Agdagup iti 267 a
pribado a kolehio ken unibersidad ti mangipangina iti tuision itoy nga school
year iti sumurok-kumurang a 10.11 porsineto wenno P40.47 tunggal yunit.
Impakaammo ti Commission
on Higher Education (CHEd) itay nabiit nga inaprobaranen daytoy ti aplikasion
dagiti eskuela a mangipangina iti singir iti tuision.
Segun iti listaan ti
CHEd, kadagiti 1,666 a pribado a Higher Education Institutions (HEIs) iti
Filipinas, 267 wenno 16.03 porsiento ti napalubosan a mangipangina iti tuision.
Agingga iti Mayo 31, 289
HEIs ti nagaplay para iti pannakaipangina ti tuision ngem saan a naaprobaran ti
22 gapu iti nagduduma a rason.
(Naipablaak iti Bannawag, Hunio 18, 2012 a bilang.)
