pannakigasanggasat (diaspora) ni Ilokano iti sabali a lugar/pagilian. Saan ketdi nga agtalimudok iti daytoy a tema dagiti kriteria iti panagpili kadagiti mangabak iti daytoy a tema ti diaspora. Kayatna a sawen nga awan ti bonus a puntos a maited kadagiti sarita nga addaan iti kastoy a tema.

4. Agatiddog ti pakisalip iti 10-25 panid iti short bond paper, naikompiuter (agusar iti Times New Roman, Font Size 12) iti doble espasio ken addaan iti maysa a pulgada a kalawa iti amin nga igid ti bond paper.

5. Maysa laeng a sarita ti mapalubosan nga isalip ti kada mannurat a makisalip.

6. Nasken a bukod a putar ti autor ti maisalip, saan pay a naipablaak iti ania man a magasin, saan pay a nangabak iti ania man a kita ti pasalip, ken saan a naipatarus manipud iti ania man a lengguahe.

7. Ti laeng parbo a nagan ti autor ti agparang iti manuskrito a maisalip. Pakuyogan ketdi ti entry iti narikpan a sobre a nakailanadan dagitoy: paulo ti sarita, parbo ken pudno a nagan, ababa a kabibiag ti autor, ken cell phone number. Saanen nga ipatulod iti e-mail ti soft copy ti impormasion a mainaig iti autor (ti linaon ti narikpan a sobre).

8. Nasken a maipatulod ti sarita iti dua a porma: a.) hard copy/printed copy, uppat a nalawag a kopia a maipatulod itoy nga adres: PASALIP ALVIYA, c/o Freddie P. Masuli, Cagayan State University, Sanchez Mira, 3518 Cagayan; ken b.) soft copy a maipatulod babaen ti e-mail iti daytoy nga e-mail account: alviya.foundation@gmail.com.

9. Nasken a maawat ti Secretariat dagiti dua a porma ti pakisalip (hard copy ken soft copy) iti di naladladaw ngem alas 11:59 ti rabii ti Pebrero 29, 2011 (oras iti Filipinas).

10. Agtalinaed ti ania man a pangngeddeng dagiti hurado ken maisubli ti gunggona ti mangabak no maduktalan kalpasanna a sinalungasingna ti Pagannurotan Bilang 6. Awanto metten ti karbengan ti autor a makisalip kadagiti sabsabali pay a pasalip ti ALVIYA.

11. Agbalin a makipagtagikua ti ALVIYA Foundation kadagiti mangabak a sarita. Ngarud, kas iti autor, maaddaan ti agpasalip iti karbengan a mangipablaak kadagitoy mangabak a sarita iti ania man a wagas a kayatna karamanen ti elektroniko ken tradisional a wagas ti panagipablaak. Dagiti gunggona : First Prize, P15,000.00; Second Prize, P12,000.00 ken Third Prize, P10,000.00. Addanto met sertipiko dagiti amin a mangabak.

12. Maiwaragawag dagiti mangabak a sarita iti umuna nga aldaw ti Abril babaen ti Internet ken mayawat dagiti premio kadagiti autor bayat ti GUMIL Filipinas National Convention iti Kalgaw 2012.

(Naipablaak iti Bannawag, Pebrero 13, 2012 a bilang.)