Dacuag, Umuna iti salip iti Daniw ti 3rd Gabriela Prize

Indauluan ni Pearl Lovedyn A. Dacuag ti Union, Gamu, Isabela dagiti nangabak iti Salip iti Daniw ti Maikatlo a Gabriela Prize/Premio Gabriela (2020). 

Iti 31 a daniw a naisalip, ti daniw ni Pearl a “Darudar” ti nakagun-od iti Umuna a Gunggona. Nagturpos iti B.A. Communication iti UP Baguio, nagtrabaho ni PLAD iti Bombo Radyo Philippines iti agarup 10 a tawen ken iti agdama, agpapaay iti Department of Agriculture (DA)-Region I iti San Fernando City, La Union. Fellow iti Daniw iti 3rd Pasnaan Literary Worshop ti GUMIL Filipinas idi 2012. 

Ni Oswald A. Valente ti Comcomloong, Currimao, Ilocos Norte ti nangyalat iti Maikadua a Gunggona babaen ti daniwna a “Sika ken Siak: Naglapunosan.” Premiado a mannaniw ken maysa a mannalon, nagpaay pay ni OAV a kapitan ti barangay iti lugarda, ken preacher, teacher, exorter iti nakaikappenganna a pammati. 

Ti Maikatlo a Gunggona, inyalat ni Daniel L. Nesperos ti San Lorenzo, San Nicolas, Ilocos Norte, babaen ti daniwna nga “Asin.” Premiado a mannaniw ken piksionista ni DLN, autor ti Anglem, koleksion dagiti daniw. Agpapay iti agdama a sekretario ti barangayda ken maysa kadagiti learning resource reviewer/editor dagiti libro nga Ilokano ti Department of Education (DepEd). 

Nairaman a kas finalist dagiti daniw a “Dallot ti Iliw ken Saan a Napakpakadaan nga Idadanon” ni Deo M. Ramos ti Bangued, Abra; “Sapsapulek Daydi Banglom” ni Rodel Ringor Estacio ti Rosario, La Union, ken “Tedted ti Linnaaw” ni Marites Viesca Roque ti Tuao, Cagayan. 

Dagiti nagpaay a hurado: Dr. Sonja Albano Chan, mannaniw iti Ilokano ken Ingles, propesora iti literatura, linguistics, ken foreign languages iti nadumaduma nga unibersidad iti Baguio City, ken autor ti Listen Dear Heart/ Umarasaas ‘Tay Rikna a nakaurnongan dagiti daniwna; 

Hermilinda T. Lingbaoan-Bulong, mannaniw, mannalaysay, piksionista iti Ilokano, Tagalog, ken Ingles, kakaisuna a babai a nagbalin a kameng ti editorial ti Bannawag, pinadayawan ti Unyon ng mga Manunulat sa Pilipinas (UMPIL) iti Gawad Pambansang Alagad ni Balagtas for Ilokano Fiction idi 2016, autor ti nailibro a nobela a Kalinawa, ken editor ita iti UP Press; 

ken Ria Rebolledo, mannaniw iti Ilokano ken Ingles, piksionista, autor ti Tagidpuan a chapbook ti dandaniw, ken writer/editor dagiti learning materials iti maysa a Korean online tutorial academy iti Baguio City. 

Ti Imnas & Iway Publications, maysa nga independiente nga small press nga agiprodprodius ken agipabpablaak kadagiti zine, chapbook, ken libro nga Ilokano, ti mangtartarawidwid iti Gabriela Prize wenno Premio Gabriela. (RVA)

(Naipablaak iti Bannawag iti Oktubre 1-15, 2020 a bilang.

Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com.

Para iti digital a kopia, mapan iti MAGZTER wenno PRESS READER ket sapulen ti Bannawag.

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

OKTUBRE 1-15, 2020

LINAONNA

SARITA 
2 Naim-imbag Laengen    Ngem ‘Diay Awan   ni Remedios S. Tabelisma-Aguillon 
8 Kas iti Napanayag a Tay-ak   ni Conrado E. Camacho

NOBELA 
10 Sangaaruy-oy a Batek (3)  ni Teresita B. Tingonong-Ambalneg 
14 Angkel Dok (24)  ni Dionisio S. Bulong 
20 Ti Puga (15)  ni Norberto D. Bumanglag, Jr.

DANIW 
12 Darudar ni Pearl Lovedyn A. Dacuag 
16 Alimuteng ni Oswald A. Valente 
30 Pantok ni Jobert M. Pacnis 
35 Dinakto Malipatan ni Fernando B. Sanchez 
63 Daniw a Para Ubbing ni Marlyn Garcia-Del Rosario

SALAYSAY 
24 Ti Nalugi a Negosio iti Ice Cream ni Estela A. Bisquera-Guerrero 
32 Ania ti Nagbanagan ti National Greening Program ti Gobierno? ni Felix M. Eslava, Jr. 
54 Adu ti Maited ti Baranibud a Pagsayaatan ti Salun-at ni Reynaldo E. Andres

KOMIKS 
36 Miks & Tiks 
38 Dagiti Batekan (20) ni Ariel S. Tabag 
43 Ickaryz (24) ni Hilario A. Espiritu, Jr.

KOLUM 
4 Saludsodem ken ni Apo Hues 
6 No Adda Sigsigloten, Adda Met Warwaren 
18 Biag ni Ilokano 
19 Kastoy, Kapid, Ditoy Hawaii 
23 Dear Doc 
29 Okeyka, Apong 
53 Dear Ikit 
56 Ading Kosinera 
57 Tips

PAGLINGLINGAYAN 
60 Showbiz 
63 Agkatawa ti Mayat 
64 Sinniriban 
64 Sapukas-2 
64 Sudoku

DADDUMA PAY 
17 Siled ti Kararag 
23 Netizone 
26 Ti Padas a Diakto Malipatan 
28 Idi Un-unana a Panawen 
31 Tao, Lugar, Pasamak 
49 Balaynan, Eskuelanan 
50 Ti Tarakenmo ken Sika 
51 Panangimaton iti Pagtaengan 
58 Ammuem Pay Dagitoy 
59 Ti Gasatmo 
62 Manipud iti Social Media

(Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com.
Para iti digital a kopia, mapan iti MAGZTER wenno PRESS READER ket sapulen ti Bannawag.
Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Inabel a Face Mask

INABEL A FACE MASK.  Adu a naawanan iti trabaho gapu iti pandemia ti nagbalin a managpanunot no kasano a makateggedda met para iti bukodda a pamilia. Iti Ilocos Norte, dagiti adda iti sektor ti turismo, nagaramidda kadagiti inabel a face mask sa ilakoda babaen ti online ken iti pisikal a tianggi iti presio a 130 agingga iti 180 a pisos ti maysa. Itay nabiit, naiparang iti “Buy Ilocos Norte” bazaar, maysa a pop up event ti probinsia ti Ilocos Norte nga inorganisar ti gobierno probinsial tapno matulongan dagiti lokal a negosiante. Para kadagiti interesado nga agorder iti inabel a face mask babaen ti online, bisitaen ti Buy Ilocos Norte Facebook page. (LEILANIE G. ADRIANO)

(Naipablaak iti Septiembre 16-30, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

NCCA, agawaten iti nominasion para iti Gawad sa Manlilikha ng Bayan

Ipakaammo ti National Commission for Culture and the Arts (NCCA) nga idauluan ti chairman daytoy a ni  Arsenio “Nick” J. Lizaso, agraman da executive director Al Ryan S. Alejandre, deputy executive director Marichu G. Tellano, ken Supervising Officer for Administration Bernan Joseph R. Corpuz, nga agawaten iti nominasion para iti Gawad sa Manlilikha ng Bayan (GAMABA). 

Ti NCCA, ti kangatuan nga ahensia ti gobierno a nakayabagaan ti pannakasaluad ken pannakaparang-ay ti kultura ken arte ti pagilian, ti mangimaton iti nasao a pammadayaw. Akem ti NCCA, babaen ti GAMABA Executive Council, ti mangiwayat iti panangbirok kadagiti kalalaingan a tradisional nga artisano iti pagilian, mangisayangkat kadagiti programa a mangipanamnama iti pannakayallatiw ti laing dagitoy kadagiti sabsabali, ken mangiwayat kadagiti addang tapno bigbigen ken makarikna met dagiti umili iti dayaw ken pannakkel iti laing nga ikut dagitoy a Manlilikha ng Bayan.

Iti agdama, addaan ti pagilian it 16 a National Living Treasures awardees a mangitultuloy iti pannakasaluad dagiti nariingan a kultura ken arte.

Mabalin nga indibidual wenno grupo dagiti mainominar, ken iti babaen ti maysa laeng a kategoria a pakabigbigan ti indibidual wenno grupo. Sagudayen ti Seksion 4 ti Implementing Rules and Regulations ti Manlilikha ng Bayan Act, kayat a sawen ti ‘Grupo’ ti ummong dagiti artisano a Filipino a sangsangkamaysa a mangipatpatungpal iti maysa a tradisional a porma ti arte iti maysa a komunidad kultural.

Nasken a mayayon iti UNESCO – Five Domains of Intangible Cultural Heritage dagiti tradisional a porma ti arte a mabalin a pakainominaran ti indibidual wenno grupo, kas sumaganad:  Oral Traditions and Expressions; Performing Arts; Social Practices, Rituals, and Festive Events; Knowledge and Practices concerning Nature and the Universe; ken Traditional Craftmanship.

Nasken a maidatag dagiti nominasion iti di naladladaw ngem Pebrero 12, 2021.

(Naipablaak iti Septiembre 16-30, 2020 a bilang.

Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. 

Para iti digital a kopia, mapan iti MAGZTER wenno PRESS READER ket sapulen ti Bannawag. 

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

SEPTIEMBRE 16-30, 2020

SARITA
2 Ti Naikamang ni Manuel D. Benosa, Sr.
8 Saan a Mabalin ni John Nolar

NOBELA
10 Ti Puga (14) ni Norberto D. Bumanglag, Jr.
14 Sangaaruy-oy a Batek (2) ni Teresita B. Tingonong-Ambalneg
20 Angkel Dok (23) ni Dionisio S. Bulong

DANIW
16 Kuarantina ni Ria Rebolledo
49 Kagaw ni Roy V. Aragon
63 Daniw a Para Ubbing

SALAYSAY
24 Awan ti Agbisin Ditoy Lugarmi ni Bernard G. Lumaoig
25 Dimmalus ti Karayanmi! ni Felix M. Eslava, Jr.
26 Binaliwan ti Pandemia ti Panagar-aruattayo ni Ronelyn B. Ramones
32 Ti Kaunaan a Filipina a Rebolusionario ni Alfredo E. Verzosa
54 Napabaro a Wagas ti Panagmula iti Paria ni Reynaldo E. Andres

KOMIKS
36 Miks & Tiks
38 Dagiti Batekan (19) ni Ariel S. Tabag
43 Ickaryz (23) ni Hilario A. Espiritu, Jr.

KOLUM
4 Saludsodem ken ni Apo Hues
6 No Adda Sigsigloten, Adda Met Warwaren
17 Dear Doc
18 Biag ni Ilokano
19 Kastoy, Kapid, Ditoy Hawaii
35 Okeyka, Apong
53 Dear Ikit
56 Ading Kosinera
57 Tips

PAGLINGLINGAYAN
60 Showbiz
63 Agkatawa ti Mayat
64 Sinniriban
64 Sapukas-2
64 Sudoku

DADDUMA PAY
12 Adda Latta Naasi a Tattao
22 Idi Un-unana a Panawen
23 Netizone
27 Salip iti Sarita Mainaig iti COVID-19
29 Siled ti Kararag
31 Tao, Lugar, Pasamak
50 Ti Tarakenmo ken Sika
51 Panangimaton iti Pagtaengan
58 Ammuem Pay Dagitoy
59 Ti Gasatmo
62 Manipud iti Social Media

UP Baguio, agkidkiddaw kadagiti donasion

Agkidkiddaw ti University of the Philippines Baguio (UPB) kadagiti donasion tapno matulongan dagiti nakurapay nga estudiante ti Unibersidad, iti babaen ti “Kaagapay UP Baguio Program.” 

Mayayon iti “Kaagapay sa Pag-aaral ng mga Iskolar ng Bayan Fundraising and Resource Generation Campaign” nga am-ammo pay a kas “Kaagapay UP” nga ininaw ti  University of the Philippines (UP) System administration, inorganisar ti UPB ti “Kaagapay UP Baguio” nga addaan iti isu met laeng a panggep tapno matulongan dagiti agkasapulan ken maiparbeng nga estudiante a mangituloy iti panagadalda babaen ti “remote learning.” 

Iti kaudian a surbey ti UP System, mapan a 5,600 nga estudiante ti UP ti di makaisakad iti remote learning. Awan kauten dagitoy nga estudiante a para iti teknolohia ken ramit a nagbalinen a napateg a paset iti panagbasa ket ngarud, no di masolusionan daytoy, mabalin a dida makapagtuloy nga agbasa. 

Maibatay pay iti surbey a mapan a 1,600 kadagitoy nga estudiante ti talaga nga awan kabaelanda nga agbasa babaen ti remote learning. Saan met a kabaelan ti di nakurkurang ngem 4,000 nga estudiante nga ileppas ti rugianda a remote learning ta agkurkurangen ti gastuen ti pamiliada gapu iti pandemia. 

Mainaig iti daytoy, inyalnag ti UP System ti Kaagapay UP campaign nga agkidkiddaw iti tulong manipud kadagiti amin a sektor tapno maituloy dagitoy nga  Iskolar ng Bayan ti panagadalda ken magun-oddanto met laeng ti arapaapda a makapagturpos. 

Kas makita iti nagan ti programa, makidkiddaw iti amin ti panagbalinda koma a kas “kaagapay” ti komunidad ti UP. Naadaw manipud iti balikas a Filipino a “kaagapay” manipud iti puon a balikas nga “agapay” a kayatna a sawen, suporta wenno tulong, ti panagbalin a kaagapay ket isu ti panangtarabay kadagiti Iskolar ng Bayan tapno mapalag-ananda kadagiti parikutda iti panagadalda. Kidkiddawen ngarud ti UP Baguio ti suporta ti amin a mabalin a makatulong kadagiti estudiante ti UP a manggun-od kadagiti arapaapda ken ken iti panggepda nga agserbinto iti kamaudiananna iti gimong. 

Agawat ti UP Baguio iti donasion a kuarta wenno ramit. Mabalin a pre-owned wenno brand new dagiti ramit a kas kadagiti laptop ken desktop computer ken maipatulod dagitoy iti UP Baguio Residence Hall. Mabalin met a cash, tseke, wenno electronic funds ti donasion a kuarta a maideposito babaen ti over-the-counter wenno digital transaction iti UP College Baguio (UPCB) Educational Foundation bank account iti BPI Baguio Burnham Branch: account name UPCB Educational Foundation Inc, account number 0560-0126-24. Mabalin pay a maipatulod dagiti donasion babaen ti panangusar iti secured payment gateways ti UP system via kaagapay.up.edu.ph. 

Para iti ad-adu pay nga impormasion, bisitaen ti facebook.com/OfficialUPB wenno ag-email iti  kaagapay. upbaguio@up.edu.ph. (UP Baguio Public Affairs)

(Naipablaak iti Septiembre 1-15, 2020 a bilang ti Bannawag. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

SEPTIEMBRE 1-15, 2020

 

LINAONNA

 

SARITA

2 Paniang ni Quezon E. Javier

8 Dagiti Taoda ni Juan B. Quimba

 

NOBELA

10 Sangaaruy-oy a Batek (1) ni Teresita B. Tingonong-Ambalneg

14 Ti Puga (13) ni Norberto D. Bumanglag, Jr.

20 Angkel Dok (22) ni Dionisio S. Bulong

 

DANIW

12 Angkel Padi ni Sherwin T. De Peralta

22 Kabus ni Ma. Lourdes L. Opinaldo

52 Padeppa ni Romeo L. Licudine

63 Daniw a Para Ubbing ni Adoracion B. Madarang

 

SALAYSAY

24 Iti Panawen ti COVID-19: Napukawko ti Kabsatko ni Amado I. Yoro

28 Ni Presidente Marcos iti Pusok ni Remedios S. Tabelisma-Aguillon

32 Natibker a Teddek ti Agrikultura ni Virginia A. Duldulao, Ph.D.

54 Napabaro a Wagas ti Panagmula iti Diket a Mais ni Reynaldo E. Andres

 

KOMIKS

36 Miks & Tiks ni Kaanakanna

38 Dagiti Batekan (18) ni Ariel S. Tabag

43 Ickaryz (21) ni Hilario A. Espiritu, Jr.

 

KOLUM

4 Saludsodem ken ni Apo Hues

6 No Adda Sigsigloten, Adda Met Warwaren

18 Biag ni Ilokano

19 Kastoy, Kapid, Ditoy Hawaii

29 Okeyka, Apong

35 Dear Doc

51 Tips

53 Dear Ikit

57 Ading Kosinera

 

PAGLINGLINGAYAN

60 Showbiz

63 Agkatawa ti Mayat

64 Sinniriban

64 Sapukas-2

64 Sudoku

 

DADDUMA PAY

16 Addan Viber Stickers

ti Manila Bulletin!

17 Siled ti Kararag

27 Idi Un-unana a Panawen

23 Netizone

30 Tao, Lugar, Pasamak

48 Ammuem Pay Daytoy

50 Ti Tarakenmo ken Sika

56 Panangimaton iti Pagtaengan

59 Ti Gasatmo

62 Manipud iti Social Media

 

(Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti MAGZTER wenno PRESS READER ket sapulen ti Bannawag. Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)