Inyalat ni Johmar R. Alvarez ti Umuna a Gunggona ti 4th Saniata Prize Salip iti Daniw babaen ti daniwna a “Siak ni Juan Pitak.” Premiado a mannaniw ken piksionista, tubo ti Ballesteros, Cagayan ngem agnaeden iti Canada ni Alvarez. Umawat daytoy iti premio a medalion, sertipiko ken kuarta a PhP2,500.00.
Inyalat met ni Rene Boy E. Abiva ti Maikadua a Gunggona babaen ti daniwna a “Dialectics (Pito a Daniw).” Mannaniw ken piksionista, fellow Iti nadumaduma a workshop, contributor Iti nadumaduma a pablaakan ken autor ti sumagmamano a libro ti dandaniw iti Filipino ni Abiva. Tubo ti Cabanatuan City, Nueva Ecija. Umawat daytoy iti premio a sertipiko ken kuarta a PhP2,000.00.
Inyalat met Quezon Evangelista Javier ti Maikatlo a Gunggona babaen ti daniwna a “Bypass Road.” Empleado iti DA Rehion 1 ken tubo ti Dingras, Ilocos Norte, premiado a piksionista ken fellow ti Pasnaan 1 ti GUMIL Filipinas ni Javier. Umawat daytoy iti premio a sertipiko ken kuarta a PhP1,500.00.
Mayawat dagiti gunggona bayat ti pannakarambak ti anibersario ti GUMIL Metro Manila iti Heritage Homes, Marilao, Bulacan inton Disiembre 15, 2019.
Nagpaay a hurado da Bannawag Editor Cles B. Rambaud (pangulo), Daniel L. Nesperos (kameng), ken Ariel S. Tabag (kameng). (SP Secretariat)
(Naipablaak iti Disiembre 16-31, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment