DALAN TI TURISMO. Uray natapoganen ti ‘Ber Months’ ken tiempo ti panagtutudo, saan latta a maaw-awanan iti turista ti Blue Lagoon a masarakan iti Balaoi, Pagudpud, Ilocos Norte aglalo iti arinunos ti lawas ken bakasion. Nalatak ti Blue Lagoon nga isu met ti yan ti Hannah's Beach Resort & Convention Center a nangted iti naruar a trabaho ken pamastrekan. Ngem kagiddan ti panagprogreso iti tay-ak ti turismo, in-inut met a mabukbukatan ken mapatpatag dagiti bantay ken turod iti nasao a lugar a pagpatakderan iti establisimiento a kas makita iti ladawan (nabukatan a bantay ken baro nga establisimiento iti likud.) (HILARIO A. ESPIRITU, JR.)
(Naipablaak iti Septiembre 16-30, 2019 a bilang ti Bannawag. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment