SUPER SUYOD. Nupay adun dagiti moderno a ramit iti panagtalon, di pay laeng a maisukat daytoy a mannalon ti suyodna iti pananglimpiana iti paraepanna. Kinapudnona, kaaduan pay laeng a mannalon iti Cagayan ti agar-aramat iti suyod ta nasaysayaat pay laeng ti pannakapalanas ti talon no suyod ti usaren ngem ti kuliglig. (Johmar R. Alvarez)
(Naipablaak iti Bannawag, Enero 26, 2015 a bilang.)
Daytoy nailadawan a super suyod ti mangipakita ken mangipaneknek a tunggal sabali nga ili [lugar] sabali ti awag [balikas - termino] ti maysa a banag, alikamen, ramit ken dadduma pay. Idiay lugarmi a Tapao, Sinait, Ilocos Sur, karaykay ti awagmi iti nailadawan. Ti suyod idiay yanmi----panagtalon ken pangmula ti tabaho, panagmula ti unas ken bawag ti kaaduan a pamataudanmi iti pagbiagmi. Ti suyodmi ket natabas a kayo a nagbakkong a guyoden met ti nuang, wenno baka, no kasdiay nga adda magaboran a lasong ti talon wenno sinilong. Ti kaaduan nga aramatenmi a pannakapalanas wenno limpia ti talon awaganmi iti palpal, parisris a kaaduanna ket agluganko, sika nga agpalpal ket siyempre tapno natalgedka iti rabaw ti palpal naaramid iti lima wenno ad-adu a sibubukel a bayog a naikkan iti ngipenna nga isuda dagitoy a ngipen ti mangparprar ken mangpalanas ti talon. Nagasatka nga aglugan iti palpal ta ngamin, kaptam ken kumpetka a nalaing iti ipus ti nuang wenno baka, babai man wenno lalaki dayta a nuang/baka. Ta no saan a nasayaat ti kapetmo iti ipus, adda labitna a matinnag ket maipiltakka iti danum ti talon. Agyamanak.
ReplyDelete