OKTUBRE 22, 2018

SARITA
 4 Bernie
    Feliciano U. Galimba, Jr.
8 Bulbulong
   Cristino I. Inay

NOBELA
10 Pan de Amor (1)
     Cris J. Dacuycoy
12 Kudeta (32)
    Norberto D. Bumanglag, Jr.

DANIW
9 Iti Kabambantayan
   Derick A. Tong-alan
20 Addaak Sadiay
    Elizabeth M. Raquel
47 Daniw a Para Ubbing

SALAYSAY
16 Ingget Libnos Latta ti Itogon
     Estela A. Bisquera-Guerrero
40 Wen, Kaka, Napateg ti Pondo nga Abono
     Reynaldo E. Andres
42 Panguartaanen ni Adolfo Dagiti Papayana
      Virgilio D. Domaloy


KOMIKS
24 Miks & Tiks
26 Sweet Jazmine (110)
29 Don Clavio de Ylocos (113)

KOLUM
6 No Adda Sigsigloten, Adda Met Warwaren
14 Biag ni Ilokano
15 Kastoy, Kapid, Ditoy Hawaii
19 Saludsodem ken ni Apo Hues
21 Dear Doc
22 Okeyka, Apong
33 Ading Kosinera
35 Tips
38 Padasem Daytoy, Kailian

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Balikros
48 Sudoku

DADDUMA PAY
2 Tao, Lugar, Pasamak
11 Netizone
18 Siled ti Kararag
23 Idi Un-unana a Panawen
32 Panangimaton iti Pagtaengan
34 Ti Tarakenmo ken Sika
36 Ammuem Pay Dagitoy
37 Haytek!
46 Ti Gasatmo Ita a Lawas

Saan nga agkurkurang ti bagas, kuna ti Palasio

Kinuna ti Malakanyang, babaen ken ni Presidential Spokesperson Harry Roque, a saan a pudno ti damag nga agkurkurang ti bagas iti pagilian; nga adda umdas a suplay ti bagas agingga a dumteng ti naangkat a bagas iti arinunos daytoy a tawen.

Kinuna ni Roque nga adda dagiti negosiante ti bagas a mangar-aramid iti artipisial a panagkurkurang iti bagas tapno adda rason a ngumina ti bagas.

Mainaig iti daytoy, imbilin ni Presidente Duterte iti Philippine National Police a sukimatenda dagiti bodega dagiti maatap a rice hoarder.

Agtultuloy ita ti pannakitinnulong ti Philippine National Police (PNP) kadagiti nadumaduma nga ahensia ti gobierno iti kampania daytoy kontra kadagiti maatap a rice hoarder wenno agiduldulin iti adu a bagas.

Kinuna ni PNP chief Director General Oscar Albayalde a katinnakunaynay ti PNP iti DTI (Department of Trade and Industry) ken iti DA (Department of Agriculture) ken NFA (National Food Authority).

Inlawlawag met ni Presidential Spokesperson Harry Roque a saan laeng a para iti PNP ti nasao a bilin no di pay ket ken iti Department of the Interior and Local Government (DILG) iti babaen ni Secretary Eduardo Año.


(Naipablaak iti Bannawag iti Oktubre 15, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Para iti Pamilia

PARA ITI PAMILIA. Nagbalinen a paset ti biag ni Mang Melanio Abo, 54, ti Batangan, Gonzaga, Cagayan ti panagkalap. Maysa kadagiti pagkalap nga us-usarenna ti sigay a madama nga ay-ayumaenna. Usarenna daytoy a pagkalap iti kadilian nga asideg laeng iti batogda. Malaga, purong, bakulaw, tarakitok ti maal-alana. Makatulong ti paglakuanna tapno masustentuanna ti pamiliana ken ti panangpabasana kadagiti annakna. (ROSELYN C. CAMPANO)


(Naipablaak iti Bannawag iti Oktubre 15, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

GUMIL Filipinas, agawaten iti manuskrito para iti Pasnaan 9

Agawaten ti GUMIL Filipinas (GF), ti gunglo dagiti mannurat nga Ilokano iti Filipinas ken iti ballasiw-taaw, kadagiti aplikante a fellow iti 9th Pasnaan Ilokano Writers Workshop (Pasnaan 9) a manamnama a maangay inton Marso 2019 iti maysa nga unibersidad iti Siudad ti Laoag.

Masapul a mangidatag ti tunggal aplikante babaen ti email iti grupo dagiti sinurat (portfolio) ania man kadagiti sumaganad: (a) uppat a daniw; (b) dua nga ababa a sarita, (c) uppat a daniw a para ubbing, (d) dua a sarita a para ubbing, (e) dua a personal a salaysay. Masapul a nakasurat iti Ilokano dagiti nadakamat a sinurat ken addaan iti title page a nakailanadan ti nagan iti pluma ken linaonna (table of contents). Masapul a nakasurat ti nasao a portfolio iti Word format.

Malukonan dagiti manuskrito iti sabali a Word file a naglaon iti pudno a nagan ti autor, adres, pakakontakan a numero, e-mail address, ababa a pakasaritaan ti biag (bionote) ken kabaruan nga ID picture, ken may-email iti gumil.filipinas@gmail.com; usaren ti paulo (subject) a “Pasnaan 9.”

Sangapulo a fellow ti mapili a maipaayanto iti libre nga akomodasion.

Aggibus ti panagidatag iti aplikasion inton Disiembre 14, 2018. Para iti ad-adu pay nga impormasion, umawag wenno ag-text iti 0977 141 7901 (NME Valdez) wenno ag-email iti nmevaldez@gmail.com. (Pasnaan 9 Secretariat)


(Naipablaak iti Bannawag iti Oktubre 15, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

OKTUBRE 15, 2018

SARITA
 4 Ponting
    Rodolfo D. Agatep, Jr.
8 Pagablan
   Juan Alegre

NOBELA
10 Kudeta (31)
    Norberto D. Bumanglag, Jr.
12 Arem-Lakay (12)
    Estela Bisquera-Guerrero

DANIW
22 Isasarungkar
     Ronnie E. Aguinaldo
39 Dua a Tweetniw ti Ayat a Nailanglangi
     Roy V. Aragon
47 Daniw a Para Ubbing
    Adoracion B. Madarang

SALAYSAY
16 Ala, Agkiutekska Latta No Kayatmo
   Virginia A. Duldulao, Ph.D.
42 Ti Buktok a Sakit ti Saba Rey
     Reynaldo E. Andres

KOMIKS
24 Miks & Tiks
26 Sweet Jazmine (109)
29 Don Clavio de Ylocos (112)

KOLUM
6 No Adda Sigsigloten, Adda Met Warwaren
14 Biag ni Ilokano
15 Kastoy, Kapid, Ditoy Hawaii
19 Saludsodem ken ni Apo Hues
23 Dear Doc
32 Okeyka, Apong
35 Ading Kosinera
37 Tips
40 Padasem Daytoy, Kailian

PAGLINGLINGAYAN
44 Showbiz
48 Agkatawa ti Mayat
48 Sinniriban
48 Balikros
48 Sudoku

DADDUMA PAY
2 Tao, Lugar, Pasamak
9 Ti Makunami
11 Netizone
18 Siled ti Kararag
20 Ti Padas a Diakto Malipatan
21 Ania Ngamin, Aya, ti Salitre?
33 Idi Un-unana a Panawen
34 Panangimaton iti Pagtaengan
36 Ti Tarakenmo ken Sika
38 Ammuem Pay Dagitoy
46 Ti Gasatmo Ita a Lawas

Out-Patient Drug Rehab Center, PDEA Satellite Office ken Balay Silangan, naluktan iti Agoo, La Union

Naluktan ti kaunaan nga LGU-operated out-patient drug rehabilitation center iti entero a pagilian iti Agoo, La Union idi Septiembre 12, 2018. Naisayangkat daytoy a gannuat ti gobierno munisipal ti nasao nga ili babaen ti liderato ti mayor ti nasao nga ili, ni Dr. Stefanie Ann Y. Eriguel, ken iti pannarabay ti Diputado ti Segundo Distrito ti La Union nga inana, ni Dr. Sandra Y. Eriguel, ken iti pannakikammayet dagiti nadumaduma nga ahensia ti gobierno nasional.

Malaksid iti dayta, naluktan pay iti nasao nga ili ti Philippine Drug Enforcement Agency (PDEA)-Satellite Office ken “Balay Silangan,” “Balay Silangan” ti awag iti Reformation Program ti PDEA a para kadagiti simmuko a nagar-aramat iti maiparit nga agas. Daytoy ti agserbi a pagtaengan dagiti drug offenders “para iti panagbalbaliw ken panagdaliasatda iti nasayaat a dana ken ti panangrugida iti baro a biag bayat ti rehabilitasionda.” Ditoy a maikkan dagiti offenders iti livelihood skills training ken nadumaduma pay a pangabaruanan a programa. Ti met laeng Balay Silangan iti Agoo ti umuna a nabangon a kastoy a pasdek iti Rehion Uno.

Nagpaay ni USec. Jimmy L. Manabat iti Presidential Anti-Organized Crime Commission ti naisangsangayan a sangaili iti nasao nga okasion. Timmabuno met da Dir. Ismael G. Fajardo, Jr., Deputy Director for General Administration ti PDEA, Gobernador Francisco Emmanuel “Pacoy” R. Ortega III ken Dir. Bryan B. Babang iti PDEA-Regional Office I.

Dagitoy a gannuat ket paset ti pannakibulig ti LGU Agoo iti kampania ni Presidente Duterte kontra iti maikaniwas a droga. Malaksid ti dayta, ti nasao a drug rehab center ken opisina ti PDEA ti agserbi a kamang dagiti naiwawa nga umili iti akin-abagatan a paset ti La Union ken dagiti kabangibang nga ili ti Pangasinan. (Joseph R. Sermonia)


(Naipablaak iti Oktubre 8, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

SSS, addan bukod daytoy a mobile app

Mabalinen a mastrek dagiti miembro ti Social Security System (SSS) ti bukodda a membership information babaen ti smartphone ken tablet babaen ti baro nga SSS Mobile application.

Kinuna ni SSS President and Chief Executive Officer Emmanuel F. Dooc a nayalnag ti mobile app tapno maipaay kadagiti miembro ti naparpardas a wagas a panangkitada iti personal a rekordda ken dadduma pay a napapateg nga impormasion a saanen a nasken a mapanda pay iti maysa kadagiti sanga ti SSS.

Libre ti SSS Mobile App ket mabalin a patarayen kadagiti smartphone ken tablet nga addaan iti Android 4.4 Kitkat wenno nangatngato ken IOS 8.0 wenno nangatngato. I-download laeng ti app iti Google Play Store ken iti Apple App Store.

Tapno marugian nga usaren ti baro nga SSS Mobile application, ag-log in babaen ti agdama a user ID ken password iti My.SSS account. No met awan pay ti My.SSS account, mabalin ti mangaramid iti baro nga account iti SSS Mobile App babaen ti panang-click iti “Register” iti sidebar ti App.


(Naipablaak iti Oktubre 8, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)