Napadayawan ni Atty. Pablito V. Sanidad, Sr. a Fr. Jose Burgos Awardee idi Enero 20 a kas pammigbig ti gobierno probinsial iti gapuananna a kas mabigbig nga abogado ken public servant. Indauluan ni Gob. Ryan Singson, kaduana dagiti dadduma pay nga opisial ti probinsia, a nangyawat iti plake ti pammigbig ken ni Atty. Sanidad a kas maipagpannakkel nga anak ti Ilocos Sur.
Patanor ti Narvacan, Ilocos Sur, nalatak a constitutional lawyer ken eksperto iti labor law ni Atty. Sanidad. Nagturpos iti UP College of Law, nagun-odna ti maika-8 a puesto iti bar exams idi 1967. Lineppasna pay ti Masters of Law iti San Beda a kas Magna Cum Laude.
Mabigbig a propesor iti linteg, isu ti agdama a Dekano ti University of Baguio School of Law. Nagdinamag ti kabaelanna a kas human rights lawyer idi panawen ti Martial Law ta isu ti maysa idi a kapingetan a nangirupir iti kalintegan dagiti naidarum ken naibalud a kontra iti Administrasion Marcos. Nagpaay a pangulo ti Free Legal Assistance Group (FLAG) iti adu a tawen.
Nagkameng iti GRP Panel a naibaon sadiay Netherlands tapno maiwayat ti saritaan iti kappia iti nagbaetan ti gobierno ken ti CPP-NPA-NDF. Nagpaay pay a private prosecutor iti impeachment ni Pres. Joseph Estrada.
Nagserbi a bise gobernador ti Ilocos Sur, Deputy Minister ti Dept. of Labor and Employment (DOLE), ken nabutosan a bise mayor ti Narvacan, Ilocos Sur iti eleksion idi Mayo 2019 a nagkaduaanda ken Mayor Luis “Chavit” Singson.
Inkallaysana ni sigud a Susan Fianza ken naaddaanda iti 4 a bunga, da Atty. Pablito Jr., agdama a bokal ti Ilocos Sur; Dr. Sandra Susana, Atty. Pablo II, Municipal Administrator ti LGU Narvacan, ken Noelle, a katurturposna met laeng iti abogasia.
Ti Fr. Jose Burgos Awards ti maipaay kadagiti mabigbigbig nga annak ti Ilocos Sur. Maited daytoy iti tinawen a kas paset ti pannakarambak ti Kannawidan Festival ken pannakalagip metten ti panagbalin ti Ilocos Sur ken Ilocos Norte a kas dua a nagsina a probinsia. (ELISEO B. CONTILLO)
(Naipablaak iti Marso 1-15, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
If you're trying hard to burn fat then you certainly have to jump on this brand new custom keto diet.
ReplyDeleteTo create this keto diet, certified nutritionists, fitness couches, and professional cooks have united to develop keto meal plans that are useful, decent, money-efficient, and delightful.
Since their first launch in 2019, hundreds of clients have already transformed their body and health with the benefits a professional keto diet can offer.
Speaking of benefits; clicking this link, you'll discover 8 scientifically-tested ones provided by the keto diet.