Insingasing ti Department of Labor and Employment (DoLE) kadagiti nagturpos iti nursing a padasenda ti sabali a trabaho iti industria ti healthcare a kasapulan iti Filipinas ken iti sabali a pagilian.
Kinuna ni Labor Secretary Rosalinda Baldoz a saan man a klinikal, adda dagiti ididiaya dagiti kompania iti healthcare a trabaho a mainaig met laeng iti salun-at a kas alternatibo a karera kadagiti lisensiado a nars, nagturpos iti nursing, ken dadduma pay nga agbirbirok iti trabaho nga addaan iti background iti healthcare.
Dinakamat ni Baldoz ti report manipud iti Bureau of Local Employment (BLE), a ti healthcare information outsourcing sector iti industria ti business process outsourcing (BPO) ti maibilbilang ita a maysa kadagiti dumurdur-as a sektor a mangididiaya iti nasurok a 100,000 a trabaho a mainaig iti salun-at kadagiti nagturpos iti nursing.
Kuna ni Baldoz a dagiti healthcare outsourcing careers a kas kadagiti medical transcriptionists, medical secretaries, medical coders ken billers, medical assistants, medical representatives, ken medical butlers ti maibilang nga alternatibo a trabaho kadagiti nagturpos iti nursing.
(Naipablaak iti Bannawag, Marso 19, 2012 a bilang.)
Showing posts with label employment. Show all posts
Showing posts with label employment. Show all posts
March 6, 2012
5.3-milion a Pinoy, maaddaan iti trabaho, kuna ti TESDA
Umabot iti 5.3-milion a Filipino ti manamnama a maaddaan iti trabaho kalpasan ti administrasion ni Aquino inton 2016, segun iti Technical Education and Skills Development Authority (TESDA).
Kuna ni TESDA Director General Joel Villanueva nga iti panaggibus ti termino ni Presidente Aquino iti 2016, kayatda a malaglagipto dagiti tao ti TESDA iti pannakapataud ti 5.3-milion a TESDA-certified workers wenno TESDA specialists nga addaan iti trabaho ken gumangganar iti adda met kawadwadanna nga isublida met iti gobierno babaen ti pananggastosda itoy ken iti panangurnongda.
Inako ni Villanueva a narigat ngem ikagumaananda a maabot ti kasta a bilang ti mangmangged ken mapapigsa ti kabaelanda babaen ti tulong iti dekalidad nga edukasion teknikal ken panangpadur-as iti kabaelanda tapno makabirok iti trabaho dagiti benepisiario iti panagsanay, panangipaay kadakuada iti dekalidad a biag ken kasasaad iti panagbiag kadagiti komunidad.
Tapno magun-od daytoy, binilin ni Villanueva ti amin nga opisina ti TESDA tapno mangiwayat kadagiti addang, kas iti panangpaadu iti enrolment, napasnek a panagsanay ken panangited iti sertipikasion iti kinaespesialista.
(Naipablaak iti Bannawag, Marso 19, 2012 a bilang.)
Kuna ni TESDA Director General Joel Villanueva nga iti panaggibus ti termino ni Presidente Aquino iti 2016, kayatda a malaglagipto dagiti tao ti TESDA iti pannakapataud ti 5.3-milion a TESDA-certified workers wenno TESDA specialists nga addaan iti trabaho ken gumangganar iti adda met kawadwadanna nga isublida met iti gobierno babaen ti pananggastosda itoy ken iti panangurnongda.
Inako ni Villanueva a narigat ngem ikagumaananda a maabot ti kasta a bilang ti mangmangged ken mapapigsa ti kabaelanda babaen ti tulong iti dekalidad nga edukasion teknikal ken panangpadur-as iti kabaelanda tapno makabirok iti trabaho dagiti benepisiario iti panagsanay, panangipaay kadakuada iti dekalidad a biag ken kasasaad iti panagbiag kadagiti komunidad.
Tapno magun-od daytoy, binilin ni Villanueva ti amin nga opisina ti TESDA tapno mangiwayat kadagiti addang, kas iti panangpaadu iti enrolment, napasnek a panagsanay ken panangited iti sertipikasion iti kinaespesialista.
(Naipablaak iti Bannawag, Marso 19, 2012 a bilang.)
Subscribe to:
Posts (Atom)