Umad-adu dagiti aggatang kadagiti organiko a produkto isu a masapul a yad-adutayo koma ti agpataud kadagitoy.
Daytoy ti mensahe ni Agriculture Secretary William Dar iti pannakaiwayat ti maika-16 a National Organic Agriculture Congress (NOAC) itay nabiit a naangay iti Alfonso, Cavite.
Mainaig iti daytoy, kiniddaw ni Sekretario Dar ti panamagbalin a simple laeng ti proseso iti panagala iti sertipikasion para kadagiti organiko a produkto kasta met kadagiti organiko a ganagan.
Mainaig itoy, rinaem ti sekretario ti kinagaget dagiti mannalon gapu ta dakkel ti naitedda a kontribusion iti panagdur-as ti sektor ti agrikultura iti naudi a tallo a bulan ti 2019.
Addaan iti tema a “OA4K: Organikong Agrikultura sa Kumikitang Kabuhayan para sa Kalusugan at Kapaligiran,” naiparang kadagiti sesion iti NOAC dagiti pakairanudan a takuat iti agrikultura a nasken a maibinglay kadagiti mannalon, wagas ti panangpasayaatda iti kabaelanda, no kasano a mayam-ammo iti merkado dagiti produktoda, ken nabigbig met dagiti mangitantandudo iti organic agriculture industry. (Eliseo B. Contillo)
(Naipablaak iti Disiembre 16-31, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment