AGOSTO 16-31, 2019

SARITA
2 Siak ni Juan
   Jovito F. Amorin
8 Dalan
    Reynaldo A. Duque
10 Ti Iskolar
   Bonifacio V. Ramos

NOBELA
14 Awis ti Sierra (18)
    Virginia A. Duldulao
20 Angkel Dok (4)
    Dionisio S. Bulong
24 Pan de Amor (40)
    Cris J. Dacuycoy

DANIW
16 Daytoy ti Tiempo
     Ariel S. Tabag
30 Adayoakon
     Sherwin T. De Peralta
63 Daniw a Para Ubbing
     Adoracion B. Madarang

SALAYSAY
28 Katayagan iti Lubong nga Estatua a Naaramid iti Kawayan
     Virgilio D. Domaloy
52 Itiempom ti Agmula iti Tarong
      Reynaldo E. Andres

KOMIKS
36 Miks & Tiks
38 Ickaryz (4)
     Hilario A. Espiritu, Jr.
43 Sweet Jazmine (148)
    Juan Al. Asuncion

KOLUM
 4 Saludsodem ken ni Apo Hues
 6 No Adda Sigsigloten, Adda Met Warwaren
17 Siled ti Kararag
18 Kastoy, Kapid, Ditoy Hawaii
19 Biag ni Ilokano
22 Okeyka, Apong
23 Dear Ikit
27 Dear Doc
54 Padasem Daytoy, Kailian
55 Tips
56 Ading Kosinera
58 Haytek!

PAGLINGLINGAYAN
60 Showbiz
63 Agkatawa ti Mayat
64 Sinniriban
64 Sapukas-2
64 Sudoku

DADDUMA PAY
5 Ti Makunami
12 Adda Latta Naasi a Tattao
26 Netizone
31 Tarabay iti Ortograpia ti Pagsasao nga Ilokano
35 Kastoytayo Idi
48 Ti Tarakenmo ken Sika
49 Idi Un-unana a Panawen
50 Tao, Lugar, Pasamak
51 Ammuem Pay Dagitoy
57 Panangimaton iti Pagtaengan
59 Manipud iti Social Media
62 Ti Gasatmo

(Naipablaak iti Agosto 16-31, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Nagaget nga Ubing

NAGAGET NGA UBING. No awan klase wenno kalpasan ti klase, dagiti kaldingda ti uggor daytoy nga ubing, a no dadduma, kadkaduaen ni adingna. Naala daytoy a ladawan iti Brgy. Puritac, Pinili, Ilocos Norte iti maysa a naladawen a malem a panagyayapon kadagiti taraken a kalding. (AILEEN R. RAMBAUD)


(Naipablaak iti Agosto 1-15, 2019 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Maika-5 a Salip iti Daniw ti Saniata Prize

Ipakaammo ti Secretariat ti Saniata Prize a silulukaten ti maika-5 a pasalipna iti daniw.

Panggep ti Saniata Prize ti agbalin a maysa kadagiti paratignay dagiti mannaniw nga Ilokano nga agparnuay kadagiti baro a langa ti daniw nga Ilokano bayat met ti panagbigbigda kadagiti kannawidan a porma ti daniw nga Ilokano.

Isponsoran ti Saniata Publications ken ti Pamilia Tabag, tinawen daytoy a pasalip a narugian idi 2015. Maipaayan iti pammadayaw a Hall of Fame ti makayalat iti tallo nga Umuna a Gunggona. Ni premiado a mannaniw Daniel L. Nesperos ti kaunaan ken kakaisuna pay laeng a Hall of Fame ti Saniata Prize.

Dagiti pagalagadan:

1. Maysa a daniw laeng ti idatag. Saan a makedngan ti tema, porma wenno kaatiddog ti isalip a daniw.

2. Masapul nga orihinal, di pay naipablaak, ken naasken a nakasurat iti lengguahe nga Ilokano ken di naipatarus manipud iti sabali a lengguahe ti isalip a daniw. No matakuatan a nabalusingsing daytoy a pagannurotan, maibabawi ti gunggona ket maparitanto metten a makisalip ti autor iti ania man a pasalip ti Saniata Prize.

3. Naluktan ti salip iti Hulio 22, 2019 ket agpatingga iti Oktubre 4, 2019. Ipatulod babaen ti e-mail ti pakisalip iti asseng.tabag@gmail.com iti subject a “5th Saniata Prize.”

4. Masapul nga agusar iti nagan iti pluma (pen name) ti mannaniw. Iraman ketdi iti email ti kompleto a nagan, numero ti selpon, ken adres ti pagtaengan wenno opisina.

5. Dagiti premio: 1st Prize: Php2,500.00; 2nd Prize: Php 2,000; 3rd Prize: Php1,500.00.

6. Mapadayawanto dagiti mangabak iti anibersario ti GUMIL Metro Manila iti Disiembre 2019 wenno iti okasion nga angayen ti isponsor ti Saniata Prize.

7. Makipagtagikua ti Saniata Prize kadagiti mangabak a daniw ket awan sungsungbatanna kadagiti mannaniw no bilang usarenna dagitoy iti ania man a wagas a kas iti pannakaipabuya, pannakaipablaak iti magasin wenno libro, ken pannakaipaskil iti social media. Agtalinaed ketdi ti copyright iti autor wenno mannaniw.


(Naipablaak iti Hulio 16-31 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Drama iti Ibanag, mairaman iti Writer’s Prize 2019 ti NCCA

Agawaten ti National Commission for Culture and the Arts (NCCA) kadagiti entry a para iti Writers’ Prize 2019 a pakairamanan ti kategoria a Drama iti Ibanag.

Mait-ited iti tunggal dua a tawen ti NCCA Writers’ Prize iti lima a mannurat, maysa iti tunggal kategoria, kas sumaganad: daniw, nobela, salaysay/creative non-fiction, ababa a sarita, ken drama.

Ti premio a kuarta (gross), nga agdagup iti PhP250,000, nairanta a mangtulong iti mannurat a mangsurat iti proyektona iti uneg ti makatawen, a kalpasan dayta a makatawen, nasken nga idatagna ti kompleto a manuskritona iti NCCA.

Kadagiti interesado a makipartisipar, nasken a mangidatagda iti official entry form (Annex A), curriculum vitae, 3-4 a panid a concept paper a mangilawlawag iti rationale ken pateg ti proyekto, ken pangramanan iti panggep a suraten a maidatag iti uppat a naiprinta a kopia.

Dagiti kategoria ken ti manamnama nga idatag dagiti makipartisipar a pangramanan a sinurat: Drama (Ibanag), 1-act para iti full-length drama wenno dua (2) a 1-act play; Poetry (Chavacano), 10 a daniw, 1 a daniw iti kada panid; Nobela (Waray), umuna a 50 a panid; Salaysay/Creative Non-fiction (Kinaray-a), 3 a salaysay nga addaan iti di nakurkurang ngem 2,000 a balikas ti kada salaysay; ken Ababa a Sarita (Cebuano), 3 a sarita nga agatiddog iti di nakurkurang ngem 2,000 a balikas ti kada sarita.

Masapul a kompletuen dagiti mangabak (awardees/grantees) ti sinuratda, kas sumaganad: Drama (Ibanag), full-length drama (di nakurkurnag ngem 3 acts) wenno Lima a 1-act play; Daniw (Chavacano), di nakurkurang ngem 30 a daniw; Nobela (Waray) – Di nakurkurang ngem 50,000 a balikas; Salaysay/Creative Non-fiction (Kinaray-a), 12 a salaysay a di nakurkurang ngem 2,000 a balikas ti kada salaysay; ken Ababa a Sarita (Cebuano), di nakurkurang ngem 12 a sarita a di nakurkurang ngem 2,000 a balikas ti kada sarita.

Deadline ti panagidatag iti entry: Agosto 29, 2019 (Huebes).

Maipatulod amin nga entry iti daytoy nga adres:

NCCA WRITERS’ PRIZE Secretariat
Policy / Plan Formulation and Programming Division (P/PFPD) – Arts Section
NATIONAL COMMISSION FOR CULTURE AND THE ARTS
NCCA Building, 633 General Luna St., Intramuros, Manila
Attention: Subcommission on the Arts

Para kadagiti saludsod maipanggep iti NCCA Writers’ Prize 2019, makiuman iti (02) 522-2084 (DL) / (02) 527-2192 (TL) local. 527 & 51, (02) 527-2198 / (02) 527-2209 / (02) 527-2194 wenno iti ppfpd@ncca.gov.ph.


(Naipablaak iti Hulio 16-31 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

AGOSTO 1-15, 2019

SARITA
4 Everlasting
   Jaime Agpalo, Jr.
8 Kaarngi ti Maysa a Sennaay
   Angel C. Anden

NOBELA
14 Awis ti Sierra (17)
    Virginia A. Duldulao
18 Angkel Dok (3)
    Dionisio S. Bulong
20 Pan de Amor (39)
    Cris J. Dacuycoy

DANIW
10 Kuarenta
     Ria Rebolledo
16 Raira
     Roy V. Aragon
56 Riari
     Christian D. Madariaga
63 Daniw a Para Ubbing
     Marlyn Garcia-Del Rosario

SALAYSAY
24 Silalagipda iti Pagadalan a Naggapuanda
     Ric Agnes
26 Komusta Metten ti Pederalismo?
     Neyo Mario E. Valdez
28 Natalged Kadi Met Laeng ti Karne ti Baboy?
      Remedios S. Tabelisma-Aguillon
54 Paksiaten Dagiti Peste ken Sakit ti Mangga
      Reynaldo E. Andres

KOMIKS
36 Miks & Tiks
38 Ickaryz (3)
     Hilario A. Espiritu, Jr.
43 Sweet Jazmine (147)
    Juan Al. Asuncion

KOLUM
 6 No Adda Sigsigloten, Adda Met Warwaren
11 Saludsodem ken ni Apo Hues
12 Dear Doc
17 Siled ti Kararag
22 Kastoy, Kapid, Ditoy Hawaii
23 Biag ni Ilokano
48 Dear Ikit
49 Ading Kosinera
51 Okeyka, Apong
53 Haytek!
62 Tips

PAGLINGLINGAYAN
60 Showbiz
63 Agkatawa ti Mayat
64 Sinniriban
64 Sapukas-2
64 Sudoku

DADDUMA PAY
3 Manipud Kadagiti Editor
15 Netizone
30 Ammo Met La ti Anakmo nga Imatonan ti Orasna?
31 Tarabay iti Ortograpia ti Pagsasao nga Ilokano
35 Tao, Lugar, Pasamak
50 Idi Un-unana a Panawen
52 Panangimaton iti Pagtaengan
55 Ti Tarakenmo ken Sika
57 Ammuem Pay Dagitoy
58 Ti Gasatmo
59 Manipud iti Social Media

(Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Nakaan-anep Dagitoy nga Inna nga Agbilag ken Aglako

NAKAAN-ANEP DAGITOY NGA INNA NGA AGIBILAG KEN AGLAKO iti daing iti igid ti National Highway nga agpa-Ilokos kangrunaanna iti paset ti Barangay Damortis, Sto. Tomas, La Union. Asideg ngamin daytoy iti Lingayen Gulf ken addaan iti napintas a pantalan (fish port) ken planta ti yelo a pagiponduan dagiti makalapan nga ikan. No adu ti makalapan, dagus met a madaing dagitoy sa mailako kadagiti aglabas iti daytoy a paset ti kalsada a mangmangted iti inaldaw a pamastrekan dagiti lumugar. Agbatay iti klase ti ikan a kas iti dalag-baybay, espada, sapsap, dilis, bangus, salmon kdp., mailaklako dagitoy iti P100-P300 ti kada katuon. (LEILANIE G. ADRIANO)


(Naipablaak iti Hulio 16-31, 2019 a bilang ti Bannawag. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Epiko ti Cagayan, masurat koma manen, kuna ti NCCA

Irekomendar ti National Committee on Literary Arts ti National Commission on Culture on the Arts (NCCA) ti pannakasurat manen ti epiko ti Cagayan a “Biuag anna Malana.”

Kinuna ni Prof. Jimmy P. Domingo, Executive Council Member ti NCCA and Coordinator for Literary Arts for Northern Luzon, a ti laeng nayababa nga istoria ti epiko a nasurat iti Ingles a mabasa iti Cagayan Series Folktales ti kakaisuna ita a rekord maipanggep iti daytoy nga epiko. Impablaak ti am-ammo idi a Bureau of Public Schools ti nasao a libro idi 1950s.

Kinuna ni Domingo a gapu iti kaawanen dagiti mangis-istoria iti epiko (epic chanters), di met itan masinunuo no ania a lengguahe ti orihinal a naaramat iti nasao nga epiko. Kuna dagiti umili iti ili ti Rizal, Cagayan nga epiko dagiti Ibanag ti “Biuag anna Malana” ta napasamak ti pakasaritaan iti nasao nga ili— Malaueg— a nabaliwan ti naganna idi agangay iti Rizal manipud ken ni Jose Rizal a nailian a bannuar.

Iti sabali a bangir, kuna met dagiti taga-Enrile, Cagayan nga epiko dagiti Itawes daytoy ta nadakam at a taga-Cabug ti maysa kadagiti kangrunaan nga agbibiag iti epiko, ni Biuag. Cabug ti dati a nagan ti Enrile.

Maysa a kita ti tradisional a daniw ti epiko, nga iti biang ti “Biuag anna Malana,” naidaldallot met a kas iti “Biag ni Lam-ang” ken nagtitinnawidan dagiti kaputotan. Maiduma laeng ti “Biag ni Lam-ang” ta sakbay a pimmusay dagiti nangidaldallot iti sibubukel nga epiko, nairekord daytoy. (Rony Hopeman S. De Leon)


(Naipablaak iti Hulio 16-31, 2019 a bilang ti Bannawag. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)