OKTUBRE 8, 2018

SARITA
 4 Ti Kuragrag a Kotse ni Sir Ben
    Aileen R. Rambaud
8 Panagsubad
   Benjamin F. Aurelio


NOBELA
10 Arem-Lakay (11)
    Estela Bisquera-Guerrero
12 Kudeta (30)
    Norberto D. Bumanglag, Jr.

DANIW
9 Nakadakdakkel a Pagbaludan ti Lubong
   Fernando B. Sanchez
20 Partaan
   Leonardo Tejano
47 Daniw a Para Ubbing
    Marlyn Garcia-Del Rosario

SALAYSAY
16 Kastoy Gayam ti Biag ti Agbakuit
   Roselyn C. Campano
40 Napabaro a Wagas ti Panagmula iti Murod
     Reynaldo E. Andres
42 Apay a Nasken nga Ipaamirismo ti Dagam, Atanud?
     Quezon E. Javier

KOMIKS
24 Miks & Tiks
26 Sweet Jazmine (108)
29 Don Clavio de Ylocos (111)

KOLUM
6 No Adda Sigsigloten, Adda Met Warwaren
14 Biag ni Ilokano
15 Kastoy, Kapid, Ditoy Hawaii
19 Saludsodem ken ni Apo Hues
21 Dear Doc
32 Okeyka, Apong
34 Tips
35 Ading Kosinera
38 Padasem Daytoy, Kailian

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Balikros
48 Sudoku

DADDUMA PAY
2 Tao, Lugar, Pasamak
11 Netizone
18 Siled ti Kararag
22 Panangimaton iti Pagtaengan
23 Ti Tarakenmo ken Sika
33 Idi Un-unana a Panawen
36 Ammuem Pay Dagitoy
37 Haytek!
46 Ti Gasatmo Ita a Lawas


(Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Isem ti Baro a Namnama

ISEM TI BARO A NAMNAMA. Nakaisem ni Apo Herminigildo Abragan nga agnaed ti Caroan, Gonzaga, Cagayan kalpasan a naawatna ti relief goods nga immay indanon ti ABS-CBN Lingkod Kapamilya idi Septiembre 18, 2018 iti daytoy a lugar kalpasan ti panangbasnot ni Bagyo Ompong. Ni Apo Herminigildo ti maysa kadagiti nadadaelan iti balay iti Caroan. Dakkel a tulong kadagiti lumugar dagiti kakastoy a serbisio a maidanon kadakuada iti tiempo ti kalamidad. (EMY INES)


(Naipablaak iti Oktubre 1, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Kolumnista ti Bannawag, maika-2 a kangatuan iti Local Treasury Exam

Nagun-od ni Anna Liza Madayag Gaspar, kolumnista ti Bannawag (“No Adda Sigsigloten…”) ken Revenue Collector II ti Munisipio ti Piddig, Ilocos Norte, ti maika-2 a kangatuan a grado (89.18%) iti Basic Competency on Local Treasury Examination (BCLTE) nga inangay ti Civil Service Commissionidi Hulio 24, 2018. Iti 3,100 a nageksamen, 533 laeng ti nakapasa.

Maysa a Certified Public Accountant, nagturpos ni Anna Liza iti BS Business Administration and Accountancy iti University of the Philippines, Diliman. Mangal-ala ita iti Master of ASEAN Studies iti UP Open University.

Anak da Anita Madayag ti Tangaoan, Piddig, Ilocos Norte ken daydi Dios-ti-aluadna a Warlito V. Gaspar, Sr. ti Carasi, Ilocos Norte ni ALMG.


(Naipablaak iti Oktubre 1, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Karbengan dagiti PWD, nasken a bigbigen dagiti employer -- DOLE

Amin nga empleado nga addaan iti disabilidad (person with disabilities wenno PWD), maikarida iti amin a karbengan ken benepisio a maipapaay, kas sagudayen ti Labor Code of the Philippines.

Inggunamgunam daytoy ni Labor Secretary Silvestre Bello III babaen ti panangipaulogna iti Labor Advisory No. 14, series of 2018 a mangibilbilin kadagiti agpatpatrabaho a mangipaay kadagiti kualipikado nga empleado nga addaan iti banay ti bagi (disabilidad) kadagiti karbengan ken pribilehio, kas sagudayen ti Labor Code.

Malaksid iti daytoy, saan met a mapawilan dagiti employer a mangipaay iti dadduma pay a benepisio nga ad-adu ngem iti minimum nga ibagbaga ti linteg.

Innayon ni Bello a dagiti mangmangged nga addaan iti disabilidad, masapul nga inkapilitan a mairaman iti Social Security System, PhilHealth ken Pag-IBIG, kadagiti situasion a mabalin a mairamanda.

Kas nayon ti service incentive leave nga ibagbaga ti Labor Code, kas naamendaran, maikari pay dagiti empleado a PWD iti Maternity Leave (RA 1161, kas naamendaran iti RA 8262), Paternity Leave (RA 8187), Solo Parent Leave (RA 8972), Violence Against Women and their Children (VAWC) Leave (RA 9262),  ken Special Leave for Women (RA 9710).

Ibilbilin ti Magna Carta for Disabled Persons, wenno Republic Act No. 7277, nga awan ti tao nga addaan iti disabilidad a mapaidaman kadagiti oportunidad para iti nasayaat a pannakayempleo, ket ti kualipiko nga empleado nga addaan iti disabilidad, maipaayan kadagiti pribilehio, benepisio, insentibo wenno alawans a kas iti kualipikado nga empleado nga awanan iti banay ti bagina.


(Naipablaak iti Oktubre 1, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Pag-IBIG, nangidiaya iti pautang a tulong kadagiti miembro a dinidigra ni ‘Ompong’

Mangididiaya ti Home Development Mutual Fund (HDMF), ad-adda nga am-ammo a kas Pag-IBIG (Pagtutulungan sa kinabukasan: Ikaw, Bangko, Industriya at Gobyerno) Fund, iti Calamity Loan Program iti asino man a miembro ti Pag-IBIG Fund a dinidigra ni Bagyo Ompong.

Mabalin a makautang ti kualipikado a miembro ti Pag-IBIG Fund iti agingga iti 80% ti Total Accumulated Value (TAV) wenno dagup ti naitinnagna maibatay kadagiti pagalagadan ken kondision ti programa. Ti porsiento ti Calamity Loan Interest ket 5.95% tunggal tawen. Mabayadan met ti mautang (loan) iti 24 a bulan, ken adda tallo (3) bulan a mabalin a pakawaywayanna. Mangrugi ti tiempo ti panagbayad iti maika-4 a bulan kalpasan ti petsa iti tseke. Mabalin nga ipila ti aplikasion iti utang (loan) iti uneg ti 90 nga aldaw kalpasan ti pannakaideklarar ti State of Calamity.

Tapno kualipikado ti maysa a kameng, masapul a daytoy ket: nakaitinnag iti di nababbaba ngem 24 a binulan a kontribusion; aktibo a miembro nga addaan iti di nababbaba ngem lima (5) a binulan a kontribusion iti napalabas nga innem (6) a bulan iti bulan sakbay ti petsa ti panagaplay iti loan; agnanaed iti lugar a karaman iti indeklarar ti Office of the President wenno ti maseknan a lokal a Sanggunian (Councils) iti babaen ti state of calamity.

Saan a limitado ti programa iti pautang kadagiti apektado iti nakaro a didigra gapu iti paniempo. Mabalin pay kadagiti nakaro a nadidigra gapu iti natural a kalamidad a kas iti nakaro a layus wenno ginggined.

Para iti ad-adu pay nga impormasio, kontaken ti Pag-IBIG 24/7 customer care hotline: (02) 724 4244, wenno bisitaen ti website: pagibigfund.gov.ph.


(Naipablaak iti Oktubre 1, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

OKTUBRE 1, 2018

SARITA
 4 Istewalis
    Rodolfo D. Agatep, Jr.
8 Daton iti Tumanor a Kaputotan
   Prescillano N. Bermudez

NOBELA
8 Kudeta (29)
    Norberto D. Bumanglag, Jr.
12 Arem-Lakay (10)
    Estela Bisquera-Guerrero

DANIW
9 Apay a Naliday Dagiti Daniwmo?
   Arnold C. Baxa
47 Daniw a Para Ubbing
    Roselyn C. Campano

SALAYSAY
18 Ania ti Adda iti Arakup?
   Virginia A. Duldulao, Ph.D.
42 Makatulong Daytoy a Buot Kadagiti Mula
     Reynaldo E. Andres

KOMIKS
24 Miks & Tiks
26 Sweet Jazmine (107)
29 Don Clavio de Ylocos (110)

KOLUM
6 No Adda Sigsigloten, Adda Met Warwaren
16 Biag ni Ilokano
17 Kastoy, Kapid, Ditoy Hawaii
21Saludsodem ken ni Apo Hues
23 Dear Doc
34 Okeyka, Apong
36 Tips
37 Ading Kosinera
40 Padasem Daytoy, Kailian

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Balikros
48 Sudoku

DADDUMA PAY
2 Tao, Lugar, Pasamak
11 Netizone
14 Ay, Ompong!
20 Siled ti Kararag
22 Happy Teachers’ Day, Ma’am!
32 Panangimaton iti Pagtaengan
33 Ti Tarakenmo ken Sika
35 Idi Un-unana a Panawen
38 Ammuem Pay Dagitoy
39 Dayaw Festival 2018, Maangay iti Capiz
46 Ti Gasatmo Ita a Lawas

Rangtay ti TPLEX

RANGTAY TI TPLEX. Ti rangtay ti TPLEX (Tarlac-Pangasinan-La Union Expressway) a mabangbangon ken mamagkamang iti Brgy. Poblacion Norte ken Brgy. Esperanza, Sison, Pangasinan. Lasaten ti nasao a rangtay ti nalawa a Karayan Bued iti asideg ti nagbeddengan ti Pangasinan ken La Union sumurok-kumurang a maysa a kilometro iti babaen ken abagatan a laud ti Rangtay Bued. Manipud iti Bobonan, Pozorrubio, Pangasinan Exit agingga iti Subusub, Rosario, La Union ti maudi nga stage ti expressway ken manamnama a mairingpas inton Hulio wenno Agosto, 2019 segun iti Department of Public Works and Highways. Dakkel a banag ti maipaay ti TPLEX kadagiti motorista ken biahero ta aganayto laengen nga uppat nga oras ti Manila-Baguio a sigud a pito agingga iti walo nga oras ti kaunday ti panagbiahe. Maksayan met ti oras a panagbiahe dagiti agpa-Ilokos. (VIRGILIO D. DOMALOY)


(Naipablaak iti Septiembre 24, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Tagilako, maidanon koma kadagiti umili babaen ti ‘rolling store’

Insingasing ni Senador Nancy Binay iti liderato ti Department of Trade and Industry (DTI) nga idanon koman ti nasao nga opisina dagiti tagilako kadagiti umili babaen dagiti “rolling store” (trak ti DTI a napagbalin nga store) a pakailakuan dagiti tagilako iti presio a kabaelan dagiti nakurapay.

Kinuna ni Binay a kadagitoy koma a tiempo a mausar manen dagiti nasao a rolling store ti DTI a kas pangleplep iti panagsagsagsagaba dagiti umili iti ingingina dagiti magatgatang gapu iti panagsuek ti balor ti pisos.

Innayon ni Binay a yantangay ta akem ti gobierno ti mangisayangkat kadagiti wagas a mangkissay iti epekto ti implasion nangruna kadagiti nakurapay a pamilia, umisu laeng ngarud a mausar koma ti nasao a programa ti DTI.


(Naipablaak iti Septiembre 24, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Presio ti bagas, tumalged inton Nobiembre, kuna ni Piñol

Manamnama a tumalged wenno saanen a ngumina ti bagas iti daytoy Nobiembre gapu iti panangrugin ti tiempo ti panagani, nupay mabalin a di bumaba iti 40 pisos ti kada kilo, kas kinuna ni Agriculture Secretary Emmanuel Piñol itay nabiit.

Kuna ti Sekretario a gatangenen dagiti negosiante ti di pay nabilag nga irik iti 22 agingga iti 25 pisos ti kada kilo, idinto a 29 pisos ti nabilag nga irik.

Kabayatanna, insingasing ni Diputado ti Davao City Karlo Nograles iti liderato ti NFA a sapaen koman daytoy a rugian ti aggatang iti irik manipud kadagiti mannalon. Kuna ni Nograles a kadagitoy a tiempo koma nga ipakita ti NFA ti ‘kinalaingna.’


(Naipablaak iti Septiembre 24, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Saan koma nga ilaklako ti historia, kuna ni Tolentino

Inggunamgunam ni Presidential Adviser for Political Affairs Francis Tolentino a saan koma a mainegosio dagiti pakalaglagipan iti pakasaritaan ti Filipinas ta “kukua dagiti Filipino dagitoy.”

Inggunamgunam daytoy ni Tolentino, dati a chairman ti Metropolitan Manila Development Authority (MMDA), kalpasan ti panangilako ti Leon Gallery itay Septiembre 8 ti “bukod a wagayway” ni Andres Bonifacio, pundador ti Katipunan, iti P9.3-milion.

“Daytoy a wagayway ni Bonifacio nga adda markana nga 1896, dara dagiti kakailiantayo ti naaramat tapno magun-odtayo ti wayawaya,” kinuna ni Tolentino. “No pagbalinentayo a kasla produkto iti tiendaan ti wagayway a paset ti pakasaritaantayo, kasla kaawan metten ti panangraem iti inlablaban ni Andres Bonifacio,” innayonna.

Mainaig itoy, kiniddaw ni Tolentino ti panangipila ti National Commission for Culture and the Arts iti darum tapno maibabawi ti pannakailako ti nasao a wagayway.

Iti isu met laeng a panaglako a naaramid iti Leon Gallery a masarakan iti Siudad ti Makati, nailako ti kakaisuna a nabati a ladawan ni Bonifacio iti P2.7-milion, dagiti dokumento iti panagkameng iti Katipunan iti P818,000; ken dagiti dadduma pay nga aruaten agraman ti maysa a bronse a medalion nga us-usaren idi dagiti kameng ti Katipunan iti P876,000.


(Naipablaak iti Septiembre 24, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

SEPTIEMBRE 24, 2018

SARITA
 4 Sab-ong
    Estela Bisquera-Guerrero
8 Napatured Met Laeng
   Ben Ma. Pascual

NOBELA
10 Arem-Lakay (9)
    Estela Bisquera-Guerrero
12 Kudeta (28)
    Norberto D. Bumanglag, Jr.

DANIW
9 Tunggal Sumangbay ti Septiembre
    Eliseo B. Contillo
47 Daniw a Para Ubbing
    Johmar R. Alvarez

SALAYSAY
16 Ti Pudno Maipanggep iti Buok
   Virginia A. Duldulao, Ph.D.
20 Intayon Idiay Tanap-Avis Falls
    Aileen R. Rambaud
42 Kastoy ti Umno a Panagabono Kadagiti Mula a Tarong
     Reynaldo E. Andres

KOMIKS
24 Miks & Tiks
26 Sweet Jazmine (106)
29 Don Clavio de Ylocos (109)

KOLUM
6 No Adda Sigsigloten, Adda Met Warwaren
14 Biag ni Ilokano
15 Kastoy, Kapid, Ditoy Hawaii
19 Saludsodem ken ni Apo Hues
23 Dear Doc
34 Okeyka, Apong
36 Tips
37 Ading Kosinera
40 Padasem Daytoy, Kailian

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Balikros
48 Sudoku

DADDUMA PAY
2 Tao, Lugar, Pasamak
11 Netizone
18 Siled ti Kararag
22 Ilikliktayo Ida iti Nasapa a Panagsikog
32 Panangimaton iti Pagtaengan
33 Ti Tarakenmo ken Sika
35 Idi Un-unana a Panawen
38 Ammuem Pay Dagitoy
39 Haytek!
46 Ti Gasatmo Ita a Lawas


(Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Dagiti Produkto ti Nueva Vizcaya State University

DAGITI PRODUKTO TI NUEVA VIZCAYA STATE UNIVERSITY. Nakaragragsak ni Lucky Dueñas (nakaasul) ti NVSU a mangilaklako kadagiti produkto ti unibersidadda ken ni Emy Ines, mannursuro iti Caroan Elementary Schoolk (Gonzaga, Cagayan) iti kallabes a Regional DOST Week a sinangaili ti nasao nga ili. Adda Citrus Cider, Citrus Wine, ken dadduma pay a naidispley iti booth ti NVSU. Ipagpampannakkelna dagitoy a produkto ta malaksid a natural dagitoy, nalaka pay. Aggatad iti P90 ti Citrus Cider, P120 no adda sili ken bawangna; P200 met ti arakda. (Roselyn Carillo Campano)


(Naipablaak iti Septiembre 17, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Bagas, saan nga agkurkurang, kuna ni Piñol

Impetteng ni Department of Agriculture (DA) Secretary Manny Piñol itay apagtapog ti bulan a saan nga agkurkurang ti bagas iti pagilian.

Nupay kasta, inako ni Piñol a ngimmina ti bagas gapu iti “ngatangata” gapu iti nayalud-od nga idadateng ti naangkat a bagas, kasta met ti temporario a kaawan ti bagas manipud iti National Food Authority (NFA) a mailaklako iti tiendaan.

Impasigurado ketdi ni Piñol a tumalged ti situasion ti bagas, nangruna ti presio ti bagas, iti daytoy Nobiembre a rugi ti panagaapit.

Iti sabali a bangir, iti laksid dagiti adu a dawat iti panaglusulos ni Piñol, kuna ni Presidential Spokesperson Harry Roque nga agtalek pay laeng ni Presidente Rodrigo Duterte iti Sekretario.


(Naipablaak iti Septiembre 17, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

DepEd, inkabassitna dagiti papeles nga asikasuen dagiti mannursuro

Impakaammo ti Department of Education (DepEd) itay apagtapog ti bulan nga inkabassitnan ti bilang dagiti papeles a masapul a kompletuen dagiti mannursuro. Manipud iti 36 nga school forms, nagbalin laengen a 10.

Kuna ti DepEd a mangnamnama a dagiti 10 a nabati nga school forms a nasken a leppasen dagiti mannursuro, makatulong iti nasayaat iti pannakapataray ti departamento.

Naikabassit ti bilang dagitoy a pormulario kalpasan ti konsultasion iti nagbabaetan dagiti mannursuro, pangulo dagiti eskuela, superbisor dagiti rehion, ken dagiti field officer. Mangnamnama ti departamento nga iti pannakaibassit ti bilang dagiti pormulario, ad-adun ti tiempo dagiti mannursuro nga agisuro.


(Naipablaak iti Septiembre 17, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Nutrition program award, naited iti Vigan ken Santa

Naited iti Siudad ti Vigan ken ti ili ti Santa iti Ilocos Sur ti Consistent Regional Outstanding Winner on Nutrition (CROWN) award manipud iti National Nutrition Council (NNC) itay nabiit.

Naipaay ti pammadayaw iti Vigan (city category) ken Santa (4th-6th class municipality category) kalpasan ti tallo a nagsasaruno a panangabakda iti regional green banner award manipud idi 2015 agingga iti 2017.

Napadayawan ti Siudad ti Vigan ken ili ti Santa iti Philippine International Convention Center (PICC), Manila, idi Hulio 31, 2018.


(Naipablaak iti Septiembre 17, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

SEPTIEMBRE 17, 2018

SARITA
 4 Baak
     Rodolfo D. Agatep, Jr.
 8 Gapu iti Basi
    Benjamin F. Aurelio

NOBELA
10 Kudeta (27)
    Norberto D. Bumanglag, Jr.
12 Arem-Lakay (8)
    Estela Bisquera-Guerrero

DANIW
22 Eskursion iti Igid ti Baybay ti Aringay
      Ria Rebolledo
47 Daniw a Para Ubbing
     Adoracion B. Madarang

SALAYSAY
16 Ti Pudno Maipanggep iti Ukay-ukay
   Virginia A. Duldulao, Ph.D.
20 Di Met Laeng Naembalsamar ti Taraonmo?
    Eliseo B. Contillo
42Tapno Saan a Matungro Dagiti Raep
     Reynaldo E. Andres

KOMIKS
24 Miks & Tiks
26 Sweet Jazmine (103)
29 Don Clavio de Ylocos (106)

KOLUM
6 No Adda Sigsigloten, Adda Met Warwaren
14 Biag ni Ilokano
15 Kastoy, Kapid, Ditoy Hawaii
19 Saludsodem ken ni Apo Hues
23 Dear Doc
34 Okeyka, Apong
36 Tips
37 Ading Kosinera
40 Padasem Daytoy, Kailian

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Tao, Lugar, Pasamak
9 Ti Makunami
11 Netizone
18 Siled ti Kararag
21 Adda Peggad nga Ipaay ti Panagsida iti Tilapia
32 Panangimaton iti Pagtaengan
33 Ti Tarakenmo ken Sika
35 Idi Un-unana a Panawen
38 Ammuem Pay Dagitoy
39 Haytek!
46 Ti Gasatmo Ita a Lawas


(Naipablaak iti Septiembre 17, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

ASEAN-Japan Youth Ambassador

ASEAN-JAPAN YOUTH AMBASSADOR. Napili ni Ma. Christian A. Ramos ti San Nicolas, Ilocos Norte ken mannurat iti babaen ti Communications and Media Office (CMO) ti gobierno probinsial ti Ilocos Norte  a kas maysa kadagiti Philippine youth ambassador iti 45th Ship for South East Asian and Japanese Youth Program (SSEAYP), kaduana ti 28 a sabsabali pay a delegado manipud iti nadumaduma a paset ti pagilian. Mangrugi itoy a Septiembre agingga iti agtengnga ti Disiembre, kadua ni Ramos ken dagiti padana a youth ambassador iti Filipinas, a makalangen dagiti dadduma pay nga agtutubo manipud iti Japan ken kadagiti dadduma pay a pagilian a kameng ti ASEAN bayat ti kaaddada iti bapor ti Japan nga MS Nippon Maru. Sarungkaranda ti Japan, Brunei Darussalam, Philippines, Thailand, ken Vietnam, ken makiumandanto kadagiti pangulo dagitoy a pagilian, ambassador, ken daduma pay nga opisial malaksid a mapadasandanto pay ti kultura dagiti pagilian a bisitaenda. Kadua ni Ramos ni Le Marc B. Preposi ti probinsia ti La Union a mangibagi iti Rehion I iti sibubukel a delegasion ti Filipinas. (Mizpah Grace G. Castro)


(Naipablaak iti Septiembre 10, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Nateng ti sidaen, saan a galunggong

Kinuna ni Sen. Cynthia Villar, pangulo ti komite ti agrikultura ken taraon iti Senado, a nasaysayaat nga agsidatayo laengen iti nateng ngem iti mapagduaduaan ti kinatalgedna a galunggong.

Kinuna ni Villar daytoy gapu iti report a naikkan iti pormalin dagiti galunggong a naangkat iti Tsina.

“Agbiagtayo nga awan ti galunggong,” kinuna pay ni Villar.

Idinto a namallaag ti Department of Health kontra kadagiti galunggong nga addaan iti pormalin, impanamnama met ti Bureau of Fisheries and Aquatic Resources ken ti Department of Agriculture nga awan ti mailaklako a galunggong nga addaan iti pormalin iti pagilian.

Kinuna ni Agriculture Secretary Manny Piñol nga ituloy ti departamento nga ipanguluanna ti panagangkatna iti 17,000 a tonelada metrika a galunggong manipud iti China, Vietnam, ken Thailand mangrugi iti daytoy a Septiembre.


(Naipablaak iti Septiembre 10, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Presio dagiti magatgatang, di maipangina itoy a tawen

Impanamnama dagiti akinkukua kadagiti paktoria nga agparpartuat kadagiti kangrunaan a magatgatang a dida ipangato ti presioda agingga iti agtapos ti 2018, kas impakaammo ti Department of Trade and Industry (DTI).

Mairaman kadagiti produkto a saan a maipangina ti sardinas, delata a karne, ken pagpabanglo iti linabaan.

Iti pannakasursurat daytoy, ur-urayen pay laeng ti DTI ti sungbat dagiti agparpartuat iti gatas, kape, ken noodles maipanggep iti kiddaw ti ahensia a dida koma pay laeng ipangpangina dagiti produktoda.

Kinuna ni DTI Secretary Mon Lopez a no mabalin, saan koma pay laeng nga agipangina iti presio dagiti agparpartuat uray iti uneg laeng ti sumaruno a tallo a bulan tapno saan a maigiddan iti panagsuek ti balor ti pisos.

Kuna ti DTI a mapanen a 25 a porsiento kadagiti 200 a kangrunaan a magatgatang a sipsiputanda ti nagingaton iti presioda.

Kalpasan ti panangaprobar ti DTI kadagiti kiddaw a pannakaingato ti presio, isardeng pay laeng daytoy ti agaprobar kadagiti aplikasion a para iti pannakaingato ti presio.

Manamnama met nga iti apagtapog ti Septiembre, mairuar ti napabaro a suggested retail price dagiti magatgatang.

Iti sabali a bangir, panggep ti grupo a Laban Konsyumer ti mangipila iti reklamo iti Ombudsman kontra kadagiti opisial ti DTI. Kuna ti grupo a sinalungasing ti DTI ti pagrebbengan daytoy a mangipaay iti serbisio publiko ken nasayaat a panangiwanwan.


(Naipablaak iti Septiembre 10, 2018 a bilang. Para kadagiti kayatna ti ag-subscribe iti kopia ti Bannawag, ag-e-mail iti subscription.mb@gmail.com. Para iti digital a kopia, mapan iti BUQO, MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)