ENERO 1-15, 2021

SARITA 
2 Miaw ni Vilmer V. Viloria 
8 Awisek Man Met Ida ni Felipe R. Bacricio

NOBELA 
10 Young Dreamers Club (1) ni Estela A. Bisquera-Guerrero 
14 Sangaaruy-oy a Batek (9) ni Teresita B. Tingonong-Ambalneg 
20 Ti Puga (21) ni Norberto D. Bumanglag, Jr. 
42 Gil-ayab (6) ni Arsenio T. Ramel, Jr.

DANIW 
41 Baro a Panagdaliasat ni Elizabeth B. Madarang-Raquel 
47 Espiritu ni Marlon A. Rodrigo 
49 Bayakabak ni Ronnie E. Aguinaldo 
53 Mahikero ni Jobert M. Pacnis 
63 Daniw a Para Ubbing ni Marlyn Garcia-Del Rosario

SALAYSAY 
24 Hay, COVID! ni Virginia A. Duldulao, Ph.D. 
28 Iti Panawen ti COVID-19: “Nasaysayaat No Agawidkan…!” ni Prodie Gar. Padios 
32 Ti Kapatgan Para ken ni Papa ni Bituen P. Hidalgo 
54 Tapno Ad-adu ti Maapit a Bawang ni Reynaldo E. Andres

KOMIKS 
34 Miks & Tiks 
36 No Duaduaem Pay (2) ni A.S. Tabag

KOLUM 
4 Saludsodem ken ni Apo Hues 
6 No Adda Sigsigloten, Adda Met Warwaren 
18 Biag ni Ilokano 
19 Kastoy, Kapid, Ditoy Hawaii 
23 Okeyka, Apong 
27 Dear Doc 
45 Dear Ikit 
56 Ading Kosinera 
57 Tips

PAGLINGLINGAYAN 
60 Showbiz 
62 Agkatawa ti Mayat
62 Sinniriban 
62 Sapukas-2 
62 Sudoku

DADDUMA PAY 
12 Ti Makunami 
17 Siled ti Kararag 
22 Netizone 
30 Tao, Lugar, Pasamak 
31 Pagannurotan ti 1st NPR Ilokano Literary Awards 
48 Idi Un-unana a Panawen 
50 Ti Tarakenmo ken Sika 
51 Panangimaton iti Pagtaengan 
58 Ammuem Pay Dagitoy 
59 Ti Gasatmo 
64 Manipud iti Social Media 

(Kadagiti kayatna ti ag-subscribe iti e-Edition, mapan iti ania man kadagitoy a link:
Press Reader: https://bit.ly/2GjO1fK
Magzter: https://bit.ly/2HuG4EO
Para iti naimaldit a kopia, kauman ni Boy Balanag iti CP Number 0916 269 2390
Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

DA, nangilatang iti P4.5 bilion a cash, food subsidy para kadagiti mannalon

Mangipaay ti Department of Agriculture (DA) iti 4.5bilion a pisos a cash ken food subsidy iti agarup 900,000 a nakurapay a mannalon manipud iti pondo daytoy iti Bayanihan 2 iti babaen ti programa a Cash and Food Subsidy for Marginal Farmers and Fisherfolk. 

Panggep ti programa ti mangipaay iti direkta a tulong a makan ken kuarta nga aggatad iti PHP5,000 kadagiti kualipikado a benepisiario manipud kadagiti nadumaduma a sektor ti agrikultura ken panagikan a rehistrado iti babaen ti Registry System for Basic Sectors in Agriculture (RSBSA). 

Iti nadakamat a PHP5,000, PHP3,000 ti maited a cash idinto a ti nabati a PHP2,000, mabalin a maited a bagas, manok, ken itlog. 

Ti tulong a cash, mabalin a maala iti ania man a payout center nga akreditado iti Development Bank of the Philippines ken masapul laeng a mangiparang iti ania man nga ID nga inted ti gobierno, ken ti reference code nga impatulod dagiti ahensia a mangyimplementar babaen ti mensahe iti text.

Mabalin met a maala ti tulong a makan iti ania man a Kadiwa supplier a binigbig ti DA iti mismo a lugar dagiti benepisiario ken masapul laeng a mangiparang iti ania man nga ID nga inted ti gobierno, ken ti QR code nga ipatulod dagiti ahensia. 
 
(Naipablaak iti Disiembre 16-31, 2020 a bilang. 

Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.) 

Kamangeg iti Panawen ti Krisis

KAMANGEG ITI PANAWEN TI KRISIS. Narigat a sapulen ken kalien ti bagas ti kamangeg kadagiti kabakiran wenno kabambantayan iti Kailokuan ngem no nagaget ti tao nga agsapul iti nayon a pagbiag aglalo ita a panawen a kakrisis ti taraon, maanusanna ti agsiwarak iti bantay ken mangkutkot iti daytoy atap a bagas a naimas a malingta wenno maaramid a saramsam, ken naimas a madengdeng wenno mabaradibud (kalaokanna ti pallang, utong, tarong, sabong ti karabasa). Iti daytoy a ladawan a naala sakbay ti panagramaram ti COVID-19, ilaklako daytoy naanus nga ina dagiti nakalina a kamangeg iti P70/kilo iti ili ti Bangued iti Abra. (ROY V. ARAGON)

(Naipablaak iti Disiembre 16-31, 2020 a bilang. 

Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.) 

Iti La Union: Seminar iti panagaramid iti modiul, inisponsoran ti gobierno probinsial

Inisponsoran ti gobierno probinsial ti La Union nga idauluan ni Gob. Francisco Emmanuel R. Ortega III, ti maysa a libre a seminar iti panagaramid iti modiul iti Ilokano a kasapulan ti Departamento ti Edukasion iti probinsia a para iti pannakaisuro dagiti ubbing iti Grado 1 agingga iti Grado 3. 

Nagpaay a lektiurer ni Djuna R. Alcantara, mannurat ti Bannawag ken presidente ti San Fernando City chapter ti GUMIL La Union, iti nasao a seminar a naangay iti biblioteka ti probinsia ken pannakipaset metten ti gobierno probisial iti pannakarambak ti Maika-30 a Library ken Information Services Month. 

Nagpaay met a kangrunaan a nangimaton iti seminar ni Marissa Acosta, provincial librarian. 

Gapu iti panagan-annad iti COVID-19, 20 laeng a mannursuro ti naawat a makipartisipar tapno nasamay met a maiwayat ti physical distancing. 

Malaksid ken ni Alcantara, naawis met ni mannurat Ed Angco a timmulong iti pannakakritikar kadagiti gapuanan dagiti mannursuro. 

(Naipablaak iti Disiembre 16-31, 2020 a bilang. 

Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.) 

DISIEMBRE 16-31, 2020 PAMASKUA A BILANG

LINAONNA

SARITA 
2  ni Remedios S. Tabelisma-Aguillon 
8 Ladawan ti Ina ni  A. Sanchez Encarnacion

NOBELA 
10 Angkel Dok (Maudi a Paset) ni Dionisio S. Bulong 
14 Sangaaruy-oy a Batek (8) ni Teresita B. Tingonong-Ambalneg 
20 Ti Puga (20) ni Norberto D. Bumanglag, Jr. 
42 Gil-ayab (5)  ni Arsenio T. Ramel, Jr.

DANIW 
12 Naliday a Daniw ni Ayat, Gemini ni Arnold C. Baxa 
41 Magangtan Dagiti Agkikibin a Silaw ni Marichel E. Suguitan 
49 Adda Latta Dagiti Kanta ti Paskua ni Fernando B. Sanchez 
53 Sapsapulek Daydi Bituen ni Romeo L. Licudine 
63 Daniw a Para Ubbing ni Jobert M. Pacnis

SALAYSAY 
16 Awan Gapuna a Ditay Agrambak ni Fr. Melchor B. Palomares 
24 Agnamnam-ayda; Kakaasitayo, Piman ni Felix M. Eslava, Jr. 
32 Pasiarenyonto Met Hundred Islands da Bridget A. Ursulum-Antonio ken Bryan C. Racuya
54 Saan nga Ipalubos nga Aglungtot ti Mula ni Reynaldo E. Andres

KOMIKS 
34 Miks & Tiks 
36 No Duaduaem Pay (1) ni A. S. Tabag

KOLUM 
4 Saludsodem ken ni Apo Hues 
6 No Adda Sigsigloten, Adda Met Warwaren 
18 Biag ni Ilokano 
19 Kastoy, Kapid, Ditoy Hawaii 
23 Okeyka, Apong 
45 Dear Ikit 
56 Ading Kosinera 
57 Tips

PAGLINGLINGAYAN 
60 Showbiz 
62 Agkatawa ti Mayat 
62 Sinniriban 
62 Sapukas-2 
62 Sudoku

DADDUMA PAY 
22 Netizone 
29 Aniat’ Maaramidan da Sir ken Ma’am? 
31 Siled ti Kararag 
48 Idi Un-unana a Panawen 
50 Ti Tarakenmo ken Sika 
51 Panangimaton iti Pagtaengan 
58 Ammuem Pay Dagitoy 
59 Ti Gasatmo 
64 Manipud iti Social Media

(Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Dati nga Editor ti Bannawag, pimmusay

Pimmusay ni Apo Juan S.P. Hidalgo, Jr., dati a Managing Editor ti Bannawag, idi Oktubre 23 iti tawen daytoy a 84 iti pagtaenganda iti Tomana, Rosales, Pangasinan. 

Mabigbig a pundador ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw, maibilang kadagiti adu a pammadayaw a naawatna a kas mannurat, editor ken agipatpatarus ti Gawad CCP Bilang Pambansang Alagad ng Sining sa Panitikan. 

Adu a mannurat ti mangibilang ken ni Apo Hidalgo a kas maysa kadagiti kangrunaan a nangasa iti kinamannuratda manipud pay nagkameng ni Apo Hidalgo iti Bannawag idi Mayo 1, 1961 kalpasan ti uppat a tawen a panagtrabahona iti Diamond Drilling Investigation iti babaen ti National Power Corporation (1958-1961) iti Montalban (Rodriguez itan), Rizal ken iti Norzagaray, Bulacan. Sakbayna, nagpapaay pay nga ekstra iti pelikula ken iti telebision. 

Tubo ti Dingras, Ilocos Norte ti ama ni Apo Hidalgo idinto a tubo ti San Juan ken Cabugao, Ilocos Sur ti inana. Inulila ni Apo Hidalgo ti kaingungotna, ni dati a  Namnama Garma Prado ti Tangaoan, Piddig, Ilocos Norte ken Alaminos, Pangasinan, nagretiro a propesor ken librarian iti UP Diliman; dagiti annakna a da Maria Bituen (The Netherlands), Patricia Amor (Pangasinan), ken Marie Sol (UP Diliman); ken dagiti mamanugang ken appokona.

(Naipablaak iti Bannawag iti Disiembre 1-15, 2020 a bilang. Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Webinar ti MTB-MLE para module writers, mannursuro, insayangkat ti GUMIL Filipinas

Insayangkat ti GUMIL Filipinas ti maysa a webinar a para kadagiti module writers, mannursuro, estudiante, ken mannurat nga Ilokano iti panagusar ti umisu nga ortograpia ti Ilokano iti panagisagana kadagiti modiul a para iti Mother Tongue-Based Multilingual Education (MTB MLE). Naipabuya daytoy iti live iti opisial nga FB page ti GF idi Oktubre 24. 

Ti webinar ti umuna kadagiti serye ti online seminar iti pagsasao ken panagsurat  iti Ilokano a kas paset dagiti aktibidad iti Dap-ayan 2020, wenno ti tinawen a literary workshop-seminar ken nailian a kombension ti gunglo. 

Naisayangkat ti webinar babaen ti pannakitinnulong ti Schools Division Office ti Siudad ti Laoag, ti DWAT radion ken ti Stremtech Ilocos a nangipatangatang iti webinar babaen ti live streaming. 

Ni Assistant Regional Director ti Region 1 Ronald B. Castillo ti nagpaay a Keynote Speaker. Inruanganna ti diskusion iti panangusar iti istandard nga ispeling ken gramatika ti Ilokano babaen ti panangilanadna iti konteksto ti panagsurat iti modiul a para ti MTB-MLE iti Ilokano kadagiti pagadalan. 

Nagpaay a lektiurer da Joel Manuel ken Aileen Rambaud, agpada a mannurat ken prinsipal iti Ilocos Norte. Nagsarunoda a nangisuro iti kinapateg ti umisu a panagaramat iti ortograpia  iti kontektualisasion kadagiti learning material iti Ilokano. 

Babaen ti PowerPoint presentation, imparang dagiti lektiurer dagiti masansan a biddut iti ispeling, gramatika ken pannakaipatarus dagiti balikas nga Ilokano kadagiti nasurat ken naiwarasen nga LM kadagiti pagadalan. Nangipaayda pay kadagiti wagas no kasano a maatur dagiti biddut ken tips para iti nasayud a kontekstualisasion. 

Nagpaay met a host ti webinar ni Anna Liza Gaspar, tesorera ti GF. 

Umabot iti 500 dagiti nagrehistro para iti webinar, adayo a nangatngato ngem ti namnamaen ti GF a 100 a partisipante a kas kiddawen ti limitasion ti subskripsion ti GF iti video conferencing platform a Zoom. Adda metten nasurok a 3,600 ti nagbuya iti video ken 69 a share, ken 324 a komento manipud naipabuya daytoy iti opisial nga FB page ti GF. 

Gapu itoy pakauna a balligi ti webinar, inkari ni Presidente ti GF Remy Albano nga itultuloy ti gunglo nga aramaten ti videoconferencing platform iti tinawen a seminar iti pagasasao ken kurditan ti Ilokano agingga a maibabawi dagiti restriksion iti panagtitipon ken dagiti naiget a pagannurotan iti salun-at nga impaulog  ti gobierno gapu iti COVID-19 pandemic.

(Naipablaak iti Disiembre 1-15, 2020 a bilang.

Kadagiti kayatna ti ag-subscribe iti e-Edition, mapan iti ania man kadagitoy a link:

Press Reader: https://bit.ly/2GjO1fK
Magzter: https://bit.ly/2HuG4EO

Para iti naimaldit a kopia, kauman ni Boy Balanag iti CP Number 0916 269 2390

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)