PEBRERO 1-15, 2021

SARITA 
2 Diway ni Daniel L. Nesperos 
8 Kaarngi Dagiti Naluom a Dawa ni Felicidad T. Unite

NOBELA 
10 Sangaaruy-oy a Batek (11)  ni Teresita B. Tingonong-Ambalneg 
14 Young Dreamers Club (3)   ni Estela A. Bisquera-Guerrero 
20 Ti Puga (23)  ni Norberto D. Bumanglag, Jr. 
42 Gil-ayab (8) ni Arsenio T. Ramel, Jr.

DANIW 
13 Santiago ni Ria Rebolledo 
41 Panagtulid Dagiti Aldaw ni Agustin B. Molina, Jr. 
47 2 a Soneto ni Honor Blanco Cabie 
49 Daytoy ti Bulan ni Roy V. Aragon 
63 Daniw a Para Ubbing ni Marlyn Garcia-Del Rosario

SALAYSAY 
24 Nagawid Tapno Umay Agtalon ni Virginia A. Duldulao, Ph.D. 
32 “Naipasngayak iti Daydi Aldaw a Pannakaam-ammok Kenka” ni Arnold C. Baxa 
54 Agaramat iti Alep-ep nga Agrupsa ni Reynaldo E. Andres

KOMIKS 
34 Miks & Tiks 
36 No Duaduaem Pay (4) ni A.S. Tabag

KOLUM 
4 Saludsodem ken ni Apo Hues 
6 No Adda Sigsigloten, Adda Met Warwaren 
18 Biag ni Ilokano 
19 Kastoy, Kapid, Ditoy Hawaii 
27 Dear Doc 
31 Okeyka, Apong 
45 Dear Ikit 
56 Ading Kosinera 
57 Tips

PAGLINGLINGAYAN 
60 Showbiz 
62 Agkatawa ti Mayat 
62 Sinniriban
62 Sapukas-2 
62 Sudoku

DADDUMA PAY 
17 Siled ti Kararag 
22 Netizone 
23 Pagannurotan ti Salip iti Sarita ti Maika-23 nga AMMAFLA 
30 Tao, Lugar, Pasamak 
28 Ti Padas a Diakto Malipatan 
48 Idi Un-unana a Panawen 
50 Ti Tarakenmo ken Sika 
51 Panangimaton iti Pagtaengan 
58 Ammuem Pay Dagitoy 
59 Ti Gasatmo 
64 Manipud iti Social Media

(Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK

Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

10th Pasalip ALVIYA iti Sarita

Kas agtultuloy a pannakigamulo ti ALVIYA  Literary Foundation iti pannakapatan-ay pay ti Literatura Ilokana, iwaragawag ti Secretariat ti pannakalukaten ti Maika10 a Pasalip ALVIYA (2021). Is-isponsoran ni Alex V. Yadao ti Libertad, Abulug, Cagayan ngem agnanaeden  iti Siudad ti New York iti Estados Unidos ti nasao a salip iti panagsurat.   Imatonan met daytoy ni Dr. Freddie Pa. Masuli, tubo met laeng ti Libertad, Abulug, Cagayan ken agdama a mannursuro  iti  Cagayan State University, Sanchez Mira, Cagayan. 

Dagiti pagalagadan ti nasao a salip:

1. Silulukat ti salip kadagiti amin a mannurat nga Ilokano ken uray pay kadagiti saan nga Ilokano ngem makasurat iti pagsasao nga Ilokano. 

2. Nawaya ti makisalip a mangpili iti ania man a tema a kayatna a suraten. 

3. Agatiddog ti pakisalip iti 12-20 a panid iti letter-size a page layout, nai-type iti Times New Roman, Font Size 12,  iti doble espasio  ken addaan iti maysa a pulgada a margin iti amin nga igid ti layout. 

4. Maysa laeng a sarita ti mapalubosan nga isalip ti kada mannurat a makisalip. 

5. Nasken a bukod a putar ti autor ti maisalip, saan pay a naipablaak iti ania man a magasin, ken saan a naipatarus manipud iti ania man a lengguahe. 

6. Ti laeng parbo a nagan ti autor ti agparang iti manuskrito a maisalip. Mapakuyogan ketdi ti opisial nga entry iti maysa pay a dokumento a nakailanadan dagitoy: Paulo ti sarita, parbo ken pudno a nagan, ken kabibiag ti autor agraman ti numero ti selpon/telepono a pakakontakan kenkuana. 

7. Ipatulod dagiti dua a dokumento (sarita ken ti impormasion maipanggep iti autor) babaen ti electroniko a wagas (email) iti daytoy nga email account: freddie. padua.masuli@gmail.com.   

8. Nasken a maipatulod iti Secretariat dagiti dua a dokumento iti saan a naladladaw ngem iti alas-11:59 iti rabii ti  Marso 31, 2021 (oras iti Filipinas).

9. Agtalinaed ti ania man a pangngeddeng dagiti hurado malaksid no maduktalan a nasalungasing ti Pagannurotan Bilang 5. Awananto metten ti autor  iti karbengan a makisalip pay kadagiti sumarsaruno a pasalip ti ALVIYA. 

10. Makipagtagikua ti ALVIYA Literary Foundation kadagiti mangabak a sarita nupay addaan latta iti karbengan ti author iti copyright daytoy. Maaddaan pay ti agpasalip iti karbengan a mangipablaak kadagitoy mangabak a sarita iti ania man a wagas a kayatna nga aramaten karamanen iti elektroniko ken tradisional a wagas ti panagipablaak.  

11. Dagiti Gungona: First Prize – P20,000.00; Second Prize – P10,000.00; ken Third Prize – P5,000.00; ken dua a consolation prizes a sag-P3,000.00. Addanto met maited a sertifiko kadagiti amin a mangabak. 

Maiwaragawag dagiti mangabak a sarita iti maikadua a lawas ti Abril 2021 ket maipakaammonto metten no sadino ken kasano a mayawat dagiti premio. 

(Naipablaak iti Enero 16-31, 2021 a bilang. Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

ENERO 16-31, 2021

LINAONNA

SARITA 
2 Iti Ngarab ni Patay ni Arnold P. Jose 
8 Catalina ni Manuel S. Diaz

NOBELA 
10 Sangaaruy-oy a Batek (10) ni Teresita B. Tingonong-Ambalneg 
14 Young Dreamers Club (2) ni Estela A. Bisquera-Guerrero 
20 Ti Puga (22) ni Norberto D. Bumanglag, Jr. 
42 Gil-ayab (7) ni Arsenio T. Ramel, Jr.

DANIW 
12 2 a Daniw ni R.B. Abiva 
30 Pintura ni Paraluman Crisologo Todenio 
41 Ayat ni Ariel S. Tabag 
47 Arakup Dagiti Bituen ni Ma. Lourdes L. Opinaldo 
49 Sangkabassit a Lawag ni Marites Viesca Roque 
63 Daniw a Para Ubbing ni Alma Jane Calzada-Calaramo

SALAYSAY 
24 Agtultuloy Koma ti Pannakaited ti Ayat Kadagiti Mannalon ni Jorge Richard P. Guerrero 
28 Ta Nasken a Masaluadan ti Aglawlaw ti Magat Dam ni Jim P. Domingo
54 Dagitoy a Barayti ti Mais ti Imulam Ita a Kalgaw ni Reynaldo E. Andres

KOMIKS 
34 Miks & Tiks 36 
No Duaduaem Pay (3) ni A.S. Tabag

KOLUM 
4 Saludsodem ken ni Apo Hues 
6 No Adda Sigsigloten, Adda Met Warwaren 
18 Biag ni Ilokano 
19 Kastoy, Kapid, Ditoy Hawaii 
31 Okeyka, Apong 
27 Dear Doc 
45 Dear Ikit 
56 Ading Kosinera 
57 Tips

PAGLINGLINGAYAN 
60 Showbiz 
62 Agkatawa ti Mayat 
62 Sinniriban 
62 Sapukas-2 
62 Sudoku

DADDUMA PAY 
12 Ti Makunami 
17 Siled ti Kararag 
22 Netizone 
23 Pagannurotan ti 10th Pasalip ALVIYA iti Sarita 
30 Tao, Lugar, Pasamak 
48 Idi Un-unana a Panawen 
50 Ti Tarakenmo ken Sika 
51 Panangimaton iti Pagtaengan 
58 Ammuem Pay Dagitoy 
59 Ti Gasatmo 
64 Manipud iti Social Media

(Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Panangammo no asino ti addaan iti COVID-19, yabaga ti gobierno

Binilin ni Presidente Rodrigo Duterte ni Health Secretary Francisco Duque III nga agbirok kadagiti pamuspusan tapno makaipaay iti libre a test iti coronavirus disease (COVID-19) kadagiti Filipino, kas panangipaganetgetna iti kinapateg ti pananglaban iti nasao a sakit. 

Iti pakaammona iti publiko, kuna ni Presidente Duterte a naamirisna a napateg ti panag-test iti panangkontrol iti panagwaras ti sakit ngem ti kinangina daytoy ti problema. 

Kuna ketdi daytoy a pagnunumuanda ken dagiti kameng ti Gabinete no kasano a makapataud iti nalaka a test, ken no kasano a makaiwayat iti panag-test a saan nga agdepende iti tulong dagiti pribado a laboratorio. 

Innayon daytoy a natan-ok a pagrebbengan ti gobierno ti panangsalaknibna kadagiti umilina. No bilang ta makapataud ti gobierno iti kuarta, kuna ti Presidente a libre a maipaay daytoy ken mabalin a maisayangkat daytoy iti Enero-Marso wenno iti Abril-Hunio itoy a tawen.

(Naipablaak iti Enero 1-15, 2021 a bilang. Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Bannawag, Bannawagkayo Dita!

BANNAWAG, BANNAWAGKAYO DITA! Kalpasan ti mano a bulan nga awan magatang a kopia ti Bannawag Magazine iti ili ti Sanchez Mira, maysa kadagiti akinlaud nga ili ti probinsia a Cagayan (maikatlo nga ili no aggapuka iti Pagudpud, Ilocos Norte a sumrek iti beddeng ti Cagayan), adu ti rimmegta a nakadamag nga adda manen magatang a Bannawag iti Onin’s General Merchandise. Iti ladawan, magagaran la unay ni Eulando Raralio, tubo met laeng ti naagapad nga ili, a manglukib manen iti pinanid ti  “Biblia ti Amianan” a kas nakunana, segseggaanna a sumangpet tunggal agpaili. Masarakan ti Onin’s General Merchandise iti 2nd flr. Menor Bldg. (ngatuen ti Cac grocery), Public  Market, Centro 1, Sanchez Mira, Cagayan. Para kadagiti interesado a mapatulodan iti Bannawag, sapulen laeng ti page nga Onin’$ 888 Olshoppe iti Facebook wenno awagan/teksan ti CP# 09457714118. (DMFY) 

(Naipablaak iti Enero 1-15, 2021 a bilang. Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Salip iti Ababa a Sarita ti NPR Ilokano Literary Awards, naluktan

Naluktan itay nabiit ti maysa pay a salip iti panagsurat iti ababa a sarita nga Ilokano nga agpaay kadagiti amin a mannurat nga agsursurat iti Ilokano. Umuna a pasalip daytoy ti kabbuangay a literary award a nairanta tapno mapadayawan ken maitandudo dagiti mannurat nga Ilokano ken ti Literatura nga Ilokano, ti NPR Ilokano Literary Awards wenno NPRobinion Awards. Maisayangkat ti salip ken ti award babaen ti panangisponsor ni Mayor Nelson Pagaoa Robinion ti Sta. Ana, Cagayan ken ti pamiliana, ken iti pannakitinnulong ti GUMIL Cagayan ken ti Mangngaggo Club. 

Pagalagadan ti Salip: 

1. Ababa a sarita ti pagsasalipan iti pannakalukat ti umuna a Nelson Pagaoa Robinion Ilokano Literary Awards. Narugian ti salip idi Nobiemre 15, 2020; maigibus inton Pebrero 15, 2021 a maudi nga aldaw ti panagidatag iti pakisalip. 

2. Silulukat ti salip kadagiti amin nga agsursurat iti ababa a sarita nga Ilokano, malaksid kadagiti mangtarawidwid iti salip ken kadagiti kakabagianda. Nasken a bukod a putar ti autor ti maisalip, saan pay a naipablaak iti ania man a magasin, pagiwarnak, wenno libro, naimaldit man wenno online, ken saan a patarus manipud iti ania man a lengguahe. 

3. Maysa laeng a sarita ti isalip. Nawaya ti mannurat iti kayatna a tema ti saritana. Agatiddog ti pakisalip iti 12-25 a panid iti short bond paper (letter size), nai-computer iti Microsoft Word iti Times New Roman font size 12, double spaced, ken addaan 1 a pulgada a margin iti amin nga igid (left, right, top, ken bottom) ti dokumento. 

4. Parbo a nagan (pen name) ti ipan a nagan (byline) ti autor iti pakisalipna. Ipatulod ti pakisalip a kas file attachment (.doc wenno .docx) iti email iti npr.ilokano.literary.awards@gmail.com iti subject a “Pakisalip iti 1st NPR Ilokano Literary Awards.” Mangipakuyog iti naisina a document file (may-attach met laeng) a nakailanadan ti paulo ti pakisalip a sarita, parbo a nagan, pudno a nagan, numero ti selpon wenno telepono, email address, link ti Facebook account (no adda), adres ti pagtaengan ken/wenno pagobraan, ababa a pakasaritaan ti biag, ken mangy-insert iti kaudian a ladawan (.jpg file). Agingga laeng iti 11:59 PM ti Pebrero 15, 2021 ti pannakaipatulod dagiti pakisalip. 

5. Dagiti gunggona: Umuna a Premio: P10,000; Maikadua: P7,000; ken Maikatlo: P5,000; ken dua a pammigbig a gunggona (Maika-4 ken Maika-5 a Premio) a sag-P1,500. Adda maited a sertipiko ti pammadayaw dagiti mangabak. Adda met karbengan dagiti hurado a mangkissay iti bilang dagiti mangabak no awan ti makapatar iti pagbatayanda iti rebbeng a  mangabak. Mabalin pay a mangparnuayda iti nayon wenno sabali a gunggona maibatay iti merito dagiti naisalip a sarita. 

6. Pinal ti pangngeddeng dagiti hurado, malaksid no maduktalan a sinalungasing ti nangabak nga autor ti Pagannurotan Bilang 2. Ti matakuatan a nagsakar, maibabawi ti premiona ken dinton mapalubosan pay a makipaset kadagiti pasalip ti NPR Ilokano Literary Awards. 

7. Makipagtagikua ti NPR Ilokano Literary Awards kadagiti mangabak a sarita ken maaddaan iti karbengan a mangipablaak kadagitoy iti ania man a wagas a kayatna a pangaramatan. Agtalinaed ketdi ti karbengan dagiti autor iti copyright dagiti saritada. 

8. Mapakaammuanto dagiti mangabak no kaano, kasano, ken no sadino a maangay ti pannakaited dagiti premio ken pannakapadayawda.

(Naipablaak iti Enero 1-15, 2021 a bilang. Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)