Panagbalin a polis, di nasken ti katayag

Saanen a mairaman ti katayag (height) a kas pagrukodan iti pannakaawat nga agpaay iti Philippine National Police.

Impakaammo ni Napolcom Vice Chairman ken Executive Officer Atty. Rogelio T. Casurao itay nabiit nga epektibo daytoy manipud iti eksamen iti panagbalin a polis inton Abril 22, 2018.

Kinuna ni Casurao a nasken laeng a makipagili iti Filipinas, agtawen idi di nasursurok ngem 30, ken addaan iti bachelor’s degree ti  30 anios ti agpangpanggep nga agbalin a kameng ti PNP.

Impakaammo pay ni Casurao ti pannakalukaten ti On-Line Examination Application Scheduling System (OLEASS) iti www.napolcom.gov.ph ken www.napolcom-oleass.com a para iti PNP Entrance ken Promotional Examinations iti entero a pagilian.

Silulukat ti online application a para iti PNP Entrance exam manipud iti Enero 29, 2018 agingga iti Pebrero 2, 2018; iti Pebrero 5-9 para iti Police Officer (PO) exam; ken Pebrero 12-16 met para kadagiti eksamen a para iti Senior Police Officer (SPO), Inspector (INSP), ken Superintendent (SUPT).

Adtoy met dagiti bayadan, segun iti Napolcom: examination fee, P400 para iti PNP entrance exam ken Police Officer exam; P450 para iti Senior Police Officer exam; P500 para iti Police Inspector exam; ken P600 iti Police Superintendent exam.


(Naipablaak iti Bannawag, Pebrero 5, 2018 a bilang.)

Viaduct

VIADUCT. Tapno maliklikan ti nakaro a trapik iti nagbeddengan ti Pangasinan ken La Union nangruna kadagiti atiddog a bakasion (long weekends), napanunot ti DPWH ti mangipasdek iti alternatibo a rota a para kadagiti babassit a lugan (light vehicles) nga agpa-Baguio a magna iti Kennon Road. Sumalog ti viaduct iti ungto ti Rangtay Bued iti daya, taraigiden ti kalsada ti Karayan Bued a lumasat iti Brgy. Dungon, Sison ken kumamang iti Brgy. Camp 1, Rosario, La Union sa sumilpo iti Kennon Road. (Virgilio D. Domaloy)


(Naipablaak iti Bannawag, Pebrero 5, 2018 a bilang.)

PEBRERO 5, 2018

SARITA
 4 Ti Dalan nga Agpa-San Jose del Monte
     Juan Al. Asuncion
12 Angep
     Manuel S. Diaz

NOBELA
8 Kapessat ti Bagis (4)
   Ariel S. Tabag
10 Yuri (24)
    Virginia A. Duldulao

DANIW
6 Puraw a Supot
   Anna Liza Madayag Gaspar
20 Ditoy
    Fred A. Quibol
47 Daniw a Para Ubbing
    Diana Sagario-Macalos

SALAYSAY
22 Saan a Problema ti Kaawan ti Daga No Kayat ti Agmula
     Edgar S. Godin
26 Yad-adutayo Koma ti Mulatayo nga Anangka
     Reynaldo E. Andres

KOMIKS
35 Miks & Tiks
37 Sweet Jazmine (73)
40 Don Clavio de Ylocos (76)

KOLUM
14 Biag ni Ilokano
15 Kastoy, Kapid, Ditoy Hawaii
17 Saludsodem ken ni Apo Hues
19 Dear Doc
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Tao, Lugar, Pasamak
5 Ti Makunami
11 Netizone
16 Siled ti Kararag
18 Pasiarentayo ti Bantay Sleeping Beauty
21 Ti Tarakenmo ken Sika
29 Idi Un-unana a Panawen
32 Ammuem Pay Dagitoy
33 Haytek!
34 Panangimaton iti Pagtaengan
43 Ti Gasatmo Ita a Lawas
46 Dagiti Pabula ni Aesop

Ubing Pay Ngem...

UBING PAY NGEM…  Ubing pay ni Abby ti Barangay Bungcag, Dingras, Ilocos Norte, ngem ammonan ti tumulong kadagiti aramid dagiti kabbalayna. Itoy a gundaway, sinublat ni Abby ti kartib nga iggem ni lolana ket isun ti nangituloy a nangkartib iti murdong dagiti nalingta a mais a mapanda ilako iti tiendaan. (Leilanie G. Adriano)


(Naipablaak iti Bannawag, Enero 29, 2018 a bilang.)

Sanofi, isublina ti 1.4-bilion a pisos a bayad ti saan a nausar a Dengvaxia

Immannugot ti kompania iti parmaseutika a Sanofi Pasteur nga isublina ti 1.4-bilion a pisos a bayad ti saan a nausar a Dengvaxia, kas panangtungpal iti dawat ti  Department of Health (DoH).

Segun iti pakaammo a naipatulod iti prensa iti katengngaan ti Enero, kuna ti Sanofi a bayadanna dagiti bakuna a saan a nausar iti programa ti gobierno iti panagbakuna.

Linawlawagan ketdi ti kompania a ti yaannugotda iti dawat ti DoH, dina kayat a sawen a mapagduaduaan ti kalidad ken kinatalged ti bakunada.

Mangnamnama ketdi ti Sanofi Pasteur a daytoy a pangngeddengda, dalan para iti nawaywaya ken nataltalged a pannakitinnulongda iti DoH tapno marisut ti negatibo a panagkita maipapan iti bakuna kontra iti dengue iti Filipinas.

Mamati ti Sanofi Pasteur a daytoy a panagkita ket gapu iti saan a panagkikinnaawatan maipanggep kadagiti benepisio ken risgo a mainaig iti bakuna kontra iti dengue ken kinakurang ti impormasion ti publiko, nangruna dagiti nagannak dagiti nabakunaan nga ubbing, a positibo latta ti pakabuklan a benepisio iti panagbakuna kontra iti dengue kadagiti pagilian a pagrarairaan ti dengue a kas iti Filipinas.


(Naipablaak iti Bannawag, Enero 29, 2018 a bilang.)

Kuna ti DepEd: Mannursuro, maparaburan babaen ti TRAIN

Mairaman dagiti mannursuro kadagiti para publiko nga eskuela kadagiti maparaburan iti programa iti reporma iti buis ti gobierno, kas kuna ti Department of Education (DepEd).

Iti pannakaipakat ti Tax Reform for Acceleration and Inclusion (TRAIN) ken ti maikatlo a bansada (tranche) ti salary standardization law, kuna ti DepEd nga umawat dagiti mannursuro iti nayon a sueldo a di nababbaba ngem PHP2,700 iti binulan.

Impalagip daytoy a dagiti mangrugrugi a mannursuro iti para publiko nga eskuela nga addaaan iti Salary Grade 11, umaw-awatda iti PHP17,220.86 iti binulan, agraman ti personnel economic relief allowance (PERA). Ngem babaen ti baro a programa iti buis, dagitoy met laeng a mannursuro, mangyawiddan iti PHP20,012.89 (agraman ti PERA) manipud iti daytoy a bulan (Enero 2018).

Dinakamat pay ti departamento a nagbalin metten a PHP3,500 ti chalk allowance dagiti mannursuro manipud iti PHP2,500; ti clothing allowance, nagbalinen a P6,000 manipud iti P5,000.


(Naipablaak iti Bannawag, Enero 29, 2018 a bilang.)

ENERO 29, 2018

SARITA
 4 Awan Forever
    Rolando A. Seguro, Jr.
12 Rimat iti Kasipngetan
     Genaro R. Sumaoang

NOBELA
8 Kapessat ti Bagis (3)
   Ariel S. Tabag
10 Yuri (23)
    Virginia A. Duldulao

DANIW
6 2 a Soneto
   Honor Blanco Cabie
23 Agdan
     Eliza Milagros A. Rivera
47 Daniw a Para Ubbing
     Adoracion B. Madarang

SALAYSAY
16 Karayan Viray: Agingga iti Kaano a Masaluadan?
     Felix M. Eslava, Jr.
26 Mapaadum Latta ti Apitmo nga Irik
     Reynaldo E. Andres

KOMIKS
35 Miks & Tiks
37 Sweet Jazmine (72)
40 Don Clavio de Ylocos (75)

KOLUM
14 Biag ni Ilokano
15 Kastoy, Kapid, Ditoy Hawaii
19 Saludsodem ken ni Apo Hues
21 Dear Doc
24 Padasem Daytoy, Kailian
28 Okeyka, Apong
30 Tips
31 Ading Kosinera

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Tao, Lugar, Pasamak
5 Ti Makunami
11 Netizone
18 Siled ti Kararag
20 Pasiarentayo Man ti Datdatlag a Gukayab ti Sumaguing
22 Ti Tarakenmo ken Sika
29 Idi Un-unana a Panawen
32 Ammuem Pay Dagitoy
33 Haytek!
34 Panangimaton iti Pagtaengan
43 Ti Gasatmo Ita a Lawas
46 Dagiti Pabula ni Aesop
46 Sarita a Para Ubbing