Kalikaguman ti Departamento ti Agrikultura (DA) a mairaman ti Agrikultura a kas asignatura dagiti agad-adal iti elementaria ken hayskul tapno maabbukay ti panangipateg dagiti ubbing ken agtutubo iti agrikultura.
Kinuna ni Da Secretary Emmanuel Piñol a nagpatangdan ken Secretary Leonor Briones ti Departamento ti Edukasion maipapan iti daytoy a banag.
Innayon ni Piñol nga apagisu la unay daytoy ta madama a reprepasuen ti DepEd ti kurikulum dagiti eskuela a para iti publiko.
Iti sabali a bangir, ginutigot ni Piñol dagiti amin a graduado iti fisheries ken agriculture nga agbalinda koma nga agriculture entrepreneur wenno ipakatda koma ti inadalda iti mismo a talon wenno agnegosioda maipanggep iti agrikultura.
(Naipablaak iti Bannawag, Agosto 14, 2017 a bilang.)
No comments:
Post a Comment