Kinarit ni Sen. Edgardo Angara dagiti pagadalan a mangididiaya iti kurso nga Edukasion a pasayaatenda koma ti pannakasangay dagiti estudiante iti Edukasion.
Kiniddaw ni Angara daytoy bayat ti maysa a miting a naangay iti Philippine Normal University iti Manila itay lawasna gapu iti kunana a nakabasbassit a bilang dagiti makaruruar iti Licensure Examination for Teachers (LET).
Dinakamatna nga iti LET a naangay idi Abril itoy a tawen, mapan a 13,000 laeng ti nakaruar iti 62,000 a nangala iti eksamen, wenno maysa iti kada lima laeng ti nakaruar.
“Waste of human capital,” dayta man ti awag ti senador kadagiti adu a di makaruruar iti LET. Iti sabali a pannao, sayang laeng ti uppat a tawen a panagbasbasa dagitoy nga estudiante.
Mainaig itoy, kinuna ni Angara a nasken a mapasayaat koma ti “teacher education” gapu ta saan a matawaran ti kinapateg ti akem dagiti edukador iti panagrang-ay ti pagilian.
Naipablaak iti Bannawag, Setiembre 12, 2011 a bilang
Showing posts with label philippine teachers. Show all posts
Showing posts with label philippine teachers. Show all posts
September 3, 2011
Subscribe to:
Posts (Atom)