NALPASEN TI TPLEX. Iti pannakakartib ti laso a kas pangipakdaar iti pormal a pannakalukat ti ag-11-kilometro a Rosario-Pozorrubio segment ti Tarlac Pangasinan La Union Expressway (TPLEX) ken nangileppas metten iti ag-89.21-kilometro a TPLEX babaen ken ni Executive Secretary Salvador Medialdea, nangibagi ken ni Presidente Rodrigo R. Duterte, iti panangbayabay kenkuana dagiti dadduma a turayen ti gobierno ken ti San Miguel Corporation nga idaluan ni Ramon S. Ang iti pagserkan ti TPLEX) iti Brgy. Subusub, Rosario, La Union idi Hulio 15, 2020. Iti naibasa a mensahena, nagyaman ni DPWH Secretary Mark Villar iti panangileppas ti SMC iti TPLEX a manamnama nga ad-adda pay a mangparang-ay iti Tengnga ken Amianan a Luzon. Dimmar-ay pay iti okasion ni Dept. of Transportation Secretary Arthur Tugade, Presidential Spokesman Harry Roque, dagiti turayen ti probinsia ti La Union ken Pangasinan a pakaibilangan da Gob. Francisco Emmanuel "Pacoy" Ortega III, Congresswoman Sandra Eriguel ti Maikadua a distrito ti La Union, Congressman Ramon "Mon-mon" Guico ti Maikalima a Distrito ti Pangasinan, Mayor Bellarmin A. Flores II ti Rosario, La Union ken dadduma pay. Iti panagsaritana, kinuna met ni SMC President and Chief Operating Officer Ramon S. Ang nga addan diaya ti gobierno nga ituloyda ti expressway agingga iti San Juan, La Union. (Teksto ken Rinetrato ni VIRGILIO D. DOMALOY)
(Naipablaak iti Agosto 16-31, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment