February 28, 2015

National Artist Almario, kangrunaan nga agsarita iti Dap-ayan 2015 dagiti mannurat nga Ilokano

Ni National Artist Virgilio S. Almario, agpapaay pay a pangulo ti Komisyon sa Wikang Filipino, ti kangrunaan nga agsarita iti Dap-ayan 2015, ti Maika-47 a Nailian a Kombension ti GUMIL Filipinas, ti kadakkelan a gunglo dagiti mannurat nga Ilokano iti Filipinas ken ballasiw-taaw, a maangay iti daytoy Abril 17-19, 2015 iti Sala A, Balay Expo Centro, Araneta Center, Cubao, Quezon City.

Babaen ti tema a “Ti Akem ni Gumiliano iti Kagimongan Dagiti Ilokano,” agsarita met ni Pedro Bucaneg awardee ken Gawad Pambansang Alagad ni Balagtas Juan S.P. Hidalgo, Jr.

Manamnama a dar-ayan ti sumurok-kumurang a 150 a delegado, tamingen dagiti napusgan nga agsarita a pannakabagi dagiti nadumaduma a chapter ti GUMIL dagiti akem ken gapuanan ti GUMIL ken dagiti mannurat nga Ilokano kadagiti probinsia iti Ilokandia ken kadagiti lugar iti ballasiw-taaw a nagdappatan ni Ilokano.

Tampok pay iti kombension ti pannakayawat ti gunggona dagiti mannurat a nangabak kadagiti pasalip iti panagsuratan, pannakapadayaw dagiti mannurat a nakaibinglay iti naisangsangayan a kontribusion iti Literatura dagiti Ilokano, ken pannakaiwayat ti eleksion ti gunglo.

Daytoy Dap-ayan 2015 wenno tinawen a kombension ti kangrunaan nga aktibidad ti GUMIL Filipinas a pangrambak iti Abril kas Bulan ti Literatura nga Ilokano kas sagudayen ti Proklamasion Bilang 26 nga indeklara ni dati a Presidente Gloria Macapagal Arroyo idi Abril 16, 2001.

Iti sabali a bangir, pinirmaan met ni Presidente Benigno S. Aquino III itay Pebrero 10, 2015 ti Proklamasion Bilang 968 a nangideklara iti bulan ti Abril a kas Nailian a Bulan ti Literatura (National Literature Month wenno Buwan ng Panitikang Filipino). (Mighty C. Rasing)


(Naipablaak iti Bannawag, Marso 9, 2015 a bilang.)

Posted by at
Labels: ,

2 comments:

  1. AMADO ILAR YOROMarch 1, 2015 at 4:05 PM

    SALUDO KADAKAYO APPO A NANGAWIS KEN NI APO JUAN SP HIDALGO, JR, A MAYSA A KANGRUNAAN NGA AGSARITA ITI GF=======Babaen ti tema a “Ti Akem ni Gumiliano iti Kagimongan Dagiti Ilokano,” agsarita met ni Pedro Bucaneg awardee ken Gawad Pambansang Alagad ni Balagtas Juan S.P. Hidalgo, Jr.
    -----------Ipasakbaymin ti nabara a kablaaw kadagiti amin a mangisagsagana itoy a pasken---nabunga la ketdi manen daytoy a panagtitipon dagiti kamannurat, dagiti makuna a bangolan ken dagiti DAKKEL TI POTENSIAL KEN ARAPAAPDA a makasurat iti dakkel a piesa ti literatura para iti masakbayan---ADU, aduda la ketdi manen iti mairanud-----Agbiag ti Gimong dagiti Mannurat nga Ilokano.

    ReplyDelete
  2. AMADO ILAR YOROMarch 1, 2015 at 4:06 PM

    SALUDO KADAKAYO APPO A NANGAWIS KEN NI APO JUAN SP HIDALGO, JR, A MAYSA A KANGRUNAAN NGA AGSARITA ITI GF=======Babaen ti tema a “Ti Akem ni Gumiliano iti Kagimongan Dagiti Ilokano,” agsarita met ni Pedro Bucaneg awardee ken Gawad Pambansang Alagad ni Balagtas Juan S.P. Hidalgo, Jr.
    -----------Ipasakbaymin ti nabara a kablaaw kadagiti amin a mangisagsagana itoy a pasken---nabunga la ketdi manen daytoy a panagtitipon dagiti kamannurat, dagiti makuna a bangolan ken dagiti DAKKEL TI POTENSIAL KEN ARAPAAPDA a makasurat iti dakkel a piesa ti literatura para iti masakbayan---ADU, aduda la ketdi manen iti mairanud-----Agbiag ti Gimong dagiti Mannurat nga Ilokano.

    ReplyDelete

Subscribe to: Post Comments (Atom)