Pito a libro dagiti Ilokano, mayalnag iti Dap-ayan 2015

Uppat nga antolohia, dua a libro ti indibidual a mannurat, ken maysa a patarus iti Filipino dagiti libro a mayalnag kabayatan ti Dap-ayan 2015, ti Maika-47 a Nailian a Kombension ti GUMIL Filipinas itoy Abril 17-19, 2015 iti Sala B, Balay Expo Centro, Araneta Center, Cubao, Quezon City.
Dagiti libro a mayalnag:

Dagiti Premiado a Sarita (nailadawan), antolohia dagiti sarita a nangabak iti AMMA Foundation Literary Awards (AMMAFLA) nga inedit da Cles B. Rambaud ken Juan Al. Asuncion;

Dagiti Napili a Kapipintasan ken Kabukbukodan a Sarita a Para Ubbing, Umuna a Libro, antolohia dagiti sarita a para ubbing dagiti kameng ti GUMIL Metro Manila nga inedit da Cles B. Rambaud ken Ariel S. Tabag;

Daniw69, antolohia dagiti erotiko a daniw nga inedit ni Johmar R. Alvarez;

Dagiti Maregmeg ti Balitok, antolohia dagiti sinurat dagiti kameng ti GUMIL Isabela;

Gulgol ken Dadduma Pay a Sarita, antolohia dagiti sarita ni Aileen R. Rambaud;

Bagi, Dandaniw, antolohia dagiti daniw ni Roy Vadil Aragon; ken,

Dandaniw Ilokano: Mga Tulang Ilokano, 1621-2014, antolohia dagiti daniw nga Ilokano nga impatarus iti Filipino ni Junley L. Lazaga. (AST)

(Naipablaak iti Bannawag, Marso 30, 2015 a bilang.)