Maisagsaganan ti antolohia ti dandaniw a proyekto a libro ti GUMIL Cagayan, ti gunglo dagiti mannurat nga Ilokano iti Cagayan.
Kinuna ni Rolando A. Seguro Jr., presidente ti gunglo, a manamnama a mayalnag inton Abril 2020 iti nailian a kombension wenno Dap-ayan 2020 ti GUMIL Filipinas.
Napanaganan iti Anasaas, agpaay nga editor ti nasao nga antolohia da Roy V. Aragon, Ariel S. Tabag, ken Johmar R. Alvarez.
Daytoy ti maikatlo a libro ti GUMIL Cagayan. Agpada nga antolohia dagiti sarita dagiti immuna a dua, ti Segden (2012), ken ti Burayok (2019).
Mainaig itoy, maawis amin a mannurat nga agnaed wenno tubo ti Cagayan a makipartisipar iti antolohia. Maisayangkat ti proyekto babaen ti sistema a tagnawa. Mangipatulod iti 3-5 daniw. Nawaya ti tema ken porma. Digital wenno softcopy ti idatag a manuskrito (MSWord document a letter size, Times New Roman wenno Arial a font). Mangipakuyog iti ababa a pakasaritaan ti biag ti autor.
Ipatulod dagiti daniw iti gumilcagayananthology2020@gmail.com iti di naladladaw ngem iti Disiembre 31, 2019.
Para iti dadduma pay nga impormasion, ag-email met laeng iti gumilcagayananthology2020@gmail.com. (RASJr)
(Naipablaak iti Disiembre 16-31, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment