ABRIL 10, 2017

SARITA
4 Wak
   Estela A. Bisquera-Guerrero
12 Saem
   Conrado E. Camacho

NOBELA
8 Oplan Maharlika (13)
    Norberto D. Bumanglag, Jr.
10 Kalinawa (15)
     Linda T. Lingbaoan

DANIW
6 Habeas Corpuz
   Roy V. Aragon
47 Daniw a Para Ubbing
    Ryan A. Dulig

SALAYSAY
22 Ginggined ti Ipartaan ti Oarfish?
      Remedios S. Tabelisma-Aguillon
26 Piliem ti Kayatmo nga Organiko a Wagas ti Panagtalon
     Reynaldo E. Andres

KOMIKS
35 Sweet Jazmine (30)
38 Don Clavio de Ylocos (32)
41 Miks & Tiks

KOLUM
15 Kastoy, Kapid, Ditoy Hawaii
17 Saludsodem ken ni Apo Hues
20 Dear Doc
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
11 Netizone
14 Biag ni Ilokano
16 Siled ti Kararag
19 Agkakallong ti Pusam?
21 Adda Pagpannakkel Daytoy Kayo a Balay
29 Idi Un-unana a Panawen
32 Ammuem Pay Dagitoy
33 Haytek!
34 Addaantayo Koma iti “Palagip Center”
43 Ti Gasatmo Ita a Lawas
46 Dagiti Pabula ni Aesop

Gonzaga, Cagayan

GONZAGA, CAGAYAN. Timtimbangen ni Lenie Garcia, maysa a naubing pay a komprador iti Caroan, Gonzaga, Cagayan, dagiti nasurok a sangagasut a dadakkel a tarakitok a kinomprana kadagiti daklisan. Aw-awaganda pay iti kawakaw, agdagsen iti 7 a kilo ti tunggal tarakitok a mailako met iti sangagasut a pisos ti sangakilo. (Roselyn C. Campano)

(Naipablaak iti Bannawag, Abril 3, 2017 a bilang.)

14 a negosiante a Filipino, nairaman iti listaan dagiti bilionario iti lubong

Sangapulo ket uppat a Filipino a mabigbig iti tay-ak ti industria ken negosio ti nairaman iti maika-31 a tinawen a listaan ti Forbes dagiti bilionario iti sangalubongan a pakairaman da US President Donald Trump, Bill Gates ti Microsoft, ken Mark Zuckerberg a nangbangon iti Facebook.

Dagiti 14 a Filipino a bilionario:

1. Henry Sy, Sr., $12.7-bilion (maika-94 iti sangalubongan), SM Investments Corporation.

2. John Gokongwei, Jr., $5.8-bilion, nangbangon iti JG Summit Holdings.

3. Lucio Tan, $3.7-bilion, am-ammo pay a kas Tobacco King ken major stockholder ti Philippine Airlines.

4. George Ty, $3.5-bilion, Metrobank.

5. Enrique Razon, Jr., $3.4-bilion, casino ken port operator.

6. Tony Tan Caktiong, $3.4-bilion, Jollibee.

7. David Consunji, $3.1-bilion, real-estate developer.

8. Andrew Tan, $2.5-bilion, gaming ken real-estate developer.

9. Robert Coyiuto, Jr., $1.5-bilion, car dealership.

10. Manuel Villar, dati a senador, $1.5-bilion, real-estate developer.

11. Ramon Ang, $1.4-bilion.

12. Eduardo Cojuangco, $1.2-bilion.

13. Roberto Ongpin, $1.1-bilion,

14. Edgar Sia, $1-bilion.

Iti sangalubongan, No. 1 ni Microsoft co-founder Bill Gates, $86-bilion; sumaruno ni Berkshire Hathaway chief Warren Buffett, $75.6-bilion; ken Amazon founder Jeff Bezos, $72.8-bilion.


(Naipablaak iti Bannawag, Abril 3, 2017 a bilang.)

18 a daniw, naisalip iti 3rd Saniata Prize

Sangapulo ket walo a daniw ti naawat ti Secretariat ti Saniata Prize, Salip iti Daniw nga isponsoran ti Saniata Publications.

Naggibus ti salip itay Marso 15, 2017.

Dagiti daniw ken parbo a nagan dagiti autor:

“Saanko a Maawatan” ni Manang Rarara, "Siak ken Saan a Siak" ni Simoun San Diego, "Panangsapul ti Nagan" ni Isel Ron Aguirre, "Isasangbay ti Aranaar" ni Baak C. Addong, “Agikurkur-itak iti Listaan” ni Listaan T. Kur-it, "Daton iti NCCA" ni X, "Ni Miming" ni Domingo Banay, "Sulisog" ni Louise, "Dagiti Babassit a Kalkalding" ni Mang Ngalding,

“Simpatuyo” ni Siit T. Baimbain, "Dagiti Umel a Timek" ni Ekmit A. Lemu,  "Basura" ni Atlantis N. Lemuria-Paraiso, "Paltog Dagiti Balikas" ni Sniper, "Balikas" ni Sugi L. Anon, "Bato Bato Pick" ni Stone Cold, “Daniw ti Aggaddil a Bituka ken Agkiraos a Tian ti Pimpiman nga Adipen ni Bucaneg” ni Esoj P. Lazir, "No Mailako Laeng Dagiti Parikut" ni Mannurot T. Ilokos, "Babai ken Bagi, Lima a Timek" ni Aro Soledad.

Mayawat ti premio dagiti tallo a mangabak bayat ti umuna nga aldaw ti Dap-ayan 2017 ti GUMIL Filipinas inton Abril 21-23, 2017 a maangay iti Union Christian College, City of San Fernando, La Union. (AST)


(Naipablaak iti Bannawag, Abril 3, 2017 a bilang.)

Miting ti GUMIL Cagayan, Abril 2

Angayen ti GUMIL Cagayan, iti panangidaulo ni Freddie P. Masuli, ti miting ti gunglo inton Abril 2, 2017, ala 1:30 iti malem, iti Golden Harvest Subdivision, Carig, Tuguegarao City, iti panangsangaili da Board Member Vilmer Viloria ken ti pamiliana.

Mapagpapatanganto iti nasao a miting ti plano ti organisasion iti partisipasionna iti masungad a Nasional a Kombension ti GUMIL Filipinas a maangay sadiay San Fernando City, La Union, kangrunaanna ti pannakapili ti mangibagi iti GUMIL Cagayan iti pannakapili ti Miss GUMIL Filipinas.

Maaramid pay ti reorganisasion ti grupo a kas panangtungpal iti napabaro a paglintegan ti GUMIL Filipinas mainaig iti pannakapili dagiti baro nga opisial ti tunggal GUMIL Provincial Chapter a maigiddan ti eleksion dagiti sanga ti GUMIL iti eleksion ti liderato ti GUMIL Filipinas.

Manamnama ti itatabuno dagiti regular a miembro ken dagiti agngayangay nga agbalin a miembro. Para iti ad-adu pay nga impormasion, mabalin a kontaken dagiti sumaganad: Freddie P. Masuli (0995- 884-3797), Vilmer Viloria (0920-9038-511) ken Arthur Urata (0926-5154-744). (FPM)


(Naipablaak iti Bannawag, Abril 3, 2017 a bilang.)

ABRIL 3, 2017

SARITA
4 Namituen a Rabii
    Jobert M. Pacnis
12 Umok ken Taeng
     Pelagio Alcantara

NOBELA
8 Oplan Maharlika (12)
    Norberto D. Bumanglag, Jr.
10 Kalinawa (14)
     Linda T. Lingbaoan

DANIW
6 Mannakigubat
   Fernando B. Sanchez
20 Panagawid
     Mikael R. Gallego
47 Daniw a Para Ubbing
     Marlyn Garcia-Del Rosario

SALAYSAY
22 Iti Hawaii: Naidumduma Dagitoy a Retirado nga Agassawa
     Leilanie G. Adriano
26 Uppat a Baro a Barayti ti Kamote a Para Kalgaw
     Reynaldo E. Andres

KOMIKS
35 Sweet Jazmine (29)
38 Don Clavio de Ylocos (31)
41 Miks & Tiks

KOLUM
15 Kastoy, Kapid, Ditoy Hawaii
17 Saludsodem ken ni Apo Hues
19 Dear Doc
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
11 Netizone
14 Biag ni Ilokano
19 Siled ti Kararag
21 Apay a Nasken nga Adda Tarakenmo a Pusa Wenno Aso?
29 Idi Un-unana a Panawen
32 Ammuem Pay Dagitoy
33 Haytek!
34 Adda Met Sistema ti Panagdalus iti Uneg ti Pagtaengan
43 Ti Gasatmo Ita a Lawas
46 Dagiti Pabula ni Aesop

Nagadun a Taburkit!

NAGADUN A TABURKIT! Yayaon dagitoy a mangngalap ti Brgy. Nagattatan, Pamplona, Cagayan dagiti adu a taburkit, munamon, billangan, ken dilis a nakalapanda. Ikargada dagitoy iti bath tub sa ikabilda iti aparda iti asideg. Ditoy, agur-uray metten dagiti komersiante a gumatang kadagitoy nga ikan. Adda tangdan dagiti makipagbunag a saan a miembro. Para kilawen laeng no bassit ti maalada. Ngem no nalabon ti makalapanda, umabot no kua iti lima wenno sangapulo a pisos ti sangakilo, pasaray dua wenno tallo a kilo ti tangdan dagiti makipagbagkat. Mapadawatan pay dagiti saan a nakipagbunag. Naimas ti taburkit a kilawen, malingta, maprito ken mabugguong, aglalo daytay kallamo. Naimas pay ti daing daytoy nga ilaok iti dinengdeng wenno piniggutan nga aba. (Dexter Marin Fabito)


(Naipablaak iti Bannawag, Marso 27, 2017 a bilang.)

Proyekto ti Cultural Center of the Philippines: Karaman dagiti mannurat nga Ilokano iti Performatura 2017

Agpabuya dagiti mannurat nga Ilokano iti bukanegan, dallot, pangorona a daniw ken dadduma pay iti Performatura 2017: Performance Literature Festival inton Marso 31 agingga iti Abril 2.

Karaman dagiti nasao a mannurat kadagiti nadumaduma nga adipen dagiti nagduduma a tay-ak ti arte nga agpabuya iti nasao a pasken a naisangrat met a pammadayaw ken ni Francisco “Balagtas” Baltazar.

Ti tema ti pasken a “Sa Loob at Labas ng Bayan Kong Sawi” ket binatog iti obra maestra daytoy a “Florante at Laura.”

Iti daytoy tallo aldaw a pasken, libre a maimatangan ti publiko dagiti panagbasa iti daniw, kultural a pabuya, pannakaipabuya dagiti pelikula, book fair, ken pannakiinnuman kadagiti mabigbigbig nga adipen ti arte ken mannurat.

Iti agsapa ti Abril 1, isuro ken ipabuya da Eliseo B. Contillo, Remy N. Albano ken Vilmer V. Viloria ti bukanegan (ti bersion dagiti Ilokano iti balagtasan a naipanagan ken ni Pedro Bucaneg) idinto nga iti karabiyanna, kakadua dagiti nasao a mannurat da Mario T. Tejada, Avelina Fe Camacho, Benn Cabacungan ken dadduma pay nga agbasa ken agipabuya kadagiti nadumaduma a kita ti daniw ni Ilokano.

Iti panglukat a programa, agsarita iti bukodda a tay-ak dagiti national artist a da F. Sionil Jose ken Virgilio Almario, ken da Nora Aunor, Ricky Lee, Leoncio Deriada, ken dadduma pay.

Karaman kadagiti nalatak nga agpabuya iti nasao a festival dagiti chanter manipud iti Cotabato, Batanes, ken Cebu ken dagiti naubbing a performer a kas kada Juan Miguel Severo ken Abra ken dadduma pay.

Segun ken ni Herminio Beltran, Jr. a maysa kadagiti nangirusat iti daytoy a festival, maangay daytoy iti maminsan iti dua a tawen tapno maitampok ti Literatura ti Filipinas ken dagiti kanaigna a dadduma pay a kita ti arte, kasta met ti pannakinaig ti adipen ti arte iti audience-na, nga isu met ti pudpudno a bituen iti daytoy a festival.

Para kadagiti detalye ti Performatura 2017, bisitaen ti CCP Intertextual Division Facebook page wenno kontaken ni Markus Aserit iti ccpintertextualdivision@gmail.com, (02) 551-5959 wenno 0919-3175708.


(Naipablaak iti Bannawag, Marso 27, 2017 a bilang.)

15 a sarita, naisalip iti Grand Final ti Alviya

Sangapulo ket lima a sarita ti naisalip iti Grand Final ti Alviya Salip iti Sarita, kas impakaammo ni Dr. Freddie P. Masuli, Chairman ti Secretariat ti nasao a pasalip.

Dagiti sarita ken parbo a nagan dagiti autor:

“Asino ti Pimmatay ken ni Lapulapu?” ni Paulo T. Nuanco, “Miks” ni Lucio Zathaniku, “Santiguar ti Naikali a Basi iti Daradara a Talunasan,” ni Revolution T. Kaputotan, “Ni Crisostomo ken ti Padto ti Baglan” ni Baglan T. Ili, “Tirtiris” ni Bojong;

“Monster” ni Ske L. Eton, “Dagiti Maris ti Bullalayaw” ni Amalio Sereno, “Tawid” ni Fernando Corteza de San Isidro, “Ti Umuna ken Maudi nga Ayat ni Prinsesa Urduja” ni Datu Palaris Malong, “Katataan” ni Iraya;

“Iti Purok Amianan” ni Anti Ester, “Ti Agtagtagibalay” ni Juan Dollar, “Pepay” ni Consing Masayo, “Ti Tubtob” ni Private First Class Pantaleon Consejo Laranang, ken “Nangabakak, Tanud” ni Tok Hang Fat Tai.

Is-isponsoran ni Alex V. Yadao ti Abulug, Cagayan ken New York City ti tinawen a Salip iti Sarita ti Alviya Foundation. Nailatang ti pasalipna (maika-6) a pagsasalipan dagiti amin a nangabak kadagiti napalabas a lima a salip iti panagsurat iti sarita. Mapili itoy maika-6 a pasalip ti maysa laeng a mangabak (Grand Prize Winner) a pakaipaayan ti kuarta a gunggona a P50,000 ken plake ti pammadayaw.


(Naipablaak iti Bannawag, Marso 27, 2017 a bilang.)

MARSO 27, 2017

SARITA
4 Babay, Katugangan!
    Juan Al. Asuncion
12 Timek ti Dios
      Antonio S. Encarnacion

NOBELA
8 Oplan Maharlika (11)
    Norberto D. Bumanglag, Jr.
10 Kalinawa (13)
     Linda T. Lingbaoan

DANIW
6 Destiero
    Ria Rebolledo
20 Barbakua
    Rolando A. Seguro, Jr.
47 Daniw a Para Ubbing
    Adoracion B. Madarang

SALAYSAY
16 Ita Ta Sibibiagda Pay
     Felix M. Eslava, Jr.
22 Agmulaka iti Mangisalakan iti Pamiliam
     Fidelino R. Cabantac
26 Rey Andres Article
     Reynaldo E. Andres

KOMIKS
35 Sweet Jazmine (28)
38 Don Clavio de Ylocos (30)
41 Miks & Tiks

KOLUM
15 Kastoy, Kapid, Ditoy Hawaii
17 Saludsodem ken ni Apo Hues
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
11 Netizone
14 Biag ni Ilokano
19 Siled ti Kararag
21 ‘Tay Man Kanta ni Vhen Bautista, Kuna Dayta Pusam?
29 Idi Un-unana a Panawen
32 Ammuem Pay Dagitoy
33 Haytek!
34 Panangdalus iti Suelo ti Banio
43 Ti Gasatmo Ita a Lawas
46 Dagiti Pabula ni Aesop

Kaggabut a Mani

KAGGABUT A MANI. Sipapannakkel nga ipakpakita ni mannalon Alfredo Gadiaza,64, dagiti kaggabutna a mani iti kagudua ti ektaria a kamanianna iti Barangay Casilagan,Sta Cruz, Ilocos Sur, nga isu met ti panguartaanna no kastoy a kataptapog ti kalgaw. (Zaldy Comanda)

(Naipablaak iti Bannawag, Marso 20, 2017 a bilang.)

Umuna a North Luzon Film Festival, maiwayat

Maiwayat ti Umuna a North Luzon Film Festival inton Marso 24-26, 2017 iti Brickstone Cinema, Tuguegarao City, Cagayan babaen ti panangilungalong ti North Luzon Cinema Guild, Inc.

Manamnama a dar-ayan dagiti filmmaker manipud kadagiti rehion ti Cagayan Valley, Cordillera Administrative Region, Ilocos ken Central Luzon.

Addaan ti festival iti tema a “Cinema Padday: Sikami nga Taga Norte” a kas pangitan-ok iti kultura, literatura ken kannawidan dagiti taga-Amianan nangruna kadagiti umili ti probinsia a Cagayan. Balikas nga Ybanag ti “padday” a kaibatogan ti “parnuay” dagiti Ilokano.

Babaen ti pannakibinnulig iti National Commission on Culture and the Arts (NCCA), panggep ti festival a rubroban ti adbokasia ti panangsaluad kadagiti rehional a pelikula tapno agrimat pay ti literatura, arte ken kultura dagiti taga-Amianan. Iti biang dagiti organizer nga idauluan ni Jerome Dulin, founding director ti North Luzon Cinema Guild, Inc., mamati a dakkel ti maipaay daytoy nga inspirasion kadagiti agdadamo a filmmaker.

Karaman pay kadagiti makibinnulig iti daytoy a festival ti Department of Tourism Region 2, Philippine Information Agency Region 2, opisina ni Diputado Randy Ting ti 3rd District ti Cagayan, ken dagiti nadumaduma a media partner a kas iti CinemaBravo ken Viddsee.com.

Silulukat iti publiko ti festival nga addaan iti tallo a paset: Culture, Regional Film Literacy and Tourism Conference; Regional Film Exhibition; ken, North Luzon Film Festival – Cinema Padday (Shortfilm Competition).

Para iti naan-anay nga impormasion maipapan iti festival, kontaken ti Secretariat ti North Luzon Cinema Guild Inc. iti 0927 383 1212, 0926 909 1889 ken 0947 348 6153 wenno ag-e-mail iti cinemapadday@gmail.com / cinemaguildluzon@gmail.com. Mabalin pay a bisitaen ti event page ti festival iti Facebook. (Jan Justin C. Rodriguez)

(Naipablaak iti Bannawag, Marso 20, 2017 a bilang.)

Panagsanay dagiti CAFGU, nayalnag

Inyalnag ti 77th Infantry Battalion ti Philippine Army a nakabase iti Camp Melchor de la Cruz, Upi, Gamu, Isabela itay nabiit ti maysa a proyekto tapno maital-o ti propesional a saguday ken kabaelan dagiti kameng ti Civilian Armed Forces Geographical Unit wenno CAFGU iti tay-ak ti panggedan

Maysa nga irregular a kameng ti  Armed Forces of the Philippines dagiti CAFGU a nabukel babaen ti bileg ti Orden Ehekutibo Blg. 264 a pinirmaan ni sigud a Presidente Corazon C. Aquino idi 1987 tapno tumulong a mangtaginayon iti kappia kadagiti lugar a nagtaltalinaedan dagiti rebelde.

Naawagan ti proyekto iti Resource Management Through Alternative Learning, panggep daytoy a padur-asen ti kabaelan dagiti CAFGU babaen ti panagadalda iti Alternative Learning System ken Open High School Program.

Nabuangay pay ti maysa nga school-on-the-air a pakasanayan dagiti kameng ti tropa kadagiti nagduduma a tay-ak ti pagsiriban babaen ti radio.

Babaen ti tulong ti Technical Education and Skills Development Authority (TESDA), maisayangkat pay dagiti panagsanay a mainaig iti bokasional a kabaelan.

Kuna ni Col. Jos Arn M. Real, Commanding Officer daytoy a batalIon a mangsakup iti sibubukel a Tanap ti Cagayan ken Cordillera, nga intuyang ti Orden Ehekutibo Blng. 264 a mabalin a sumrek ti asino man nga umili iti CAFGU no la ketdi nasalun-at ken kabaelanna ti makipaset iti pannakasalaknib ti ili.

Iti nabiit pay a panagsukisok nga insayangkat ti batalion, agparparang a walo iti tunggal sangapulo a CAFGU ti saan a nakalpas iti hayskul wenno nagsardengda a nagadal idi addada pay laeng ti elementaria wenno hayskul. Iti pannakipartisiparda iti proyekto, maikkanda iti gundaway a makalpas iti hayskul babaen ti Accreditation ken Evaluation nga isayangkat  ti Departramento ti Edukasion.

Umuna ken kakaisuna iti sibubukel a Philippine Army daytoy a klase ti proyekto, manamnama a mapardur-asna ti propesionalismo ken magapuanan ti armada. (Rony Hopeman S. De Leon)


(Naipablaak iti Bannawag, Marso 20, 2017 a bilang.)

11 a sarita, naisalip iti 1st Albalos Awards

Sangapulo ket maysa a sarita ti naawat ti Secretariat ti Mario Abinsay Albalos Foundation Literary Awards a para iti inwayat daytoy a Salip iti Sarita.

Narugian ti salip idi Oktubre 1, 2016 ken naggibus itay Marso 3, 2017.

Dagiti sarita ken parbo a nagan dagiti autor:

“Agsublikan, Baket” ni X, “Dagiti Maris ti Bullalayaw” ni Amalio Sereno, “Kas iti Panagburak ti Dalluyon” ni Jajejijoju, “Darasudos” ni Darah Sue Doss, “Hawaii Ditoyen, Mikiong!” ni Lucio Zathaniku Jr.;

“Fina” ni Mayyang, “Kadkad” ni Kael, “Baro a Puli” ni King Koi, “Kristo” ni Diosdado Villa, “Pasintawi ti Bibilan ken Dadapilan” ni An-anabo T. Padsan, ken ti “Ti Aktibista” ni Renato Vencer.

Nabangon ti Mario Abinsay Albalos Foundation Literary Awards tapno tumulong iti ad-adda pay a pannakapasantak ti Literatura Ilokana. Naipanagan daytoy iti daydi Dios-ti-aluadna a mannurat ti Bannawag Mario A. Albalos, tubo iti Cabaroan Daya, Siudad ti Vigan, napadayawan a Pedro Bukaneg awardee ken umuna a Thomas Jefferson awardee iti Estado ti Hawaii a nagnanaedanna agingga iti pimmusay idi Marso 3, 1991 iti edadna a 40.

Agpaay a mangimaton iti pasalip ti foundation dagiti gagayyem daydi MAA a da Jenny Alcausin (agnanaed iti California), Amado I. Yoro, Jun Abinsay, ken Priscilla Dela Cruz (agpapada nga agnanaed iti Hawaii) ken iti pannakitinnulong dagiti kameng ti Bannawag.

Dagiti gunggona: Umuna, P15,000.00; Maikadua, P12,00.00; ken Maikatlo, P10,000.00.

Mapadayawan dagiti mangabak bayat ti Dap-ayan 2017 ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw, inton Abril 21-23, 2017 iti Union Christian College, City of San Fernando, La Union.


(Naipablaak iti Bannawag, Marso 20, 2017 a bilang.)

MARSO 20, 2017

SARITA
4 Ni Apong Baket
   Estela A. Bisquera-Guerrero
12 “Kururooot, Waaa!”
     Gregorio C. Laconsay


NOBELA
8 Oplan Maharlika (10)
    Norberto D. Bumanglag, Jr.
10 Kalinawa (12)
     Linda T. Lingbaoan

DANIW
6 Marso
   Ronnie E. Aguinaldo
47 Daniw a Para Ubbing
    Adoracion B. Madarang

SALAYSAY
12 Agbiddut ti Agkuna a Nanumo ti Kamote
     Virginia A. Duldulao, Ph.D.
26 Naidumduma a Mais ti QPM
     Reynaldo E. Andres

KOMIKS
35 Sweet Jazmine (27)
38 Don Clavio de Ylocos (29)
41 Miks & Tiks

KOLUM
15 Kastoy, Kapid, Ditoy Hawaii
17 Saludsodem ken ni Apo Hues
19 Dear Doc
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
11 Netizone
14 Biag ni Ilokano
16 Siled ti Kararag
20 Ubing Pay, Adda Ubingnan
21 Sika Met Laeng Dayta Asom
29 Idi Un-unana a Panawen
32 Ammuem Pay Dagitoy
33 Haytek!
34 Kasano nga Ikkaten ti Mantsa ti Taraon iti Plastik a Lunglongan?
43 Ti Gasatmo Ita a Lawas
46 Dagiti Pabula ni Aesop

Lambanog ti Aparri

LAMBANOG TI APARRI. Nagaget daytoy nga agtutubo ti Brgy. Cappi-Navagan, Aparri, Cagayan nga agluto iti arak manipud iti tubbog ti tata wenno nipa a kangrunaan nga industria kadagiti barangay iti laud ti ili. Mapa a P250-P350 ti sanga-container agbatay iti panawen ta adda dagiti tiempo a bassit ti agbalin a pagsabongan ti tata gapu iti nakaro nga angin wenno panagdinakkel ti danum ti karayan. Mailaklako dagiti arak (lambanog) kadagiti ili a Ballesteros, Abulug, Allacapan iti Cagayan ken kadagiti ili a Flora, Sta. Marcela, Luna ken Pudtol iti Apayao. (Jobert M. Pacnis)

(Naipablaak iti Bannawag, Marso 13, 2017 a bilang.)

Sadut nga empleado dagiti LGU, naballaagan

Amin nga empleado dagiti gobierno lokal, masapul nga agtrabahoda iti di nakurkurang ngem 8 nga oras iti tunggal aldaw a kaadda ti serrek; no saan, agur-uray ti dusa kadakuada.

Daytoy ti imballaag ni Dept. of the Interior and Local Government (DILG) Secretary Ismael Sueno tapno maisardengen ti pannakauy-uyaw dagiti empleado ti gobierno gapu iti mapalpaliiw a dida panangipingpinget iti panagtrabahoda.

Iti babaen ti Omnibus Rules Implementing Book V of Executive Order No. 292, kinuna ni Sueno nga amin nga opisial ken empleado dagiti amin a departamento ken ahensia, nasken nga agtrabahoda iti di nakurkurang ngem walo nga oras iti inaldaw iti uneg ti lima nga aldaw iti makalawas, saan a mairaman ditoy ti oras a panangaldawda.

Innayon ni Sueno a maipaay ti disciplinary action kadagiti opisial ken empleado a masansan a maladladaw ken di mangipapaay iti kompleto nga oras ti panagtrabaho uray pay mano laeng a minuto iti tunggal aldaw, iti mamin-10 a daras iti makabulan iti dua nga agsaganad a bulan.

Ti masansan a saan nga autorisado a panaglangan wenno naipakadawyan a di iseserrek iti trabaho, kinaladaw a sumrek iti trabaho, ken saan a panagtrabaho iti lugar a pagtrabahuan bayat ti regular nga oras ti panagtrabaho ket maibilang a nadagsen a pakabasolan a maipaayan iti dusa a pannakasuspende iti innem a bulan agingga iti makatawen para iti umuna a panagbasol ken pannakaikkat iti trabaho para iti maikadua a panagbasol.

(Naipablaak iti Bannawag, Marso 13, 2017 a bilang.)

17 a sarita, naisalip iti 19th AMMA Foundation Literary Awards

Sangapulo ket pito a sarita ti naawat ti Secretariat ti AMMA Foundation Literary Awards a para iti maika-19 nga edision ti salip iti panagsurat iti sarita a para kadagiti agdadamo a mannurat iti Ilokano.

Naggibus ti salip idi Enero 31, 2017.

Dagiti sarita ken parbo a nagan dagiti autor:

“Ti Gasat ni Lucky” ni Bisah G. Pilde, “Dung-awak Met ti Ipupusayyo Gayyem” ni Gia Mae Santana, “Ayat ken Pammakawan” ni Tano Gadul, “Witiwit” ni Love U. Dada, “Agsublikan, Baket” ni X;

“Tribu ni Cain” ni Ben Thor Rotor, “Baggak” ni Ronnie Carabbay, “Ti Ayag, Lumboy, Kulalanti ken Kampilan” ni Domingo Dagsi Banay, “Karit” ni Car Eat, “Ti Un-unnoy ni Ma’am Judy” ni Y;

“Doktor Siegfrid” ni Kemoy Marcus, “Sapata” ni Marie Gatan, “Gitebgiteb iti Barukong” ni Prety Boy Lee, ”Atang” ni Roy, “Lakay Angkuan: Ama ti Puli” ni Susan Dy; “Awanen ti Kas Kenka a Nabukelen” ni Dirty Harry, ken “Burboran” ni Malalaki ti Amianan.

Kinuna dagiti esponsor (Amado ken Gloria Yoro, Francisco ken Aurora Ponce, ken Alfredo ken Cherry Quibol, agpapada nga agindegen iti Hawaii) a mapadayawan dagiti mangabak bayat ti Maika-49 a Nailian a Kombension ti GF a maangay iti Siudad ti San Fernando, La Union itoy nga Abril.

Dagiti gunggona: Umuna a Gunggona, P10,000.00; Maikadua, P8,500.00; ken Maikatlo, P7,000.00. Maipaayan pay dagiti mangabak iti sertipiko ti pammadayaw.


(Naipablaak iti Marso 13, 2017 a bilang.)

Guling-guling Festival ti Paoay

GULING-GULING FESTIVAL TI PAOAY. Maysa a buya ti sala a mangipakpakita iti kabibiag dagiti taga-Paoay, Ilocos Norte idi panawen dagidi Kastila agingga iti agdama. Tinawen a ramrambakan ti nasao nga ili ti Guling-guling wenno Kurkuros (pannakaimarka ti krus iti muging, wenno Ash Wednesday) a mangipakita iti kinarelihioso dagiti agindeg ditoy. Naipabuya ti sala iti mismo a sango ti San Agustin Church, maysa kadagiti daydaywen dagiti turista ken maibilang a UNESCO Cultural Heritage. (Aileen R. Rambaud)


(Naipablaak iti Bannawag, Marso 13, 2016 a bilang.)

Dap-ayan 2017 ti GF, mapagsasaritaan

Ti Dap-ayan 2017 ti kangrunaan a mapagsasaritan iti maikawalo a regular a board meeting ti GUMIL Filipinas (GUMIL), ti gunglo dagiti mannurat nga Ilokano, iti daytoy Marso 12, 2017.

Maangay ti board meeting iti Union Christian College, City of San Fernando, La Union, iti panangsangaili ti GUMIL La Union nga idauluan ni Eddy Almodovar, kas impakaammo ni Arthur P. Urata, Sr., presidente ti GUMIL.

Sangailien met ti GUMIL La Union ti Dap-ayan 2017: Maika-49 a Nailian a Kombension ti GUMIL Filipinas ken Komperensia iti Lengguahe ken Literatura nga Ilokano inton Abril 21-23, 2016 iti nadakamat a kolehio.

Malaksid kadagiti opisial ken mammagbaga, manamnama ti yaatendar dagiti presidente dagiti GUMIL chapters iti nasao a miting.

Para iti idadar-ay iti miting ken para iti pre-registration iti Dap-ayan 2017, makiuman ken ni GUMIL La Union Secretary Teofilo Damoco (0939 968 7836). (NME Valdez)


(Naipablaak iti Bannawag, Marso 13, 2017 a bilang.)

Salip iti Daniw a Para Ubbing ti Ilagan Association of Hong Kong

Linuktan itay nabiit ti Ilagan Association of Hong Kong nga idaluan ni Virginia C. Arquero ti pasalipna iti panagsurat iti daniw a para ubbing babaen ti tulong ti Mariano Marcos State University-College of Teacher Education babaen ti dekana daytoy a ni Dr. Eliza T. Samson ken ti GUMIL MMSU-CTE a pagpaayan ni Dr. Edna C. Nagtalon a mammagbaga. Agpaay met ni Elizabeth M. Raquel, dati nga NCCA Coordinator for Northern Luzon, a pangulo ti Secretariat.

Dagiti Pagannurotan:

1. Dagiti laeng estudiante iti kolehio/unibersidad ti mapalubosan a makisalip.

2. Maysa a daniw laeng a para ubbing (children’s poetry) ti idatag ti tunggal makisalip. Masurat ti daniw iti Ilokano, buklen daytoy ti uppat nga stanza a ti tunggal stanza, buklen met ti uppat a linia.

3. Awan ti nagan ti autor (pudno man wenno parbo a nagan) nga agparang iti pakisalip a daniw.

4. Nasken a bukod a putar ti mannaniw ti pakisalipna. Nasken pay a di pay naipablaak ken saan a naipatarus manipud iti sabali a lengguahe ti isalip a daniw. No matakuatan a nasalungasing daytoy a pagannurotan, maibabawi ti gunggona ket maparitanto metten a makisalip ti autor iti ania man a pasalip ti Ilagan Association of Hong Kong.

5. Deadline ti panagidatag: Abril 8, 2017. Ipatulod babaen ti e-mail ti pakisalip iti elimraquel@yahoo.com iti subject a “Salip iti Daniw a Para Ubbing Ilagan Assn of HK.”

6. Dua a file ti y-email. Umuna, ti daniw. Maikadua, ti file a yan ti paulo ti daniw, kompleto a nagan ti autor, numero ti selpon, kolehio/unibersidad a pagbasbasaan, adres iti pagtaengan, ababa a pakasaritaan ti biag, ken retrato.

7. Dagiti premio: 1st Prize: Php3,000; 2nd Prize: Php 2,500; 3rd Prize: Php2,000.00.

8. Mapadayawan dagiti mangabak inton Abril 29, 2017 iti Mariano Marcos State University-College of Teacher Education.

9. Makipagtagikua ti Ilagan Association of Hong Kong kadagiti mangabak a daniw ket awan sungsungbatanna kadagiti mannaniw no bilang usarenna dagitoy iti ania man a wagas kas iti pannakaipabuya, pannakaipablaak iti magasin wenno libro, ken pannaipaskil iti social media. Agtalinaed ketdi ti copyright iti autor wenno mannaniw.


(Naipablaak iti Bannawag, Marso 13, 2017 a bilang.)

MARSO 13, 2017

SARITA
4 Ti “Change Is Coming” iti Biag ni Poldo
    Hilario A. Espiritu, Jr.
12 Pakpakauna ti Masakbayan
     Placido R. Real

NOBELA
8 Oplan Maharlika (9)
     Norberto D. Bumanglag, Jr.
10 Kalinawa (11)
      Linda T. Lingbaoan

DANIW
6 Panagarem iti Maysa a Sabong
    Mikael R. Gallego
22 Buya iti Maikatlo a Kadsaaran ti Lirio ti Tanap
      Alegria Tan Visaya
47 Daniw a Para Ubbing
     Anna Liza Madayag Gaspar

SALAYSAY
16 “Manang Biday,” Sibibiag Idiay Australia
     Eden C. Bulong
26 Ay, Kapas!
     Reynaldo E. Andres

KOMIKS
35 Sweet Jazmine (26)
38 Don Clavio de Ylocos (28)
41 Miks & Tiks

KOLUM
15 Kastoy, Kapid, Ditoy Hawaii
17 Saludsodem ken ni Apo Hues
19 Dear Doc
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
11 Netizone
14 Biag ni Ilokano
20 Siled ti Kararag
21 Panangpasayaat iti Relasion ti Aso ken ti Amo Daytoy
29 Idi Un-unana a Panawen
32 Ammuem Pay Dagitoy
33 Haytek!
34 Panangdalus iti Tabla a Suelo
43 Ti Gasatmo Ita a Lawas
46 Dagiti Pabula ni Aesop