MARSO 11, 2013

SARITA
8 Limos Kadagiti Buddha
   Ariel S. Tabag

NOBELA
26 Galiera Queen (1)
     D.S. Bulong
30 Saan a Rosas Amin Nga Ayat, Maria Emmanuelle (4)
     Reynaldo A. Duque
34 Apo Baboy Partylist (19)
     Jose A. Bragado

DANIW
 4 Algarrubo
    Don Pacis
16 Panagpasungad
    Jake F. Ilac
28 Pannakatnag
    Vicente F. Raras
33 Sinamar
     Michael John Baxa Ancheta
48 Dandaniw a Para Ubbing

SALAYSAY
 6 Gapu Ta Daytoy ti Linteg (78)
    Hues Joven F. Costales (Ret.)
12 Asino ti Pudno nga Agtagikua iti Sabah?
    Neyo Mario E. Valdez

KOMIKS
19 Tres Muchos (95)
22 Aritosan (19)
24 Miks & Tiks

KOLUM
14 Okeyka, Apong!
18 Dear Doc
36 TIPS
39 Kastoy, Kapid, Ditoy Hawaii
41 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Enquire Enside, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
15 Tao, Lugar, Pasamak
17 Saan a Basta Pagbuyaen Dagiti Ubbing iti Telebision
29 Napateg Unay ti Natarus a Panagbasa Dagiti Ubbing
32 Siled ti Kararag
35 Txtm8
37 Ti Gasatmo Ita a Lawas
38 Ammuem Pay Dagitoy
40 Wen, Saan Koma a Pakaisagmakan ti Ipauneg a Makan

Kaisangsang-at

KAISANGSANG-AT. Nadumaduma nga ikan a nakalapan a kaisangsang-at ken kaiplasplastar a kas tagilako iti Municipal Fish Port ti Sta. Teresita, Cagayan, iti maysa a malem ti Martes. Nabiit a naibus dagitoy talibukno, balaki, kabasi, sapsap, kasta met dagiti bulong-unas, laki, purong, karibuyo ken dadduma pay, nga inarak dagiti aggatang. (Roy V. Aragon)


(Naipablaak iti Bannawag, Marso 4, 2013 a bilang.)

Politiko nga aggatang iti botos, nakiddaw a madiskualipika

Kinarit ni Sen. Francis Pangilinan ti Commission on Elections (Comelec) a mangparnuay koma daytoy iti task for a ti kakaisuna a trabahona, isu ti mangdiskualipika kadagiti politiko nga aggatang iti botos tapno mangabakda iti eleksion inton Mayo 13.

Kinuna ni Pangilinan a no di agkuti ti Comelec a mangigibus iti daytoy nga aktibidad, arigna ibagbagana metten a pampanunoyanna daytoy nga aramid.

Kinuna ni Pangilinan, kameng ti pro-administration a Liberal Party, a dagiti nalinteg a kandidato, kasapulanda ti tulong ti Comelec tapno mangabakda.

“Uray sangapulo laeng a kandidato a madiskualipika gapu iti panaggatang ti butos ti pangrugian ti Comelec, napintas daytoyen a pagilasinan a saan a pampanuynoyan ti Comelec ti panaggatang iti butos,” kinuna ni Pangilinan.

Kinuna ni Pangilinan a dagiti politiko nga aggatang iti butos, nalawag a salsalungasingenda ti linteg, ket inton makapuestoda, sigurado nga itultuloyda a salungasinen dagiti paglintegan.


(Naipablaak iti Bannawag, Marso 4, 2013 a bilang.)

OFWs, kaaduan iti Middle East

Umun-una dagiti pagilian iti Middle East a pagturturongan dagiti overseas Filipino worker, kas inreport ti Philippine Overseas Employment Administration (POEA).

Segun iti report, kaaduan a Filipino ti makigasanggasat a mangged iti Saudi Arabia, United Arab Emirates, Qatar ken Kuwait.

Dinakamat ti POEA a 13,485 a job order ti inaprobaranda ken naproseso idi Enero ken dakkel a paset ti job order ti para iti Taiwan.

Kagiddan daytoy, impakaammo ti Bangko Sentral ng Pilipinas a ngimmato iti 6.3 a porsiento ti kuarta nga impaw-it dagiti overseas Filipino worker itay napan a tawen. Mapan a $21.4 a bilion ti remittance idi 2012 idinto a $20.1 a bilion idi 2011.

Nairaman iti report a nupay umuna a naggapuan ti kuarta ti Estados Unidos, dakkel a paset ti naggapu kadagiti pagilian iti Middle East.

Limmag-an ketdi ti bolsa ti pamilia dagiti OFW ta nakissayan ti gatad ti impaw-itda a doliar gapu iti ipipigsa ti pisos iti foreign exchange.


(Naipablaak iti Bannawag, Marso 4, 2013 a bilang.)

Rangtay ti Sugpon

RANGTAY TI SUGPON. Iti saan a mabayag, saanton a kasapulan pay dagiti umili iti Sugpon, Ilocos Sur nga aglugan iti bangka tapno laeng makaruarda iti ilida a mapan iti sentro gapu mabangonen ti rangtay ti ili. Naangay ti ground breaking ceremony idi Pebrero 19 iti panangidaulo da (agpakanawan) Sugpon Mayor Fernando Quiton Sr, dati a Deputy Speaker Eric Singson, Diputado Ryan Luis Singson ken Vice-Gov. DV Savellano a sinaksian dagiti dadduma pay nga opisial ken umili. Agdagup iti P70 a milion ti imparuar ti Department of Public Works and Highways idinto nga P18 a milion met ti aggapu iti congressional share manipud iti R.A. 7171 ti imparuar ni Dip. Eric Owen Singson tapno mairugi ti rangtay a nabayagen nga ar-arapaapen dagiti taga-Sugpon. (Mancielito S. Tacadena)

(Naipablaak iti Bannawag, Marso 4, 2013 a bilang.)

MARSO 4, 2013

SARITA
8 Ti Lubong ni Don Antero
   Crisostomo M. Ilustre

NOBELA
26 Saan a Rosas Amin Nga Ayat, Maria Emmanuelle (3)
     Reynaldo A. Duque
30 Apo Baboy Partylist (18)
     Jose A. Bragado
34 Operation Medalla Cartel (31)
     Norberto D. Bumanglag, Jr.

DANIW
 4 Tallo a Daniw
    Roy V. Aragon
48 Dandaniw a Para Ubbing

SALAYSAY
 6 Gapu Ta Daytoy ti Linteg (77)
    Hues Joven F. Costales (Ret.)
12 Bingo!
    Neyo Mario E. Valdez
40 Outstanding Cocoon Producer Daytoy nga Ex-OFW
    Armando D. Diga

KOMIKS
17 Tres Muchos (94)
20 Aritosan (18)
22 Miks & Tiks

KOLUM
14 Okeyka, Apong!
16 Dear Doc
32 TIPS
36 Ading Kosinera
39 Kastoy, Kapid, Ditoy Hawaii
42 Padasem Daytoy, Kailian

PAGLINGLINGAYAN
44 Showbiz
46 Kitchen Helf Wated, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
10 Nakasagana Kadin ti Anakmo nga Ag-Internet?
15 Tao Lugar Pasamak
24 Nakallalagip ti Pamulinawen Festival ti Siudad ti Laoag
28 Siled ti Kararag
29 Nasaysayaat Kadi ti Bassit nga Ubbing iti Maysa a Klase?
31 Txtm8
33 Kasanon No Bully ti Anakmo?
37 Ti Gasatmo Ita a Lawas
38 Ammuem Pay Dagitoy

Nasudi a Bugguong

NASUDI A BUGGUONG. Nadumaduma a klase ti bugguong a mailaklako iti igid ti kalsada nasional iti Paraiso ni Anton Park iti Pagudpud, Ilocos Norte: bugguong a munamon; bugguong nga ipon, padas, tirem, unnok, birabid, ken aramang. (Roy V. Aragon)


(Naipablaak iti Bannawag, Pebrero 25, 2013 a bilang.)

Red Cross Million Volunteer Run

RED CROSS MILLION VOLUNTEER RUN. Nakipagrambak ti probinsia ti La Union iti daytoy sangapagilian a pasken nga insayangkat ti Philippine Red Cross idi Pebrero 10, 2013. Indauluan da San Fernando City Mayor Pablo Ortega ken Bauang Mayor Martin de Guzman III dagiti 2,278 registered runners a nangibagi kadagiti nadumaduma a sektor iti probinsia. Kaduada iti ladawan a naala iti City Plaza dagiti dadduma a volunteer leaders ti lokal a Red Cross, a kas kada Chapter Administrator Almira Abrazado, Atty. Rodolfo Yabes, vice-chairman; Dir. Djuna Alcantara, Dr. Ed Posadas, Dir. Danny de Guzman ken Dir. Elsa Ornido. Ti tema ti pasken: “Run to Save Lives.” Iti Region I, nakipagrambak met ti Ilocos Norte, Ilocos Sur ken Pangasinan. (Hedrich Calderon)

10 a nangato-ti-sueldona a trabaho, inlista ti DOLE

Kas tulong iti panangpili dagiti estudiante iti kurso a yenrolda iti sumaruno a panagseserrek, inlista ti Dept. of Labor and Employment dagiti umuna a 10 a trabaho iti Filipinas a dakkel ti sueldona, kas maibatay iti panagsukisok ti Bureau of Local Employment (BLE).

Adtoy dagita a trabaho, kas kuna ni Labor Secretary Rosalinda Baldoz: dagiti trabaho a mainaig iti aviation, banking and finance, business processing outsourcing, creative industries, cyber services, manufacturing, ken mining.

Kuna ni Sek. Baldoz a kas pagarigan ti maysa nga art director, nga adda iti babaen ti creative industries, sumurok-kumurang a P69,286 ti binulan a sueldona; mapan met a P64,889 ti sueldo iti binulan ti maysa a geologist.

Iti listaan ti BLE, ti aircraft pilot, navigator, ken ti flight engineer, mabalin nga umawat ti tunggal maysa kadakuada iti sumurok-kumurang a P57,638 a sueldo iti binulan; ti mining engineer ken metallurgical engineer, P55,638; ti computer programmer, P43,573;

Systems analyst ken systems engineer, P42,112; production supervisor ken general foreman, P36,133; actuarian, P35,480; call center representative/customer service associate, P35,424; ken statistician, P35,010.

Inlawlawag ketdi ti labor chief a dagiti naagapad a sueldo ket saan a pangrugian a sueldo no di ket nagun-od dagitoy kalpasan ti sumagmamano a tawen a padas iti trabaho.


(Naipablaak iti Bannawag, Pebrero 25, 2013 a bilang.)

Kampania dagiti kandidato a senador, party-list, narugian

Narugian itay Peb. 12 ti kampania dagiti kandidato a senador ken party-list para iti eleksion inton Mayo 13.
Tallopulo ket tallo a kandidato a senador ti agbabalubal para iti 12 a puesto.

Dagiti kandidato:

Aurora Rep. Juan Edgardo “Sonny” M. Angara (Laban), social entrepreneur Paolo Benigno “Bam” A. Aquino IV, da dati a Senador Maria Ana Consuelo “Jamby” A.S. Madrigal ken Ramon Magsaysay, Jr. ti Liberal Party (LP), da Senador Alan Peter S. Cayetano ken Antonio F. Trillanes IV ken dati a Las Piñas City Rep. Cynthia A. Villar ti Nacionalista Party (NP), dati a Rep. Ana Theresa Hontiveros ti Akbayan ken Sen. Koko Pimentel ti PDP-Laban;

Ti balasang ni Bise-Presidente Jejomar C. Binay a ni Maria Lourdes Nancy Binay, dati a Tarlac Gov. Margarita Cojuangco, San Juan City Rep. Joseph Victor Ejercito, dati a Sen. Richard J. Gordon, Sen. Gregorio B. Honasan, dati a Sen. Ernesto M. Maceda, Zambales Rep. Mitos Magsaysay, dati a Sen. Juan Miguel F. Zubiri, ken Cagayan Rep. Jack Enrile ti Nationalist People’s Coalition (NPC);

Sen. Loren B. Legarda ti NPC, Sen. Francis Joseph B. Escudero, ken dati a Movie and Television Review and Classification Board Chairperson Mary Grace Poe Llamanzares;

Da John Carlos de los Reyes, Marwil Llasos ken Rizalito David ti Ang Kapatiran, Bayan Muna Rep. Teddy Casino ti Makabayan, dati a Puerto Princesa City Mayor Edward Hagedorn ken retirado a police general Ramon Montaño;

Greco Antonious Beda Belgica, Baldomero Falcone ken Christian Señeres ti Democratic Party of the Philippines (DPP), Atty. Samson Alcantara ti Social Justice Society (SJS) party, Bro. Eddie Villanueva ti Bangon Pilipinas Party, ken negosiante Ricardo Penson.


(Naipablaak iti Bannawag, Pebrero 25, 2013 a bilang.)

Pebrero 25, 2013

SARITA
6 Ti Abut ni Benong
    Estela Bisquera-Guerrero

NOBELA
26 Saan a Rosas Amin Nga Ayat, Maria Emmanuelle (2)
     Reynaldo A. Duque
30 Apo Baboy Partylist (17)
     Jose A. Bragado
34 Operation Medalla Cartel (30)
     Norberto D. Bumanglag, Jr.

DANIW
 4 Ulimek
   Neyo Mario E. Valdez
 9 Curly
    Ronelyn B. Ramones
48 Dandaniw a Para Ubbing

SALAYSAY
12 Gapu Ta Daytoy ti Linteg (75)
    Hues Joven F. Costales (Ret.)
14 No Apay a Naglusulos ti Santo Papa
    Neyo Mario E. Valdez
40 Haybrid a Pagay, Kunam?
    Reynaldo E. Andres

KOMIKS
17 Tres Muchos (93)
20 Aritosan (17)
22 Miks & Tiks

KOLUM
16 Okeyka, Apong!
29 Dear Doc
32 TIPS
36 Ading Kosinera
39 Kastoy, Kapid, Ditoy Hawaii
42 Padasem Daytoy, Kailian

PAGLINGLINGAYAN
44 Showbiz
46 Hilot Nang Pelay, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
10 Umuna iti Amin, ti Pamilia…
24 Bambanti Festival
28 Siled ti Kararag
31 Txtm8
33 Wen, Kalintegan ti Amin ti Maipaayan iti Edukasion
37 Ti Gasatmo Ita a Lawas
38 Ammuem Pay Dagitoy

Nagdakkelen!

NAGDAKKELEN! Ilaklako ni Manang Mary Siriban ti Masi, Pamplona, Cagayan ti aglima-kilo ti dagsenna a karpa— maysa kadagiti dua a dadakkel a karpa nga indayona pay nga ilako iti ili ti Sanchez Mira. (Dexter Marin Fabito)


(Naipablaak iti Bannawag, Pebrero 18, 2013 a bilang.)

Ad-adun dagiti babbai a mangal-ala iti bokasional

Ad-adun dagiti babbai ngem dagiti lallaki a mangal-ala iti technical vocational (tech-voc) education, kas makita iti listaan dagiti nagenrol iti 2012.

Kas makita iti kaudian a rekord ti Technical Education and Skills Development Authority (TESDA), dakkelen ti namalbaliwan ti panagkita dagiti Filipino iti technical vocational education and traning (TVET) ta saan laeng nga ad-adun dagiti babbai a mangal-ala iti tech-voc no di pay ket dumakdakkel ti enrolment iti tech-voc education.

Kas kuna ni TESDA Secretary Joel Villanueva, umad-adu dagiti nagturpos iti kolehio ken dagiti adda iti kolehio ti sumsumrek iti tech-voc education ta mamatida a dakdakkel ti gundawayda a makaala iti trabaho no agturposda iti tech-voc.

Innayon ni Villanueva nga nabayag a tiempo, ad-adda a dagiti lallaki ti mangal-ala iti tech-voc ta maibilang daytoy a lubong dagiti lallaki ken literal a narugit. Ngem kuna ni Villanueva a sabali itan.

Innayonna a pudno a dakdakkel ti gundaway a makaala ti nagturpos iti tech-voc education iti pagsapulan.


(Naipablaak iti Bannawag, Pebrero 18, 2013 a bilang.)

Marcos presidential center, naluktan iti publiko

Ni LEILANIE G. ADRIANO

Tapno agnanayon latta ti lagip ni Presidente Ferdinand E. Marcos, maysa manen a museo dagiti Marcos ti pormal a naluktan iti Siudad ti Batac idi Pebrero 3, maysa aldaw kalpasan iti maikasangagasut siam a pulo ket lima (195th) a panagkasangay ti probinsia ti Ilocos Norte.

Iti laksid dagiti adu a maipadpadamag maipanggep iti kinadangkok iti turay daydi FM agraman ti pannakaabuso ti kalintegan dagiti umili iti linteg kabayatan ti panagtakemna, saan met a mailibak dagiti adu a gapuananna tapno mapadur-as ti pagilian. Ngarud, tapno ad-adda pay a maam-ammo aglalo dagiti ubbing no asino a talaga ni Marcos a kas maysa a lider nga ipagpampannakkel dagiti Ilokano, silulukat ti ruangan ti Siudad ti Batac a mangpasangbay kadagiti amin a bumisita kenkuana, kas kinuna ni Eric Cerudo, curator ti nasao a museum.

Ti napabaro a Marcos Presidential Center ket isu met laeng ti dati a disso ti daan a Marcos Museum nga asideg ti Marcos mausoleum nga ayan ti saan pay a naipumpon a bangkay ni FM. Daytoy ti maikadua a napabaro a museum maipanggep iti kabibiag daydi Marcos kalpasan a naluktan idi laeng napan a tawen ti Malacañang of the North Museum iti Siudad ti Laoag a nakaipalaonan dagiti adu a pammaneknek ti gapuananna kabayatan ti kinapresidentena.

Iti met nasao a Presidential Center iti Siudad ti Batac, ditoy a makita no kasano a nagbalin ni Marcos a kas lider manipud iti panakipasetna iti World War II agingga a timmapog iti politika, ti panagaramidna iti dekalibre a linteg tapno maipatakder dagiti adu a pagadalan, ti panagbalinna a presidente ti Senado agingga nga inarem ken inkallaysana ti “Rosas ti Tacloban” a ni sigud a First Lady Imelda Romualdez Marcos.

Indauluan ni Gobernador Ma. Imelda “Imee” R. Marcos ti Ilocos Norte, kaduana ti kasinsinna a ni Bise-Gobernador Angelo Marcos Barba (kakananawan) ken Mayor Jeffrey Jubal Nalupta ti Siudad ti Batac ti pannakaputed ti ribbon a simbolo ti pormal a pannakalukat ti napabaro a Marcos Presidential Center. (Leilanie G. Adriano)

Da Father Ian Rabago, Eric Cerudo (museum curator), Gob. Imee R. Marcos, Bise-Gob. Angelo Marcos Barba, Bokal Elena Nalupta iti Segundo Distrito ti Ilocos Norte, Bokal Conrado Respicio iti Umuna a Distrito kdp. iti panangkitada kadagiti display iti Marcos museum. (Leilanie G. Adriano)




(Naipablaak iti Bannawag, Pebrero 18, 2012 a bilang.)

PEBRERO 18, 2013

SARITA
12 Para ken ni Hunter
    Juan Al. Asuncion

NOBELA
 8 Saan a Rosas Amin Nga Ayat, Maria Emmanuelle (1)
     Reynaldo A. Duque
30 Apo Baboy Partylist (16)
     Jose A. Bragado
34 Operation Medalla Cartel (29)
     Norberto D. Bumanglag, Jr.

DANIW
 4 Ay-ayatenka Latta Uray iti Panagpuraw ti Buokmo
     Arnold C. Baxa
28 Maymaysatanto Latta
    Fernando C. Alonzo
48 Dandaniw a Para Ubbing

SALAYSAY
 6 Gapu Ta Daytoy ti Linteg (74)
    Hues Joven F. Costales (Ret.)
10 Ania ti Isagutmo Ita nga Aldaw Dagiti Puso?
    Fernando B. Sanchez
15 Ni Sukil nga “Eskolarmi” ken Baket
    Felix M. Eslava, Jr.
16 Kuam, Kuak, Kuak, Kuak…
     Neyo Mario E. Valdez

KOMIKS
19 Tres Muchos (88)
22 Aritosan (15)
24 Miks & Tiks

KOLUM
14 Okeyka, Apong!
18 Dear Doc
36 TIPS
39 Kastoy, Kapid, Ditoy Hawaii
40 Ading Kosinera
42 Padasem Daytoy, Kailian

PAGLINGLINGAYAN
44 Showbiz
46 Riri Mo, Kdp.
47 Sinniriban
47 Sapukas
47 Sudoku
47 Agkatawa ti Mayat

DADDUMA PAY
 2 Ti Makunami
26 Ket No Baket Metten, Kunam?
27 Tao, Lugar, Pasamak
29 Di Koma Agap-apa Da Ma’am ken Nanang
31 Txtm8
32 Siled ti Kararag
33 Ditay Koma Pampanuynoyan Dagiti Ubbing
37 Ti Gasatmo Ita a Lawas
38 Ammuem Pay Dagitoy
41 Di Makasurot ti Anakmo iti Klase?

Agpingngottayo

AGPINGNGOTTAYO. Pagpalpalpaan ni Manang Aida ti Cabaggan, Pamplona, Cagayan ti agpingngot. Pingngot ti awagda iti nalaga a bulong ti nipa. Maus-usar ti pingngot a pagatep iti balay, kubokubo ken kadagiti cottage iti resort. Nalagda daytoy aglalo no maaplagan iti iket. Nakadispley dagiti lakoda a pingngot iti igid ti kalsada nasional iti Pamplona. (Dexter Marin Fabito)


(Naipablaak iti Bannawag, Pebrero 11, 2013 a bilang.)

Isu la nga isu a nagan dagiti Top 12 a kandidato a senador

Agtultuloy ti panangdominar dagiti siguden a nalatak a nagan ti listaan dagiti umuna a 12 a kandidato a senador iti eleksion inton Mayo 13, kas maibatay iti resulta ti kaudian a Social Weather Stations (SWS) survey.

Dagiti Top 12:

1. Sen. Loren Legarda, 65%; 2. Sen. Francis Escudero, 62%; 3. Sen. Alan Peter Cayetano, 60%; 4. San Juan Rep. Joseph Victor Ejercito, 53%; 5. Sen. Gregorio Honasan, 48%; 6. Sen. Aquilino Pimentel III, 48%; 7. dati a Sen. Juan Miguel Zubiri, 47%; 8. dati a Las Pinas Rep. Cynthia Villar, 46$; 9. Cagayan Rep. Juan Ponce Enrile, Jr., 46%; 10. Sen. Antonio Trillanes IV, 45%; 11. dati nga Optical Media Board chairperson Grace Poe Llamanzares, 45%; ken 12. United Nationalist Alliance (UNA) deputy secretary-general Nancy Binay, 43%.


(Naipablaak iti Bannawag, Pebrero 11, 2013 a bilang.)

Longganisa Street Dancing Competition

LONGGANISA STREET DANCING COMPETITION. Napintas man ti panaggigiddan dagitoy a sumasala a nangipallangatok kadagiti iggemda a paper plates a naglaon iti longganisa bayat ti Longganisa Street Dancing Competition idi Enero 22 iti Siudad ti Vigan. Maysa ti street dancing kadagiti tampok iti panagpiesta ni San Pablo ken iti anibersario ti panagbalin ti Vigan a siudad. (Ladawan: Christopher Unciano/ Teksto: Mancielito S. Tacadena)


(Naipablaak iti Bannawag, Pebrero 11, 2013 a bilang.)

“Tungtongan iti GMM,” nairusat

Inrusat ti GUMIL Metro Manila itay Enero 27 ti “Tungtongan iti GMM,” ti panagsisinnukat iti kapanunotan dagiti mannurat nga Ilokano iti Metro Manila maipanggep iti panagsurat iti sarita, salaysay, daniw ken dadduma pay a kita ti sinurat. Naiwayat daytoy para kadagiti mannurat nga Ilokano iti Kamanilaan para iti ad-adda pay a pannakapatadem ti plumada.

Sinangaili ni retirado a Hues Vicencio S. Baclig, presidente ti GMM, ti nasao a “Tungtongan,” ken nagpaay met a lecturer ni Prof. Honor Blanco Cabie a nangtratar ti maipanggep kadagiti ramen ti nabisked ken makaawis a sinurat, ken dagiti paratignay iti panagsurat.

Maangay ti maikadua a “Tungtongan iti GMM” itoy Pebrero 24, 2013 a pakatamingan met ti Daniw a Para Ubbing.

Para iti detalye ti “Tungtongan,” ag-e-mail iti asseng.tabag@gmail.com. (Maria Rosa A. Cabie)


(Naipablaak iti Bannawag, Pebrero 11, 2013 a bilang.)

CAVRAA 2013, sangailien ti Isabela

Ti probinsia ti Isabela ti mangsangaili iti 2013 a paay-ayam ti Tanap ti Cagayan wenno Cagayan Valley Regional Athletic Association (CAVRAA) Meet. Maangay daytoy iti Pebrero  16-19, 2013 iti Isabela Sports Complex, Alibagu, Siudad ti Ilagan.

Kangrunaan a paset ti sportsfest ti napinget a pananggun-od iti kampeonato dagiti lima a probinsia ti rehion a pakaibilangan ti Cagayan, Nueva Vizcaya, Quirino, Batanes ken Isabela, ken; dagiti tallo a siudad ti Santiago, Cauayan ken Tuguegarao,

Maluktan ti CAVRAA Meet babaen ti mortorcade iti Siudad ti Ilagan.

Maysa kadagiti makaawis a maiparang a paset ti pay-ayam ti pannakaiparang ti maysa a kultural a pabuya a pakaipakitaan ti nangayed a kannawidan ti Isabela. (Larina M. Colobong/Rachel R. Llana)


(Naipablaak iti Bannawag, Pebrero 11, 2013 a bilang.)