Napagnunumuan daytoy iti miting dagiti opisial ti GF nga idauluan ni Vilmer V. Viloria a naangay idi Enero 27 iti Walai Farm and Resort iti Sipa, Sta. Marcela, Apayao.
Daytoy ti maikadua a gundaway a sangailien ti GUMIL Apayao nga iduluan ni GF Vice-President Remy N. Albano, agdama pay a Bise-Gobernador ti probinsia, ti Dap-ayan nga immuna a nangsangaili iti tinawen a kombension idi 2016 iti isu met laeng a venue.
Maysa kadagiti panggep ti gunglo iti mangiraman dagiti lektiur a makatulong kadagiti mannursuro nga agaramat ken mangyadal iti pagsasao nga Ilokano babaen ti Mother Tongue-Based Multilingual Education. Sabali laeng dagiti lektiur iti panagsurat iti daniw, sarita ken salaysay babaen dagiti mabigbig a mannurat nga Ilokano. (NMEV)
(Naipablaak iti Bannawag iti Pebrero 18, 2019 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)
No comments:
Post a Comment