Napadayawan ni Atty. Pablito V. Sanidad, Sr. a Fr. Jose Burgos Awardee idi Enero 20 a kas pammigbig ti gobierno probinsial iti gapuananna a kas mabigbig nga abogado ken public servant. Indauluan ni Gob. Ryan Singson, kaduana dagiti dadduma pay nga opisial ti probinsia, a nangyawat iti plake ti pammigbig ken ni Atty. Sanidad a kas maipagpannakkel nga anak ti Ilocos Sur.
Patanor ti Narvacan, Ilocos Sur, nalatak a constitutional lawyer ken eksperto iti labor law ni Atty. Sanidad. Nagturpos iti UP College of Law, nagun-odna ti maika-8 a puesto iti bar exams idi 1967. Lineppasna pay ti Masters of Law iti San Beda a kas Magna Cum Laude.
Mabigbig a propesor iti linteg, isu ti agdama a Dekano ti University of Baguio School of Law. Nagdinamag ti kabaelanna a kas human rights lawyer idi panawen ti Martial Law ta isu ti maysa idi a kapingetan a nangirupir iti kalintegan dagiti naidarum ken naibalud a kontra iti Administrasion Marcos. Nagpaay a pangulo ti Free Legal Assistance Group (FLAG) iti adu a tawen.
Nagkameng iti GRP Panel a naibaon sadiay Netherlands tapno maiwayat ti saritaan iti kappia iti nagbaetan ti gobierno ken ti CPP-NPA-NDF. Nagpaay pay a private prosecutor iti impeachment ni Pres. Joseph Estrada.
Nagserbi a bise gobernador ti Ilocos Sur, Deputy Minister ti Dept. of Labor and Employment (DOLE), ken nabutosan a bise mayor ti Narvacan, Ilocos Sur iti eleksion idi Mayo 2019 a nagkaduaanda ken Mayor Luis “Chavit” Singson.
Inkallaysana ni sigud a Susan Fianza ken naaddaanda iti 4 a bunga, da Atty. Pablito Jr., agdama a bokal ti Ilocos Sur; Dr. Sandra Susana, Atty. Pablo II, Municipal Administrator ti LGU Narvacan, ken Noelle, a katurturposna met laeng iti abogasia.
Ti Fr. Jose Burgos Awards ti maipaay kadagiti mabigbigbig nga annak ti Ilocos Sur. Maited daytoy iti tinawen a kas paset ti pannakarambak ti Kannawidan Festival ken pannakalagip metten ti panagbalin ti Ilocos Sur ken Ilocos Norte a kas dua a nagsina a probinsia. (ELISEO B. CONTILLO)
(Naipablaak iti Marso 1-15, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
February 27, 2020
Peria Dagiti Kankanen
PERIA DAGITI KANKANEN. Adu a taga-Laoag ken bisita ti nakipaset iti Dulang Food Fair 2020 a naangay iti basketball covered court iti Laoag City Hall. Gapu ta ti industria ti unas ti maysa kadagiti kangrunaan a pamastrekan dagiti taga-Laoag, naitampok iti daytoy a peria dagiti produkto manipud iti unas a pakairamanan dagiti kankanen a ti tagapulot wenno bennal ti maysa kadagiti ramen wenno ingredienteda. Mairaman kadagiti naidasar a kankanen ti dudol, linapet, suman, tupig, kdp. Manipud idi punganay, nagbalin ti unas a saksi ti panaglupos ti siudad iti agdama a kasasaadna. (LEILANIE G. ADRIANO)
(Naipablaak iti Marso 1-15, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
February 11, 2020
MARSO 1-15, 2020
SARITA
2 Nuangkarera King
Jovymar P. Tactac
8 Surat ti Maysa nga Ina
F. Sionil Jose
NOBELA
10 Ti Puga (8)
Norberto D. Bumanglag, Jr.
14 Awis ti Sierra (31)
Virginia A. Duldulao
20 Angkel Dok (17)
Dionisio S. Bulong
DANIW
12 Bibig ti Ulimek
Vincent Cab. Berroy
16 2 a Soneto
Honor Blanco Cabie
28 Dinto Pulos Agkabaw
Francisco T. Ponce
48 Sangapirgis
Joel L. Bagasol
52 Sabong
Delfin P. Dumayas
63 Daniw a Para Ubbing
Marlyn Garcia-Del Rosario
SALAYSAY
24 Nakaro a Tikag, Nakaro a Layus
Felix M. Eslava, Jr.
54 Tapno Mapaksiat ti Sakit nga Anthracnose
Reynaldo E. Andres
KOMIKS
36 Miks & Tiks
38 Dagiti Batekan (13)
Ariel S. Tabag
43 Ickaryz (17)
Hilario A. Espiritu, Jr.
KOLUM
4 Saludsodem ken ni Apo Hues
6 No Adda Sigsigloten, Adda Met Warwaren
18 Kastoy, Kapid, Ditoy Hawaii
19 Biag ni Ilokano
23 Okeyka, Apong
27 Dear Doc
31 Dear Ikit
49 Haytek!
51 Tips
56 Ading Kosinera
PAGLINGLINGAYAN
60 Showbiz
63 Agkatawa ti Mayat
64 Sinniriban
64 Sapukas-2
64 Sudoku
DADDUMA PAY
5 Ti Sapatos, ti Balasitang, ken Dagiti Bunga ti Tsiko
17 Siled ti Kararag
22 Netizone
29 Kasano ti Agidatag iti Sinurat iti Bannawag?
30 Idi Un-unana a Panawen
32 Tao, Lugar, Pasamak
34 Nagrimat Dagitoy nga Estudiante iti Uswag Darepdep 2019 ti KWF
50 Ti Tarakenmo ken Sika
53 Nasken nga Agdanggay ti Teknolohia ken Edukasion
57 Panangimaton iti Pagtaengan
58 Ammuem Pay Dagitoy
59 Ti Gasatmo
62 Manipud iti Social Media
(Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
February 9, 2020
INDEKLARAR TI GOBIERNO PROBINSIAL TI ILOCOS NORTE
INDEKLARAR ti gobierno probinsial ti Ilocos Norte itay nabiit ti pannaka-quarry ti Karayan Padsan ti Siudad ti Laoag. Iti pannakaikkat ti darat iti karayan, natartarusto metten ti panagayus ti danum no kasta nga agdinnakkel ti karayan gapu iti layus, kas kuna ti gobierno probinsial. Malaksid iti daytoy, maaramat ti darat para kadagiti dadakkel a proyekto iti impraestruktura ti probinsia. Iti agdama, maysa a pribado a kompania—ti China-Philippines Unified Enterprises Inc. (CPU)-- ti interesado nga ag-quarry iti daytoy a paset ti Karayan Padsan manipud iti baba ti Laoag bypass road agingga iti Monroe Island iti Barangay La Paz. Agbayag ti quarry permit iti lima a tawen. (Leilanie G. Adriano)
(Naipablaak iti Pebrero 16-29, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
Dap-ayan 2020 ti GUMIL Filipinas, maangay iti Siudad ti Batac
Maangay ti Dap-ayan 2020, wenno ti tinawen a kombension ken literary seminar ti GUMIL Filipinas (GF), inton Abril 17-19, 2020 iti National Tobacco Administration (NTA) Building iti Tabug, Siudad ti Batac, Ilocos Norte, babaen ti panangsangaili ti GUMIL Ilocos Norte. Saanen nga iti Currimao, a kas iti immun-una a naipadamag.
Daytoy ti napagnunumuan iti Special Board Meeting dagiti opisial ti GF, ti gunglo dagiti mannurat nga Ilokano iti Filipinas ken iti ballasiw-taaw, a naangay idi Enero 18 iti pagtaengan ni mannurat ti Bannawag Norberto D. Bumanglag, Jr. iti Brgy. 7, San Nicolas Ilocos Norte.
Panggep ti tinawen a kombension ti mangisayangkat kadagiti lektiur ken workshop iti panagsurat iti daniw, piksion, ken salaysay kadagiti mannurat a kameng ti GUMIL, dagiti mannursuro, estudiante ken asino man nga interesado nga agadal nga agsurat. Mainayon iti lektiur dagiti maidatagto a sukisok (researches) mainaig iti kultura, pakasaritaan, wenno iti pagsasao nga Ilokano manipud kadagiti researchers kadagiti unibersidad.
Paset met ti pasken ti pannakarambak ti maika-52 a tawen ti GUMIL babaen ti espesial a programa para iti cultural presentation, pannakaipaay ti premio kadagiti nangabak kadagiti salip iti panagsurat, pannakaipaay iti Pedro Bucaneg ken Leona Florentino Awards, ken pannakayalnag dagiti libro iti Ilokano a sinurat dagiti kameng ti gunglo.
Agbayad ti tunggal delegado iti Dap-ayan iti P1,500 para iti seminar kit ken para iti akomodasion ken makan iti tallo nga aldaw a pasken. Kadagiti interesado nga agatendar, mabalinda ti umasideg kadagiti provincial chapter iti lugarda, wenno mnabalinda ti agsurat itoy nga email address: nmevaldez@gmail.com. Maibalakad met ti panangbisita iti FB page ti GUMIL Filipinas para kadagiti sumarsuruno nga anunsio mainaig iti Dap-ayan 2020. (NMEV)
(Naipablaak iti Pebrero 16-29, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
Daytoy ti napagnunumuan iti Special Board Meeting dagiti opisial ti GF, ti gunglo dagiti mannurat nga Ilokano iti Filipinas ken iti ballasiw-taaw, a naangay idi Enero 18 iti pagtaengan ni mannurat ti Bannawag Norberto D. Bumanglag, Jr. iti Brgy. 7, San Nicolas Ilocos Norte.
Panggep ti tinawen a kombension ti mangisayangkat kadagiti lektiur ken workshop iti panagsurat iti daniw, piksion, ken salaysay kadagiti mannurat a kameng ti GUMIL, dagiti mannursuro, estudiante ken asino man nga interesado nga agadal nga agsurat. Mainayon iti lektiur dagiti maidatagto a sukisok (researches) mainaig iti kultura, pakasaritaan, wenno iti pagsasao nga Ilokano manipud kadagiti researchers kadagiti unibersidad.
Paset met ti pasken ti pannakarambak ti maika-52 a tawen ti GUMIL babaen ti espesial a programa para iti cultural presentation, pannakaipaay ti premio kadagiti nangabak kadagiti salip iti panagsurat, pannakaipaay iti Pedro Bucaneg ken Leona Florentino Awards, ken pannakayalnag dagiti libro iti Ilokano a sinurat dagiti kameng ti gunglo.
Agbayad ti tunggal delegado iti Dap-ayan iti P1,500 para iti seminar kit ken para iti akomodasion ken makan iti tallo nga aldaw a pasken. Kadagiti interesado nga agatendar, mabalinda ti umasideg kadagiti provincial chapter iti lugarda, wenno mnabalinda ti agsurat itoy nga email address: nmevaldez@gmail.com. Maibalakad met ti panangbisita iti FB page ti GUMIL Filipinas para kadagiti sumarsuruno nga anunsio mainaig iti Dap-ayan 2020. (NMEV)
(Naipablaak iti Pebrero 16-29, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
February 4, 2020
Palagip iti 9th Pasalip ALVIYA iti Sarita
Ipalagip ti Secretariat ti ALVIYA Literary Foundation nga agawaten kadagiti sarita a para iti Maika-9 a Pasalip ALVIYA (2019-2020). Is-isponsoran ni Alex V. Yadao, tubo ti Libertad, Abulug, Cagayan ngem agnanaeden iti Siudad ti New York iti Estados Unidos ti nasao a pasalip iti panangimaton ni Dr. Freddie P. Masuli, tubo met laeng ti Libertad, Abulug, Cagayan ken agdama a mannursuro iti Cagayan State University, Sanchez Mira, Cagayan.
Dagiti pagalagadan ti nasao a salip:
1. Silulukat ti salip kadagiti amin a mannurat nga Ilokano ken uray pay kadagiti saan nga Ilokano ngem makasurat iti pagsasao nga Ilokano.
2. Nawaya ti makisalip a mangpili iti tema a kayatna a suraten.
3. Agatiddog ti pakisalip iti 12-20 a panid iti short bond paper, nai-computer (agusar iti Times New Roman, Font Size 12) iti doble espasio ken addaan iti maysa a pulgada a margin iti amin nga igid ti bondpaper.
4. Maysa laeng a sarita ti isalip ti kada mannurat a makisalip.
5. Nasken a bukod a putar ti autor ti maisalip, saan pay a naipablaak iti ania man a magasin, ken saan a naipatarus manipud iti ania man a lengguahe.
6. Ti laeng parbo a nagan ti autor ti agparang iti manuskrito a maisalip. Mapakuyogan ketdi ti opisial nga entry iti maysa pay a dokumento a nakailanadan dagitoy: paulo ti sarita, parbo ken pudno a nagan ken kabibiag ti autor agraman numero ti telepono a pakakontakan kenkuana.
7. Ipatulod dagiti dua a dokumento (sarita ken ti impormasion maipanggep iti autor) babaen ti email iti daytoy nga account : freddie.padua.masuli@gmail.com.
8. Nasken a maipatulod iti Secretariat dagiti dua a dokumento iti di naladladaw ngem iti 11:59 ti rabii ti Pebrero 28, 2020 (oras iti Filipinas).
9. Agtalinaed ti ania man a pangngeddeng dagiti hurado malaksid no maduktalan a nasalungasing ti Pagannurotan Bilang 5. Awananto metten ti autor iti karbengan a makisalip pay kadagiti pasalip ti ALVIYA.
10. Makipagtagikua ti ALVIYA Literary Foundation dagiti mangabak a sarita nupay addaan latta iti karbengan ti author iti copyright daytoy. Maaddaan pay ti agpasalip iti karbengan a mangipablaak kadagitoy mangabak a sarita iti ania man a wagas a kayatna nga aramaten karamanen iti elektroniko ken tradisional a wagas ti panagipablaak.
11. Dagiti Gunggona: First Prize – P20,000.00; Second Prize – P10,000.00 ken Third Prize – P5,000.00 ken dua a consolation prizes a sag-P3,000.00. Addanto met maited a sertipiko kadagiti amin a mangabak.
12. Maiwaragawag dagiti mangabak a sarita iti umuna a lawas ti Abril 2020. Mayawat dagiti premio kadagiti autor bayat ti GUMIL Filipinas National Convention iti Kalgaw 2020.
(Naipablaak iti Pebrero 16-29, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
Dagiti pagalagadan ti nasao a salip:
1. Silulukat ti salip kadagiti amin a mannurat nga Ilokano ken uray pay kadagiti saan nga Ilokano ngem makasurat iti pagsasao nga Ilokano.
2. Nawaya ti makisalip a mangpili iti tema a kayatna a suraten.
3. Agatiddog ti pakisalip iti 12-20 a panid iti short bond paper, nai-computer (agusar iti Times New Roman, Font Size 12) iti doble espasio ken addaan iti maysa a pulgada a margin iti amin nga igid ti bondpaper.
4. Maysa laeng a sarita ti isalip ti kada mannurat a makisalip.
5. Nasken a bukod a putar ti autor ti maisalip, saan pay a naipablaak iti ania man a magasin, ken saan a naipatarus manipud iti ania man a lengguahe.
6. Ti laeng parbo a nagan ti autor ti agparang iti manuskrito a maisalip. Mapakuyogan ketdi ti opisial nga entry iti maysa pay a dokumento a nakailanadan dagitoy: paulo ti sarita, parbo ken pudno a nagan ken kabibiag ti autor agraman numero ti telepono a pakakontakan kenkuana.
7. Ipatulod dagiti dua a dokumento (sarita ken ti impormasion maipanggep iti autor) babaen ti email iti daytoy nga account : freddie.padua.masuli@gmail.com.
8. Nasken a maipatulod iti Secretariat dagiti dua a dokumento iti di naladladaw ngem iti 11:59 ti rabii ti Pebrero 28, 2020 (oras iti Filipinas).
9. Agtalinaed ti ania man a pangngeddeng dagiti hurado malaksid no maduktalan a nasalungasing ti Pagannurotan Bilang 5. Awananto metten ti autor iti karbengan a makisalip pay kadagiti pasalip ti ALVIYA.
10. Makipagtagikua ti ALVIYA Literary Foundation dagiti mangabak a sarita nupay addaan latta iti karbengan ti author iti copyright daytoy. Maaddaan pay ti agpasalip iti karbengan a mangipablaak kadagitoy mangabak a sarita iti ania man a wagas a kayatna nga aramaten karamanen iti elektroniko ken tradisional a wagas ti panagipablaak.
11. Dagiti Gunggona: First Prize – P20,000.00; Second Prize – P10,000.00 ken Third Prize – P5,000.00 ken dua a consolation prizes a sag-P3,000.00. Addanto met maited a sertipiko kadagiti amin a mangabak.
12. Maiwaragawag dagiti mangabak a sarita iti umuna a lawas ti Abril 2020. Mayawat dagiti premio kadagiti autor bayat ti GUMIL Filipinas National Convention iti Kalgaw 2020.
(Naipablaak iti Pebrero 16-29, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
Subscribe to:
Posts (Atom)